Jaja, det nærmar seg i alle fall og på Krabben har me førebudd oss så godt me kan på «den søte adventstid».

Transkript

1 Hei hå, no er det jul igjen! Jaja, det nærmar seg i alle fall og på Krabben har me førebudd oss så godt me kan på «den søte adventstid». Me har no avslutta prosjektet «Familien min» og vil oppsummera litt. Me hadde mange målsetjingar som me har nådd, og det er fantastisk å oppleva korleis borna har erfart og utvida kunnskapane sine. Dei har ved hjelp av husa sine fått høve til å plassera seg sjølv og familiemedlemmene visuelt, me har stimulert språket deira gjennom samtale om dette, og borna har såleis fått kjenna på korleis det er å høyra til i «si» gruppe. Dermed har me stimulert 3 intelligensar og 3 av måla. Ikkje verst! Me har øvd på å telja kor mange dei ulike bur saman med, mest for dei eldste, og me har sunge om desse. I tillegg har me, som de har sett, både mala og baka dykk alle saman, håpar de synst de smakte godt! Då har me stimulert 4 intelligensar til. Heile vegen har me gått turar for å gje borna erfaringar med å gjera noko dei allereie kunne, men saman med oss i staden for med familien sin. Undervegs har me samtala med borna om dette. Me opplever barnegruppa som ei godt samansveisa gruppe etter kvart, samstundes som dei likar at me deler oss opp i smågrupper. I smågruppene greier me betre å stimulera og dekkja kvar einskilt sine behov i høve til alder og modning og det er naturleg nok ein del skilnader på eitt- og to-åringane. På denne måten kan me observera om alle får det dei treng og har noko å strekkja seg etter. Så over til juleførebuingar! Advent er jo ei tid der me kjem i ein spesiell stemning, me ventar og me gler oss, unner oss gjerne litt ekstra sidan det for mange også kan vera ei veldig travel tid. Også på Krabben me bakar kanskje litt meir enn me planla, me et litt julekjeks no og då, pyntar og lagar julepynt, spelar julemusikk og er i førebuingsfasen ganske lenge. Me veit av erfaring at born treng tid til å forstå og til å verta vane med endringar, dei treng liksom å arbeida seg inn i det nye, difor bruker me noko av november og heile desember til å arbeida med emnet jul.

2 Frå måndag vert til dømes adventsamlingar kvar morgon, i staden for vanleg samling. I adventsamlingane er det kvar dag eitt barn som får trekkja sitt pepperkakehjerte, hengja hjerte i vindauget og vera med å styra samlinga. Me har julekrybbe som me leikar oss gjennom, slik at me deler julebodskapen, og me syng og dansar julesongar. I vedlegget ser de tankekart og intelligensmål for jula. Det vert markering av St.Lucia fredag 12.desember og nissefest tysdag 16.desember. St.Lucia-feiringa er det Kråkebollene som står for, slik at me berre sit og vert oppvarta denne dagen. Nissefesten får de nærare informasjon om når det nærmar seg. Då håpar eg at eg har fått med alt de treng å vita og ynskjer dykk ei roleg førjulstid med gode opplevingar! Helsing Merethe og dei andre super-damene

3 Mål for jula 2014 Personleg intelligens (sosial kompestanse og fagområdet etikk, religion og filosofi): Barnehagen skal medverka til at borna får oppleva å stå framføre gruppa og tenna lys og henga opp hjerte høve til å venta på tur ved trekking av kalender/hjerte Sosial intelligens (sosial kompetanse og fagområdet nærmiljø og samfunn): ta del i eit fellesskap oppleva samhald i ei høgtid oppleva å gå rundt juletreet i eit stort fellesskap høve til å ta del på nissefest oppleva ei god adventstid saman med andre barn og vaksne Språkleg intelligens (fagområdet kommunikasjon, språk og tekst samt etikk, religion og filosofi): høyra juleevangeliet/julehistoriar oppleva nye songar Kroppsleg intelligens (fagområdet kropp, rørsle og helse): vera med å gjera rørsler til songar øva opp finmotorikken ved å ta del i juleverkstad; pynta pepperkakehjerte, laga litt julepynt

4 Matematisk intelligens (fagområdet antal, rom og form): ha fokus på former me møter i kvardagen i juletida o t.d hjarte og stjerne o oppleva glede over å leika med tall Naturalistisk intelligens (fagområdet natur, miljø og teknikk): oppleva samanhengen mellom natur og bruk av den i høgtida ha fokus på kva som skjer i naturen når det er vinter Visuell/romleg intelligens (fagområdet kunst, kultur og kreativitet): kjenna igjen sitt eige hjerte i kalenderen vera med å pynta avdelinga og gjera den visuelt i stand til jul få høve til å nytta ulike materialar i juleverkstaden Musikalsk intelligens (fagområdet kommunikasjon, språk og tekst): høve til å spela julemusikk -> skapa julestemning vera med å synga julesongar/læra nye songar høve til å nytta instrument

5 TANKEKART JULA 2014 samling Adventssamling Pynta pepperkake -hjerter Synga Eta opp baksten vår JUL Skapa julestemning og finna roen. Baka Nissefest Felles verkstad jule- julesongar Jule-