VURDERINGSRAPPORT. Myrvåg skule. Sjustjerna, regionalt samarbeid. 1. Føreord. Tid : april 2006

Transkript

1 Sjustjerna, regionalt samarbeid (Ulstein, Hareid, Herøy, Sande, Vanylven, Ørsta og Volda kommune) VURDERINGSRAPPORT Myrvåg skule 1. Føreord 1 Tid : april 2006

2 Saman er vi sterkare Sjustjerna er eit regionalt samarbeidsforum på Søre Sunnmøre der grunntanken er at «saman er vi sterkare». Eit viktig område der ein i stor grad kan ha nytte av å dele på ressursane og kompetansen i dei ulike kommunane, er kompetanseutvikling og kvalitetsvurdering. Dei skulefagleg ansvarlege i Sjustjerna har vedteke å opprette ei vurderingsgruppe i regionen, og såleis gjennomføre ekstern skulevurdering i dei sju kommunane. Prosjektet starta opp , og ein legg opp til at alle skulane i regionen skal bli vurderte etter tur. Føremålet er at vurderingsgruppa skal vere til hjelp i arbeidet med pedagogisk kvalitetsutvikling i skulen. Bidra til kvalitetsutvikling Utvikle vurderingskompetanse Ekstern hjelp- vere «eit auge utanfrå» Oppfylle kravet i Opplæringslova om kommunen sitt ansvar for å sjå til at skulane jamleg vurderar si eiga verksemd. 13 personar frå regionen er med i vurderarkorpset. Dei har brei og variert pedagogisk bakgrunn. Korpset skal arbeide i par, og ingen skal vurdere skular i eiga kommune. Oppgåva til vurderarane Vere auge utanfrå som gjennom dokumentasjon kan påpeike utviklingspotensiale innan eit avtalt/ avgrensa område. Skulen vel eit fokusområde for vurdering, i samråd med skuleeigar. førebur sjølve vurderinga gjennom eit fyrste møte med skulen, utarbeiding av kriterium, metodeval og verktøy tilpassa det skulen ønskjer fokus på. Sjølve vurderinga vert gjennomført (inntil 4 dagar). Rapporten Vurderarparet skriv ein rapport om resultatet av vurderinga. Den trekkjer fram skulen sine sterke sider, og kva utfordringar skulen har innan fokusområdet. Rapporten skal leggast fram for aktuell skule og skuleeigar. I tillegg vil rapporten bli lagt ut på Sjustjerna si heimeside ( Skulen vil også få ein tilleggsrapport der skulen vil få nærare innblikk i samandrag av spørjeskjema og intervju. Denne tilleggsrapporten skal ikkje offentleggjerast. Vurderinga tek ikkje mål av seg til å gje eit 2fullstendig bilete av skulen, men kanskje eit bidrag til kva ein kan arbeide vidare med innan det fokusområdet som er vurdert. Ansvar for oppfølging av tiltak ligg på skuleeigar.

3 2. Fakta om skulen Myrvåg skule ligg i Herøy kommune og er ein barneskule med 64 elevar fordelt på seks årstrinn. Skulen har eit lærarpersonale på seks. I tillegg har skulen ein assistent, to reinhaldarar og vaktmeister ein dag i veka. Hovudbygget er frå 1919 og ber preg av det. Skulen vart påbygd i Det vart seinare behov for fleire rom. Dette kom det ei løysing på i 2000/2001 då det vart sett opp brakker. Desse fungerer i dag som undervisningsrom, grupperom og arbeidsrom for lærarar. Eit av roma i kjellaren er nyoppussa etter vannskade vinteren Skuleplassen har grusbane med fotballmål og eit reiestativ. Naturområdet rundt skulen er lett tilgjengeleg. 3. Vurderingstema 3

4 Skulemiljøet med vekt på det psykososiale elevmiljøet Vår definisjon av det psykososiale elevmiljøet: Vi ser elevmiljøet som ein del av det totale skulemiljøet der elevar, foreldre, lærarar og skuleleiinga er nødvendige aktørar i den vidare utviklinga. Korleis trivst eleven i samhandling med andre på skulen? Korleis trivst eleven i arbeidet med fag? 4. Kriterium/Teikn på god praksis Kriterium tyder her krav til kjenneteikn på god kvalitet. Dei fastsette kriterium er henta frå lov, regelverk, læreplanverk og skulen sine eigne planar. Når vurderarparet gjennomfører ei vurdering, vert kriterium samanlikna med den informasjonen som er samla om temaet gjennom intervju og observasjon på skulen, i tillegg til dei dokument som skulen har lagt fram. Kriterium i denne rapporten er utforma av vurderarparet, og godkjende av skulen. Kriterium Elevane opplever god trivsel. Elevane har god sosial kompetanse. Teikn på god praksis - elevane har det kjekt på skulen - elevane har det kjekt i friminutta - elevane opplever meistring - godt samspel mellom elevar og lærarar - elevane får positiv tilbakemelding/ros/blir sett på ein positiv måte kvar dag - det er gode rutinar for elevsamtalar - elevane opplever arbeidsro i timane - elevane har medverknad t.d. elevråd - elevane hjelper og tek omsyn til kvarandre - elevane har evne til empati 4

5 Elevane opplever eit stimulerande og inkluderande læringsmiljø. Det er eit godt samspel mellom foreldra og skulen. Det er god trivsel mellom dei tilsette. - elevane baksnakkar ikkje kvarandre - elevane er trygge på kvarandre på tvers av alder og grupper - alle har nokon å leike med - det er arbeidsoppgåver tilrettelagt for alle - det er varierte arbeidsmåtar - elevane er med og drøftar innhald i arbeidsplanar og val av arbeidsmåtar - det er klare læringsmål på vekeplanane - elevane opplever dagleg meistring og måloppnåing - elevane har lærelyst - det fysiske miljøet er tilrettelagt slik at det stimulerer til læring - elevane får samarbeidsoppgåver - det er tilrettelagt for aldersblanda aktivitetar - fadderordningar - skulen har gode rutinar for informasjon og har god kommunikasjon med foreldra - det er god informasjon til foreldra om arbeidsmåtane og læringsmåla - foreldra får regelmessig tilbakemelding på elevane sitt arbeid - foreldra medverkar og har medansvar til utvikling av eit godt elevmiljø - det er lav terskel for å ta kontakt med skulen - samarbeidsorgana fungerer etter lov og intensjon (til dømes ordningar med klassekontakt) - dei tilsette gler seg til å gå på jobb - dei tilsette opplever meistring - dei tilsette støttar kvarandre - god informasjon og godt samarbeid med leiinga - dei tilsette får positiv tilbakemelding/ros frå leiinga - dei tilsette gjev kvarandre konstruktiv tilbakemelding og ros - gode rutinar for medarbeidarsamtalar - dei tilsette har ei felles forståing av eit godt elevmiljø - dei tilsette har felles rutinar for elevsamtalar og utarbeiding av vekeplanar/arbeidsplanar - alle tilsette får tilbod om kompetanseheving - personalet opplever ein vi-skule 5. Deltakarar i vurderinga 5

6 I vurderingsarbeidet er det viktig å involvere alle partar i skulesamfunnet. Det vart difor naturleg å hente informasjon frå elevane, foreldra og det pedagogiske personalet ved skulen. Eksterne vurderarar: Reidar Vidnes, Ruth Anita Hatlebrekke Rekdal 6. Tidsbruk Det er sett av ein halv dag til ein god start der vurderarane møter skulen for første gong. Det vert endeleg klargjering av fokusområdet, innhenting av dokument og samtale med personalet om det ideelle innan fokusområdet. Førebuinga til veka vert gjort ved å utarbeide kriterium og kjenneteikn på god praksis. Etter godkjenning frå skulen vart det laga spørjeskjema, samtaleguidar, observasjonspunkt og tekstoppgåver innan temaet til elevane. Det er avsett fire dagar til sjølve vurderinga. Den førebelse rapporten vert lagt fram torsdag ettermiddag i vurderingsveka, og endeleg rapport vert sendt med vedlegg til skulen seinast veka etter. FRAMDRIFTSPLAN Tid Tiltak Ansvar Veke 12 Det første møte med avgrensing av fokusområdet Utarbeiding av kriterium og teikn på god praksis Framlegget vert sendt til skulen for godkjenning Begge partar Veke 13 Skulen sender tilbake godkjenning av kriterium og teikn på god praksis Utarbeiding av spørjeskjema til elevar og foreldre, samtaleguidar til lærarane og til leiar i FAU. Skulen får tilsendt spørjeskjema, samtaleguidar og framlegg til tidsplan for vurderingsveka. Skulen Veke 14 Skulen planlegg den praktiske tilrettelegginga av vurderingsveka, sender ut spørjeskjema, samlar dei inn og sender dei til ein av vurderarane før påskeferien tek til. Skulen Veke 16 Veke 17 Spørjeskjema vert scora. Elevane i og/eller 7. klasse skriv ein tekst. Dei vel ei av oppgåvene a) Kva arbeidsmåtar likar eg best. Forklar kvifor du likar desse arbeidsmåtane best. b) Eg trivst på skulen. Forklar kvifor du trivst på skulen. Tekstane ligg på skulen til vurderingsveka. Skulen Vurderingsveka 6

7 Veke , 25. og 26. april * Innhenting av informasjon * Vurdering: analyse og oppsummering 27. april * Framlegging av førebels rapport for personalet for kommentarar Endeleg rapport og rapportvedlegg vert sendt til skulen. Rapporten vert sendt til koordinator i sjustjerna. Skulen skal evaluere vurderinga. Skulen Veke 17 FRAMDRIFTSPLAN, VURDERINGSVEKA, VEKE : Måndag Tysdag Onsdag Torsdag Observasjon trinn inne og ute. Samtale med lærarane på trinn. Samtale med FAUleiaren. Observasjon trinn inne og ute. Vi ynskjer å observere eit klasseråd med tema kring fokusområdet. Samtale med lærarane på trinn. Analyse av elevtekstar kring temaet Samtale med rektor. Foreldremøte kl Slik har vi spurt og slik har de svart. Har vi forstått dykk rett? I vedlegga finn de ein meir detaljert plan for arbeidet denne vurderingsveka. Framlegging av rapport til rektor. Møte mellom personalet og vurderingsparet for framlegging av førebels rapport. Slik har vi sett og slik har vi forstått dykk. Kva er personalet sin reaksjon på det? 7. Metodar 7

8 Dokumentanalyse På det første møtet med skulen fekk vurderarparet diverse relevante dokument til dømes årsplan, sosial handlingsplan, ordensreglar, vekeplanar, informasjonshefte for skulen og handlingsplan mot mobbing. Vi har også analysert elevtekstar. Dette var ein del av førebuinga til skulevurderinga. Tema for tekstane var trivsel og arbeidsmåtar i læringa. Spørjeskjema I veke 14 sendte vi ut spørjeskjema til foreldra, elevar i klasse og pedagogisk personale. Spørjeskjema vart scora i veke 16. Samtale For å kome djupare inn i temaet har vurderarparet hatt samtalar med elevar gruppevis, alle lærarane, rektor, FAU-leiar og foreldra (foreldremøte). Det vart nytta samtaleguidar som vurderarparet hadde utarbeidd med grunnlag i valde kriterium og kjenneteikn på god praksis. Observasjon observerte seks økter i klassene og seks økter ute i frileik. Vurderarparet nytta skjema med observasjonspunkt som verkty i arbeidet med å observere elevar i sosialt og fagleg samspel. Vi deltok på eit planlagt personalmøte. Vurdering Kriterium og kjenneteikn på god praksis er glansbiletet på ein god skule. Dette glansbiletet vurderte vi oppimot skulen sine dokument, utsegnene frå elevar, foreldre, lærarar, rektor og observasjonane ute og inne. Denne analysen gav oss grunnlag for vurderinga vår. 8.Skulen sine sterke sider innan vurderingstemaet 8

9 Skulemiljøet ved Myrvåg skule er prega av trivsel. Elevar Vi har møtt ein open, tillitsfull, engasjert og positiv elevflokk som trivst med kvarandre og på skulen. Gode vener og aktivitetar i friminutta betyr mykje for trivselen til elevane på skulen. Elevar og lærarar Skulemiljøet, både elevar og lærarar er sosialt inkluderande. Vi har sett eit sterkt fagleg engasjement. Vi har sett gode relasjonar mellom elev og lærar. Personalet Vi har møtt eit godt samansveisa kollegium med ein god tone og mykje humor. Vi har sett gode eksempel på klasseleiing. Foreldra og nærmiljøet Vi har møtt ei positiv og engasjert foreldregruppe som er interessert i læringsmiljøet. Nærmiljøet rundt skulen er variert og ligg til rette for gode pedagogiske aktivitetar. 9.Skulen sine utviklingsområde innan vurderingstemaet Skulen vert forma av både det fysiske og det psykososiale miljøet. Vi ser og opplever at det fysiske miljøet på Myrvåg skule er ekstremt dårleg. Dette gjeld både skulebygninga og inneklimaet. I samband med skulevurderinga har skuleeigar og skulen saman med vurderarane valt å setje fokus på det psykososiale elevmiljøet på skulen. Vi ser elevmiljøet som ein del av det totale skulemiljøet der elevar, foreldre, lærarar og skuleleiinga er nødvendige aktørar i den vidare utviklinga. Vi fokuserer på verdiar som ein kan vidareføre til ein ny skule. Vi har kome fram til følgjande utviklingsområde for Myrvåg skule: 9

10 Utviklingsområde: Utarbeide ein heilskapleg plan for eit positivt skulemiljø Styrke og samordne informasjonen til heimen om læringsmål, innhald, arbeidsmåtar og vurdering Systematisk fokus på varierte arbeidsmåtar som fremjar tilpassa opplæring, både fagleg og sosialt Kompetanseutvikling innan fokusområdet Utdjuping av utviklingsområda: Utarbeide ein heilskapleg plan for utvikling av eit positivt skulemiljø Elevar, foreldre og personalet på skulen bør aktivt kome med innspel i samband med utarbeiding av ein visjon for Myrvåg skule. Når ein arbeidar med visjonen bør ein ta utgangspunkt i Herøyskulen si pedagogiske plattform Grunnprinsipp for Herøyskulen. Rektor tek initiativ til at dette arbeidet kjem i gong. Skulen bør ha ein ny felles plan for utvikling av skulemiljøet. I samband med innføringa av Reform 2006 høver det godt å få på plass ein slik langsiktig og heilskapleg plan for utvikling av skulemiljøet. Her står Læringsplakaten og Opplæringslova sentralt. I følgje Kunnskapsløftet skal Læringsplakaten vere eit godt grunnlag for arbeidet med skulebasert vurdering og kvalitetsutvikling for skuleeigarar, skuleleiing og lærarar. I Opplæringslova 9-a er det framheva at skulen aktivt og systematisk skal arbeide for å fremje eit godt psykososialt miljø, der den enkelte eleven kan oppleve tryggleik og sosialt tilhør. Den nye nasjonale tiltaksplanen Strategi for læringsmiljøet i grunnopplæringa ( ) er aktuell som arbeidsreiskap. Den er laga spesielt for å hjelpe den einskilde skule til å skape eit godt læringsmiljø. Styrke og samordne metodar for informasjon til heimen om læringsmål, innhald, arbeidsmåtar og vurdering: I følgje punkt 10 i Læringsplakaten skal skulen legge til rette for samarbeid med heimen og sikre foreldra/føresette medansvar i skulen. Dette er også eit av grunnprinsippa for Herøyskulen. I følgje punkt 3 skal samarbeidet mellom heim og skule vere basert på god kommunikasjon og foreldremedverknad. Dette er skulen sitt ansvar. Drivkrafta i dette arbeidet må ligge på rektor og kontaktlærarane. Systematisk fokus på varierte arbeidsmåtar for å fremje tilpassa opplæring, både fagleg og sosialt I læringsplakaten punkt 6 står det at skulen skal fremje tilpassa opplæring og varierte arbeidsmåtar. I følgje den pedagogiske plattforma i Herøy kommune skal elevane få tilpassa opplæring og auka medverknad på eiga læring. kan dokumentere at det er eit sterkt ønskje frå elevar, foreldre og lærarar å setje fokus på arbeidet med å variere undervisninga i større grad. Det er ønskjeleg med meir elevaktiv læring. Dette vil vere grunnlag for at elevane kan ta medansvar for eiga læring. Dei sosiale arrangementa som skulen organiserer, kan også vere utgangspunkt når ein skal drøfte metodar og kome med ideutvekslingar i kollegiet. Ved å utveksle erfaringar vil ein kunne utnytte den kompetansen som allereie er i kollegiet. Arrangementa er gode eksempel på tilpassa opplæring. Slike opplegg gir høve til samarbeid i grupper på tvers av alderstrinna, tverrfaglege tema og ei oppleving av sosial samkjensle. 1

11 Kompetanseutvikling innan fokusområdet I følgje Læringsplakaten punkt 7 skal skulen vidareutvikle den enkelte lærar sin kompetanse. Det står også at ein skal utvikle elevane sin sosiale kompetanse og evne til demokratiforståing- og deltaking. Skulen er ein arena for opplæring i demokrati/medverknad for alle involverte partar. FAU må kunne vente at skulen gir dei naudsynt skulering innan fokusområdet. Det kan skje anten ved at skulen lagar sin eigen kurspakke eller at kommunen har felles kurskveldar der alle FAU-leiarar er samla. Her bør tema frå Læringsplakaten og Grunnprinsipp for Herøyskulen vere aktuelle tema. Då vil det vere naturleg å kome inn på tema som kunnskapsmål, tilpassa opplæring, læringsmiljø, medverknad, medansvar og heim/skule samarbeid. Det er ein nøye samanheng mellom trivsel, læring, ansvar og demokrati. Kjelde: Vidare arbeid med utviklingsområde Utviklingsområde Idear til vidare arbeid Utarbeide ein heilskapleg plan for eit positivt skulemiljø. Formulere ein enkel og levande visjon for læringsmiljøet på skulen. Med utgangspunkt i visjonen fornye planane skulen allereie har for sosial kompetanse, mobbeplan og ordensreglar og samordne dei på ein slik måte at alle partar får eit eigarforhold til den. Utarbeide synlege klasseromsreglar saman med elevane kvart år. Resultatet bør innehalde både reglar og konsekvensar ved brot på reglane som alle partar er forplikta på. Styrke og samordne metodar for informasjon til heimen om læringsmål, innhald, arbeidsmåtar og vurdering Læringsmåla i dei ulike faga bør stå på vekeplanane/arbeidsplanane. Læringsmåla for sosial kompetanse bør førast på saman med fagmåla på vekeplanane/arbeidsplanane Skulen utarbeidar ein felles strategi for ulike verktøy som er eigna til informasjon til foreldra (t.d. PedIT, arbeidsprogram). Klasseforeldremøtet tidleg om hausten informerer om informasjonsstrategien. Foreldra kan kome med innspel som bør drøftast. Elevsamtalar bør samordnast og gjennomførast minst to gonger i året med tidsfristar for gjennomføring. Det kan vere fornuftig å ha ein mal for og ein annan mal for klasse. Ved utarbeiding av desse malane burde ein kunne etablere eit småskule- 1

12 og eit mellomtrinnteam. Ein bør gi rom for alle partar i læringsarbeidet. Ved å systematisere arbeidet med informasjon om læringsmål, innhald, arbeidsmåtar og vurdering vil elevane og foreldra få auka medverknad og medansvar i arbeidet med fagmål og mål for sosial kompetanse. Systematisk fokus på varierte arbeidsmåtar Veke/Arbeidsplanane bør legge til rette for for å fremje tilpassa opplæring, både fagleg utvikling av individuelle evner og samarbeid og sosialt med andre. Ein bør byggje vidare på dei gode erfaringane med sosiale arrangement som til dømes klassefestar, matematikken sin dag, julefest, avslutningsfest, påskefrukost og aldersheimbesøk. Ein kan til dømes overføre erfaringar frå matematikkprosjektet til andre fag. Der har ein klare mål, innhald, varierte arbeidsmåtar og vurdering. Dette bør prege opplæringa på alle felt, både fagleg og sosialt. Ta utgangspunkt i dei vekeplanane de har og lær av kvarandre i kollegiet. Bruk "Nye arbeidsplanar for den aktive elev (Kjell G. Moen) som ein idebank til vidare utvikling av arbeidsplanane. Kompetanseutvikling innan fokusområdet Kvardagsretta og nyttige kurs, til dømes korleis lage arbeidsplanar, felles praksis for klasseromsleiing, samhandling heim/skule, varierte arbeidsmåtar Kurs for FAU inn mot læringsmiljøet. Rektor har ansvar for å legge til rette for slik opplæring. Elevane får opplæring i elevrådsarbeid på klassenivå. Ein lærar må få ressurs til rettleiing av elevrådsarbeid. Alle lærarane har ansvaret for opplæring i demokratiske prosessar. 1

13 10. Konklusjon Skulen klarer på veldig mange punkt å leve opp til sitt eige glansbilete jfr. skulen sine sterke sider. Etter dokumentasjon frå alle involverte partar i skulemiljøet peika det seg ut nokre område skulen bør arbeide vidare med. Desse utviklingsområda er noko ein stadig vil måtte kome tilbake til og arbeide vidare med. Vi har kome med konkrete råd for korleis skulen kan utvikle seg, men skulen må sjølv ta fatt i det og gjere det til sitt eige. Vi håper med dette at vi har kome med konkrete og gjennomførbare innspel til ein fortsatt positiv utviklingsprosess for skulen. For å utvikle ein sterkare vi-skule, må ein opparbeide ei felles, systematisk og langsiktig tenking. Skulen er ein lærande organisasjon. Ein skule som lærer, krev lærarar og leiarar som lærer. I slike skular lærer elevane å lære. Livslang læring ein prosess der ein alltid kan verte betre, men aldri ferdig utlært (Tom Tiller). Dato/Stad : Myrvåg Reidar Vidnes Ekstern skulevurderar Ruth Anita Hatlebrekke Rekdal Ekstern skulevurderar 1