Utviklingsplan Skule: Vigrestad storskule

Størrelse: px

Begynne med side:

Download "Utviklingsplan Skule: Vigrestad storskule"

Ingeborg Jørgensen
5 år siden
Visninger:

1 Utviklingsplan Skule: Vigrestad storskule

2 Mål 1: Elevane skal oppleve ein meir praktisk skule der elevane får erfaring med og utvikle sine praktiske talent. a. Elevane skal få bruke sine praktiske erfaringar frå utdanningsval, arbeidslivsfaget og valfag i arbeid med dei teoretiske skulefaga. b. Elevane skal få tydelege kompetansemål og kriterier for måloppnåing i serviceyrka innan arbeidslivsfaget og aktuelle valfag. Nå-situasjon: Skulen har ein godt utvikla praktisk skule der dei tradisjonelle praktiske faga, musikk, kunst og handverk, kroppsøving og mat og helse, saman med valfag, utdanningsval og arbeidslivsfaget er organisert og sett i samanheng. Elevane, særleg på dei eldste trinna, får ein variert og praktisk skuledag, og får eit godt grunnlag for å starte på vidaregåande skule. Dei har både god kjennskap til dei ulike studieretningane og ferdigheiter i praktiske fag som gir dei ein god start. Elevane i bygg og TIP har fleire år, no i år og i samarbeid med Varhaug og Ogna, vore oppe i munnleg eksamen i arbeidslivsfaget, med svært gode resultat. Vi har samarbeid med Bryne vgs der dei stiller med ekstern sensor. Elevane, særleg dei som arbeider med TIP og byggfag i Stokkeland, gir uttrykk for at dei trivest med tilbodet. Om lag 50% av elevane vel 2. framandspråk og 50% vel arbeidslivsfaget. Vi får likevel ikkje positive utslag på elevundersøkinga på trivsel og motivasjon. Noko meiner vi skuldast at elevane ikkje forbind dei praktiske alternativa med skule. Dei svarer meir ut frå dei teoretiske skulefaga. Vi ser likevel forbetringspotensiale i modellen vår. Vi kan verte betre til å bruke elevane sine praktiske erfaringa inn i dei teoretiske faga. Elevane har mykje erfaring som dei kan bruke i munnleg og skriftleg framstilling i norsk og engelsk, som vi trur vil auke motivasjonen hos elevane, og dei vil kunne produsere betre tekster i begge språka. I avdelinga i Stokkeland har vi tydelege læringsmål henta frå vgs og kriterier i arbeidslivsfaget som gjer at vi får til gode vurderingar og kan ta elevane opp til munnleg eksamen på ein god måte. I den delen av arbeidslivsfaget som omhandlar serviceyrka i vgs, har vi til no ikkje fått til systematikk med tydelege nok læringsmål og kritereier. Vi har ein del, men systematikken er ikkje god nok til at vi kan kalle det eit felles rammeverk for skulen vår. Kva treng vi for å nå måla: Dette er ei problemstilling som og vgs arbeider med. Både i vgs og hos oss er utfordringa at elevane skal opp til ein felles eksamen i dei skriftlege faga som er lik for alle elevane. Vi må difor balansere mellom å følgje måla i læreplanen opp mot behovet elevane har for å få bruke sine praktiske erfaringar. Jmf. Regjeringa sitt forslag om å gjere deler av fagplanane i teorifaga tilpassa studieretninga.

3 Vi har lite erfaring med å bruke elevane sine praktiske erfaringar inn i teorifaga, og må eigentleg bare prøve oss fram. Vi har frå hausten tilsett ein ny lærar som kjem frå vgs med noko erfaring frå dette arbeidet. For å lukkast vil det vere viktig å få til systematisk og forpliktande utprøvingar der erfaringsdeling både i førearbeid og etterarbeid, vil vere viktige suksesskriterier. Skulen har ein del erfaring, men manglar systematikk. Vi treng å lage ein gjennomgåande plan for alle tre åra. Vi treng å lage tydelege kriterier som vi kan bruke i samtale med arbeidsplassane der /når elevane er utplasserte. Vi ønskjer og å endre rytmen i løpet av åra der vi minkar ned på direkte utplassering, der elevane i staden brukar tid på skulen saman med ansvarleg lærar til planlegging av opplegg som dei så gjennomfører på arbeidsplassane. Vi vil og systematisere elevane sin eigenrefleksjon og dokumentasjon av gjennomførde opplegg. I utgangspunktet sit lærarane samla inne med ein del erfaring og kompetanse som er eit godt utgangspunkt for å lukkast med kvalitetsauke. Det kan og vere ønskjeleg å prøve å få til samarbeid med vgs. Kritisk faktor er tid og systematikk i samarbeidet mellom aktuelle lærarar. Avstand mellom nå-situasjon og ønskja måloppnåing: Vi er i startfasen på dette arbeidet. Målet er at dette skal vere ein naturleg og systematisk del av teorifaga. Vi ser at vi har ein del erfaring i å lage gode kriterier, men har i liten grad klart å lage ein samla gjennomgåande plan for heile skuleløpet. Tiltak: Det vert innarbeidd i årsplanane i engelsk, norsk og matematikk der elevane minimum har ei oppgåve haust og vår i kvart av faga knytta til elevane sine praktiske erfaringar. Frist for gjennomføring er 1.12 i haust og 1.5 i vårhalvåret. Det vert sett av tid til samarbeidsmøte mellom lærarane i praktiske fag og teorifag i starten av skuleåret, og avtalt møteplan med minimum to samlingar vår og haust. Sette opp møteplan for haust og vår med minimum 2 møter i halvåret. Vidareutvikle læringsmål og kriterier ut frå erfaringane vi har. Lage og utvikle idebank for oppleg elevane kan utfør på arbeidsplassane. Utarbeide 3-årsplan innan

4 Mål 2: Trygt læringsmiljø. Nå-situasjon: Vi har dei siste åra sett ei endring i elevmiljøet. Fleire elevar som startar i 5.klasse har vanskar med å fungere i vanleg elevrolle. Med uro og elevar som er utagerande, vert elevmiljøet utrygt. Ein indikator er at vi har for mange av dei yngste elevane som seier dei vert mobba i elevundersøkinga. Positivt er det likevel at vi ser at dette avtek oppover i trinna, noko som vi tek som eit signal på at det vert arbeidd bra på trinna. Utfordringane einskildelevar har, er kjende når elevane starter i 5.klasse. Vi ser likevel at vi treng tid i starten for å finne gode løysingar. Ein faktor er og at vi har færre vaksne enn elevane var vane med i 4.klasse. Dette kan vere utfordrande for både elevar og foreldre. Vi har vore tydelege overfor foreldra om at dette er utfordrande. Ut frå reaksjonar vi ser, kan det sjå ut som foreldra oppfatter utfordringane som at skulen ikkje har kontroll på situasjonen. Ei auke av elevar som søkjer seg til Tryggheim, er ein indikator på det. Vi er usikre, men det kan sjå ut som skulen sitt gode ry, er under press. Einskilduttalingar frå elevar og foreldre tydar på sviktande tillit. Kor omfattande dette er, er vi usikre på. Spenningsfeltet mellom å handtere dei einskilde elevane sine utfordringar opp mot eit godt klassemiljø, krev mykje tid og energi frå personale. Vi ser at dette gir slitasje på personale, og vi er usikre på om vi klarer å oppretthalde dei høge faglege resultata som vi har hatt til no. Vi har starta eit systematisk arbeid for å auke elevane sin tryggleik og trivsel, både med systematisk arbeid med klassemiljø og med individuelle oppfølgingsplanar for einskildelevar. Kva treng vi for å nå måla: Vi har mange dyktige lærarar og anna personale som gjer eit godt arbeidd. Usikkerheit om tiltaka vi set inn er dei rette, er nok det som slit mest på personale. Støtte og hjelp frå ekstern kompetanse, har vi behov for. For at det skal vere til hjelp, ser vi at det fungerer best der ekstern hjelp kan vere til stades i klasseromet i periodar. Behovet er størst for konkret ekstern hjelp rundt einskildelevar og deira spesifikke vanskar. Trinna har gjort erfaringar dei siste åra, men vi treng betre systematisk erfaringsdeling og refleksjon mellom trinna. Vi ser at mange fleire elevar har vanskar med å fungere i grupper med medelevar, både å kunne inkludere og fungere saman med ulike elevar, og å kunne sjå andre elevar sine behov. Vi må difor legge til rette til aktiviteter der dette vert øvd på, og få elevane til å reflektere om sin eigen rolle. Vi må verte betre til å synleggjere kva og korleis vi arbeider for eit trygt skulemiljø.

5 Avstand mellom nå-situasjon og ønskja måloppnåing: Spriket mellom korleis våre elevar svarer på elevundersøkinga og kva landsgjennomsnittet svarer, er jamt over for stort. Det vert gjort mykje fornuftig og bra arbeid på trinna, og samarbeidet internt på kvart trinn er godt. Forbetringspotensiale ligg i betre erfaringsdeling mellom trinna. Skulen sine sterke sider, fagleg gode resultat over lang tid, ei praktisk organisering som vi mest er aleine om, og det faktum at det vert arbeidd bra med elevmiljøet, kjem for lite fram. Vi må difor verte flinkare til å synleggjere dei positive sidene ved skulen vår. I den seinare tid har vi hatt ei auke i sjukefråver, kortvarig og langtid, som kan relaterast til belastning i arbeidssituasjonen. Grunnen er vanlegvis at oppgåvene dei må, løyse ligg utanfor deira naturlege kompetanseområde som er undervisning. Mange av utfordringane ligg innan psykiatri og helse. Tilgang på kompetanse på dette område, er mangelfull, og bør vere noko som ein som kommune brurde prioritert på systemnivå. Tiltak: 1. Årsplanar for sosialt arbeid på trinna: Kvart trinn har sin årsplan som synar reint sosiale aktiviteter, og aktiviteter som kan knytast opp til fagleg læring. Trinna har innarbeid systematiske opplegg som fremmar refleksjon hos elevane om eigen rolle i fellesskapet. Skulen samla oppretter felles idebank på Google over gode aktiviteter. 2. Systematisk samarbeid: Det vert sett opp jamne samlingar på tvers av trinna i fellestida. 3. Synleggjere arbeidet vi gjer for trygt skulemiljø: Kvart trinn har ein eigen der dei informerer heimen om aktiviteter som kjem, og ei oppsummering av aktiviteter som er gjennomførde. Bruke skulen si facebookside til å synleggjere positive aktiviteter. Bruke foreldremøta til å synleggjere skulen sine sterke sider.

Like dokumenter

Utviklingsplan Skule: Vigrestad storskule

Utviklingsplan Skule: Vigrestad storskule Utviklingsplan 2016-2017 Skule: Vigrestad storskule Status læringsresultat og læringsmiljø. Utgangspunktet for analysen er dei nasjonale og Jærskulen sine mål; Alle elever skal mestre grunnleggende ferdigheter