VOGNSTØLEN BARNEHAGE Årsplan

Transkript

1 VOGNSTØLEN BARNEHAGE Årsplan Teikna av Kari 5,5år.

2 FORORD Helse Bergen Hf eig og driv 4 barnehagar som vert nytta til rekruttering av nøkkelpersonell og for å sikre stabil arbeidskraft i Helse Bergen HF. Barnehagane vert drivne i samsvar med «Lov om barnehagar» og «Rammeplan for barnehagen sitt innhald og oppgåver». I følgje lova skal kvar barnehage ha ein årsplan som skal gi opplysningar om barnehagen sitt satsingsområde, mål og vurderingsområder. Den skal innehalde informasjon om barnehagen sitt arbeid med blant anna omsorg, danning, leik og læring, og er eit viktig arbeidsreiskap for personalet. Årsplanen gir informasjon til føresette, eigar, og andre interesserte og er viktig for samarbeidet med føresette. Årsplanen byggjer på Langtidsplan som er eit felles styringsdokument for barnehagane i Helse Bergen. Langtidsplanen skal sikre progresjon og samanheng i barna si læring og opplevingar gjennom heile barnehageopphaldet, og byggjer på «Lov om barnehagar» og «Rammeplan for barnehagen sitt innhald og oppgåver». Inger Johanne Klausen Barnehagesjef I møte gav SU si tilslutning til å prolongere Lagtidsplanen fram til ny Rammeplan vert gjort gjeldande hausten 2017 Årsplanen er lagt fram for Samarbeidsutvalet for Vognstølen barnehage i møte Teikna av Elise

3 BÆREKRAFTIG UTVIKLING Våren 2015 var «bærekraftig utvikling» felles tema i barnehagen. I løpet av perioden var personalgruppa på kurset «Gjenbruk som kreativ kraft» og vart inspirerte til å fortsette arbeidet med dette viktige temaet komande barnehageår. Barnehagane i Helse Bergen er miljøsertifiserte og i så måte passar valte tema godt. Bærekraftig utvikling er eit så vidt omgrep at vi ikkje greier å ta alt inn over oss, men vi meiner at alle kan gjere noko. Vårt bidrag komande barnehageår er blant anna å redusere innkjøp av leiker og formingsmateriell. I tilegg til at vi forbrukar mindre, som er ein gevinst i seg sjølv, meiner vi at barna vil tene på det. Ved å erstatte leiker som borger, skip, slott og liknande med ulike typar gjenbruksmateriell ser vi at barnet sin kreativitet og skaparevne blir styrka. Store «leiker» som kartongar og liknande appellerar til meir samhandling og vil over tid styrke barna sine samarbeidsevner. Bærekraftig utvikling vil være eit gjennomgangstema i alle fagområda og i det vi elles gjer på, samtidig som vi er klar over at «vegen blir til medan vi går». «DET ER SANT AT JEG FANT» Fagområdet «Tekst, språk og kommunikasjon» vil framleis vere det mest framtredande fagområdet hjå oss. Vi ser på dette fagområdet som grunnleggande for barna si utvikling og læring. Språk og gode kommunikasjonsevner er ein føresetnad for sosial kompetanse, leik og samhandling. Ved å styrke barna sin språklege kompetanse legg vi grunnlaget for seinare lese og skriveopplæring og matematikkopplæring. Samtidig har dette fagområdet utømmelege kjelder å hente inspirasjon frå, samtidig som det er kjekt for barn og vaksne å halde på med. Språkarbeid som høgtlesing, samtalar, rim, ellingar osv. fremmar leselyst og kan romme mykje spenning, glede og forventning, «Kva skjer så?». Dette barnehageåret vel vi å arbeide med dikt, rim og regler. Mange dikt er tonesett og kan syngast. Dette passar like godt for både små og store barn, og rommar alt frå tøysevers og ellingar til lange forteljingar om for eksempel «Reven på høsejakt». Språkarbeid saman med bærekraftig utvikling er eit godt utgangspunkt for å gi ny inspirasjon til leik, ulike formingsuttrykk, dramatisering, filosofering osv. Dramatisering og dramaleik vil fortsatt ha ein sentral plass i kvardagen. Drama ligger tett opp til barna sin eigen leik med spel og agering som uttrykksform. Drama inneheld både improvisasjon og konsentrasjon, ritual og magi, leik og moro, glede og forventing. Drama har litt av alle elementa som vi vil at barndommen skal være prega av. I tidsrommet august til desember vil vi arbeide med: Eg og familien min / tryllebukett Forteljing, rim og regler Juleforteljing I tidsrommet august til desember vil vi arbeide med: Forut forteljing frå Nepal Rim og regler Vårteikn og småkryp Dette vil de få meir informasjon om i månadsplanar og oppsummeringar frå avdelingane.

4 DANNING Danning er ein kontinuerleg prosess som blant anna handlar om å utvikle evner til å reflektere over eigne og andre sine handlingar og veremåtar. Arbeidet med, og samtalar om kva som er bærekraftig eller ikkje, vil styrke barnet sin danningsprosess. Saman med barna kan vi fabulere om korleis vårt levesett og våre val påverkar andre menneskjer og miljøet rundt oss. OMSORG For å kunne gi adekvat omsorg er vi avhengig av å få ei forteljing, enten munnleg fortalt av personen sjølv, eller at vi skapar oss ei forteljing ut ifrå det vi ser og høyrer. Anerkjenning av barna sine forteljingar styrkar barna si sjølvkjensle og identitet. Vi må ta barna på alvor og hjelpe dei til å tolke ulike situasjonar, kropps- og ansiktsuttrykk for å gi dei moglegheit til å gi omsorg. Fokus på bærekraftig utvikling vil i større grad gi barna moglegheit til å syne omsorg for naturen og alt levande ikring oss, og for dei som kjem etter oss. LEIK Leiken pregar barna sin kvardag. Gjennom leik øver barnet seg på å beherske omgjevnadane. Leik er lystprega, det stimulerer fantasien og der fremmar venskap mellom barna. Eit deltakande og leikande personale saman med dagsog vekeplanar som gir tid og rom for leik, er ei føresetnad for det vi kallar gode leikevilkår. Det, i tillegg til eit rikt repertoar av forteljingar, dikt, rim og regler saman med eit variert utval av gjenbruksmateriell vil gi god næring til leiken. Teikna av Mathias 5 år

5 LIKESTILLING Mål for arbeidet med likestilling er å gi jenter og gutar like moglegheiter, og å gjere dei bevisst på at dei har dei same moglegheitene. Vi meinar at gjenbruksmateriell i utgangspunktet er kjønnsnøytralt. Med meir gjenbruksmateriell i leiken vil det bli færre kjønnsspesifikke leikar som appellerer kun til jentene eller gutane, for eksempel rosa slott, sjørøvarskuter, riddarborger etc. Samtale og felles refleksjon rundt likestilling vil vere holdningsskapande i forhold til barna si oppfatting om kva som er «guteting og jenteting». BARNA SI MEDVERKING Barna må oppmodast til å sette ord på og fortelje om sine eigne ønskjer, behov og idear som vi må anerkjenne, og i størst mogleg grad prøve å etterkomme. Dersom barn aldri opplever å bli anerkjent vil dei truleg slutte å fremme eigne tankar og ønskjer. Vi må vise interesse og ta utgangspunkt i det som barna er opptekne av og arbeide vidare med det. Det er eit viktig utgangspunkt for å fremme eit demokratisk tankesett. Barna blir invitert med i innsamling av gjenbruksmateriale, kva skal vi samle på og kva kan det brukast til? LÆRING, INKLUDERING OG LIKEVERD Barn er grunnleggande nysgjerrige, utforskande og interessert i å lære. Læring forgår på mange plan, blant anna ved at barna skaper, lyttar til forteljingar, leikar dei ut og filosoferar over kva dei høyrer og ser. Når barna sjølv fortel eller skapar noko så lærer dei av den responsen dei får. Vi må hjelpe barna til å utvikle ei positiv nysgjerrigheit overfor ander menneskjer og kulturar. Vognstølen barnehage samarbeidar med bistandsorganisasjonen FORUT (forut.no). Gjennom forteljing, film og bilde blir vi kjent med barn frå ander delar av verda. Dette barnehageåret får vi kjennskap til barn og deira levekår i Nepal. I arbeidet med FORUT ser vi at barn kan leike og ha det moro sjølv i fattige omgivnadar. Vi kan vise solidaritet med dei ved at vi ikkje forbrukar meir enn det vi treng. Teikna av Liv 5 år

6 BARNEHAGEN SOM KULTURARNA I arbeidet med barnehagen som kulturarena ser vi på barna som både produsentar og konsumentar av kultur. Vi nyttar kultur som song, musikk, rim og regler, bøker og forteljingar med meir. Samtidig får barna moglegheit til å skape sine eigne kulturuttrykk. Med blant anna rim og regler som inspirasjon får barna moglegheit til å nytte ulike gjenbruks- og naturmateriale til skapande leik og anna kreativ aktivitet. Barna skal i størst mogleg grad få dokumentere sin kulturelle uttrykk med blant anna utstyr som fotoapparat og ipad. SPRÅKLEG KOMPETANSE Forteljing og samtalar er det viktigaste området når det gjelder å stimuler barna si språkutvikling. Ved bruk av bilde, bøker og forteljing utvidar barna sitt ordforråd og forståing av ulike omgrep. Saman med barna skapar og lyttar vi til lydar, rim og rytme i språket. Vi tolkar det vi ser og høyrer saman, og setter ord på det. I år har vi ekstra fokus på rim og regler som i tillegg til arbeid med bærekraftig utvikling vil gjere barna sitt ordforråd og repertoar rikare. FAGOMRÅDA Rammeplanen inneheld sju fagområde som barnehagen skal dekke. Nokon av fagområda har ein naturleg og framtredande plass i kvardagen, medan andre må jobbast meir spesifikt med. Vi viser til Langtidsplanen for barnehagane i Helse Bergen som set mål for dei ulike aldersgruppene. MILJØPEDAGOGISK ARBEID Det viktigaste miljøaspektet er det haldningsskapande arbeidet med barna. Ein del av det er å redusere vårt forbruk og fokusere på bruk og kast. Kva kan vi bruke om att? I år har vi bestemt at «bærekraftig utvikling» skal vere eit gjennomganstema heile året. Målet er at barna skal få auka kjennskap til omgrepet bærekraftig utvikling gjennom leik, forteljing, drama, forming, arbeid med kjøkkenhagen og småkryp, med meir. OVERGANG BARNEHAGE SKULE Siste året i barnehagen er det ekstra fokus på å gjere barna kompetente til å møte krav og forventingar som blir stilt til dei i skulen. Det generelle førskuletilbudet er skildra i Langtidsplanen for barnehagane i Helse Bergen For å styrke barna sine evner til å sjølvhevding ved å «stå fram» har førskulebarna i Vognstølen barnehage eit eige songkor. Dei øver kvar veke og alle vert oppmoda til å synge i mikrofon. Vårt inntrykk er at barna set pris på dette, og dei syner stor songglede. Koret opptrer både i og utanfor barnehagen. Vi har tradisjon for at førskulebarna dramatiserer og framfører juleevangeliet for dei andre barna i barnehagen.

7 Førskulebarna er kvar veke på trim i HSI-hallen og/eller på turar. Etter jul har dei «førskulegruppe» kvar veke, der dei øver på finmotoriske ferdigheiter, omgrepstrening, bokstavar, tall etc. Førskulegruppa har avslutning med kinobesøk og pizzaeting ein dag i juni. FORELDRESAMARBEID Vi håpar og trur at foreldra kjenner seg som verdifulle samarbeidspartnarar i barnehagen sitt arbeid med å gi barna trygge og gode utviklingsmoglegheiter. Den daglege kontakta mellom foreldre og personale er av uvurderleg betyding for barna sin kvardag. VURDERINGSOMRÅDE TEKST, SPRÅK OG KOMMUNIKASJON I fleire år ar vi hatt fokus på tekst, språk og kommunikasjon gjennom forteljingar, bøker og bilde. No er vi nysgjerrige på korleis barna vurdere sine vaksne som tekstformidlarar for dei. Ved bruk av barneintervju/samtalar ønskjer vi blant anna tilbakemelding på følgjande spørsmål: Fortel eller les det vaksne bøker for deg? Ønskjer du meir høgtlesing? Kven er det som vel bøkene som lesast? Kva for nokre bøker likar du å høyre? Pedagogisk leiar har, i samarbeid med styrar, ansvar for å laga ei oppsummering av samtalane / intervjua innan 30. juni 2016 VERDILAUST MATERIALE SOM LEIKEMATERIALE Observasjon, praksisforteljingar og bildedokumentasjon av barna sin leik. Personalet på avdelingane dokumenterar det dei ser og høyrer og lagar ei oppsummering som utgangspunkt for felles refleksjon om verdilaust materiale som leikemateriell. Teikna av Anna 5 år.

8 TRADISJONAR I BARNEHAGEN Felles songstund kvar fredag Markering av barna sine fødselsdagar (avdelingsvis) Haustsamling (alle barna) Dramatisering av juleevangeliet (førskulebarna/alle barna) Nissefest (alle barna) FORUT solidaritetskafe (barn og foreldre) Temafest/kostymefest (alle barna) Sommaravslutning (barn og foreldre) KOMPETANSEUTVIKLING Barnehagane i Helse Bergen har fokus på kompetanseutvikling. Kvaliteten i barnehagane avhenger av personalet sin kunnskap og erfaring. Vi legg vekt på fagleg utvikling gjennom intern opplæring og vegleiing, deltaking på eksterne kurs, fagutviklingsdagar og foredrag. I vil det være fokus på leiing, leik og danning med mål om å utvikle personalet sin kunnskap og kompetane. PLANLEGGINGSDAGAR Komande barnehageår har vi følgjande planleggingsdagar: Måndag 14. september Fredag 6. november Fredag 8. januar Fredag 5. februar Fredag 6.mai KONTAKTINFORMASJON Blåklokke / Hvitveis / Solsikke / Tusenfryd / Konvall / Styrer / Gerd Bakken / / E-post / vognstolen.barnehage@helse-bergen.no Formgitt av Torun Hunnes // Teksta er skreva av styrar og pedagogane ved barnehagen // Teksta er oversatt til nynorsk av Torun Hunnes