SKREDFAREVURDERING REGULERINGSPLAN FOR NY LANDBRUKSVEG I SKJERVET, VOSS KOMMUNE.

Transkript

1 SKREDFAREVURDERING REGULERINGSPLAN FOR NY LANDBRUKSVEG I SKJERVET, VOSS KOMMUNE.

2 COWI AS Fosshaugane Campus Trolladalen Sogndal Telefon VOSS KOMMUNE SKREDFAREVURDERING REGULERINGSPLAN FOR NY LANDBRUKSVEG I SKJERVET, VOSS KOMMUNE RAPPORT DESEMBER 2013 OPPDRAGSNR. A DATO UTARBEIDD KONTROLLERT GODKJENT STEINAR NES HELGE HENRIKSEN STEINAR NES

3 COWI SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE INNHALD 1 Samandrag 1 2 Oppdragsforståing 2 3 Grunnlag 3 4 Generell vurdering av skredfare 4 5 Undersøkingar av skredfare Grunntilhøve Topografi Vegetasjon Drenering Tidlegare skredhendingar 8 6 Risikovurdering av skredfare mot trasé Identifisering av uønskte hendingar Vurdering av skredfrekvens Vurdering av konsekvens Risikomatrise Risikokart 12 7 Risikomatrise for strekningane langs den planlagde landbruksvegen Skildring/vurdering av strekningane langs planlagd landbruksveg 14

4 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 6 8 Konklusjon 19 9 Referansar 20

5 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 1 1 Samandrag Voss kommune lagar områdereguleringsplan for Skjervet skytebane. Føremålet med planen er å regulere for skytebane (bygg og anlegg) og landbruksveg. NVE har kome med innspel om at skytebaneområdet må klarerast trygt i høve skredfare. ROS-analysen peikar på at vegtraséen skal vurderast av fagperson i høve skredfare mot denne og at eventuelle avbøtande tiltak skal leggjast fram. COWI AS vurderer på grunnlag av NGI sitt aktsemdskart for snø- og steinskred at skytebaneanlegget ligg utanfor skredfarleg terreng. På grunnlag av risikovurderinga for landbruksvegen vurderer vi den som tilstrekkeleg trygg dersom ein utfører risikoreduserande tiltak på vegstrekning 3. Det bør også vurderast avbøtande tiltak for vegstrekningane 2 og 5.

6 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 2 2 Oppdragsforståing Voss kommune lagar områdereguleringsplan for Skjervet skytebane. I denne planen er den planlagde landbruksvegen frå Bjørke til Tverrberg teke med. Det er to saker som må klargjerast før godkjenning av planen: - NVE har innspel til planen då dei ikkje veit om utbyggingsområdet for skytebana ligg utanfor NGI sin felles snøskred- og steinskredkart. Dette må klarerast. - I ROS-analysen vert det påpeika at skogsbilvegen ligg innafor aktsemdsområde for snø- og steinskred. Det står vidare at det er ein potensiell skredfare ved spesielle vêrtilhøve og ved mykje snø. Det vert sett krav til at vegtraséen skal vurderast av fagperson og at eventuelle avbøtande tiltak skal dokumenterast i samband med handsaming av godkjenning av vegen (jf. Pkt. 4.2 i reguleringsplanføresegnene). COWI AS er engasjert til å utføre skredfarevurderinga av skytebana og landbruksvegen (Fig. 1). Fig. 1 Reguleringsplan for Skjervet. Vegtraséen som er vurdert i høve skredfare er vist med grå farge. Skytebaneområdet ligg i sørvestre området med mørk grøn farge.

7 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 3 3 Grunnlag Området som er regulert for skytebane (bygg og anlegg) ligg utanfor aktsemdsområda i NGI sine aktsemdskart for snø- og steinskred (Fig. 2). Aktsemdsområda kan då, slik NVE gir løyve til i innspelet sitt, bli nytta til å avgrense omsynssonene for utbygging av bygg og anlegg i reguleringsplanen. Planlagd landbruksveg ligg innafor aktsemdsgrense for snø- og steinskred på (Fig. 2). I ROS-analysen for reguleringsplanen er det set krav til at vegstrekninga skal vurderast av fagperson. Det er ingen fastsette tryggleiksklassar for landbruksvegar. Vegklasse 3, som er standarden som skal nyttast, er ein standard for skogsbilvegar, gards- og setervegar med moderat til lågt trafikkgrunnlag. Planlagt landbruksveg skal kunne trafikkerast med lass heile året med avgrensingar i teleløysingsperioden og i periodar med særskild mykje nedbør. Fig. 2 Kartutsnitt frå NGI sitt felles aktsemdskart for snøs- og steinskred som viser at planområdet for skytebana (bygg og anlegg), ca. plassert med raud skravur, ligg utanfor aktsemdsområdet som er vist med brun skravur. Vegstrekninga vart synfara av geolog Steinar Nes den

8 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 4 4 Generell vurdering av skredfare Skred omfatter steinsprang/steinskred/fjellskred, jordskred, flaumskred, snøskred og snøsørpeskred. I dei nasjonaldekkande aktsemdskarta for steinsprang og snøskred ( er det synt område der ein skal syne aktsemd i arealdisponeringa. For steinskred/fjellskred, jordskred, flaumskred og snøsørpeskred er det ikkje laga landsdekkande aktsemdskart. Her må skredfaren verte vurdert særskilt. - Snøskred vert generelt løyste ut i terrenghellingar over 30 grader. - Steinsprang er utfall av mindre steinblokker. Steinskred/fjellskred er utgliding av store bergartsblokker med volum over 100 m 3 til fleire millionar m 3. - Jordskred løysnar generelt frå der terrenghellinga er større enn 27 grader. - Flaumskred oppstår vanlegvis i samband med ekstreme nedbørssituasjonar som følgje av aktiv erosjon og materialtransport langs bratte vassdrag og bekkeløp med mykje lausmassar. - Snøsørpeskred er skredmassar av sterkt vassmetta snø. Dei rører seg i stor fart, og kan også føre med seg noko jord og steinmateriale. Snøsørpeskred vert løyste frå ei rekke område der vatn blir tilført og akkumulert i snødekket.

9 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 5 5 Undersøkingar av skredfare Grunnlaget for skredfarevurderinga er ei synfaring av terrenget i området og inkluderer observasjonar av topografi, grunntilhøve, drenering og vegetasjon. I tillegg kjem kartanalysar, vurdering av flyfoto/satelittbilete og tidlegare skredhendingar/historiske data. 5.1 Grunntilhøve Berggrunnen i området er hovudsak metasandstein/glimmerskifer. Det er noko fyllitt i sørlegaste delen (Fig. 3). Fig. 3 Berggrunnskart ( som viser dei ulike bergartane i området. Ca. plassering av landbruksvegen er vist med raud strek.

10 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 6 Der vegtraséen går i terreng som er potensielt skredutsett er det stort sett bart fjell med noko tynt lausmassedekke (Fig. 4). Synfaringa i felt avdekka at det er ein del steinsprangmateriale under brattkantane som er i tilknytning til vegtraseén. Fig. 4 Lausmassekart ( som viser lausmassetypane i området. Ca. plassering av vegtrasé er vist med raud strek.

11 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE Topografi I sørvestlege del av planområdet går vegtraséen i slakt terreng (Fig. 5). Vegen går deretter under ein brattkant/bratt fjellside. Vegen fylgjer denne nordover og brattkanten på oppsida blir mindre og mindre fram til eit kulturminne markert med kvit stjerne på figur. 5. Her fylgjer vegtraséen under ein ny brattkant og fylgjer så ei hylle gjennom det bratte partiet opp til siste sving og eit flatare parti opp til Tverrberg. Fig. 5 Terrenghellings- og topografisk kart over planområdet med ekvidistanse 5 m. Farge indikerer terrenghelling: grøn mindre enn 27 grader; gul grader og raud over 45 grader. Vegen er markert med lilla linje. Kulturminnet er ca. plassert og merkt med kvit stjerne.

12 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE Vegetasjon Vegetasjonen i området er blandingsskog (Fig. 6). Det er barskog med furu- og granskog i tillegg til ulik lauvskog. Vegetasjonen er til dels tett. Fig. 6 Biletet viser dei typiske vegetasjonstilhøva langs vegtraséen. Det er mykje tett lauvskog med ein del gran- og furuskog. 5.4 Drenering Det er ingen større elvar som renn i området for planlagd landbruksveg. Det er nokre mindre bekkar som skyldast avrenning frå ovanforliggande terreng (Fig. 5). Desse må takast omsyn til under planlegging av stikkrenner/kulvertar ved vegbygginga. 5.5 Tidlegare skredhendingar I den nasjonale skreddatabasen ( er det ingen opplysingar om tidlegare skredhendingar. Under synfaringa vart det observert steinsprang ned mot planlagd vegtrasé. Eit skred har hatt utløp i eksisterande skogsveg like nord for kulturminnet (Fig. 7). Det er også registrert til dels mykje steinsprangmateriale langs resten av traséen. Fig. 7 Bilete som viser utløpet av steinsprang som har råka skogsvegen som vart bygd i 1959.

13 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 9 6 Risikovurdering av skredfare mot trasé Risiko er produktet av sannsynet for ei uønskt hending (ras, utgliding eller steinsprang) og dei moglege skadane (konsekvensane) som følgje av den uønskte hendinga. Risikovurderinga har basis i metodikken til DSB (2012). Vi har først identifisert mogleg skredhendingar som kan ramme landbruksvegen når den er ferdigstilt, vurdert sannsynet (frekvensen) til desse hendingane, og til slutt vurdert konsekvensane. Resultata er samanstilte i ein risikomatrise. 6.1 Identifisering av uønskte hendingar Etter feltsynfaringa av planlagd vegtrasé er følgjande uønskte hendingar identifisert: 1. Steinsprang 2. Snøskred 3. Potensiell utglidingsfare for vegen Hendingane på ulike stader langs vegtraséen er differensierte i høve sannsyn og konsekvens for å nå vegen på grunnlag av synfaring i felt, fagleg skjønn og lokale tilhøve.

14 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE Vurdering av skredfrekvens I risikoanalysen er sannsynet eller frekvensen til dei uønskte hendingane gruppert i klassar etter Tabell 1. Sannsynet for skredhendingar kan ikkje fastsetjast på grunnlag av målingar. Dette er ein rein kvalitativ vurdering som er basert på fagleg skjønn. Det følgjer av dette at både sannsynet og då til ei viss grad også konsekvensane er subjektive vurderingar. Ved fastsetjing av sannsynet til dei ulike hendingane har vi nytta ein 5-delt klassifisering (Tabell 1). Klasse/vekt Sannsyn Frekvens 1 Svært lite sannsynleg Mindre enn ei hending per 1000 år 2 Lite sannsynleg Ei hending per år 3 Mindre sannsynleg Ei hending per år 4 Sannsynleg Ei hending per år. 5 Svært sannsynleg Meir enn ei hending per 10 år Tabell 1 Klassifisering av sannsyn for uønskte hendingar 6.3 Vurdering av konsekvens Ulike kategoriar forventa konsekvens av hendingane 1-6 er klassifisert i Tabell 2. Klasse/vekt Konsekvenskategori Konsekvens 2 Ein viss fare Steinsprang eller skred løysnar i fjellsida over vegen 3 Kritisk Steinsprang eller skred når vegen 4 Farlig Steinsprang eller skred treff forbipasserande 5 Katastrofal Tap av menneskeliv pga. steinsprang eller skred Tabell 2 Klassifisering av konsekvens for uønskte hendingar

15 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE Risikomatrise Når sannsynet for dei ulike hendingane og konsekvensane er vurderte er vurderingane samanstilte i ein risikomatrise for vegtraséen (Tabell 3). 1. Svært lite 2. Lite 3. Mindre Svært sannsynleg sannsynleg sannsynleg Sannsynleg sannsynleg 5.Katastrofal Farlig Kritisk Ein viss fare Liten fare Tabell 3 Risikomatrise Sannsynet og konsekvensen av dei ulike hendingane gir eit samla uttrykk for risikoen (sannsyn* konsekvens) knytt til vegstrekninga: Høg risiko (raudt område): Risikoen er ikkje akseptabel, og det er naudsynt med risikoreduserande tiltak. Middels risiko (gult område): Risikoen er akseptabel, men risikoreduserande tiltak bør vurderast dersom effekten er stor og ulempene/kostnadane små. Lav risiko (grønt område): Risikoen er akseptabel slik at risikoreduserande tiltak ikkje er naudsynte eller trengs vurderast.

16 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE Risikokart Nesten heile vegstrekninga er meir eller mindre potensielt utsett for skred ettersom det ligg innafor NGI sitt samla aktsemdskart for snøskred og steinsprang. Det er vanskeleg å knytte skredfaren direkte til punkt i terrenget og særleg steinsprang kan utløysast tilfeldig langs større skredfarlege strekningar. Under feltsynfaringa har vi identifisert samanhengande skredutsette strekningar og klassifisert desse etter sannsyn og konsekvenskategori (jf. kap. 6.1). Strekningane og type hendingar er synte i Fig. 8. På kartet er strekningar fargekoda etter risiko (grøn-gul-raud). Dei ulike hendingane i dei ulike risikofargekoda strekningane er nærare omtala i Kap. 7. VP 1 VP 2 V2 V1 V3 VP 3 V4 V5 V6 Fig. 8 Kartet viser planlagt landbruksvegtrasé med lilla farge. Fargekodar grøn-gul-raud indikerer risiko på den delen av strekninga. Vegstrekningane er merkte med V og tal og fargekodar. Velteplassane er også merkte.

17 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 13 7 Risikomatrise for strekningane langs den planlagde landbruksvegen Vi vurderer steinsprang som dimensjonerande skredhending for vegstrekningane i val av risikoklasse. Men også fare for utgliding av vegen og snøskredfaren spelar inn på resultatet. 1. Svært lite sannsynleg 2. Lite sannsynleg 3. Mindre sannsynleg 4. Sannsynleg 5. Svært sannsynleg 5.Katastrofal V3 4.Farlig V2, V5 3.Kritisk V4, V6 VP1, VP2, VP3 2.Ein viss fare 1.Liten fare V1 Tabell 4 Risikomatrise som viser vegstrekningsnummer og velteplassnummer med vurdert risikoklasse.

18 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE Skildring/vurdering av strekningane langs planlagd landbruksveg I desse skildringane vil vi utdjupe nærare kvifor strekningane er sett i dei ulike risikoklassane. Her er det også lagt til bilete som illustrasjon. Skildringane byrjar frå Tverrberg øvst (lengst nord) i vegtrasèen og går sørover mot Bjørke. Det blir også føreslege avbøtande tiltak for å kome ned i ein risikoklasse som er akseptabel. Vegstrekning 1 (Fig. 8) Dette er øvste delen av vegen opp mot Tverrberg (Fig. 9). Her går vegen i slakt terreng med helling under 27 grader. Det er heller ikkje område i overkant av vegen med potensiale til å løysne skred ned mot vegtraséen. Strekninga er på grunnlag av dette vurdert til sannsynsklasse 1. Saman med konsekvensklasse 1 gjer dette at V1 blir sett i risikoklasse grøn. Fig. 9 Bilete som syner der ny landbruksveg skal koplast på eksisterande veg på Tverrberg. Vegstrekning 2 (Fig. 8) Dette er strekninga frå øvste sving til velteplass (Pel.nr.2220). Denne delen av vegen går i bratt terreng (Fig. 10). Det er eit smalt hyllesystem med ein eksisterande sti der vegen skal leggjast. Fjellet er iserodert og stort sett lite oppsprukke. Ein må vere påpasseleg med god støtteforankring av vegen, særleg i nordlegaste delen av strekninga. Strekninga er på grunnlag av dette vurdert til sannsynsklasse 3. Saman med konsekvensklasse 4 gjer at V2 blir sett i risikoklasse gul. Som risikoreduserande tiltak føreslår vi ei grøft på innsida (austsida) av vegen for å unngå at eventuelle mindre nedfall av stein har utløp rett i vegen. Ved utsprenging av vegen inn i fjellet/brattskrenten må ein ta omsyn til sprekkene som ligg parallelt med dalsida (Fig. 11) og den horisontale skifrigheita slik at ein ikkje fjernar understøtta til berget. Fig. 10 Bilete som viser at det er bratt over og under planlagd trasé. Eksisterande sti ser ein tydeleg midt i biletet.

19 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 15 Fig. 11 Bilete tv. viser kor smalt med relativt slakt parti det er på delar av denne strekninga. Biletet til høgre viser at det er dalsideparallelle sprekker (eksfoliasjon) som ikkje bør missa understøtta si. Velteplass 1,Pel.nr.2220 (Fig. 8) Vi vurderer velteplassane for seg fordi det her vil vere generelt meir og lenger personopphald. Denne velteplassen ligg på eit stort flatt område i nedre del av strekning 2. Det er liten sjanse for steinsprang eller snøskred mot plassen dersom ein flyttar den så langt ut frå fjellveggen som mogleg- noko det er plass til. Dette gjer at vi vurderer VP1 i sannsynsklasse 2. Saman med konsekvensklasse 3 gjer det at VP1 hamnar i risikoklasse grøn. Vegstrekning 3 (Fig. 8) Dette er strekninga frå velteplass (Pel.nr.2220) til rett forbi kulturminnet. Fjellsida over vegen er svært bratt og oppsprukke. Det er mykje steinsprangmateriale i foten av skrenten (Fig. 12). Det har gått steinsprang over eksisterande kjerreveg som vart opparbeidd i Fig. 12 Bilete som viser steinsprangmateriale ved foten av brattskrenten. Ein kan tydeleg sjå at det er eit aktivt område for steinsprang (Fig. 1; Fig. 14). For å halde stigningstalet til vegen er den stukken ut rett under brattkanten slik at

20 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 16 eventuelle steinsprang vil ha direkte utløp i veg. Tydelege aktive løysneområde for steinsprang og at vegen ligg direkte oppi brattkanten gjer at vi vurderer V3 i sannsynsklasse 4. Saman med konsekvensklasse 5 gjer dette at V3 hamnar i risikoklasse raud. Fig. 13 Bilete som viser eit aktivt løysneområde for steinsprang. Fig. 14 Bilete som viser eit aktivt løysneområde for steinsprang. Som avbøtande tiltak for vegstrekning 3 vil det mest hensiktsmessige vere ein enkel reinsk i nedre del av brattskrenten, samt å leggja vegen så langt ut frå fjellsida som mogleg. For å halde stigningstalet må ein då leggje vegen på fylling. På innsida av fyllinga mot fjellsida må ein utforme ei steinspranggrøft som kan ta imot blokker på opp mot ca. 1 m 3 som ser ut som er dei blokkene det er flest av og dermed også størst sannsyn for at løysnar. Vegstrekning 4 (Fig. 8) Vegstrekning 4 går frå kulturminnet og sørover til der ny landbruksveg skiljast frå eksisterande veg. Frå kulturminnet får vegen større avstand frå den bratte fjellsida. Dette gjer det tryggare. Lenger sørover går vegen under ein ny skråning, denne er ikkje så bratt og har lite steinsprangmateriale under. Ny veg kjem innpå

21 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 17 eksisterande skogsveg og dei fylgjast eit langt stykke med god avstand frå bratt skråning. I tillegg har vegen høgdeforskjell mellom skråning dalbotn og vegen (Fig. 15). På grunnlag av avstand til skråning/brattkant og høgdeforskjellen vurderer vi V4 til å vere i sannsynsklasse 2. Saman med konsekvensklasse 3 hamnar då V4 i risikoklasse grøn. Fig. 15 Bilete som viser at det er ein høgdeforskjell frå dalbotn til eksisterande veg, særskild i sørlege del. For å bevare den naturlege sikringa/oppbremsinga som ura på oppsida/austsida av vegen opp mot fjellsida gir mot steinsprang bør ein ikkje fjerne denne. Velteplass 2, Pel.nr.1640 (Fig. 8) Denne velteplassen ligg midt på ei stor flate med god avstand frå bratt skråning (Fig. 16). Så lenge ein unngår å leggje velteplassen direkte under bratt skråning vurderer vi VP2 i sannsynsklasse 2. Saman med konsekvensklasse 3 gjer det at VP2 hamnar i risikoklasse grøn.. Fig. 16 Bilete av område der velteplass 2 skal etablerast. Raud pil viser ca. plassering. Vegstrekning 5 (Fig. 8) Denne vegstrekninga går frå vegskillet med eksisterande veg til velteplass3. Vegstrekninga går like under ein høg brattskrent. Denne er ikkje like oppsprukke som lenger nord langs vegen, men det er likevel fare for utløysing av steinsprang. Vegstikkinga ligg ikkje heilt oppunder skrenten, men det er likevel mogleg for utløp av steinsprang ned til veg. Heilt sør langs denne strekninga ligg eit nyleg

22 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 18 utløyst steinsprang like ved vegstikkinga. Løysneområdet er oppsprukke og det vil truleg løysne meir derifrå (Fig. 16). På grunn av at det er litt større avstand til vegen frå brattkanten og mindre ur i vegtraséen vurder vi V5 til å liggje i sannsynsklasse 3. Saman med konsekvensklasse 4 hamnar då V5 i risikoklasse gul. Fig. 16 Bileta illustrerer problematikken med steinsprang langs vegstrekning 5. For å kome ned i risikoklasse grøn bør ein vurdere å trekke vegen så langt ut frå fjellsida som mogleg og lage ei steinspranggrøft på austsida av som kan ta imot eventuelle steinsprangblokker som når ned til vegen. Velteplass 3, Pel.nr.940 (Fig. 8) Velteplass 3 ligg i planlagd sving heilt sør på V5. Dette området er flatt og dersom ein vel å leggje velteplassen i nedre del av svingen vil ein ha god avstand til brattkant og dermed også liten fare for steinsprang. Dette gjer at vi vurderer VP3 i sannsynsklasse 2. Saman med konsekvensklasse 3 gjer det at VP3 hamnar i risikoklasse grøn. Vegstrekning 6 (Fig. 8) Denne delen av vegtraséen har tilstrekkeleg avstand frå brattskrenten i forhold til utløp av steinsprang og går i slakt terreng ned mot skytebana. På grunnlag av dette vurderer vi V6 i sannsynsklasse 2. Saman med konsekvensklasse 3 gjerdet at V6 hamnar i risikoklasse grøn. Snøskredvurdering generelt for heile strekninga Brattkantane på austsida av planlagd veg er stort sett så bratte (delvis over 60 grader) at dei ikkje kan holde på store snømengder. Dominerande nedbørsførande vindretning på Vestlandet er frå vest. Fjellsida langs vegtraséen vender mot vest. Det vil sei at det normalt legg seg lite vindtransportert snø i fjellsidene. Også tett skog på toppen/flatene over brattkanten vil ha innverknad på innlagring av snø. Fjellsida er terrassert og ikkje samanhengande over store område der terrenghelling er gunstig for snøskred. Vi kan ikkje utelukke mindre snøskred ned mot vegen, men vurderer at vegen er trygt plassert i høve større snøskred pga. relativt lite snøskredvennleg terreng og at fjellsida vender mot dominerande nedbørsførande vindretning. Under vårløysing vil faren for våte snøskred ned mot veg, særskild i øvre del, vere større.

23 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 19 8 Konklusjon COWI AS vurderer på grunnlag av NGI sitt aktsemdskart for snø- og steinskred at skytebaneanlegget (bygg og anlegg) ligg utanfor skredfarleg terreng. På grunnlag av risikovurderinga vurderer vi landbruksvegen frå Bjørke til Tverrberg som tilstrekkeleg trygg dersom ein utfører risikoreduserande tiltak som skissert i Kapittel 7. Risikoreduserande tiltak må utførast for vegstrekning 3. Det bør også vurderast avbøtande tiltak for vegstrekningane 2 og 5.

24 SKREDFAREVURDERING FOR NY LANDBRUKSVEG, SKJERVET-TVEBERG, VOSS KOMMUNE 20 9 Referansar DSB (2011) «Kartlegging av risiko og sårbarhet». Rettleiar frå Direktoratet for samfunnssikkerheit og beredskap;revidert utgåve desember Aktsemdskart steinsprang, aktsemdskart snøskred, NGI sitt aktsemdskart for snø- og steinskred Nasjonal lausmassedatabase og Nasjonalt bergrunnskart