Leiing i barnehagen. Forventningar til styraren

Transkript

1 Leiing i barnehagen Forventningar til styraren

2 Innleiing Styraren har ansvar for å leie utviklingsprosessar for personalgruppa i barnehagen, slik at barnehagen kan gi eit kvalitativt godt tilbod til kvart barn. For at barnehagen skal ha eit læringsmiljø som utfordrar og utviklar praksis i barnehagen, må styraren syte for at det er gode vilkår for læring og utvikling i heile organisasjonen. Det krevst god barnefagleg kunnskap og evne til å leie utviklings- og endringsarbeid i barnehagen. Det føreset også at styraren er godt kjend med og følgjer relevant lovverk med forskrifter som regulerer verksemda i barnehagen. Dette dokumentet beskriv nokre forventningar som kan stillast til ein styrar i barnehagen. Forventningane byggjer på dei krava som ligg til grunn for Utdanningsdirektoratets utvikling av den nasjonale leiarutdanninga for styrarar i barnehagen. Staten stiller gjennom Barnehagelova (2005) krav til at barnehagen skal ha ei forsvarleg pedagogisk og administrativ leiing ( 17).

3 Leiing i barnehagen Leiing er å ta ansvar for å oppnå resultat saman med andre. Styraren leier gjennom andre og delegerer oppgåver og myndigheit, men ansvaret kan ikkje delegerast. Styraren som barnehagens øvste leiar har ansvar for å utøve samfunnsmandatet i samsvar med formål og innhald i barnehagelova. Barnehagen kan beskrivast som ein kunnskapsorganisasjon der kompetansen til dei tilsette har mykje å seie for kvaliteten på barnehagetilbodet. Personalgruppa i norske barnehagar er kjenneteikna ved å ha ulik utdanningsbakgrunn og barnehagefagleg kompetanse. At personalet har ulik kompetanse og utdanningsbakgrunn, kan gi moglegheiter i utforminga av innhaldet i barnehagen, samtidig som det kan opplevast som krevjande å leie utviklinga der personalet manglar relevant utdanning. Styraren si evne til å leie utviklings- og læringsprosessar i ein barnehage, også der dei tilsette har ulik kompetanse, vil vere avgjerande for utviklinga av barnehagen som ein lærande organisasjon.

4 Forventningar til styraren i barnehagen Forventningar til styraren er her beskrivne med utgangspunkt i den nasjonale leiarutdanninga for styrarar i barnehagar. Kompetanseområda som er beskrivne, må tilpassast den enkelte styraren sine føresetnader for leiarskap. Barns læring og utvikling - barnehagens omsorgs- og læringsmiljø Styraren har ansvar for at kvart enkelt barn får tilbod om eit inkluderande barnehagemiljø som støttar opp om ei allsidig utvikling, og som tek vare på behovet for omsorg og leik, læring og danning hos det enkelte barnet og i barnegruppa. Styring og administrasjon Styraren har ansvar for at barnehagens samfunnsmandat blir følgt opp. Det inneber at han eller ho handlar på vegner av sentrale og lokale myndigheiter og kjenner og følgjer lova, inkludert rammeplan for barnehagens innhald og oppgåver. Styraren skal også syte for god intern administrasjon, styring og kontroll.

5 Samarbeid og organisasjonsbygging, rettleiing av personalet Styraren har ansvar for at barnehagen fungerer godt som organisasjon og pedagogisk verksemd. Han eller ho skal samarbeide med andre aktørar og medverke i prosessar der målet er å støtte barns utvikling. Samarbeidspartnarar kan vere PP-tenesta, helsestasjonen, grunnopplæringa, barnevernet og BUP. Styraren må evne å involvere og engasjere tilsette og foreldre i arbeidet med å nå ei felles målsetjing. Han eller ho skal leie arbeidet med å etablere ein kollektiv kultur som fører til eit godt arbeidsmiljø der utviklinga av barnehagen gjennom kontinuerleg kompetanseutvikling står sentralt.

6 Utvikling og endring Styraren har det overordna ansvaret for utvikling og endringsprosessar i barnehagen. Samfunnet, barnegruppa og foreldregruppa endrar seg over tid. Han eller ho har ansvar for å setje i verk tiltak som medverkar til at barnehagen er i stand til å møte ytre krav og forventningar til innhald og oppgåver.

7 Leiarrolla Styraren skal ha eit avklart forhold til leiarrolla og sin eigen leiarskap, og må vere i stand til å defi nere og redefi nere leiarrolla og sine vilkår for å utøve god leiing dersom forholda krev det. Ein styrar må tydeleg kommunisere krav, forventningar og mål til dei tilsette. Styraren må også ha evne til å støtte og rettleie dei tilsette slik at dei blir trygge i arbeidssituasjonen, og slik at dei får brukt kompetansen sin på best mogleg måte.

8 Telefon Utgitt juli 2015 sisteskrik.no Foto: istockphoto Illustrasjon: Pia Isaksen/Anagram