Harpefossen Hyttegrend AS Skredfarevurdering hyttetomter og parkeringsplass Harpefossen, Eid kommune

Transkript

1 Harpefossen Hyttegrend AS Skredfarevurdering hyttetomter og parkeringsplass Harpefossen, Eid kommune Utgåve: I Dato:

2 1 DOKUMENTINFORMASJON Oppdragsgivar: Harpefossen Hyttegrend AS Rapportnamn: Skredfarevurdering hyttetomter og parkeringsplass Harpefossen, Eid kommune, Utgåve/dato: I/ Filnamn: Skredfarevurdering hyttetomter og parkeringsplass Harpefossen Eid kommune.docx Arkiv ID - Oppdrag: Skredfarevurdering hyttetomter og parkeringsplass Harpefossen Eid kommune Oppdragsleiar: Birgit K. Rustad Avdeling: Samferdsel infrastruktur Leikanger Fag Geologi Skriven av: Birgit K. Rustad Kvalitetskontroll: Steinar Nes

3 2 FORORD Asplan Viak har vore engasjert av for å gjere ei skredfarevurdering av byggeområde FB6 og FB7 for fleire hyttetomter, samt parkeringsplass ved Harpefossen skisenter i Eid kommune. Reidar Vonheim har vore vår kontaktperson for dette oppdraget. Birgit K. Rustad har vore oppdragsleiar og har skreve rapporten. Steinar Nes har tatt sidemannskontroll. Leikanger, Birgit K. Rustad Oppdragsleiar/rapport Steinar Nes Sidemannskontroll

4 3 SAMANDRAG Det er gjennomført ei detaljert skredfarevurdering for tomter tiltenkt hytter i byggeområde FB6 og FB7, samt parkeringsplass ved Harpefossen skisenter i Eid kommune. Området ligg delvis innafor NVE sine aktsemdskart for snøskred og lausmasseskred, og NGI sine aktsemdskart for snøskred og steinskred. Oppdragsgjevar ønsker difor ei detaljert vurdering av faren for skred i bratt terreng i høve krava i TEK 10. Fritidsbustader inngår i tryggleiksklasse S2, medan parkeringsplass eller garasje utan personopphald er i S1. Tryggleiksklasse S2 omfattar tiltak der eit skred vil ha middels konsekvens. Dette kan vere byggverk der det normalt oppheld seg maksimalt 25 personar. Tryggleiksklasse S1 omfattar tiltak der eit skred vil ha liten konsekvens. Kravet til tryggleik mot skred, eller sekundæreffektar av skred, med øydeleggande kraft må då ikkje overskride årleg nominelt sannsyn på høvesvis 1/1000 og 1/100. Fare for alle typar skred i bratt terreng er vurdert på bakgrunn av følgande arbeid: - Synfaring - Terrenganalyse - Klimaanalyse - Historiske opplysingar - Skjønnsmessig erfaring Det er fare for at steinsprang kan nå deler av byggeområde FB6 med større årleg nominelt sannsyn høgare enn 1/1000. For byggeområde FB7 har det blitt vurdert at årleg nominelt sannsyn for skred med øydeleggande kraft er lågare enn 1/1000. For alle planområda - parkeringsplass, byggeområde FB6 og FB7 er det vurdert at sannsynet for at skred med øydeleggande kraft er lågare enn 1/100 per år. Planområda tiltenkt hyttetomter støttar difor delvis krava i TEK10.

5 4 INNHALD 1 Innleiing Synfaring Kartgrunnlag Atterhald og avgrensingar Kotegrunnlag og terrengmodell Krav til tryggleik mot skred for nybygg Områdeskildring Topografi Vegetasjon og geologi Klima Tidlegare skredhendingar Observasjonar frå synfaring Vurdering av skredfare Skred i fast fjell Snøskred Sørpeskred Lausmasseskred Faresonekart Konklusjon Referansar...28

6 5 1 INNLEIING Asplan Viak har vore engasjert av for å gjennomføre ei vurdering av fare for skred i bratt terreng for byggeområde FB6, FB7 og parkeringsplass ved Harpefossen skisenter, Eid kommune. Det vurderte området (Figur 1) ligg delvis innafor aktsemdssone for snøskred, jord- og flaumskred og NGI sitt snø- og steinsprang aktsemdskart. Planområdet må difor ha ein detaljert skredfarevurdering i høve krava til tryggleik gitt i TEK 10. Figur 1 Kart som viser lokalisering av de vurderte områdane. 1.1 Synfaring Synfaring vart utført av geologane Birgit K. Rustad og Steinar Nes i greie vêrtilhøve. Terrenget i, og over planområda, vart synfart til fots, sjå GPS sporlogg i Figur 2.

7 6 Figur 2 Kart som visar synfaringsruta. 1.2 Kartgrunnlag Kotegrunnlag er henta ut av Asplan Viak av Jon Rustand. Det er i tillegg brukt kart og flyfoto over området. 1.3 Atterhald og avgrensingar Vurderingane er basert på terreng og vegetasjon som blei observert under synfaringa. Ved store endringar i terreng og vegetasjon bør vurderingane gjerast på nytt. Vi legg også stor vekt på historiske skredobservasjonar/hendingar i vurderingane. Dersom det kjem til rette meir informasjon om tidlegare skredhendingar, bør det takast med i betraktningane, og skredfarevurderinga bør utarbeidast på nytt. 1.4 Kotegrunnlag og terrengmodell Kotegrunnlag med 1 og 5 meter ekvidistanse er henta frå Kartverket av Asplan Viak. Frå kotegrunnlaget er det generert ein terrengmodell (raster), og frå denne er det utrekna terrenghelling og hillshade. Operasjonane er utført ved hjelp av ArcGIS 10.4.

8 7 2 KRAV TIL TRYGGLEIK MOT SKRED FOR NYBYGG Plan- og bygningslova 28-1 stiller krav om tilstrekkeleg tryggleik mot fare for nybygg og tilbygg: Grunn kan bare bebygges, eller eiendom opprettes eller endres, dersom det er tilstrekkelig sikkerhet mot fare eller vesentlig ulempe som følge av natur- eller miljøforhold. Det samme gjelder for grunn som utsettes for fare eller vesentlig ulempe som følge av tiltak. Byggteknisk forskrift TEK definerer krav til tryggleik mot skred for nybygg og tilhøyrande uteareal (Tabell 1). I rettleiaren til TEK10 gis retningsgivande eksempel på byggverk som kjem inn under dei ulike tryggleiksklassane for skred. Tabell 1. Tryggleiksklassar ved plassering av byggverk i skredfareområde. Tryggleiksklasse for skred Konsekvens Største nominelle årlege sannsyn S1 liten 1/100 S2 middels 1/1000 S3 stor 1/5000 Det skal byggjast hytter og leggast til rette for parkeringsplass. Hytter inngår i tryggleiksklasse S2, parkeringsplass i tryggeliksklasse S1. For bygningar som inngår i tryggleiksklasse S2 kan kravet til tryggleik for tilhøyrande uteareal reduserast til tryggleiksnivået som er gitt for høvesvis tryggleiksklasse S1 (1/100). Dette fordi eksponeringstida for personar og dermed faren for liv og helse normalt vil vere vesentleg lågare utanfor bygningane. I TEK10 er det spesifisert at samla sannsyn for alle skredtypar skal leggast til grunn for vurderinga av årleg sannsyn. Følgande skredtypar har blitt vurdert: Skred i fast fjell Skred i lausmasser Snøskred, inkludert sørpeskred Den endelege vurderinga av skredfare er samla nominelt årleg sannsyn for skred, som kan samanliknast direkte med krava i Tabell 1.

9 8 3 OMRÅDESKILDRING Det vurderte området ligg i Hjelmelandsdalen ved Harpefossen skisenter, ca. 2,5 kilometer vest for Nordfjordeid sentrum (Figur 1). Storegga Tjønndalsvatnet Figur 3 Ortofoto av dei ulike vurderte områda. Dei ulike planområda er merka med polygonar i ulike fargar. Rv651 går sør om planområde. Dei ulike skitraséane kan sjåast i bilete. 3.1 Topografi Dei vurderte områda ligg på nordsida av Hjelmelandsdalen i ei sør- og søraustvendt fjellside, mellom ca. 250 moh til 500 moh. Fjellsidene over planområda strekk seg opp mot Storegga på 968 moh og Tjønndalsvatnet på 806 moh. Terrenget i fjellsida og byggeområde FB6 har ein relativ jamn gradient rundt 10 til 20, men med enkelte innslag av brattare terreng med terreng >50. I byggeområde FB7 og parkeringsplassen er hellinga noko lågare med ein gradient under 20. For å få ein oversikt over terrenghellinga i området, sjå Figur 4.

10 9 Figur 4 Terrenghellingskart over den sør- og søraustvendte fjellsida bak planområdet og i sjølve plan områdane. 3.2 Vegetasjon og geologi På ortofoto (Figur 3) kan ein sjå at mykje av fjellsida over planområda er tett vegetert opp til ca. 500 moh. Over 500 moh er det myrlendt og glissen/ingen skog. Ifølgje lausmassekartet ( ligg planområda på tynt til tjukt morenedekke, og fjellsida over består av også eit tynt til tjukt morenedekke. Nær toppen av fjellet Storegga, frå ca moh, er det bart fjell med stadvis tynt lausmassedekke. Sjå Figur 5 for detaljar. Bergrunnen i fjellsida er hovudsakleg diorittisk til granittisk gneis eller migmatitt med innslag av anortositt og glimmerskifer (

11 10 Figur 5 Lausmassekart (kart henta frå Klima Klimadata er henta frå representative målestasjoner. For data på nedbør, snødjup, vind og temperatur har følgande stasjonar blitt brukt: Daviknes, 78 moh, i drift frå Snødjup Ålfoten II, 24 moh, i drift frå Snødjup Nordfjordeid Nymark, 34 moh, i drift frå Snødjup, nedbør Nordfjordeid, 71 moh, i drift frå 1922 til Snødjup, temperatur, nedbør Sandane Lufthamn, 60 moh, i drift frå Temperatur. Lokaliteten til vêrstasjonane er vist i Figur 6.

12 nedbør i mm Temperatur C 11 Harpefossen hyttegrend Figur 6 Oversikt over vêrstasjonar brukt i klimadata. Dei gule punkta markerar kor vêrdata er henta frå. Klimadata og statistikk er henta frå Meteorologisk institutt sin vær- og klimadatabase eklima ( Normalar Den månadlege gjennomsnittlege nedbørsverdien og temperatur for met.no sine stasjonar er vist i Figur 7. Mesteparten av nedbøren kjem om hausten og vinteren, noko som er vanleg for vestlandet. Området har typisk vått vestlandsklima. Middel årsnedbør ved stasjon på Nordfjordeid Nymark er 1915 mm, og stasjon Nordfjordeid 2035 mm. Månadsnormalar Stnr jan feb mar apr mai jun jul aug sep okt nov Aksetittel Nedbør st Nedbør st Middelttemp. st Middelttemp. st Figur 7 Månadsnormalar for både temperatur og nedbør. Data henta frå ulike vêrstatsjonar.

13 Ekstremverdiar Det er henta ekstremverdiar frå dei gitte stasjonane via eklima.net. Snøhøgde Stasjon Nordfjordeid - Nymark har registrert maksimal snøhøgde på 130 cm i januar Nedbør Stasjon Nordfjordeid Nymark har registrert maksimal nedbør i løpet av eit døgn på 103,6 mm. Dette ble registrert Tidlegare skredhendingar I nasjonal skreddatabase ( er det ikkje registrert tidlegare skredhendingar inn i nokon av planområda eller i umiddelbar nærleik av planområda. Fem til sju kilometer vest om planområda er det registrert i alt tre hendingar, sjå Figur 8. Vurderte område Snøskred ( ) Hanebrekke. Fire omkomne Uspesifisert steinskred Langgårdshammer Uspesifisert snøskred Halsteinslida Figur 8 Kart som viser registrerte hendingar i nærleiken av tomta på

14 13 Følgande informasjon er å finne på databasen om skredhendingar på

15 Observasjonar frå synfaring Synfaringa gjekk til fots både i og over planområda. Vi registrerte GPS-punkt av viktige observasjonar (Figur 9) og synfaringsspor for dokumentasjon av synfaringa (Figur 2). Kjendalselva og Ljosurleva Fosseholtgrova Figur 9 Kart som viser planområde og GPS-pkt. frå synfaring. Parkeringsplass: Område for parkeringsplass er eit planert og gruslagt område vest om Fosseholtgrova. Ingen teikn til tidligare skredhendingar blei observert i, eller i nærleiken av, dette området. Nord om planområdet er terrenget opparbeida til hyttetomter og slalåmbakke (Figur 10). Ingen bekkar eller anna teikn til erosjon som følgje av vatn blei sett i sjølve planområdet eller nord om planområdet. Bekk ved GPS punkt 421, Fosseholtgrova, er næraste bekk og denne ligg aust om planområdet. Fosseholtgrova går i ei 5-6 meter djup ravine (Figur 11). Ingen teikn til nyleg erosjon ble observert i bekken. Lausmassedekke i området er eit morenedekke med eit tynt lag (10-30 cm) av torv oppå. Fleire plassar ser ein også fast fjell under morenedekke.

16 15 Figur 10 Bilete tatt på parkeringsplass. I bilete ser ein mot nord-nordaust frå parkeringsplassen. 5-6 meter djup Figur 11 Bekk ved GPS punkt 421 renn i ei ravine. Ravina er 5 til 6 meter djup.

17 16 Byggeområde FB7: Over byggeområde FB7 er det fleire bekkar. GPS punkt og 423 er alle bekkar. Nokre av desse bekkane er merka på det topografiske kartet. GPS punkt 420 og 423 er same bekk, men ved punkt 423 er bekken gravd ned. Sør om punkt 420 kryssar ein slalåmbakke/transportløype bekken (Figur 12). Her er det stikkrenner, på høvesvis 500 og 400 mm. Ingen av dei observerte bekkane viste teikn til erosjon eller massetransport (Figur 13). Elles blei det ikkje observert nok teikn til tidligare skredhendingar i eller i nærleiken av planområdet. Lausmassedekket i området er eit morenedekke med eit tynt lag (10-30 cm) av torv oppå. Fleire plassar ser ein også fast fjell under morenedekket, Figur 12. Vegetasjonen i planområdet og i fjellsia over varierar noko, frå blandingsskog/tett granskog til etablerte hyttetomter. Figur 12 Bilete tatt ved GPS punkt 420. Fast fjell sjåast mellom dei to bekkane. Ingen teikn til massetransport eller sideerosjon blei observert under synfaringa ved dette punktet eller nedstraums frå dette punktet.

18 17 Figur 13 Bilete tatt ved GPS punkt 416. Ingen teikn til sideerosjon blei observert. Byggeområde FB6: Rett aust om byggeområde FB6 renn elva Kjendalselva. Vi gikk ned langs med denne parallelt med austre grense av planområdet for å sjå på elva sine moglegheiter til å endre løp, Figur 14. Ingen teikn til større sideerosjon eller andre tidligare løp blei observert. Elva renn i stor grad på fast fjell. Lausmassedekket i området er for det meste eit morenedekke med eit tynt lav av torv oppå. Enkelte stader er fast fjell i dagen. Figur 14 Kjendalselva sett sørover. Elva viser ingen teikn til tidligare større sideerosjon eller massetransport.

19 18 I sjølve planområdet er det eit par brattare område (>45 ) av fjellskrentar. Fjellskrentane har eit relieff på maks 5-6 meter. Ingen ferske utfall eller arr etter ferske utfall blei observert, men skrentane er tydleg oppsprekt, sjå (Figur 15). Figur 15 Skrent ved GPS punkt 411 og 412. Ingen ferske nedfall blei sett, men skrenten er tydeleg oppsprekt. Nordvest i byggeområde FB6 er det brattare terreng (>30 ) med glissen bjørkeskog i sjølve skråninga og torvdekke på toppen av bakken (Figur 16). Figur 16 Her ser ein sørover ned mot sørvestleg del av byggeområde FB6. Bilete er teke frå toppen bakken rett over planområdet. Vegetasjons elles i dette planområdet er for det meste klynger av bjørkeskog eller ingen skog. For utanom Kjendalselva ble det observert ein bekk ved GPS punkt 414. Det blei ikkje observert teikn til tidligare skredhendingar i, eller i nærleiken av, dette planområdet.

20 19 4 VURDERING AV SKREDFARE 4.1 Skred i fast fjell Planområda ligg utanfor NVE sitt aktsemdskart for steinsprang, men dei ligg delvis innafor NGI sitt kombinerte snø- og steinskredaktsemdskart (Figur 17). For det kombinerte snø- og steinskredkartet går vi ut frå at det er snøskred og lausmasseskred som er dimensjonerande for aktsemdssonene. Figur 17 NGI sitt aktsemdskart for snø- og steinskred viser at byggeområde FB6 og FB7 ligg så vidt innafor aktsemdsona. Område farga brunt er aktsemdområde. Steinsprang og steinskred blir utløyst generelt i oppsprekt fjellparti der terrenghellinga er over 40-45, og steinsprang bremses normalt opp der terrenget har ein gradient på 23. Figur 18 viser mogleg utløsyingsområde for steinsprang og der eventuelle steinsprangblokker vil begynne å bremse opp. I fjellsida over planområda og opp mot Storegga er det berre mindre belte av brattare terreng, sjå Figur 18.

21 20 Figur 18 Raude område viser terreng der terrenggradienten er høg nok for utløysing av steinsprang. For sjølve planområda er det berre byggeområde FB6 som har enkelte parti som er raudlagt. Følgande vurderingar har blitt gjort av sannsynet for steinsprang inn i dei ulike planområda: Parkeringsplass og byggeområde FB7: - NVE sitt aktsemdskart for steinsprang ligg utanfor byggeområdet og parkeringsplassen. - Det er ingen brattskrentar med potensiale for utfall av steinsprangblokker i nærleiken av, eller inne i sjølve planområda. Byggeområde FB6: - NVE sitt aktsemdskart for steinsprang ligg utanfor tomta. - Det er ingen brattskrentar med potensiale for utfall av steinsprangblokker frå fjellsia over planområdet som har muleg utløp inn i planområdet. Det er bratte skrentar i fjellsida, men lang avstand og mykje slakt terreng mellom potensielle brattskrentar og byggeområdet gjer at eventuelt utfall ikkje vil nå ned til planområdet. - Viss ein ser på terrenghellinga er det tre brattskrentar med potensiale for utfall av steinsprangblokker, sjå Figur 19:

22 21 o o Skrent I og III: Skrentane er berre to til tre meter høge. Dette tilseier at eventuelle utfall vil få låg startenergi og ikkje nå langt. Skrent II: Som ein ser i Figur 15 er denne skrenten noko oppsprekt. Ingen ferske nedfall av steinsprangblokker blei observert under synfaringa, men enkelte eldre utfall av blokker blei observert tett inntil skrenten. Det kan ikkje ekskluderast at det er eit visst sannsyn for utfall av blokker frå denne skrenten. Skrenten er to til seks meter høg. I. II. III. Figur 19 viser område der utfall av steinsprangblokker særleg har blitt vurdert. Samla vurdering av fare for steinsprang Årleg nominelt sannsyn for steinsprang med øydeleggande kraft på tomta er vurdert til vere høgare enn 1/1000 for eit lite område av byggeområde FB6, sjå faresonekart Figur 24. Elles er årleg nominelt sannsyn for parkeringsplass, byggeområde FB7 og mesteparten av byggeområde FB6 lågare enn 1/1000 for steinsprang. 4.2 Snøskred Aktsemdskarta frå NVE ( viser at berre ein liten del av parkeringsplass og byggeområde FB7 ligg i utløpsområdet for snøskred. Ifølge NGI sitt kombinerte snø- og steinskredaktsemdskart (Figur 17) ligg også deler av byggeområde FB7 innafor. Større snøskred blir som oftast utløyst frå terreng mellom 30 til 50, og frå terrengformasjonar som forsenkingar og botnar som kan samle mykje snø. Når terrenget er >50 vil snøen kontinuerlig rase ut og det vil ikkje kunne samle seg større mengder med snø. Erfaringmessig vil snøskred bremse opp når terrenget har ein gradient <10. Det er berre

23 22 små område av terrenget over planområda som har ei terrenghelling mellom 30 til 50, sjå figur Figur 20. Vêrstasjonar frå området viser at det kan vere store snømengder i dette området. Figur 20 Kart som viser aktsemdskart for snøskred (NVE) og terrenghelling. Aktsemdssona har blå skravur. Følgande vurderingar har blitt gjort av sannsynet for snøskred inn i dei ulike planområda: Ingen teikn til tidligare snøskredhendingar. Det er heller ikkje nokon registrerte hendingar i nærleiken eller inn på tomta. Dei fleste av mulege utløysningsområder for snø inne i sjølve planområda og/eller rett over er dekka av tett vegetasjon. Skog i potensielle utløysningsområde reduserer sannsyn for utløysing av snøskred betydelig av fleire årsaker: o Mykje av nedbøren som kjem som snø vil leggje seg på greinene, og fell ned som snøklumpar, smelteomvandla snø eller smeltevatn. Dette vil øydelegge lagdelinga i snødekket. Ei lagdeling i snødekket som kan gje flakskred vil dermed ikkje bygge seg opp og bli øydelagt av snøklumpar. o Grunna at snøen legg seg på greinene, vil det bli mindre snø på skogbotnen. Snødekket vil difor vere mindre tjukt enn i område utan skog. Dess tjukkare snødekke, dess større flakskred kan førekome. o Trestammane i skogen har ein forankringseffekt på snøen og reduserer sannsyn for utløysning av snøskred.

24 23 Mulege utløysingområde for snøskred i fjellsida over planområda har eit lågt relieff og soleies få eit kort utløp. Statistisk sett vil snøskred berre ha utløp tre gonger så langt som høgda til henget. Viss topp til botn av henget der snøskredet blir utløyst er 5 høgdemeter vil skredet statistisk sett da ha eit utløp på 15 meter. Mogleg utløysingsområde for snøskred frå fjellsida over planområda har alle lågt relieff, og vil derfor ikkje nå inn i nokon av planområda. Det er eit område vest om byggeområde FB6 som kan gi utløp av snøskred inn i planområdet, sjå mekra område i Figur 21. Likevel blir det vurdert at sannsynet for snøskred er lågt grunna følgande argumentasjon: o Dette brattare partiet er ein ryggformasjon. Snø samlar seg typisk i forseinkingar. o Terrenget er dekt av skog, dette er som nemnt over med på å redusera sannsynet for utløysing av snøskred. o Det er ikkje registrert nokre snøskredhendingar her, og det var heller ingen teikn i terrenget til tidligare snøskred. Figur 21 Det er særleg eit område har blitt vurdert for snøskred. Samla vurdering av fare for snøskred Årleg nominelt sannsyn for snøskred med øydeleggande kraft inn i planområdet er vurdert til å vere lågare enn 1/ Sørpeskred Sørpeskred blir generelt utløyst frå relativt slake områder, som for eksempel myr, der det kan samla seg mykje vatn. Dårlig avrenning gjer at det kan samle seg mykje vatn i snødekket og sørpeskred kan utløysast. Terrenget i planområda eller i sjølve fjellsida har ingen slake parti

25 24 der det typisk vil samle seg mykje vatn. Men det er ein moglegheit for at Kjendalselva kan bli demt opp. Snøskred kan bli utløyst frå omliggande terreng og ned mot øvre delar av Kjendalselva og da demme opp vatn i sjølve Kjendalselva. Likevel vert det vurdert at eventuell plutseleg stor transport av vatn ikkje vil ta vegen mot byggeområde FB6, men halde seg aust om byggeområdet grunna ein rygg i terrenget aust om byggeområdet (Figur 23). Det er heller ingen teikn i terrenget til tidligare sørpeskredhendingar, eller registrerte sørpeskredhendingar i området. Det vert vurdert at årleg nominelt sannsyn for sørpeskred med øydeleggande kraft inn i planområda er lågare enn 1/ Lausmasseskred Planområda ligg delvis innafor aktsemdssone for lausmasseskred (Figur 22). Aktsemdsonene er truleg generert som følgje av Kjendalselva, Fosseholsgrova og bekken aust om Fosseholsgrova. Faktorar som gir potensiale for jord- og flaumskred ned mot planområdet er terrenghelling, tilgjengelege lausmassar og drenering. Faren for lausmasseskred kategoriserer vi i to ulike typar skred; ikkje kanalisert lausmasseskred (jordskred i tynt lausmassedekke) og kanalisert lausmasseskred (flaumskred langs bekkeløp). Ikkje-kanaliserte lausmasseskred blir erfaringsmessig utløyst i terreng som har ei helling >=25. Kjendalselva og Ljosurleva Fosseholtgrova Figur 22 Aktsemdskart for jord- og flaumskred. Terrenghellinga er også merka. Ved 25 kan jordskred bli utløyst.

26 25 Ikkje kanalisert lausmasseskred (jordskred i tynt lausmassedekke) Vi vurderer at det er lågt sannsyn for utglidingar i sjølve planområde og frå fjellsia over på grunnlag av: Under synfaringa ble det ikkje observerte nylege utglidingar, og det er heller ingen registrerte skredhendingar inn i eller i nærleiken planområda. Det er berre mindre bratte område som har ei terrenghelling bratt nok for utløysing av jordskred. I tillegg er det relativ låg høgdeforskjel på potensielle utløyingsområde. Dette betyr at mulege skred vil få låg startenergi og vil få eit begrensa utløp. Under synfaring ble det observert eit tynt lausmassedekke (pluss/minus 30-40cm) Usamanhengande lausmassedekke; dvs. om noko massar blir utløyst så vil det berre bli lokalt. Skredet vil ikkje bre seg utover og bli stort. Vi vurderer på grunnlag av vurderingar over at vi ikkje kan utelukke mindre utglidingar av ikkje kanaliserte lausmasseskred frå område som er bratte nok for utløysing av jordskred, men at sannsynet for at dei skal nå planområda med øydeleggjande kraft er vurdert til å ha eit årleg nominelt sannsyn lågare enn 1/1000 per år. Kanaliserte lausmasseskred (flaumskred) Som nemnt er aktsemdssonene planområda ligg innafor generert av Kjendalselva, Fosseholsgrova og bekken aust om Fosseholsgrova. Følgande vurderingar har blitt gjort av sannsynet for flaumskred inn i dei ulike planområda: Fosseholsgrova og bekken aust om Fosseholsgrova har ikkje større magasin som den får vasstilførsel frå. Det er avrenning i terrenget som gir vasstilførselen. Det er ingen teikn i terrenget til tidligare flaumskredhendingar, eller registrerte flaumskredhendingar i planområdane. Under synfaringa ble det ikkje observert teikn til erosjon i sidekantane til bekkane, eller andre teikn til større mengder med vasstransport eller massetransport. Det er ikkje registrert nokon flaumskredaktivitet i nærliggande område. Samla vasstransport i Kjendalselva er frå Tjønndalsvatnet, samt avrenning frå Ljosurdalen og anna omliggande terreng. Det er eit visst sannsyn for at større mengder med vatn og ev massar kan komme ned i løpet til Kjendalselva. I utløpet av Kjendalselva kan ein sjå ein vifteformasjon som høgst truleg har blitt danna som følgje av massetransport frå Kjendalselva. Likevel vert det vurdert at det er eit lågt sannsyn for flaumskred inn i planområde FB6 på grunnlag av: o Det er ingen registrerte flaumskred inn i planområdet FB6. o Det er ingen teikn i terrenget til nyleg vasstransport, massetransport eller avsetningsformer etter flaumskred. o Mogleg plutseleg stor transport av vatn og evt. lausmassar vert vurdert til å ikkje ta vegen mot byggeområde FB6, men halde seg aust om byggeområdet. Ein svak ryggformasjon vest om Kjendalselva parallelt og langs med austleg grense til planområdet gjer at eventuelle vassmengder vil i stor grad halde seg i sitt vanlege løp, sjå Figur 23. o Det er generelt eit tynt lausmassedekke i området ved Kjendalselva, noko som blei observert under synfaring. Elva renn fleire plassar på fast fjell. Dette gjer at det vil være berre mindre mengder med som massar som kan bli ført med elva, og større massetransport forventas difor ikkje.

27 26 Figur 23 Bilete er tatt i det nordaustlege hjørnet av byggeområde FB6, rett ved GPS punkt 410. Byggeområde FB6 er til høgre for bilete. Ein svak ryggformasjon som vil halde Kjendalselva så å si i løpet sitt, samt unna byggeområdet er merka i bilete. Samla vurdering av fare for jord- og flaumskred. Flaumskred i/frå Kjendalselva kan ikkje ekskluderast, men det vert vurdert at flaumskred ikkje vil nå inn i byggeområde FB6. Med bakgrunn i punkta over er årleg nominelt sannsyn for jord- og flaumskred med øydeleggande kraft inn i planområda vurdert til vere lågare enn 1/1000.

28 27 5 FARESONEKART Årleg nominelt sannsyn for steinsprang med øydeleggande kraft er vurdert til å vere høgare enn 1/1000 for eit lite område av byggeområde FB6, sjå faresonekart Figur 24. Faresona er teikna inn som følgje av ei låg brattskrent. Figur 24 Faresonekart for steinsprang. Det vil vere muleg å sikre denne skrenten ved for eksempel reinsk. Ved å fjerne mindre, lause blokker, samt fjerne trær som har røter i sprekker innover i bergmassen vil ein hindre rotsprenging og redusere faren for steinsprang. 6 KONKLUSJON Ut frå observasjonar under synfaring av utløysnings- og utløpsområde for ulike skredtypar og fagleg skjønn vert det vurdert at byggeområde FB7 og store delar av byggeområde FB6 tilfredsstiller lovverket sitt krav til tryggleik mot skred i bratt terreng for tryggleiksklasse S2, der årleg nominelt sannsyn for skred ikkje må overskride 1/1000. For meir detaljar, sjå Figur 24. Parkeringsplass tilfredsstiller lovverket sitt krav til tryggleik mot skred i bratt terreng for tryggleiksklasse S1, der årleg nominelt sannsyn for skred ikkje må overskride 1/100.

29 28 7 REFERANSAR NVE (2014). Retningslinjer 2/2011, Flaum og skredfare i arealplanar. Norges vassdrags- og energidirektorat, Oslo. NVE (2014): Sikkerhet mot skred i bratt terreng Kartlegging av skredfare i arealplanlegging og byggesak. Veileder Oslo