HAREID KOMMUNE RETTLEIAR Private planframlegg INNHALD GENERELL INFORMASJON 2 UTBYGGINGA VERT STYRT MED REGULERINGSPLANAR SOM KAN ENDRAST. 2 BEBYGGELSESPLAN KREV OVERORDNA PLAN. 2 PLANLEGGING SKAL GJERAST AV FAGKUNNIGE 2 PROSESSEN 3 TA FØRST KONTAKT MED TEKNISK ETAT. 3 MELDING TIL Planutvalet BØR INNEHALDE: 3 PRIVAT PLANLEGGING KAN STOPPAST 3 KUNNGJERING 3 SEND BREV med kunngjering om oppstart 4 Mindre vesentleg regulering 4 HANDSAMING AV UTTALAR SOM KJEM INN 4 SØK RÅD, SPAR TID 4 MEDVERKNAD 5 PLANKARTET 5 GJENNOMFØRE UTGREIINGAR 5 BRUK RETTLEIAR FRÅ DEPARTEMENTET 5 KRAV TIL PLANMATERIALET SOM VERT LEVERT: 5 GEBYRREGULATIV 5 PLANUTVAL, 1.GONGS HANDSAMING 6 PLANEN VERT LAGT UT TIL OFFENTLEG ETTERSYN 6 PLANUTVAL, 2. GONGS HANDSAMING 6 EIT PLANVEDTAK KAN PÅKLAGAST 6 KRAVSPESIFIKASJON - digitale planar
GENERELL INFORMASJON UTBYGGINGA VERT STYRT MED REGULERINGSPLANAR SOM KAN ENDRAST. Reguleringsplan og/eller bebyggelsesplan vert nytta til å stadfeste kva eit areal kan/skal brukast til. Private kan også fremje forslag til slike planar, eller til endring av gjeldande planar. Dette er aktuelt når eit tiltak ikkje kan godkjennast utan ny eller endra reguleringsplan. Ved «vesentlig endring» av ein plan, går ein fram på same måte som ved ordinær planutarbeiding. Ved «mindre vesentlig reguleringsendring», kan saka avgjerast av Planutvalet. 30 i plan- og bygningslova omtalar «private forslag til regulering». BEBYGGELSESPLAN KREV OVERORDNA PLAN. Skal du lage ein bebyggelsesplan, må det liggje føre godkjent arealdel til kommuneplanen eller ein forenkla reguleringsplan som seier at bebyggelsesplan skal nyttast. Ein bebyggelsesplan skil seg frå ein reguleringsplan mest ved at den vert godkjent av Planutvalet og ikkje vert lagt fram for kommunestyret. Den kommunale sakshandsaminga vil då vere enklare og ta kortare tid. Ein bebyggelsesplan har den same rettslege verknaden som ein reguleringsplan. 28-2 i plan- og bygningslova omtalar «bebyggelsesplan». PLANLEGGING SKAL GJERAST AV FAGKUNNIGE Ein reguleringsplan skal i fylgje lova lagast av fagkunnige. Det vil svare seg å nytte fagfolk- arkitektar eller ingeniørar med erfaring på området- frå starten av planutforminga. Ein stadfest plan er eit juridisk dokument som gir heimel til å gjere endringar i eller vern av noverande tilhøve. Difor er det viktig å ha: - rett framgangsmåte - rett plangrunnlag - rett framstilling 2
PROSESSEN TA FØRST KONTAKT MED TEKNISK ETAT. Når du ynskjer å utarbeide ein plan, tek du først kontakt med teknisk etat. Dersom dine planleggingsønske er i samsvar med kommuneplan eller reguleringsplan for området du er interessert i, kan planlegging setjast i gong. Dersom dette ikkje er tilfelle, kan du utarbeide ei melding som planavdelinga legg fram for Planutvalet. Teknisk etat avgjer om dette er nødvendig i mindre plansaker. MELDING TIL PLANUTVALET BØR INNEHALDE: - forslag til stadnamn for planen - oversiktskart i målestokk 1:5000 med forslag til grenser for planområdet - reguleringsføremål - fylgjene av planen PRIVAT PLANLEGGING KAN STOPPAST Planutvalet tek stilling til om dei godtek at det vert fremja eit slikt planforslag og kan eventuelt gje retningsliner for planlegginga. Dersom Planutvalet er negativ til meldinga, og planforslaget gjeld uregulert område eller vil vere ei vesentleg endring av gjeldande reguleringsplan, kan ein krevje at reguleringsspørsmålet vert lagt fram for kommunestyret. Dersom kommunestyret går imot, vil det ikkje føre fram å utarbeide plan. KUNNGJERING Eit privat planforslag skal først kunngjerast. Varslinga skjer ved annonsering i to aviser og ved brev til grunneigarane i området. Statlege, fylkeskommunale og kommunale instansar som har interesse i saka, bør varslast på eit tidleg tidspunkt. Teknisk etat vil kunne gje ei oversikt over desse. Kostnadane ved forvarsel vert betalt av den som framset forslaget. Annonsen vert sett i standardoppsett som ein kan få ved teknisk etat. Den kan gjerne ha eit kart som viser lokalisering og grensesetjing. REGULERINGSARBEID Med heimel i plan- og Annonseteksten skal få fram: - Stad ( gjerne gardsnr. og bruksnr.) - Føremålet med reguleringa - Planinnhald - Fylgjene av planen - Namn på den som set fram forslaget - Frist for å gje opplysningar (fire veker) - Adresse ein kan vende seg til - Logo til planleggingsfirmaet Eksempel på annonsetekst: 3 bygningslova 27-1 nr. 1 vil ein med dette gjere kjent at det vert sett igong reguleringsarbeid i området Hareidsmyrane. Føremålet med reguleringsarbeidet er å leggje forholda tilrette for nye industriområde. Aktuelt område vil vere avgrensa av Hareidselva i sør, bytelina mot gnr. 47 bnr. 1 i vest, i nord mot busetnaden ved Trudvang og mot aust inntil planlagd veg frå Holstad til Vadbakken. Grunneigarane vert varsla i eige skriv. Grunneigarar og andre med interesser i området vert bedne om å kome med idear og innspel i planprosessen. Evt. merknadar skal vere skriftlege og sendast Planleggar AS, 6219 Huttihei innan 31.12.92. Frode Krelle
SEND BREV MED KUNNGJERING OM OPPSTART I samsvar med adresseliste som vert utarbeidd (henv. teknisk etat) skal det sendast varslingsbrev som inneheld: - det same som annonsen, pluss - oversiktskart, målestokk 1:5000 av planområdet - namneliste på dei som får brevet DØME PÅ BREV FOR KUNNGJERING AV REGULERINGSARBEID TIL HØYRINGSINNSTANSAR, GRUNNEIGARAR. (Dersom det gjeld bebyggelsesplan skal 28-2 nyttast i kunngjeringa ) Høyringsinnstansar, Grunneigarar (Namneliste over dei som får brevet) (Namnet på firmaet/den som gjer reguleringa, evt. logo) OPPSTART REGULERINGSARBEID (STADNAMN) Med heimel i plan- og bygningslova 30 og 27-1 nr. 1 vil ein med dette gjere kjent at det vert sett i gong reguleringsarbeid i området (stadnanm). Føremålet med reguleringa er å... Det aktuelle området ligg innanfor stadfest/eigengodkjent reguleringsplan for (namn på reguleringsplan). Grunneigarar og andre med interesser i området vert bedne om å kome med idear og innspel i planprosessen. Evt. merknadar skal vere skriftlege og sendast til (namn/adr. til den som gjer reguleringsarbeidet) innan (merknadsfrist på fire veker). Nærare opplysningar kan ein få ved å henvende seg til (namn/adr. til den som står for planarbeidet). Med helsing Vedlegg : Kart over det aktuelle området, M =1:5000 ( evt. 1:1000) MINDRE VESENTLEG REGULERING Saker med små konsekvensar, kan kommunen velge å handsame som "mindre vesentleg reguleringsendring". Ei forutsetning her er at det ikkje kjem inn merknader, eller er moglege konfliktområder. Ein slik prosess må avklarast med kommunen på forhånd, og det skal kome klart fram i varslingsbrevet at saka vert å handsame som mindre vesentleg reg.endring. Det er også ei forutsetning at høyringsinnstansane ikkje har merknadar til ein slik planprosess. Det er då ikkje nødvendig med kunngjering i aviser i forkant, og saka kan ferdighandsamast i Planutvalet. HANDSAMING AV UTTALAR SOM KJEM INN Send alle merknadar, samt eventuell kommentar til merknadar inn til teknisk etat. Alle skriftlege, samt samandrag av muntlege uttalar til planlegginga, skal fylgje saka i den vidare handsaminga. Planleggaren skal gjere greie for korleis det er teke omsyn til dei ulike synspunkta i planløysinga. SØK RÅD, SPAR TID Ved utarbeiding av planen bør løysingar og planinnhald verte drøfta med planavdelinga. Dette kan hindre unødvendig senking i den vidare sakshandsaminga. 4
MEDVERKNAD Planleggaren skal samarbeide med instansar og heimelshavarar i det vidare arbeidet med planen, eventuelt ved å be inn til folkemøte. PLANKARTET Plankartet skal vere digitalt i henhold til SOSI-standarden. Grunnkart kan bestillast hjå teknisk etat. Sjølve plankartet skal ligge på eige lag i forhold til grunnkartet. Sjå elles vedlagt kravspesifikasjon GJENNOMFØRE UTGREIINGAR Med støtte i innkomne opplysningar og eigne undersøkingar, gjer planleggaren greie for plantilhøva i området. Dette kan gjelde tilhøve som: - Grunnforhold/topografi/vegetasjon/ solforhold/vind/snøforhold/temperatur/ naturgjevne bruksavgrensingar(ras, flom m.m.)/andre naturforhold som kan tyde noko for planutforminga og eigedomsforhold/noverande bruk i og omkring planområdet/vegtilkomst/ støykilder/noverande byggjeforbod/ gjeldande planar/føresett planprogram/ forslag til tiltak. BRUK RETTLEIAR FRÅ DEPARTEMENTET Planen skal ha ei eintydig og forståeleg form. For å oppnå det har miljøverndepartementet utarbeidd ein rettleiar: T- 1381. Det er særleg viktig å nytte eintydige føremål, føremålsavgrensingar og teiknforklaringar. KRAV TIL PLANMATERIALET SOM VERT LEVERT: Planmaterialet som vert levert til kommunal handsaming skal vere i henhold til kommuna sin kravspesifikasjon og skal innhalde: - fargelagt plankart - både papirplott, pdf-fil som dannar grunnlag for plott og planen levert på SOSI-format. PDF og SOSI skal vere entydige. - bestemmingar - utgreiing om forutsetningar og planforslag - planleggaren sin vurdering av merknader som er komne inn - kronologisk ordna dokumentliste - dokumenta (merka i samsvar med liste) i kopierbar form og i hefte GEBYRREGULATIV Kommunen har vedteke gebyr for private planframlegg. Storleiken på gebyret varierer etter storleik på planområdet, og type sak. Gebyret skal innbetalast før 1. gongs handsaming i Planutvalet. 5
PLANUTVAL, 1.GONGS HANDSAMING Planavdelinga vurderer planforslaget og foreslår eventuelle endringar, før planen vert lagt fram for politisk handsaming. Planutvalet vedtek om forslaget skal leggjast ut til offentleg ettersyn, og kva form det skal ha. Dersom vedtaket til Planutvalet avvik frå det private forslaget, vil dette fylgje saka som ein merknad. PLANEN VERT LAGT UT TIL OFFENTLEG ETTERSYN Teknisk etat legg planen/planane ut til offentleg ettersyn i fire veker, vurderar merknadane som kjem inn og foreslår eventuelle endringar. PLANUTVAL, 2. GONGS HANDSAMING Dersom planen vert vedteken i store trekk som ved 1. gongs handsaming, går den til kommunestyret for godkjenning. Gjeld vedtaket ein bebyggelsesplan, er den ferdig handsama i Planutvalet. Vedtek Planutvalet vesentleg endringar av planforslaget, vert den lagt ut til offentleg ettersyn ein gong til. Også kommunestyret kan vedta at ein reguleringsplan skal endrast før godkjenning, og sende den tilbake til PLanutvalet for endring og utleggjing. EIT PLANVEDTAK KAN PÅKLAGAST Planvedtaket vert annonsert med frist for å sende inn klage. 6