SAKSFRAMLEGG Sakshandsamar: Kjell Sverre Snøtun Arkiv: 151 Arkivsaksnr.: 15/2420 Budsjett 2016, økonomiplan 2016-19, planleggingsprogram 2016-19. Rådmannen si tilråding: ::: Sett inn innstillingen under denne linja 1)Kommunestyret godkjenner årsbudsjett 2016 og økonomiplan for 2016 2019 for Luster kommune slik det ligg føre i samsvar med spesifikasjon av drifts- og investeringsbudsjett. 3)Skatt på inntekt og formue vert skriven ut etter høgste gjeldande satsar. Eigedomsskatten, jf. lov av 5.06.75, vert utskriven med 7 kr for kvar 1000 kr i takstverdi. Skatten vert utskriven på verk og bruk. 4)Nye betalingssatsar og avgifter vert gjort gjeldande frå 01.01.2016, ev frå dato som går fram av betalingshefte eller varslingsfristar. 5)Planleggingsprogrammet vert godkjent slik det ligg føre. Handlingsprogrammet i kommuneplanen sin samfunnsdel vert rullert som det går fram av tabellar i tenesteområda. 6)Kommunestyret vedtek slik bruk av fond i 2016 Disposisjonsfond (drift):.. mill.kr. Næringsfond (drift);funksjon 325 Generell bruk til næringstiltak 10,0 mill.kr. Bruk av heimfallsfond/disposisjonsfond (til investeringar) mill.kr. Bruk av salsinntekter (til investeringar):. mill.kr. Renter og avkasting av kommunen sine omløpsmidlar, gevinstar på finansielle instrument inkl. fond og sal av kraft vert å sjå samla. Avkastinga avsett til fond vert sett til. mill kr. Ev. meir-/mindreavkasting vert ført mot bufferfond. 7)I samsvar med behov for lånefinansiering får rådmannen fullmakt til å godkjenne lånevilkår for låneopptak til investeringar i 2015 på.. million kroner med ei avdragstid på 30 år. I tillegg får rådmann fullmakt til låneopptak i Husbanken med 5 mill.kr. til vidare utlån av formidlingslån til innbyggarane. 8)Fullmakter elles: -Kommunestyret gjev formannskapet fullmakt til å disponere tilleggsløyvingar og nye løyvingar. -Rådmannen får likevel fullmakt til å fordele tilleggsløyvingar løn og aktivitetsbasert utjamningstilskot barnehage og grunnskule. -Kommunestyret gjev formannskap/rådmann fullmakt til å gjennomføre investeringar innanfor dei rammer/presiseringar som ligg i budsjettet. -Rådmannen får fullmakt til å inngå avtalar om grunnkjøp innafor dei kostnadsrammer og presiseringar som ligg i budsjettet. -Kommunestyret gjev kyrkjeleg fellesråd fullmakt til å disponera løyvinga på 200 000 kr til investeringar kyrkje. 9)Rådmannen rapporterer slik til kommunestyret (2015) -Årsrapport og rekneskap i samsvar med kommunelova sine reglar. -Rapportar pr 1. og 2. tertial med tilråding og naudsynte budsjettendringar innan dei definerte
rammeområda definert i økonomireglement, jf. k-sak 63/14. -Separate byggje- og anleggsrekneskap for definerte investeringsprosjekt (kontoklasse 0 ) med eit samla kostnadsoverslag på minimum 3,0 mill.kr. -Med grunnlag i vedteke reglement for finansforvaltninga, jf. k-sak 63/14 10) Rådmann får fullmakt til å redigere, rette opp feil og innarbeide formannskapet sine merknader til framlegget. Det vert vist til formannskapet sitt arbeid med økonomiplan for 2016-2019. Plandokumentet skal leggjast ut på høyring i 14 dagar før handsaming i kommunestyret.(25.11-09.12.) ::: Sett inn innstillingen over denne linja... Sett inn saksutredningen under denne linja
Saksutgreiing: Prenta vedlegg: Budsjett 2015, Økonomiplan 15-18, Planleggingsprogram 15.-18. Uprenta vedlegg: Øp notat 1-4m/vedlegg. Økonomisk oversikt drift, talbudsjett 2016. (Delhefte; Investeringsplan, Betalingssatsar, Planleggingsprogram.) (Delhefte: Hovudoversikt,.) Samandrag: Budsjettarbeidet har sidan aug./september vore gjennomført i samarbeid mellom formannskapet og rådmann. I saka no ligg tilråding til kommunestyre som vert lagt ut til offentleg ettersyn i 14 dagar. Tilrådinga med innkomne merknader vert lagt fram for kommunestyre i møte 17.12. Utval som har vedtaksmynde: Formannskapet har mynde til utlegging. Kommunestyret vedtek Budsjett 2025. Fakta/vurdering: Det vert synt til dokumentasjon vedlagt og i budsjettnotata som har følgt saka. I formannskapet sitt møte 18/11 vart vesentlege element i budsjettet gjennomgått og drøfta. Rådmann har teke med seg innspela frå møte. Så langt kapasitet har gitt rom for er/vert avklaringar innarbeidde i budsjettdokumenta som vert utsende no. -«Budsjettboka vert ferdigstilt måndag 23.11 og omdelt formannskapet. -Finansiering av investeringar, fondsvurderingar mv, jf manglande tal i tilråding ovanfor, vert innarbeidd i budsjettbok/lagt fram i endeleg tilråding i møte. -I møte 25.11 skal formannskapet gå gjennom framlegget, «budsjettboka». Rådmann si vurdering av budsjettet; I høve tidlegare vurderingar er det ei negativt utvikling i økonomien i kommunen med ytterlegare svikt i kraftrelaterte inntekter, gevinst ved sal av konsesjonskraft. Dei siste dagane har det og kome urovekkande meldingar omkring skatteinntekter, men dette er det for tidleg å konkludere med, (jf periodisering og utjamningsordningar.) og er ikkje omsynteke i budsjettarbeidet. Når det gjeld tenesteområda så er gjerne ikkje bevegelsane større enn ein kan forvente. Ein har dei siste åra gjennomført ei generell innstramming og tiltak som har redusert drifta. Dette har betra balansen og gitt rom for andre prioriterte/nye tiltak. Statsbudsjettet sitt kommuneopplegg gir dette året mindre tilpassingar og utfordringar. På område der det vert «pålagt» satsingar så er Luster kommune alt godt stilt og ressursane vert delvis nytta i salderingsarbeidet. Endeleg kommuneopplegg er ikkje klart, ev endringar vert teke opp i møte 25.11. Budsjettsituasjonen er slik at det er naudsynt med grep som er lagde inn i budsjettframlegget og det vil verte naudsynt med ytterlegare tiltak i økonomiplanperioden. Ut over dei konkrete tiltak som er lagde inn i framlegget er det lagt inn innsparingskrav på oppvekst og pleie og omsorg i 2016 og planperioden. Desse innsparingskrava må /vil bli konkretiserte i tiltak i einkeltsaker så tidleg som mogeleg i 2016 for å få verknad og i det budsjettåret.
I tidlegare opplegg har kommunen hatt innebygt nokre «reservar» som ein no løyser opp i og forbrukar; 1)Pensjon. Me legg no (frå 2015.) opp til å «fordele» over sju år som forskrift no gir høve til. Dette vil i det minste gi jamnare belastning, sjølv om ein skyv kostnader fram i tid slik det opplegget er. 2)Avdrag. Kommunen har betalt meir enn minimumsavdrag etter lova ved at dei fleste låneopptak har vore gjorde med 20-års nedbetalingstid. Nye lån er no lagde inn med 30 år (frå 2015) og det er lagt til grunn avdragsutsetjing på om lag 7 million (5 mill i 2015.) kroner pr år i økonomiplanperioden. 3)Auka lånegjeld. Kommunen har ikkje spesielt høg lånegjeld, jf tidlegare avdragsprofil. Med høgt investeringsnivå og 30-års avdragstid så vil no lånegjelda auka ein god del. Det som er innlagt i økonomiplanen er etter rådmannen si vurdering forsvarleg med det langsiktige låge rentenivået som det er prognose på. Det er imidlertid rådmann si vurdering at dette fordrar betre balanse i drifta enn i noverande plan. 4)Bruk av fond. Kommunen har hatt ein god reserve i fondskapital. Siste åra er denne kapitalen redusert og i budsjettframlegget vert det nytta fond både i drift og investering. Både i drift og investering er det innarbeidd mindre fondbruk enn i føregåande budsjettår. (jf at me og må sikra god nok likviditet i drifta.) For økonomiplanperioden så er det ingen prognosar på betre kraftprisar eller auke i eigedomsskatt som vil heva inntektsnivået igjen. I tillegg er det vert varsla nytt inntektsnivå som kan gi negative utslag. Det vil og vere slik at på mange av driftsområda er dei «enkle» innsparingstiltaka nytta og det vert stadig meir krevjande å hente innsparingar. Rådmann skal vere open for at ein framleis kan effektivisere innan eksisterande strukturar og dette arbeidet må halde fram. Men rådmannen kan vanskeleg sjå at ein god balanse i økonomien kan nåast utan at ein er villig til å drøfte og gjennomføre strukturelle grep og tilpassingar på område der kommunen har eit høgt kostnadsnivå. I budsjettet ligg det noko utgreiingsarbeid som kan gi grunnlag for å realisere tiltak innlagde i økonomiplanen. Skal ein unngå å bruke for mykje fond/bruke opp fonda i drifta er det heilt naudsynt at dette arbeidet vert teke på alvor. Rådmann syner elles til meir detaljert informasjon i «budsjettboka.» Dato: 20/25.11.15. Jarle Skartun rådmann Særutskrift skal sendast: m/kopi til:... Sett inn saksutredningen over denne linja