OAHPPOPLÁNA OAHPPONEAVVOPEDAGOGIHKKA oahppočuoggá. Sámi allaskuvlla Dutkan- ja oahppostivra dohkkehan čoahkkimis 01/ áššis 03/12.

Transkript

1 OAHPPOPLÁNA OAHPPONEAVVOPEDAGOGIHKKA 1 30 oahppočuoggá Sámi allaskuvlla Dutkan- ja oahppostivra dohkkehan čoahkkimis 01/ áššis 03/12.

2 1. Fága namma Oahpponeavvopedagogihkka 1 Læremiddelpedagogikk 1 Curriculum delivery materials 1 2. Oppalaš dieđut oahppu birra Fága/oahppoovttadaga koda Man dási oahppu Galle čuoggá Galle lohkanbaji Mo oahpahus lágiduvvo OP1 Bachelordásioahppu dahje joatkkaoahppu (2N) 30 oahppočuoggá (ECTS) Ollesáiggeoahppu ovtta lohkanbajis deaivvademiid bokte dahje oasseáiggeoahppu moatti lohkanbaji badjel Oahpahus lágiduvvo logaldallamiid, semináraid ja bargobájiin sihke luohkkálanjas ja neahta bokte. 3. Makkár oahppoprográmmain lea dat oassin Oahpponeavvopedagogihkka 1 sáhttá válljejuvvot oassin vuođđoskuvllaoahpaheaddjiohppui dahje ovdaskuvlaoahpaheaddjiohppui. Oahppu muđui dohkkehuvvo oassin bachelorgrádii, ja muđui joatkkaoahppun. Oahppu lea vuođđun joatkit oahpponeavvopedagogihka nuppiin osiin. 4. Sisaváldingáibádusat Sisabeassanvuođđun lea juogo alit oahppu, nugo dábálašoahpaheaddji-, ovdaskuvlaoahpaheaddjioahppu dahje eará alit oahput mat leat vuođđun bargguide main oahpponeavvopedagogihkka lea ávkkálaš. Oahppu sáhttá maiddái fállojuvvot ohcciide geain lea fitnofágalaš oahppoduogáš ja geat barget dahje dárbbašit vuođu bargagoahtit fitnofágalaš oahppobagadallin. 5. Oahpahusgiella Oahpahusgiella lea dábálaččat davvisámegiella. Soames logaldallamat leat skandinávalaš gielaide dahje eŋgelasgillii. Lohkanmearri lea sáme-, dáro- ja eŋgelasgillii. Sulastahtti girjjiid sáhttá válljet suomagillii. Čálalaš barggut/eksámenbarggut čállojuvvojit sámegillii. Jus studeanttas lea dárbu geavahit eará giela čálalaš bargguin, de sáhttá ohcat oahpu ovddasvástideaddjis dohkkehuvvot dan. 2

3 6. Sisdoallu Sámi mánáidgárddit ja sámi oahpahus dárbbašit oahppo- ja veahkkeneavvuid mat leat hutkojuvvon sámi kultuvrra ala, mat leat sámegillii ja mat leat sámi servvodaga vuođul. Dat leat guovddaš reaidun ollašuhttit sámi oahpahusa ulbmiliid. Dása gullá maiddái hutkat čovdosiid mat fátmmastit árbevirolaš máhtu. Oahpponeavvopedagogihkka ásahuvvo diekkár jurddašeami vuođul. Guovddažis lea oahppodili ipmárdus mas oahppi lea aktiivvalaš ja iešheanalaš. Seammás mánná dahje oahppi vásiha oahppama iešguđetlágán ja máŋgga kultuvrralaš ja sosiála oktavuođas. Sus leat máŋggalágan dárbbut mat galget duhtaduvvot. Pedagogihkka lea váldoperspektiivan go dasa gullá govvidit, analyseret ja oahpponeavvuid ja bargoneavvuid bokte ovddidit kvalitehta oahppama vuođđorelašuvnnain: oahpaheaddji - oahppi ja oahpahusa sisdoallu. Oahpponeavvopedagogihkka fátmmasta dan dihte aktiiva ja kritihkalaš barggu: - digitála bargoreaidduid ja čovdosiid aktiiva geavaheapmi sámi oahpahusa dárbbuid ektui - didákttalaš ipmárdus ja analysa vuođđun oahpponeavvuid ja bargoneavvuid hutkamii ja ráhkadeapmái - máŋggalágan pedagogalaš teavsttaid ipmárdus ja hábmen oahpponeavvuid váras - oahpponeavvut ja bargoneavvut ja bargoproseassat geabbilis oahppanipmárdusa, geabbilis oahppanmállet ja čovdosiid váste 7. Oahppanjovssus máhtolašvuohta Studeanta galgá: - ipmirdit oahpponeavvu saji ja doaimma oahppanproseassas - máhttit guorahallat oahpponeavvodárbbuid iežas barggu ja ohppiid dárbbuid ektui, čovdosa plánet,čađahit dan ja bohtosa árvvoštallat - máhttit ráhkadit máŋggalágán čovdosiid oahpponeavvodárbbuide - máhttit árvvoštallat ja váldit adnui digitála reaidduid doarjun dihte geabbilis oahppandili, oahpahusa organiserema ja oahppama ovdáneami - máhttit árvvoštallat ja geavahit árbevirolaš máhtu ja báikkálaš gálduid oahpponeavvuid ráhkadeamis - prošeavtta bokte čájehit gelbbolašvuođa oahpponeavvuid ovdánahttit ja daid diehtomieldáččat geavahit geabbilis oahppandilis - kritihkalaččat árvvoštallat iešguđetlágan váikkuhangaskaomiid oahpponeavvuid plánemis ja ráhkadeamis 8. Oahppanvuogit Oahpahusa bargovuogit leat logaldallamat, seminárat ja joavkobarggut ja bagadallan. Oasit dáin leat klássalanjas ja bargobájis, ja muđui lágiduvvo oahpahus maiddái neahta bokte. Studeanta ásaha alcces fágalogga mas lea ulbmilin ovddidit oahppama ja mii maiddái geavahuvvo fágalaš gulahallanreaidun oahpaheddjiiguin ja koordináhtoriin deaivvademiid oktavuođas. Vurdo ahte studeanttat aktiivvalaččat oassálastet bargojoavkkuide ja ieža maiddái 3

4 ovttas ceggejit bargojoavkkuid mat ovttasbarget bargobájiin ja neahta bokte. Neahttaoahppan gáibida studeanttaid alcceseaset háhkat dohkálaš neahttaoktavuođa ja dihtoreaidduid. Bagadallan ii geavahuvvo gokčat osiid mat gullet logaldallamiidda. Studeanta galgá čálalaččat ráhkkanit bagadallamiidda ovdalgihtii čuolbmačilgehusa bokte. 9. Gáibádusat beassat eksámenii Studeanta galgá leat oassálastán unnimusat 80 %:i oktasaš logaldallamiin ja oahpaheaddji fágalaš árvvoštallama mielde deavdán seminára, joavkobargguid ja bagadallama eavttuid. Studeanta galgá leat čađahan oahpponeavvoprošeavtta mas lea mielde oahpponeavvu, siidosaš prošeaktaraporta (A4 siiddu 1,5 linjagaskkain) ja oanehis oahpponeavvobagadus. Muđui galgá studeanta čállit fágalogga juohke deaivvadeamis mii ja dat buktojuvvo sisa ovdal čuovvovaš deaivvadeami. Loahpalaš fágalogga buktojuvvo sisa dihto áigái ovdal eksámena. 10. Eksámen Studeantta ráhkada oahpponeavvu oktan oanehis bagadusain, fágalaš raporta, ja fágalogga árvvoštallojit oppalaččat ja deattuin 80 %. Oahpponeavvu oktan bagadusain sáhttá leat joavkobargu. Gitta 30 min njálmmálaš oktagaslaš eksámen mas buktojuvvo ovdan oahpponeavvu ja dasa gullevaš dokumeanttat, deattuhuvvo 20%:in. Árvosánit addojuvvojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. Árvosátni F mearkkaša, ahte ii leat ceavzán. Barggut árvvoštallojuvvojit bustávvaárvosániiguin (A-F). Dat gii oačču árvosáni F (ii leat ceavzán) eksámenis, sáhttá geardduhit eksámena Sámi allaskuvlla dábálaš njuolggadusaid mielde. Muđui čujuhuvvo Sámi allaskuvlla loahpalaš árvvoštallan- ja eksámennjuolggadusaide. 11. Oahppočuoggáid dohkkeheapmi Jos studeanta lea váldán eará sullasaš fága, dát árvvoštallojuvvojit sierra ohcama vuođul. Čujuhuvvo U/A láhkii Lea go privatistan vejolaš váldit dán fága Oahppu lohkko didákttalaš fágan oahpaheaddjioahpus, ja privatisttain ii leat vejolaš váldit dán oahpu. Geahča muđui U/A lága Kvalitehtasihkkarastin Čujuhuvvo SA kvalitehtasihkkarastinvuogádahkii, ja dasa makkár vejolašvuođat/geatnegasvuođat studeanttain leat árvvoštallat Sámi allaskuvlla oahppofálaldagaid ja bálvalusaid kvalitehta. 4

5 Studeantadásis oahppu árvvoštallojuvvo evaluerenčoahkkimis ja studeanttat devdet árvvoštallanskovi oahpu loahpahettiin. Ásahusdásis oahppu árvvoštallojuvvo studeantaárvvoštallamiid, eksámenraporttaid, sensorraporttaid ja fágaraportta vuođul. 14. Lohkanmearri Aikio, Aimo (2009): Oahpponeavvo- ja oahppoplánaoahpahus Sámi allaskuvllas. Sámi dieđalaš áigečála, 1-2, Ss (16 s.) Balto, Asta Mitkija (2008): Sami oahpaheaddjit sirdit árbevirolaš kultuvrra boahttevaš buolvvaide. Sámi Allaskuvla/Norden - kap 8 ja 9. (29 s.) Bølgan, N. (2009): Du gjør bare sånn!: bruk av digitale verktøy sammen med barna. Bergen, Fagbokforl. (179 s.) Berg, Grete Dalhaug, Nes, Kari (ed) (2007): Kompetanse for tilpasset opplæring. Artikkelsamling. Oslo: Utdanningsdirektoratet.( 84 s.) pdf Calvert, Christine (2010): Skriv for nettet - kort og godt. Oslo: Universitetsforl. Oslo (142 s.) Dysthe, Olga (1995): Det flerstemmige klasserommet, Skriving og samtale for å lære. Oslo: Gyldendal adnotam. Kap 3: Teoriforankring ss ja kap 5: Det flerstemmige og dialogiske klasserommet ss , ( 66 s.) dahje sullasaš girjjálašvuohta. Erstad, Ola 2007: Den femte grunnleggende ferdighet - noen grunnlagsproblemer. Norsk pedagogisk tidsskrift 2007 ;Volum 91.(1) s (12 s.) Erstad, O. (2010): Digital kompetanse i skolen. Oslo, Universitetsforl. (Oassi girjjis, 100 s.) Gaup, Elisabeth Utsi (2009): Duovdagiid giella Bálggesčuovga lunddolaš oahppanarenaid ozadettiin sámegiela oahpahusa olis. Sámi dieđalaš áigečála, 1-2, Ss (15 s.) Hollins, Etta R. (1996): Culture in School Learning. Revaling the Deep Meaning. New Jersey: Lawrence Erlbaum Associates. Kap 5 ss , kap 6 ss , kap 7 ss (68 s.) Kausrud, Torhild ja Utgård, Turid (2011): IKT i grunnleggende språk, lese- og skriveopplæring. En veileder om metodisk bruk. Oslo: Bredtvedt kompetansesenter. (77 s. ) Keskitalo, Jan Henry (2009): Sámi máhttu ja sámi skuvlamáhttu teorehtalaš geahčastat. Sámi dieđalaš áigečála, 1-2, Ss (13 s.) Keskitalo, Pigga & Määttä, Kaarina (2011): Sámegielat álgooahpahusa gielalaš iešvuođat. Sámi dieđálaš áigečála 1/2011. (23 s.) 5

6 Kvalbein, Asbjørn (2010): God kontakt. Praktisk kommunikasjonslære. Kristiansand. IJ-forlaget. Kap 1-3, ss 13-59, kap ss (66 s.) Dahje sullasaš. Lauhamaa, Pigga (2009): Sámi vuolggasaji nannen oahpahusas. Sámi dieđalaš áigečála, 1-2, Ss (13 s.) Nutti, Ylva Jannok (2009): Sámi árbevirolaš matematihka diehtu ja máhttu Akšuvdnadutkamis sámeskuvllas. Sámi dieđalaš áigečála, 1-2, Ss (12 s.) Salvesen, T. (2010): IKT-boka 2.0: for lærere og skoleledere i grunnskolen og videregående skole. [Oslo], Kolofon (142 s.) Schwebs, T. and H. Otnes (2006): Tekst.no: strukturer og sjangrer i digitale medier. Bergen, Fagbokforlaget (Oassi girjjis. 200 s.) Østerud, S. (2009): Enter: veien mot en IKT-didaktikk. Oslo, Gyldendal akademisk (Oassi girjjis 120 s.) Øzerk, Kamil (2006): Opplæringsteori og læreplanforståelse. Revidert Utgave. Oplandske Bokforlag. Kap 7 Ss , kap 8 ss Dahje sullasaš. (52 s.) Lassi lohkamušat: Bølgan, N. (2009). Barnehagens digitale tilstand: nasjonal kartlegging av utstyr, tilgjengelighet og bruk av digitale verktøy i barnehagen. Oslo, Høgskolen i Oslo. Dysthe, Olga, Hertzberg, Frøydis & Løkensgard Hoel, Torlaug (2002). Skrive for å lære : skriving i høyere utdanning, Oslo: Abstrakt forlag dahje sullásaš girjjálašvuohta Haugen, H. (2009): Læringsmiljø på nett: erfaringer fra forsøk og prosjekt. Trondheim, Tapir akademisk forl. Høiland, T. and T. A. Wølner (2007): Fra digital ferdighet til kompetanse: om didaktikk for arbeid med digitale medier i skolen. Oslo, Gyldendal akademisk. Otnes, H. (2009): Å være digital i alle fag. Oslo, Universitetsforl. Salmon, G. (2011): E-moderating: the key to teaching and learning online. New York, Routledge. Gáldut: Máhttodepartemeanta (2007): Rámmaplána mánáidgarddi sisdoallu ja barggut. Oslo, KD Máhttodepartemeanta (2008): Máhttolokten: Sámi oahppoplánabuvttus. Oslo, KD 6