Språk og språkmiljø Kvardagssamtalen: Høgtlesing og forteljarstunder:

Transkript

1

2 Språk og språkmiljø Vi har språk og språkmiljø som satsingsområde. Det er eit mål å gje barna varierte og positive erfaringar med ord og uttrykk, saman med konkret sanse- og førstehandserfaring, i naturlege samanhengar. Til dømes kan vi i sandkassen når det regnar laga demningar og kanalar. I samtale med barna kring dette kan vi introdusera dei for nye ord og omgrep, som demning og kva funksjon denne har. Vi kan og undra oss saman med barna kring kva som skjer når demninga bryt og kva vi kan gjere for å byggje den opp att. Rammeplanen skriv at varierte erfaringar er avgjerande for at barna skal forstå omgrep og utvikla eit rikt språk (Rammeplanen s. 40). Kvardagssamtalen: Å samtale med barna er noko vi legg vekt på i alt vi gjer. Saman med barna skal vi setja ord på det som skjer omkring dei. Vi skal og synleggjera språket på avdelinga gjennom å merka med namn og omgrep på kassar, stolar, skuffer ol. Vi skal ha alfabetet synleg på avdelinga, slik at barna kan verte motiverte til å leita etter bokstavar, og få ei gryande interesse for språk og samansettingar av ord. Saman med barna skal vi setja ord på det dei er opptekne av og handlingar i kvardagen for å hjelpa dei til å forstå ulike omgrep og samanhengar, og for å fremja eit rikt ordforråd. Vi skal vere til stades her-og-no saman med barna for å setja ord på ulike kjensler som barna gjev uttrykk for. Dette for å bekrefte det barna kjenner, samt hjelpe dei til å forstå seg sjølv og andre i situasjonen. I leiken skal vi vere nærverande vaksne på barna sine premiss, slik at vi kan støtta dei og setja ord på det som skjer ved behov. Høgtlesing og forteljarstunder: Vi skal gjennom heile våren leggja til rette for høgtlesing og forteljarstunder både inne og ute i den frie lufta, til dømes eventyrstunder i skogen for å skapa ekstra stemning. Barna skal få verte kjent med eventyr og fablar som har vore ein del av den norske barnelitteraturtradisjonen, og vi skal trekkje inn eventyr eller fortellingar frå andre land som er representert på avdelinga for å synleggjere mangfaldet som vi er ein del av. Saman med barna skal vi setja ord på det vi les om i bøkene og invitera til samtale kring dette. Vi

3 skal og introdusere barna for tema som ligg nært opp mot kvardagen, til dømes det å få eit litlesøsken eller ulike familieformer. Tema som angår barna kan gje dei noko å relatere seg til, og det kan vere eit godt utgangspunkt for vidare samtale og undring. Rammeplanen skriv at vi må skapa eit miljø der barn og vaksne dagleg opplever spenning og glede ved høgtlesing, forteljing, song og samtale. Vi må vere medvitne på kva etiske, estetiske og kulturelle verdiar vi formidlar (s. 41). Språkgrupper: Av og til deler vi barna i språkgrupper der vi har ulike aktivitetar som samtale, rollespel, lotto, konstruksjonsleik, songar, rim og reglar, forteljing og rolleleik mm. Målet med desse gruppene er å støtta dei barna som treng ekstra stimulering, men og stimulera språket generelt. Mindre grupper kan og gje meir ro kring leiken og betre høve for barna til å verte kjent. Fokus skal vere på uformell læring, men i regi av vaksne. Gjennom ei leikande tilnærming der vi har fokus på prosessen og det vi erfarer, skal barna få sleppe press om å prestere. Vi skal leike med språket og ha det gøy saman. Sosial kompetanse og leik Arbeid med å styrkja den styrkja den sosiale kompetansen til barna skal liggja som ein grunnmur i alt vi gjer. Vi skal mellom anna: Setja ord på kjenslene til barna for å hjelpe dei til å forstå kjenslene, til dømes Nå ser eg at du vart lei deg fordi. Setja ord på handlingane til barna og beskrive det dei er opptekne av, for å vise at vi ser dei. Samtale med barna om korleis vere mot kvarandre, som tema i samlingsstund, men og i kvardagen. Setja ord på korleis det er for dei ulike partane i ein konfliktsituasjon, for å gje barna trening i å ta den andre sitt perspektiv. Setja ord på det vi set pris på hjå kvarandre. Øve på turtaking, øve på å dele og spørje når vi treng noko. Setja ord på og kommentere når barna er gode mot kvarandre. Vere gode rollemodellar, trøyste når nokon er lei seg, glede seg med andre når dei er glade osv. for å lære barna empati.

4 Prosjektgrupper I prosjektgruppene tysdag skal vi vere ute og ha ulike aktivitetar som forming, eventyr, oppdagelsesferder og leik, drama, dans og musikk mm. Tema for våren vil vere kunst og kulturformidling/livet på Sotra før og no. Barna skal mellom anna få erfaring med musikken til Johannes Kleppevik og korleis fiskarbonden og Sotra folket levde i gamledagar. Saman med barna skal vi undra oss over kva vi har felles med dei gamle tradisjonane og kva som er ulikt. Rammeplanen skriv at barna skal få oppleve lokale, nasjonale og internasjonale kunst, og kulturuttrykk (s. 44). Torsdag går vi ein felles tur og i år et vi også lunsj på turen. På turane skal vi utforska dei gledene som vinteren og våren har å by på. Vi skal samtale med barna undervegs om det vi ser og opplever. Fleirkulturelt arbeid Vi er så heldige å ha eit mangfald av nasjonalitetar, religion og livssyn- familiesamansetningar og kultur i barnehagen. Dette ønskjer vi å synleggjere i det daglege arbeidet på avdelinga. Til dømes har vi velt å ha flagg på kasselappane for å synleggjere kva nasjonalitet barna høyrer til. Venskapsringen har vi medvitent velt å lage i ulike fargar for å symbolisere det mangfaldet som avdelinga representerer. Vi skal også lese bøker, syngje songar, telle på ulike språk og undre oss saman med barna over det mangfaldet som vi har på avdelinga.

5 Månad Tema Aktivitet Vinter og det denne årstida kan by på- med ver og naturforandringar, tradisjonar. Januar-Februar Mars-April Mai-Juni Prosjektgrupper: Johannes Kleppevik og fiskarbonden- om livet på Sotra før og no. Våren kjem- fokus på endringar ute og nytt liv. Påske- fokus på tradisjonar som følgjer denne høgtida. Prosjektgrupper: Kunst og kulturformidling- eventyr, nordisk barnelitteraturtradisjon og synleggjering av det fleirkulturelle. Sein vår og på veg mot sommaren. 17-mai- songar og tradisjonar. Prosjektgrupper: Kunst og kulturformidling- eventyr, nordisk barnelitteraturtradisjon og synleggjering av det fleirkulturelle. Høgtlesing og forteljarstunder med eventyr, fablar og meir. Songar, rim og regler. Gode samtalar og undring. Barnesamtalar med fokus på korleis det einskilde barnet har det i barnehagen. Turar i nærområdet. Utforske naturen og årstida. Formingsaktivitetar. Leikegrupper på ulike rom. Fastelavn og karneval. Høgtlesing og forteljarstunder med eventyr, fablar og meir. Songar, rim og regler. Gode samtalar og undring. Turar i nærområdet. Utforske naturen og årstida. Formingsaktivitetar. Leikegrupper på ulike rom. Markering av barnehagedagen. Påskefrukost med foreldre. Planting. Høgtlesing og forteljarstunder med eventyr og meir. Songar, rim og regler. Gode samtalar og undring. Turar i nærområdet. Utforske naturen og årstida. Formingsaktivitetar. Leikegrupper på ulike rom. 17. mai-leikar. Sommarfest.

6