Arkiv: PlanID - 0456.00, K2 - L12 Vår ref: 13/662-19 Journalpostid: 14/28252 Saksbeh.: Vetle Hommersand PLAN 0456.00: OMRÅDEREGULERING AV VARDHEIA Saksgang: Utval Saksnummer Møtedato Lokal utvikling 067/14 11.11.2014 Framlegg til vedtak: Lokal utvikling vedtar å leggje forslag til områderegulering av Vardheia, plan 0456.00 med føresegner, begge datert 16.10.14, ut på høyring og offentleg ettersyn. Vedtaket er gjort i medhald av 12-10 i plan- og bygningslova. Lokal utvikling Forslag frå Sverre Heskestad, H: Fylgjande punkt i føresegnene vert tatt vekk: 1: pkt. 2.4.4 2: pkt. 2.7.2 3: pkt. 2.7.6 Punktvis avrøysting: 1: (Pkt. 2.4.4) vart samrøystes vedtatt. 2: (Pkt. 2.7.2) fekk 3 røyster og falt (3H). 3: (Pkt. 2.7.6 ) vart samrøystes vedtatt. Framlegget med endringer vart samrøystes vedtatt. LOK-067/14 Vedtak: Lokal utvikling vedtar å leggje forslag til områderegulering av Vardheia, plan 0456.00 med endringer i føresegner, begge datert 16.10.14, ut på høyring og offentleg ettersyn. Endringer i føresegnene: 2.4.4 og 2.7.6 vert tatt vekk. Vedtaket er gjort i medhald av 12-10 i plan- og bygningslova.
PLAN 0456.00: OMRÅDEREGULERING AV VARDHEIA SAKA GJELD Rådmannen legg fram forslag til områderegulering av Vardheia i plan 0456.00. Planforslaget føreslår å regulera området til frittliggjande småhusbustader, einebustader og konsentrert småhusbustader, tomannsbustad. Det opnast opp for at einebustadene kan ha ein utleigedel. Planforslaget er i tråd med gjeldande kommuneplan. SAKSOPPLYSNINGAR Varsel om planoppstart 01.07.2013 Planforslag utarbeida 16.10.2014 1.gangs behandling i Lokal 11.11.2014 utvikling Planlagt framdrift: Offentlig ettersyn Desember 2014-januar 2015 2.gangs behandling i Lokal Mars/april 2015 utvikling Godkjenning i kommunestyret Mai 2015 Lokal utvikling gav rådmannen i oppdrag å utarbeida ein områdeplan for Vardheia i møte den 16.04.2013. Det er lagt ned forbod mot tiltak innanfor planområdet inntil områdeplanen vert godkjent. GJELDANDE PLANAR Kommuneplanen for Time kommune 2011 2022 I kommuneplanen er området vist som bustadområde med omkringliggjande grønstruktur. Regulering av Vardheia, plan 0002.00 Plan 0002.00, vedtatt 21.08.1953, syner området regulert til bustad. OMTALE AV PLANFORSLAGET Nedanfor er ei kort skildring av dagens situasjon og ei kort oppsummering av hovudtrekka i planforslaget. Vedlagt ligg ein fyldig planomtale saman med plankart og føresegner. Dagens situasjon Planområdet består av 82 eigedomar med stort sett einebustader og nokre tomannsbustader. I planområdet ligg ein leikeplass på 2,0 daa og eit friområde på 2,6 daa som vert brukt som fotballøkke. Dei private eigedomane er relativt store; frå 0,7 daa til 1,0 daa. Det er ein tydeleg grønstruktur i planområdet. Grønstrukturen er i hovudsak private hageareal som gir området særpreg samanlikna med andre bustadområde i Bryne.
Planforslag Det vert opna for å fortetta og for å dela eigedomane i bustadfelt B11. I dei resterande bustadfelta opnast det for tiltak i form av nybygg, påbygg og tilbygg. For å behalda særpreget til Vardheia, samt grønstrukturen i området, vert det lagt føringar på korleis fortettinga skal skje, samt korleis nybygg, tilbygg og påbygg kan førast opp i dei ulike delfelta VARSEL OM OPPSTART AV PLANARBEID Planen vart varsla i Jærbladet 01.07.2013. I varslinga kom det sju merknader. Fire av desse var i frå offentlege myndigheiter, og tre var i frå privatpersonar. Alle merknadene vart mottekne innan fristen. To av merknadene frå private var direkte relaterte til forbod mot tiltak. Desse to vart referert og kommentert i LOK-sak 077/13 den 01.10.2013, der det vart lagt ned forbod mot tiltak. Difor er berre merknaden frå ein privatperson referert og kommentert. 1. Fylkesrådmannen, seksjon for kulturarv, brev datert 17.07.2013 Det er tidlegare registrert automatisk freda kulturminne/kulturminnefelt innanfor planområdet. Eit av dei ligg delvis innanfor planområdet, i nordvestleg hjørne, og er registrert som fjerna gravfelt, men har uavklart vernestatus (ID 54579). Det andre er ein gravhaug registrert på gnr. 1 bnr. 368/369 (ID 54578). Av registreringsopplysningane går det fram at sjølve gravhaugen er fjerna, men det vart observert ein del større steinar liggjande tilbake ved siste tilstandsregistrering (utført i 1965). Også denne er registrert med vernestatus uavklart. Rådmannen sin kommentar Vernestatus for kulturminna som er registrert i og rundt planområdet, vart avklart då reguleringsplanen vart vedteken som bustadområde i 1950. Det er difor ikkje behov for nærmare tiltak knytt opp mot nemnte registreringar. 2. Fylkesrådmannen, regionalplanavdelinga, brev datert 05.09.2013 Fylkesrådmannen viser til Miljøverndepartementet sin rettleiar T-1267 Fortetting med kvalitet, som eit fagleg grunnlag for planarbeidet. Omtalte metodar, ulike typeområde sin eignetheit, fordelar og ulemper og eksempelsamling kan gi nyttige innspel. I dette tilfellet bør det kartleggjast kva for kvalitetar i den opne villabusetnaden som er viktige å ta vare på, og om ein meir strukturert feltfortetting kan gi fordelar framfor tradisjonell hagefortetting. Dersom det vert lagt til rette for «prosjekt»-fortetting med fleire bueiningar, bør det vera eit prinsipp at prosjekta skal tilføre området kvalitetar, både ved estetikk og gjennom fellesanlegg i uterom. Vi vil særleg framheva behovet for grøne leike- og aktivitetsområde i det aktuelle området, og viser her til rikspolitiske retningsliner for barn og unge sine oppvekstkår. Rådmannen sin kommentar Merknadene er tatt med i planarbeidet. 3. Lyse Elnett AS, brev datert 19.08.2013 Ingen merknader. 4. Statens vegvesen, brev datert 02.07.2013 Ingen merknader.
5. Per M. Schjelderup, e-post datert 20.08.2013 Innspelet gjeld behovet for å oppretthalde dei føresegnene som regulerer industriområdet sitt forhold til bustadfeltet i Vardheia. Han skriv at planområdet for 0456.00 slett ikkje omfattar verken vernesona eller industrien, og lurer på om dei nemnte føresegnene vert ståande uendra. Dersom arbeidet likevel skulle rokke ved den juridiske gyldigheita til føresegnene, vil han med dette innspelet varsla om at det er potensielt svært problematisk for bustadfeltet i Vardheia. Rådmannen sin kommentar Planforslaget endrar ikkje gjeldande reguleringsplan for industriområdet. Føresegnene til gjeldande plan for industriområdet vil difor fortsatt gjelda sjølv om Vardheia får ein ny reguleringsplan. VURDERING Bustadtettheit Planområdet har i dag ein tettheit på rundt 1 bustad per dekar. Planforslaget opnar i liten grad for fortetting i form av fleire einebustader eller fleirmannsbustader. Planforslaget opnar for at einebustadene generelt sett kan ha ein utleigedel. Området får difor ein tettheit langt lågare enn overordna planar legg opp til. Dette er valt for å behalda særpreget til området. Bustadstruktur I den opphavlege reguleringa, plan 0002.00, vart det planlagt med ein relativt streng bustadstruktur i planområdet. Som ein følgje av den strenge strukturen, vart det ein tydeleg grønstruktur i området. For å behalda grønstrukturen samstundes som ein tilpassar nye tiltak til den eksisterande situasjonen, vert det lagt opp til å oppretthalda ein streng bustadstruktur for nye tiltak. Leikeareal og uteopphaldsareal I Time kommune sin kommuneplan 7, vert det stilt krav om minimum ein felles kvartalsleikeplass på 1,5 daa for 25-200 bustader. I planområdet er det ein leikeplass på 2,0 daa og eitt friområde på 2,6 daa som nyttast som fotballøkke. Kommuneplanen sitt krav om leik og opphald er difor ivaretatt. Tilgjengelegheit Alle eigendomane i planområdet er av ein storleik som gjer det mogleg å føre opp ny bustad med grunnflate på ca. 80 m², ein storleik som samsvarar med behovet for å ha alle hovudfunksjonar på inngangsplanet. Dei fleste eigedomane ligg i relativt flatt terreng med inngang på hovudplanet. Desse bustadene vil difor automatisk få krav til tilgjengeleg bustad med alle hovudfunksjonar på inngangsplan. Det er difor valt å ikkje stille krav til tilgjengelegheit for enkelttomter for å oppnå kravet i kommuneplanen på 40 % innanfor planområdet. Denne ordninga er også valt fordi det er eksisterande bustader som vert regulert. Krav om tilgjengelegheit vert innanfor dette planområdet oppfylt gjennom krav i teknisk forskrift, TEK-10, dersom grunneigar ønskjer å byggje ny bustad. Parkering Det er pr. dags dato ingen offentleg parkering i planområdet. Parkeringa skjer på privat grunn eller langs vegen. Planforslaget legg til rette for offentleg parkering langs «Brynelunden». Planområdet har parkeringskrav i tråd med gjeldande kommuneplan. Det er i tillegg krav om minimum 1 biloppstillingsplass til ein eventuell utleigeeining.
Utleigeeining Planen opnar for at alle einebustader kan ha ein utleigedel. Det er stilt krav til uteopphaldsareal og parkering som skal knytast til utleigedelen. Dette er gjort for å sikre visse kvalitetar for leigetakarar. KONKLUSJON Rådmannen tilrår at Lokal utvikling legg planforslaget ut på høyring og offentleg ettersyn. Rådmannen i Time, den 24.10.2014 Brit Nilsson Edland Bjørn Meling Kommunalsjef Vedlegg: Plankart Vardheia Merknader Reguleringsbestemmelser Vedlegg til reguleringsbestemmelser. Fortettingsstruktur Planbeskrivelse Vardheia Vedlegg til planbeskrivelse. Oversikt over vann og avløpsnett Dette dokumentet er elektronisk godkjent i systemet og krev derfor ikkje signatur