Årdal kommune Sakspapir Saksnr Utval Møtedato 108/12 Formannskapet 28.11.2012 Sakshandsamar: Svein Arve Grindhaug Arkiv: K1-150 Arkivsaksnr. 12/700 Budsjett 2013 - Økonomi og Handlingsplan 2013-2016 Utlegging til alminneleg ettersyn Kort samandrag Formannskapet legg framlegget til årsbudsjett 2013 og økonomi- og handlingsplanen for 2013-2016 ut til alminneleg ettersyn. I medhald av av kommunelova 45.3 skal framlegget frå formannskapet leggast ut til alminneleg ettersyn i minst 14 dagar før det vert handsama i kommunestyret. Rådmannen si tilråding: 1. Formannskapet sitt framlegg til budsjett 2013 og økonomi- og handlingsplanen for 2013 2016 vert å legge ut til alminneleg ettersyn i perioden 28.11.12 til 13.12.12. 2. Framlegget vert lagt ut på tenestetorget i Rådhuset på Årdalstangen, Årdal kommune si heimeside, og biblioteket i Øvre Årdal. 28.11.2012 FORMANNSKAPET Rådmann kom med ei presisering av nedtaket innafor helse. Fylgjande ordlyd vert lagt inn i utleggingsvedtaket; Barnevern; Det vert teke kontakt med Lærdal og Aurland kommune for å vurdera eit samarbeid i barneverntenesta., eventuelt etablera eit interkommunalt selskap. Årsverket som er innarbeida i nedtaket på bemanninga vil bli vurdert på nytt når dette er utgreia, og ;seinast i revidert budsjett 2013. PPT Reforhandla samarbeidsavtalen med Lærdal og Fylkeskommunen. Det er innarbeida eit nedtak på 1 stillingsheimel, og ein legg til grunn at nedtaket kan gjerast etter reforhandlingar mellom partane. Føreset her at ressursane som er avsett til vidaregåande skule vert oppretthalde i samsvar med avtalen, og at nedtaket vert fordelt mellom Årdal og Lærdal kommune. Ein skal også vurdera logopedteneste som ein del
av fordeling av personalressursar til PPT. Reforhandlingane startar omgåande og skal innarbeidast i revidert budsjett 2013. Kyrkja; ved ny gjennomgang vert det auka overføringa med kr 400 000,- til kyrkja Framlegg frå John Normann Melheim, AP, på fylgjande endring i budsjettdokumentet: Rådmann si tilråding i 2 punkt vert vedteke. I tillegg framlegg til nye punkt 3 og 4; 3. Ein samla reduksjon av brutto driftsbudsjett på over 10% (ca 35 mill. kr) stiller store krav til alle partar i kommunen. Det føreset ei kriseforståing, vilje til kulturendringar og prioritering av lovpålagte oppgåver. Ein må etablere nye arbeidsformer, etablere vikarpool/stillingsbank som gjer at innleige av eksterne vikarar opphøyrer, fjerning av mellomleiarnivå (kortare beslutningsvegar) og etablering av resultateinheitar (leiarar med auka ansvar og myndigheit). Politikarane må sjå at politiske føringar og vedtak vert gjennomførte. Vil og minna om vedtak i F-sak den 15.05.2012 og nedfelt i revidert budsjett 2012: A. Oppretting av vikarpool som også skal førebu bemanningsendringar ved etablering av ny avdeling ved Seimsdal sjukeheim. B. Nytt og slankare organisasjonskart for tekniske tenester. C. Nedtak i adminstrative funksjonar tilsvarande kr 3,2 mill. i 2013 (sum kr 4,3 mill for 2012/2013). 4. Investeringsoversikt 2013-2016 Rådmann sin investeringsoversikt 2013-2016 blir vedteken med følgjande tillegg: Det blir innarbeidd investeringsråmer for bygging av ny avdeling ved Seimsdal sjukeheim, jfr K-sak 103/12. Tilråding frå rådmann punkt 1 og 2 teke opp til røysting. Røysting. Tilråding frå rådmann vedteke samrøystes. Framlegg frå John Normann Melheim, AP, punkt 3 og 4 teke opp til røysting. Røysting. Punkt 3 vedteke samrøystes. Punkt 4 vedteke samrøystes. FS-108/12 VEDTAK: 1. Formannskapet sitt framlegg til budsjett 2013 og økonomi- og handlingsplanen for 2013 2016 vert å legge ut til alminneleg ettersyn i perioden 28.11.12 til 13.12.12. 2. Framlegget vert lagt ut på tenestetorget i Rådhuset på Årdalstangen, Årdal kommune si heimeside, og biblioteket i Øvre Årdal. 3. Ein samla reduksjon av brutto driftsbudsjett på over 10% (ca 35 mill. kr) stiller store krav til alle partar i kommunen. Det føreset ei kriseforståing, vilje til kulturendringar og prioritering av lovpålagte oppgåver. Ein må etablere nye arbeidsformer, etablere vikarpool/stillingsbank som gjer at innleige av eksterne vikarar opphøyrer, fjerning av mellomleiarnivå (kortare beslutningsvegar) og etablering av resultateinheitar
(leiarar med auka ansvar og myndigheit). Politikarane må sjå at politiske føringar og vedtak vert gjennomførte. Vil og minna om vedtak i F-sak den 15.05.2012 og nedfelt i revidert budsjett 2012: A. Oppretting av vikarpool som også skal førebu bemanningsendringar ved etablering av ny avdeling ved Seimsdal sjukeheim. B. Nytt og slankare organisasjonskart for tekniske tenester. C. Nedtak i adminstrative funksjonar tilsvarande kr 3,2 mill. i 2013 (sum kr 4,3 mill for 2012/2013). 4. Investeringsoversikt 2013-2016 Rådmann sin investeringsoversikt 2013-2016 blir vedteken med følgjande tillegg: Det blir innarbeidd investeringsråmer for bygging av ny avdeling ved Seimsdal sjukeheim, jfr K-sak 103/12. Vedlegg: Dok.dato Tittel Grad Dok.ID 21.11.2012 okonomiplan2013.docx 147933 15.10.2012 Prisar, satsar og gebyr 2013 - prisliste 146019 Ikkje utskrivne vedlegg: Budsjettnotat frå områda: Teknisk Eldreomsorg Spesialomsorg Kultur Grunnskule Helse, PPT og barnevern NAV Barnehagar Kyrkja Aktuelle lover, forskrifter, avtalar m.m. Kommunelova Finans- og økonomiregelementet til Årdal kommune. Saksutgreiing I F-sak 105/11 vart det gjort fylgjande vedtak; Som oppfølgjing av til Budsjett 2012, og førebuing til budsjettprosess 2013, vert det danna eit finansutval med formannskap, utvalsleiarar og ein representant for kvart av partia som ikkje er representert.
Finansutvalet har avhalde 2 møter (02.10 og 18.10) for å drøfte budsjettgrunnlaget for budsjettåret 2013. Rådmannen har utarbeida 2 budsjettnotat som grunnlag for desse drøftingane, som fylgjer som vedlegg til denne saka. Til møtet 02.10.12 synte underdekningen kr.40.120.000,- i høve dei rammevilkåra som då var kjende. Budsjettversjon 3 som vart lagt fram 18.10.12 var talmaterialet bearbeida i høve dei føringane som låg i Statsbudsjettet og synte ei underdekning på kr.35.012.000,-. I F-sak 102/12 (Budsjett 2013 - Grunnlag for fastseting av budsjettråmer 2013) la rådmannen fram eit endra budsjettgrunnlag med ei underdekning på kr.29.434.000,-. For å oppnå budsjettbalanse med utgangspunkt i talmaterialet som syner ein underdekning på om lag kr.29,4 mill, må Årdal kommune føreta reduksjon i tal tilsette i heile organisasjonen. Økonomiske konsekvensar I samsvar med vedtaket i FS-sak 102/12 har rådmannen innarbeida dei kortsiktige tiltaka som vart vedtekne. For å oppnå budsjettbalanse i 2013 vert no fylgjande føresetnadar lagt til grunn; Fjerne botnfrådraget på eigedomsskatt kr. 2.000.000,- Auke i eigedomsskatt (kraftverk), etter melding om nivå i 2013 kr. 6.000.000,- Nedbemanning kr.15.000.000,- Skatteinntekter kr. 3.000.000,- Bruk av bundne driftsfond kr. 1.500.000,- Refinansiering lån med flytande rente kr. 2.000.000,- Investeringsstopp Nedbemanning; Rådmannen kjem med framlegg om eit betydeleg nedtak i tal tilsette, og talamterialet syner effekten på lønsutgiftene (inkl. pensjon og arbeidsgivaravgift), med årsverknad for 2013. Ein del av nedtaket kan realiserast fullt ut frå 01.01.13, då nokre medarbeidara sluttar som fylgje av pensjonsavgang eller at dei har valgt å slutte i kommunen. Ein full årsverkeffekt av eit nedtak på 39 årsverk ville ha gjeve eit nedtak i driftsutgiftene på om lag 22 mil. Det er lagt inn eit nedtak i lønsutgiften med om lag 15 mill. då ein ikkje oppnår full årseffekt på fleire av stillingane. Rådmannen legg opp til at nedtaket kan skje ved naturleg avgang og omplasseringar i vakante stillingar, men det er ikkje til å unngå at ein må ty til oppseiingar av medarbeidara. Det er utarbeida ein bemanningsplan for kvart ansvarsområde med grunnlag i noverande organisering. Vidare er det utareida kriterium for overtallige i samarbeid med dei dei tillitsvalde:
Ei liste over eit bemanningsnedtaket på 39 årsverk er fordelt på dei ulike ansvarsområda, og innarbeida i talmaterialet. Om lag 60 stillingsheimlar vert omfatta av stillingsnedtaket. Eigedomsskatt; Etter handsaminga av budsjettgrunnlaget i formannskapet 30.10.12, har Årdal kommune motteke melding frå skattemyndigheitane at grunnlaget for utskriving av eigedomsskatt på kraftverk (Nyset-Steggje m.m.) vert auka med om lag kr. 6 mill..frå 2012 til 2013. Rådmannen gjer også framlegg om å fjerna botnfrådraget på eigedommane, noko som gjev meirinntekter på om lag kr.2 mill. Skatteinntekter; Skatteanslaget bygger på KS sin prognosemodell for 2013. I denne modellen ligg det inne eit anslag på om lag kr.156 mill. i skatteinntekter for Årdal kommune. Med bakgrunn i talmateriale på faktisk inngang i 2011 og hittil i 2012, er dette anslaget for høgt. Modellen legg opp til at ein må ta omsyn til lokale tilhøve ved endeleg brekning. Med dei utfordringane Årdal har i det lokale næringslivet med permiteringar og nedbemanningar er KS-modellen sitt anslag alt for høgt. I F-sak 105/12 vart det lagt inn eit anslag på kr.145 mill. Rådmannen gjer framlegg om å auke dette med kr. 3 mill., dvs. til kr.148 mill., som er 8 mill. under KS sin prognosemodell. Bruk av bundne fond; Tidlegare øyremerka midlar til barnhagar, ligg no i rammetilskotet frå staten. Ved omlegginga av denne ordningane vart restmidlane satt av til eit bunde fond. Rådmannen gjer no framlegg om å nytte dette fondet fult ut ved å legge kr.250.000,- på kvar av dei 6 barnehagane, i driftsbudsjettet for 2013. Investeringsstopp Med bakgrunn i den økomnomiske situasjonen gjer rådmannen framlegg om full investeringsstopp som innber lånefinansiering, i heile planperioden. Unnataket er dei investeringane som ligg på VAR (forretningsområdet) som vert dekka av eigne fondsmidlar. Kommunestyrevedtak angåande byggeprosjekt Seimsdalen sjukeheim II; KS-103/12 VEDTAK: 1. Tilbodskonkurransen for totalentreprise Seimsdal sjukeheim II vert avlyst, i samsvar med reglane om avlysning i tilbodsgrunnlaget 2. Årdal kommune føretek ei evaluering/gjennomgang av prosjektet og vurderar tilbodsgrunnlaget og entrepriseformen før ny anbudskonkurranse blir satt ut i livet 1. halvår 2013. Løyving/finansiering til dette prosjektet vert handsama når anbodsgrunnlaget føreligg: Refinansiering lån med flytande rente I samarbeid med Kommunalbanken har ein gjort ei vurdering av låneportefølgen til Årdal kommune, på dei låna som har flytande rente. Ved ei samanslåing (refinansiering), der ein gjer ei gjennomsnittsberekning og etablerar ein ny avdragsprofil med ny vekting på avdragstida (om lag 30 år), vil ein oppnå ein effekt på om lag kr.2 mill. i reduserte utgifter det fyrste året (2013).
Vurdering Rådmannen gjorde framlaegg om fylgjande tiltak for å redusera underbalansen i FS-sak 102/12: Ansvar Tiltak Reduksjon Auke inntekter utgifter 151 Nedlegging fritidsklubb Åtg. Kr. 296.000 171 Stenging friluftsbasseng Åtg. Kr. 450.000 111 Overføring kyrkja Kr. 505.000 111 Tilskot andre livssynsorganisasjonar Kr. 20.000 181 Avdrag (betingar full inv.stopp) Kr. 1.900.000 171 AD-bustad drift (full stopp 1/1-2013) Kr. 587.000 171 Basseng Tangen skule bruksperiode Kr.100.000 mellom haustferie - påskeferie 171 Opningstider Årdalshallen - redusere Kr. 300.000 opningstider kveld/helg 151 Opningstider Folkebibliteket /c) pkt.2. Kr. 130.000 151 Støtte idrettslag/ frivilligeorg./ song- og Kr. 80.000 musikklag / arrangement 162 Ferievikarar teknisk Kr. 160.000 123 Bruk av fond (skjønsmidlar) barnehagar Kr. 300.000 Alle Auke brukarbetalingar (3% snitt) Kr. 550.000 SUM Kr.4.528.000 Kr.850.000 FS-102/12 VEDTAK: 1) Rådmannen innarbeidar i talmaterialet dei tiltaka som er nemnde under pkt. økonomiske konsekvensar, for å redusera underbalansen, der følgjande innsparingstiltak går ut: o 171 AD-bustad drift kr. 587.000,- Og følgjande innsparingstiltak blir lagt til: a) Redusere tal opne barnehagar i skuleferiane, og utvida samarbeid med SFO i dei aktuelle periodane. b) Ta bort ordninga med automatisk 10 års ansiennitet for nytilsette sjukepleiarar. c) Eit utvida samarbeid med 3. sektor d) Kjøp av vaskeritenester frå Indre Sogn Asvo, der ein vurderer å kombinere dette med å sette bort eigarskapen til kleda. e) Effektiv utnytting av avgrensa ressursar, herunder nedtak av leiar- /mellomleiarstillingar. 2) Formannskapet legg til grunn at rådmannen utarbeidar budsjettframlegg for 2013, med dei råmene som kjem fram i tabellen driftsoversikt. Nedtak i tal tilsette kan kompenserast ved at andre tiltak i ansvarsområda fell bort eller vert redusert. 3) Rådmann må intensivere arbeidet med fylgjande strukturelle tiltak, for å redusere netto driftsutgifter:
a) Felles legetenester lagt til helsehuset i Øvre Årdal (ved å frigjere arealet som i dag vert nytta til tannlegar, bør dette kunna realiserast innanfor eksisterande bygningskropp). b) Vurdering av KF-modell på drift av dei kommunale eigedomar kombinert med nedsalg av eigedomar. c) Realisere effektar av prosjekt Spesialomsorg d) Opprette kommunal vikarpool for både eldre- og spesialomsorg. e) Ny og slankare organisasjonsplan for tekniske tenester f) Utrede ei løysing med felles ungdomsskule, sett i lys av reduksjon i driftsutgiftene og synergieffekt med Årdal vidaregåande skule jmf. felles utdanningsløp i trinna 8. 13. klasse.