Vurderingsgruppa. Sunnylven skule

Transkript

1 Vurderingsgruppa Vurderingsrapport Sunnylven skule november 2007

2 1 Føreord Regionalt samarbeid om vurdering og kvalitetsutvikling. Kommunane på Nordre-Sunnmøre samarbeidar om kompetanseutvikling. Skuleeigar sitt ansvar i samband med innføring av ny læreplan er sterkt understreka. Pr. dato har sju kommunar, Ålesund, Haram, Giske, Skodje, Sula, Stranda og Norddal gått saman i eit samarbeid om ekstern vurdering. To vurderarar frå kvar av kommunane utgjer vurderingsgruppa. Føremålet er at vurderingsgruppa skal vera til hjelp i arbeidet med pedagogisk kvalitetsutvikling i skulen. Bidra til kvalitetsutvikling Utvikle vurderingskompetanse Ekstern hjelp i vurderingsarbeidet vere eit auge utanfrå Knyte saman god praksis i regionen Oppfylla kravet i Opplæringslova om kommunen sitt ansvar for å sjå til at skulane jamleg vurderer si eiga verksemd Kven er vurderar? 14 personar i regionen er medlemmer i vurderingsgruppa. Dei har brei og variert pedagogisk bakgrunn. 2 frå gruppa (vurderingspar) gjennomfører vurdering på ein skule, og ingen vurderer skular i eigen kommune. 14 skular kan bli vurderte kvart år. Kva gjer vurderarane? Skulen vel eit fokusområde for vurdering - i samråd med skulefagleg ansvarleg i kommunen Vurderingsparet førebur sjølve vurderinga gjennom eit fyrste møte med skulen, utarbeiding av kriterium, metodeval og verkty tilpassa det oppdraget har fokus på. Sjølve vurderinga vert gjennomført. Rapporten Vurderingsgruppa skriv ein rapport om resultatet av vurderinga. Rapporten trekkjer fram verksemda sine sterke sider innanfor vurderingstemaet, og kva utfordringar skulen har. Han gjev også informasjon om rammene for vurderinga tidsbruk, metodeval, verkty m.m. Side 2

3 Vurderinga tek ikkje mål av seg til å gje eit fullstendig bilete av skulen, men eit bidrag til kva ein kan arbeida vidare med innan det fokusområdet som er vurdert. Det er ynskje at dei reiskapar og metodar som har vorte nytta, kan overførast til det interne vurderingsarbeidet skulen årleg arbeider med. 2 Fakta om Sunnylven skule vere: trygge, engasjerande, framtidsretta slik at vi lukkast i fellesskap der alle tek ansvar Skulen ligg i Stranda kommune, og er ein fådelt skule med 79 elevar dette året. Skulen har SFO-tilbod. Det er i alt 18 tilsette ved skulen, 11 lærarar inkludert leiarteamet, 3 assistentar, 3 reinhaldarar og 1 vaktmeister. Skulen ligg i sentrum av tettstaden Hellesylt. Frå 1993 har skulen hatt tredelt leiarteam med definerte arbeidsoppgåver der kvar del er på åremål. Sidan 2001 har skulen hatt utvida skuledag og leksefri skule for klasse. Skulen nyttar PedIT som digital plattform, på linje med resten av skulane i kommunen. Skulen er delt i tre steg: småskulesteg, mellomsteg og ungdomssteg. I 2003 blei skulen utnemnt til bonusskule. Side 3

4 3 Vurderingstema Skulen/kommunen har meldt inn følgjande vurderingsfokus: Bruk av IKT i skulekvardagen. Kor står skulen i høve til elevane si opplæring i basisdugleiken digital kompetanse. 4 Kriterium/ Teikn på god praksis Kriterium tyder her krav til kjenneteikn på god kvalitet. Dei fastsette kriterium er henta frå lov, regelverk, læreplanverk og skulen sine eigne planar. Når vurderingsgruppa gjennomfører ei vurdering, vert kriterium samanlikna med den informasjon som er samla om temaet gjennom intervju og observasjon på skulen, i tillegg til dei dokument som skulen har lagt fram. Kriterium i denne rapporten er utforma av vurderingsgruppa, og godkjende av skulen. Skulen har ei felles pedagogisk plattform Skulen har strukturar som gir gode rammer for det pedagogiske arbeidet med IKT Leiinga og personalet har eit felles bilde av skulen sine styrkar og utfordringar Personalet har ei felles forståing av og er forplikta på det skulen har formulert om basisdugleiken i digital kompetanse i læringsarbeidet Skulen har ei felles oppfatning av at digital kompetanse er nyttig for elevane si læring Digital kompetanse er arbeidd inn i skulen sine målformuleringar og fagplanar Ansvaret for teknisk utstyr og opplæring er klart definert og tilført nok resursar Skulen har tilgjengeleg utstyr og læremiddel for digitalt arbeid, og dette er lett tilgjengeleg for elevane Skulen får god teknisk støtte Skulen har eit opplegg for systematisk opplæring i digital kompetanse for tilsette og elevar Side 4

5 Skulen har eit sterkt fokus på læring Skulen har god kompetanse innan det digitale området Det er eit godt arbeidsmiljø på skulen Elevane trivst og er trygge på kvarandre og på dei vaksne Elevane får tydelege læringsmål tilpassa sitt nivå Det vert lagt til rette for arbeidsmåtar som nyttar/utnyttar digitale verkty der det er formålstenleg Vekeplanane/arbeidsplanane gir rom for at elevane nyttar/har tilgang til digitale ressursar Prosessorienterte metodar er vanlege i læringsarbeidet Informasjonsinnhenting frå eit mangfald av kjelder er vanleg Skulen brukar digitale kanalar til kommunikasjon mellom elevane på skulen, mellom elevar og foreldre/føresette og mellom elevar og verda utanfor skulen. Kjeldevurdering/-kritikk er vanleg Elevane får utfordringar tilpassa deira digitale kompetanse Elevane er aktive, trygge og reflekterte databrukarar Elevane nyttar pedagogisk programvare i læringa si Elevane kan å bruke standardverkty Elevane på dei ulike stega veit kva som kjenneteiknar god kvalitet på produkt laga med digitale verkty Det pedagogiske personalet er trygge, aktive og reflekterte databrukarar Lærarane bruker digitale ressursar i førebuings- og etterarbeid Leiinga legg til rette for lærarane si kompetanseutvikling Det pedagogiske personalet har tilgang til hjelp og støtte i i arbeidet med digitale ressursar Side 5

6 Elevar og foreldre har innverknad på skolekvardagen 5 Skulen har formelle eller uformelle elevsamtalar og desse tar utgangspunkt i læringsmåla og korleis eleven best kan nå desse Digital kompetanse er tema på elevsamtalane Skulen brukar digitale kanalar til kommunikasjon mellom foreldre/føresette Det er lett for foreldra å ta kontakt med skulen. Korleis eleven lærer best er sentralt tema på konferansetimar Eleven sin ståstad i høve til basisferdigheitene er tema på konferansetimar Deltakarar i vurderinga I vurderingsarbeidet er det svært viktig å involvere dei partane som er sentrale primæraktørar i skulekvardagen. Interne: Elevane, foreldra og det pedagogiske personalet ved skulen. Eksterne: Vurderarparet Tove Skoghaug Skrede og Torstein Olsen. 6 Tidsbruk Det er avsett ei veke til å vurdere ein skule. Dette inneber i hovudsak ein startdag der vurderarparet møter skulen for første gong (veke 45) for avklaringar og planlegging. Under sjølve vurderinga (veke 48) er vurderarparet på skulen i inntil tre dagar. Skulen får rapporten umiddelbart etter vurderingsdagane. I forkant og undervegs førebur vurderarparet informasjon, metodar, verkty og driv informasjonshandsaming og oppsummeringar. Å gjennomføre ei kvalitetsvurdering på tre dagar er knapp tid og inneber ei avgrensing av vurderinga. Side 6

7 Vurdering Sunnylven skule, arbeidsplan Dato Handlingar v 44 Utforming av framlegg til sentrale kriterium v 45 Vurderarane har sitt første møte med skulen og samtalar om kriterium og teikn på god praksis. Skulen får kome med innspel. v 45 og 46 Kriterium og teikn på god praksis vert utarbeidd og sendt skulen for godkjenning. Skulen melder attende godkjenning av kriterium og teikn på god praksis. Vurderingsparet utarbeider vidare framdrift. Framlegg for plan for vurderingsveka er klar. V 46 Skulen sender ut innkalling til FAU møte. v 48 Observasjon klasse. Observasjon klasse. Observasjon av 10. klasse. Intervju med lærarar på småskulesteget. Gjennomgang av digitale elevmapper. Måndag Tysdag Observasjon av opning på mellomtrinnet. Intervju av 10. klassingane. Intervju av elevar i 5. og 7. klasse. Intervju av lærarar på ungdomsskulesteget. Intervju av 6. klassingane. Observasjon av ungdomstrinnet. Møte med utvida FAU. Onsdag Observasjon av 10. klasse mm. Intervju av elevane i 9. klasse Intervju av elevane i 8. klasse. Intervju av lærarteamet på mellomsteget. Intervju av rektorteamet. Torsdag Rapportskriving. Framlegging av rapport for rektorteamet. Framlegging av rapport for lærarane og kommunen. v 49/50 Tilbakemelding på rapporten frå skulen. Skulen vurderer vurderarane sin jobb. Den endelege rapporten m/vedlegg sendast skulen. Kommunen får sin rapport Side 7

8 7 Metodar Tema og tid til rådvelde verkar inn på val av metode. Vanlege metodar er dokumentanalyse, spørjeskjema, individuelle og gruppesamtalar, møte og observasjon. I denne vurderinga er i hovudsak følgjande metodar nytta: Dokumentanalyse På første møtet med skulen og undervegs fekk vurderarparet diverse relevante dokument: Årsplanar, Læringsplakaten (Sunnylven skule si tolking våren 06), Plan for IKT-undervisning ved Sunnylven skule, årsplanar og tilgjenge til PedIT/skulen si heimeside. Prosessmetode under møte med foreldra. I møte med foreldra har det vore brukt ein enkel prosessmetode for å fokusere på foreldra si vurdering av skulen sine sterke/svake sider og å finne ut kva skulen kan bli betre på. Samtale /intervju For å kunne gjere djupdykk i temaet, hadde vurderarparet samtalar med elevgrupper, lærarar og skuleleiinga, IKT-ansvarleg ved skulen og skulen sin kontaktperson ved Stranda kokkume si IT-avdeling. Det blei nytta samtaleguidar som vurderingsparet hadde utarbeidd med grunnlag i valde kriterium og kjenneteikn på god praksis. Observasjon Vurderarane utførte systematisk observasjon av grupper, klasser, trinn og einskildelevar. Vurderarparet nytta skjema for observasjonspunkt som verkty. I tillegg gikk vi rundt på skulen for å snakke med både elevar og tilsette, spørje litt og sjå på ulike aktivitetar. Side 8

9 Vurdering Vurderarparet gjennomførte dokumentanalyse og ei vurdering ved å spegle utsegna frå elevar, lærarar, rektorteamet, IT-ansvarleg ved skulen og skulen sin kontaktperson i IT-avdelinga ved Stranda kommune, samt det som blei registrert under observasjonane, mot utarbeidde kriterium og kjenneteikn på god praksis. 8 Skulen sine sterke sider innan vurderingstemaet Gjennom vår vurdering har vi komt fram til at skulen har desse sterke sidene innan vuderingstemaet: Skulen har ei felles pedagogisk plattform. Leiinga og personalet har eit felles bilde av skulen sine styrkar og utfordringar. Personalet har ei felles forståing av og er forplikta på det skulen har formulert om basisdugleiken i digital kompetanse i læringsarbeidet, og dei er samde i at digital kompetanse er nyttig for elevane si læring. Digital kompetanse er innarbeidd i skulen sine målformuleringar og fagplanar. Skulen har strukturar som gir gode rammer for det pedagogiske arbeidet med IKT Ansvaret for teknisk utstyr og opplæring er klart definert. Skulen har tilgjengeleg utstyr og læremiddel for digitalt arbeid som elevane kan nytte når lærarane finn det formålstenleg. Skulen får god teknisk støtte frå IT-seksjonen i Stranda kommune. Skulen har utarbeidd ein detaljert plan for IKT-undervisning for elevane. Skulen har eit sterkt fokus på læring Det er eit godt arbeidsmiljø på skulen. Elevane trivst og er trygge på kvarandre og dei vaksne. Elevane får tydelege læringsmål i faga. Det vert lagt til rette for arbeidsmåtar som nyttar digitale verkty der lærarane syns det er formålstenleg. Vekeplanane gir rom for at elevane nyttar digitale ressursar. Informasjonshenting frå Internett er vanleg. Kjeldeurdering og kjeldekritikk er vanleg Elevane er aktive, trygge og reflekterte databrukarar. Side 9

10 Elevane nyttar den pedagogiske programvaren som skulen rår over i læringa si. Elevane kan å bruke standardverkty. Elevane på dei ulike stega veit kva som kjenneteiknar god kvalitet på produkt laga med digitale verkty. Skulen har god kompetanse innan det digitale området Det pedagogiske personalet er aktive og reflekterte databrukarar som bruker digitale ressursar i førebuings- og etterarbeid. Det pedagogiske personalet har tilgang til hjelp og støtte i arbeidet med digitale ressursar. Elevar og foreldre har innflytelse på skulekvardagen Elevar frå og med mellomtrinnet skriv logg ved slutten av veka. Loggen inneheld mellom anna refleksjonar over eige arbeid og måloppnåing i faga. Skulen legg ut vekeplanar og ein del skriftleg arbeid på nettet. På ungdomstrinnet legg dei også ut elevloggane. Det er lett for foreldra å ta kontakt med skulen. Eleven sin ståstad i faga er tema på konferansetimar. Side 10

11 Frå FAU sine prioriteringar vil vi innanfor vurderingstema særskilt nemne Skulen har eit godt tilbod med blant anna mange datamaskinar og god tilgang for elevane. Foreldra kan gå inn på vekeplanar og på skoleavisa for å lese om aktivitetar elevane har vore med på. Positivt at skulen ligg forholdsvis langt framme viktig for dei fleste framtidige yrke God opplæring i digital kompetanse er viktig spesielt pga den utvida skuledagen. Elevane får god trening i fleire ulike program Foreldre kan fylgje med på skulekvardagen til elevane Elles vil har vi observert/opplevd ein skule med læringsaktive elevar, ein god og roleg arbeidssituasjon og ein gjennomgåande god tone mellom elevar og lærarar. 9 Skulen sine utviklingsområde innan vurderingtemaet Skulen har ei felles pedagogisk plattform Skulen har ei noko snever tolking av omgrepet digital kompetanse Skulen har strukturar som gir gode rammer for det pedagogiske arbeidet med IKT Skulen har ikkje ein god og samla plan for opplæringa av det pedagogiske personalet sin digitale kompetanse Skulen har eit sterkt fokus på læring Skulen kan bli betre på tilpassa opplæring innan digital kompetanse. Læringsmål på vekeplanane er i liten grad differensierte slik at dei er tilpassa den enkelte elev sitt nivå. Val av arbeidsmetodar er på skulen sterkt lærarstyrt. Elevane får i liten grad sjølve velje når dei skal og ikkje skal bruke digitale verkty. Når elevane søkjer etter informasjon på internett, bruker dei eit fåtal søkemotorar, kjelder eller linkar. Dei brukar til dømes i svært liten grad lenkesamlinga på skulen si heimeside. Side 11

12 Skulen bruker i svært liten grad digitale kanalar til kommunikasjon mellom elevar på skulen, mellom elevane og verda utanfor og mellom skulen og foreldra. Skulen nyttar kun eit fåtal pedagogiske program, og programma er i liten grad oppdaterte. Skulen har god kompetanse innan det digitale området Det pedagogiske personalet brukar i liten grad digitale verkty i samband med innføring i nytt stoff, gjennomgang av emne eller liknande. Elevar og foreldre har innflytelse på skulekvardagen Digital kompetanse er ikkje eit tema på verken elevsamtalar eller konferansetimar. Elevane sin bruk av digitale verkty, nivå på kompetanse eller mengde bør vere eit naturlig tema i slike treffpunkt. Frå FAU sine prioriteringar vil vi innanfor vurderingstemaet særskilt nemne Skulen bør legge ut møtereferat frå FAU på PedIT. Nokre husstandar manglar framleis breiband og kan gå glipp av noko informasjon. PedIT kan i større grad brukast som lagringsmedium av enkeltelevane sine arbeid slik at foreldra lettare kan fylgje med. Det er lenge sidan førre foreldrekurs i PedIT. Dette bør takast opp igjen. Arbeidet med den digitale kompetansen må ikkje overskygge arbeidet med dei andre basisdugleikane. Utdjuping av utviklingsområda Kunnskapsløftet seier om grunnleggjande dugleikar for grunnskulen: Grunnleggjande dugleikar er integrert i kompetansemåla der dei bidreg til utvikling av og er ein del av fagkompetansen. Desse dugleikane er: Å kunne uttrykke seg munnleg Å kunne uttrykke seg skriftleg Å kunne lese Å kunne rekne Å kunne bruke digitale verkty Side 12

13 Digital kompetanse er ferdigheter, kunnskaper, kreativitet og holdninger som alle treng for å kunne bruke digitale medium for læring og mestring i kunnskapssamfunnet (Digital skole hver dag, ITU 2005) For å få ei vidare forståing av denne definisjonen har ITU delt definisjonen inn i fire dimensjonar: 1: Dugleik i bruk av IKT 2: IKT brukt i ulike fagområde 3. Læringsstrategi metakognitive evner 4: Kulturell kompetanse, digital danning Vi ser at skolen i sin IKT-plan har eit godt utgangspunkt for å kunne gi elevane god digital kompetanse, men planen, og spesielt praksis, viser at skulen har ei noko snever fortolkning av omgrepet digital kompetanse. Det bør settast i gang ein prosess der skulen jobbar med omgprepet. Prosessen bør munne ut i ei revidering av noverande IKT-plan og edring av praksis. I denne prosessen bør skulen sjå spesielt på desse områda: Lærarstyrte/elevstyrte val av arbeidsmetodar Vi har sett at val av læringsstrategi og dermed val av medium i svært stor grad er lærarstyrt. Dette bør elevane, spesielt på dei øvre aldersstega, i større rad få velje sjølve slik at dei utviklar evner til å gjere bevisste val i høve til læringsstategiar, arbeidsmetodar og rett arbeidsreidskap. Bruk av PedIT PedIt/skulens heimeside bli no nytta til noko innlevering, informasjon om tema/turar og vekeplanar. Vi meiner at her kan skulen betre utnytte dei moglegheitene som ligg i programmet PedIT. Til dømes: Dei brukar ikkje lagringsfunksjonen, noko som mellom anna ville ha gitt foreldre større innsikt i elevens daglege arbeid. PedIT blir heller ikkje nytta til individuell tilpassing av vekeplanar. Elevane bruker i svært liten grad ressursmappene/lenkesamlinga. Direkte kommunikasjon skule/foreldre skjer i liten grad via PedIT. Foreldra saknar og møtereferat frå FAU. Pedagogisk programvare/anna programvare Skulens elevar har god kompetanse i filhandsaming og bruk av standardverkty. Vi ser likevel at skulen har eit avgrensa utval av anna programvare. På dette området er det ei rivande utvikling. Skulen bør sjå nærare på kva som fins tilgjengeleg, til dømes ulike typar pedagogisk programvare og program til musikk-komponering, konstruksjon, teikning og kommunikasjon. Her har skulen eit utviklingspotensiale til å utvide sin bruk av digitale hjelpemiddel knytt til lese- og skriveopplæringa. Eit samarbeid kommunalt vil vere nyttig. Side 13

14 Andre digitale verkty Skulen har tilstrekkjeleg antal datamaskinar og digitale kamera og nyttar desse i stor grad. Skulen rår over anna utstyr som keyboard, videokamera inkl. redigeringsprogram og dataloggar (naturfag), utstyr som blir brukt i liten grad. Dette må sjåast i samanhengen med definering av omgrepet digital kompetanse og behovet for kompetanseheving. Opplæring IKT- planen seier: Før vinterferien kvart år må lærarane kontrollere kva elevane meistrar. Vi ser at planen og skolens praksis i liten grad legg til rette for individuell opplæring med utgangspunkt i den einskilde elevs digitale kompetanse. Skulen bør lage eit opplegg for vurdering av digital kompetanse, og gi større moglegheit for variasjon i bruken av digitale verkty. I skulens IKT-plan er det slått fast at lærarane må kunne halde seg på høgde med kunnskapskrava vi set til elevane. Vi kan ikkje sjå at skulen har ein god samla plan for opplæring av personalet sin digitale kompetanse. I samband med utvidinga av omgrepet digital kompetanse, utvida bruk av PedIT, ev. ny programvare, meiner vi at det er behov for ei meir strukturert opplæring. I denne samanhengen vil vi og nemne at foreldra ynskjer ei oppdatering på bruken av PedIT. Vi har og sett at lærarane i liten grad nyttar digitale hjelpemiddel i samband med presentasjon av lærestoff. Gjennom ein utvida bruk er det lettare å sikre større variasjon i undervisninga. Dei treffer dermed fleire heime og er gode føredøme for elevane. Vi meiner at ei kompetanseheving blant lærarane er naudsynt for å få til dette. Kommunikasjon Skulen bruker i svært liten grad digitale kanalar til kommunikasjon. Dette er eit viktig område i den digitale verda. Samtidig gir teknologien oss sjanse til å ha kontakt på tvers av kommune- og landegrenser. Her er eit viktig utviklingspotensiale. Vi kan til dømes nemne E-twinning og Norsk nettskule. Hellesylt Torstein Olsen Ekstern vurderar Tove Skoghaug Skrede Ekstern vurderar Side 14