VESTNES KOMMUNE Saksframlegg Arkiv: L12 Arkivsaksnr.: 2009/1483 Saksbehandlar: Jan Rune Jacobsen Dato: 05.11.2011 Gnr 51 bnr 14 - Reguleringsplan for naustområde - Klage Utval Møtedato Utvalssak Planutvalet Administrasjonssjefen si innstilling 1. Etter Planutvalet si vurdering har ingen av dei 4 klagarane lagt fram moment som kan tilleggast vekt eller som ikkje er vurderte før. Dermed blir ikkje klagene tekne til følgje. 2. Saka blir med dette oversendt til Fylkesmannen i Sør-Trøndelag for endeleg avgjerd. SAKSUTGREIING: Bakgrunn: Kommunestyret vedtok i sak 68/2011 den 29.09.2011 reguleringsplan med føresegner for naustområde på del av gnr 51 bnr 14. Vedtaket vart kunngjort gjennom brev til partane datert 4. oktober og gjennom annonsering på kommunens internettsider og i lokalavisa den 5. oktober. Vestnes kommune har mottatt 4 klager på vedtaket, datert 24. og 25.oktober. Klagene er mottatt innafor klagefristen og kan såleis behandlast. Vurdering: Klage nr 1 frå Naturvernforbundet i Vestnes: Grunngivinga for klagen er at Nvf ikkje ønsker meir privatisering av lett tilgjengeleg strandsone. Nvf meiner Vestnes kommune må innskjerpe praksisen med å tillate bygging i strandsona. Generelt påpeiker dei som det største problemet at naust faktisk ikkje er naust, men hytter med fleire plan, skarpe fargar, store vindauge osv. Vidare at dersom kommunen ønsker naust i dette området, må det settast strenge krav til utsjånad. NVf viser til at denne urørte rullesteinstranda ved Furneset ferjekai er lett tilgjengeleg for folk flest og ikkje bør byggast ned. Allmenne interesser bør prioriterast, skriv dei. Adm.sjefen vil understreke at både administrasjon og Planutval gjer ei grundig vurdering av kvar søknad som gjeld bygging i strandsona. Kommuneplanens arealdel er i sin noverande form ikkje eit eigna reiskap til behandling av byggesøknader i strandsona. Dette har kommunen ambisjonar om å forbetre ved føreståande rullering. I dette tilfellet er ikkje problemstillinga om fritidsbustader aktuell. Det dreier seg om naust for store båtar, der føresegnene gir klare
avgrensingar vedkomande storleik, utsjånad og formål. Adm.sjefen synes også at klagen frå Nvf kjem i eit litt underleg lys, sidan styremedlem i Nvf (klagar nr 4) har under oppføring eit naust med same dimensjonar på nabotomta gnr 51 bnr 544. Klage nr 2 frå Norges Miljøvernforbund: NMF meiner reguleringsplanen vil føre til ei snikutbygging av hytter i eit viktig naturområde i strandsona. Det må unngåast å bygge i unike friluftsområde, skriv dei. NMF meiner det er viktig å ivareta urørt natur nære stoppestader langs norske vegar, og viser til ventande i ferjekøa kan få eit avbrekk ved nettopp denne stranda. Vidare skriv NMF at raudlistearten ål er rapportert i nærleiken, at Vestnes kommune ikkje har vurdert konsekvensar for barn og unge ved slik utbygging og at farlege trafikksituasjonar kan oppstå. Adm.sjefen viser til at reguleringsføresegnene er tydeleg på at bygningane skal brukast til naust og ikkje kan innreiast for anna bruk/varig opphald. Området skal ha tilkomst frå kommunal veg, og ikkje etter europavegen, såleis er det liten fare for farlege trafikksituasjonar. Denne vesle stranda, som ligg inneklemt mellom ferjekaia og fyllinga (etter riksvegbygginga på 80-talet) på gnr 51 bnr 14, framstår verken som unikt friluftsområde eller eigna for ventande i ferjekøa. Når konsekvensar for ål, born og unge er lite omtalt, kjem det naturligvis av at dette ar vurdert som lite relevant i saka. Barnerepresentanten har ikkje hatt merknader til planen. Klage nr 3 frå Romsdal avdeling av Fortidsminneforeningen: Dei viser til at det fins mulege kulturminne i form av gamal båtstø eller landingsvorr og ønsker at det blir sett av ei vernesone på 10 meter langs fjøra der det fins vorrar eller spor av gamle båtopptrekk. Foreininga meiner dimensjonane på nausta er for store og gjentar ei rekkje forslag til justering av planen. Adm.sjefen viser til at Fortidsminneforeningen sine innspel er vurderte før og til at kulturstyresmaktene ikkje har motsegn til planen. Klage nr 4 frå Trygve Moxness: Han er nabo nord for det aktuelle naustområdet på gnr 51 bnr 544 og har under oppføring eit naust med nøyaktig same dimensjonar som planen legg opp til. Klagen omfattar 14 sider med 11 vedlegg, der Moxness tek føre seg tema som: Telekabel i området, mulege kulturminne, tilkomst til eiga tomt, mulege framtidige fyllingar, eventuelle brannkrav, vindforhold, manglande avgrensing av bredde og lengde på nausta, byggeskikk, innreiing, avstandar, raudlistearten ål, manglande konsekvensutgreiing, alternativ plassering av nausta og krav om elektronisk korrespondanse. Adm.sjefen viser til at Moxness sjølv (s.10 i klagen) har ønske om å kjøpe deler av området som no er regulert. Argumentrekka ber preg av at han ikkje ønsker at andre skal få etablere seg i same område. Alle tema i klagen er enten vurderte før eller er irrelevante. Sjå tidlegare og vedlagte saksbehandling. Adm.sjefen kommenterer likevel kort dei enkelte elementa i klagen slik: Viktig infrastruktur (telekabel): Blir ivaretatt ved at utbyggar er pliktig til å kontakte infrastrukturselskapa før tiltak blir igangsett. Kulturminne: Temaet er avklart av Møre og Romsdal fylkeskommune, sjå skriv av 08.06.2011. Detaljregulering/bebyggelsesplan: Reguleringsføresegnene er meir detaljerte no enn i første utkast m.o.t. storleik og bruk og er etter adm.sjefen si vurdering tilstrekkeleg. Elles gjer adm.sjefen oppmerksam på at begrepet bebyggelsesplan har gått ut av plan- og bygningslova. Tilkomst: Tilkomst til Moxness si nausttomt blir ikkje hindra av planen. Adm.sjefen ser det ikkje som relevant å lage trapp til strandsona frå europavegen. Framtidig fylling: Planen heimlar ikkje bygging av fylling eller molo. Om dette blir aktuelt på eit seinare tidspunkt, må det i så fall avklarast gjennom eiga sak. Brannkrav: Eventuell brannkrav blir ivaretatt ved søknad om byggeløyve.
Sterk vind: Dei nye nausta blir ikkje meir vindutsett enn det Moxness har under oppføring. Storleik: Maksimalt areal, mønehøgde og takvinkel er fastsett i føresegnene. Adm.sjefen meiner dette er tilstrekkeleg og vurderer ikkje at det er behov for å fastsette maksimal bredde eller lengde på naust/takutstikk. Byggtekniske vurderingar høyrer til i byggesøknadsprosessen. Byggeskikk: Byggeskikken for naust i Vestnes er ikkje eintydig med omsyn til storleik osv. Planen gir rom for variasjon innafor maks areal, høgde og takvinkel. Alle naust skal godkjennast gjennom ein byggesøknad.. Innreiing: Føresegnene er tydelege på at nausta ikkje skal ha rom for varig opphald. Avstandar: Plassering av nausta skal godkjennast ved byggesøknad. Nausttomtene er vurdert i forhold til muleg utviding av E39 og eit eventuelt framtidig masseuttak på Furneset. Adm.sjefen ser ingen grunn til å sette av plass til eventuell flytting av Moxness sitt naust. Dersom Moxness sitt naust kjem i vegen for framtidig E39, blir dette ei sak mellom Statens vegvesen og Moxness. Regulering vs 1-8: Planutvalet har vurdert at denne avgrensa og skjerma strandsona mellom fyllinga på gnr 51 bnr 14 og ferjekaianlegget kan eigne seg for store naust, slik Moxness sjølv har fått byggeløyve til. Adm.sjefen vurderer det ikkje som relevant å spesifisere krav til ev. slipp, men viser derimot til at føresegnene seier at nausta ikkje skal ha veranda. Raudlistearten ål: Om bestanden av ål har gått tilbake dei seinare åra, vil neppe desse 5 nausta eller eventuell slipp i framkant medføre ytterlegare reduksjon av bestanden. Manglande KU: Planutvalet har vurdert at planen ikkje kjem inn under oppfangskriteria i forskrifta 4 og såleis ikkje treng KU. Adm.sjefen viser til 2 brev til Moxness av 20.12.2010 (frå Vestnes kommune) og brev frå Fylesmannen til Moxness av 03.12.2010. Alternativplassering: Alternativ plassering er både vurdert og forkasta etter innspel frå Kystverket tidleg i prosessen. Oppsummering Adm.sjefen kan med dette ikkje sjå at det er lagt fram nye moment som kan tilleggast vekt eller som ikkje er vurderte før. Det er såleis ikkje aktuelt å ta nokon av klagene til følgje. Klagene fell i stor grad på sin eigen urimelegheit, sidan forfattaren av klage nr 4 alt har eit tilsvarande naust under oppføring i umiddelbar nærleik. Særutskrift til: Fylkesmannen i Sør Trøndelag Fylkesmannen i Møre og Romsdal Klagarane Tiltakshavar Grunneigar Vedlegg: 1 Klage på reguleringsplan gnr 51 bnr 14 - Furnes frå Trygve Moxness 2 Vedlegg_1_Stoerrelse_naust_ikke_mer_enn_25_kvadratmeter_Eikeland_2008_0 4_03_Fylkesmannen_gulmarkert_FE_2008_274_JOEI_421_3_1535 3 Vedlegg_2_Fylkesmannen-Vestnes_2011-03-30 4 Vedlegg_3_Moere_og_Romsdal_fylke_2008-07-14 5 Vedlegg_4_Møre og Romsdal Fylkeskommune_2011-01-11
6 Vedlegg_5_Fylkeskommunen-Vestnes_2011-04-06 7 Vedlegg_6_Dok_40_Fylkesmannen_Moere&Romsdal_2011-01-07 8 Vedlegg_7_MR-fylke_Innkalling_fylkesutvalet_2010-06-27 9 Vedlegg_8_Fylkesmannen-Vestnes_tidligere_vedtak_2009-09-16 10 Vedlegg_9_Kystverket - regulerinsplan gnr 51 bnr 14 på Furneset 11 Vedlegg_10_Kystverket Midt Norge 12 Vedlegg_11_Mobilkroell_i_Vestnes_Romsdalsbudstikke-2010-12-30 13 14 Vestnes kommune 14 Klage på vedtak i Kommunestyret - Gnr 51 bnr 14 Furnes - Privat reguleringsplan for del av eigedom - naustområde frå Fortidsminneforeningen Romsdal avdeling 15 Klage på vedtak i Kommunestyret 16 Klage på reguleringsplan av naust på gnr 51 bnr 14 frå Norges Miljøvernforbund 17 Klage på reguleringsplan av naust på gnr 51 bnr 14 18 Gnr 51 bnr 14 - klage på reguleringsplan på Furneset 19 Settefylkesmann - sak etter forvaltningslova - vedk. sak Trygve Moxness - reguleringsplan naustområde 20 Gnr 51 bnr 14 Furnes - Privat reguleringsplan for del av eigedom - Varsel om at Vestnes kommune forsøker å ødelegge viktig infrastruktur - saksnr. 2009/1483 21 kabelkutt_furnes 22 gravemeldingen 23 kabelkutt_furnes 24 Gnr 51 bnr 14 - Privat reguleringsplan naustområde - melding om vedtak 25 Gnr 51 bnr 14 - Vedrørende adgang til å klage på båthus - Vestnes kommune 26 Gnr 51 bnr 14 - Vedrørende adgang til å klage på båthus - Vestnes kommune 27 Vedlegg_1_Vestnes-Fylkesmannen_Mekling_2011-05-13 28 Vedlegg_2_Vestnes_kommune-Moxness_Svar på klage_2010-10-10 29 Vedlegg_3_Vestnes-Fylkesmannen&Fylkeskommunen_boer_journalfoeres_2011-02-11 30 Revidert plankart 31 Reviderte reguleringsføresegner 32 Gnr 51 bnr 14 - Reguleringsplan Furneset del av område - trekking av motsegn 33 Gnr 51 bnr 14 - Referat frå meklingsmøte 34 Vestnes kommune - reguleringsplan Furneset del av gbnr 51/14 - fylkesutvalet si fråsegn 35 Gnr 51 bnr 14 - Privat reguleringsplan - Kulturminnefagleg uttale etter ny informasjon - naust Furneset 36 Gnr 51 bnr 14 Furnes - Reviderte føresegner - Privat reguleringsplan for del av eigedom - naustområde 37 Gnr 51 bnr 14 Furnes - Vurdering av motsegn - Privat reguleringsplan for del av eigedom - naustområde 38 Gnr 51 bnr 14 for del av område - vurdering av motsegn 39 resultset_91_160_vedlegg1 40 Vedrørende høring av reguleringsplan for båthus gnr 51 bnr 14 i Vestnes kommune 41 Gnr 51 bnr 14 - Vedrørende høring av reguleringsplan for båthus i Vestnes kommune 42 Vedlegg 1 - Størrelse naust ikke mer enn 25m2 43 Vedlegg 2 - anker 44 Vedlegg 3 - Flytting av område fra tiltakshaver 45 Gnr 51 bnr 14 - Nei til snikutbygging av hytter/boliger i reguleringsplanen for båthusområde - brev frå Norges Miljøvernforbund 46 Gnr 51 bnr 14 Furnes - Privat reguleringsplan - motsegn - brev frå Møre og
Romsdal Fylkeskommune 47 Gnr 51 bnr 14 - Reguleringsplan 5 nausttomter - fråsegn - motsegn frå Fylkesmannen i Møre og Romsdal 48 Reguleringsplan for båthusområde på gnr 51 bnr 14 Furneset - innspel frå Naturvernforbundet i Vestnes 49 E39 - Gnr 51 bnr 14 Furnes - reguleringsplan for naustområde - fråsegn frå Statens Vegvesen 50 Gnr 51 bnr 14 Furnes - Privat reguleringsplan for del av eigedom - naustområde 51 Gnr 51 bnr 14 Furnes - Privat reguleringsplan for del av eigedom - naustområde 52 00002H.pdf 53 Forvaltningsloven 11 - Ber om veiledning i forhold til KU, båthus gnr 51 bnr 14 54 Reguleringsføresegner og høringsfrist for båthus gnr 51 bnr 14 Vestnes kommune 55 Reguleringsplan Gnr. 51 bnr. 14 - korrigerte reguleringsføresegner 56 2010.09.07. Reguleringsføresegner 57 Reguleringsplan gnr 51 bnr 14 - vedkomande reguleringsføresegner og bruk av paragrafer 58 Fråsegn - Reguleringsplan for båthusområde på gnr 51 bnr 14 ved Furneset - frå Kystverket Midt Norge 59 Reguleringsplan Gnr 51 bnr 14 60 Redigerte reguleringsføresegner gnr 51 bnr 14 61 Særutskrift - Gnr 51 bnr 14 - Privat forslag til reguleringsplan - offentleg ettersyn 62 Annonse offentlig ettersyn 63 Gnr 51 bnr 14 Furnes - Privat reguleringsplan for del av eigedom - naustområde til behandling og offentlig ettersyn 64 2010.09.07. ROS-analyse 65 2010.09.07. Planbeskrivelse 66 2010.09.07. Plankart 67 2010.09.07. Prosess 68 2010.09.07. Reguleringsføresegner 69 Vedtak i Planutvalet 14.10.2008. sak 89/2008 70 2009.11.23. Oppstartnotat 71 2009.12.04. Innspel planutvalet 72 2009.12.15. Innspel frå Statens vegvesen 73 2010.01.07. Innspel frå Møre og Romsdal fylke 74 2010.01.08. Innspel frå fylkesmannen 75 2010.01.10. Innspel frå Trygve Weidemann Moxness 76 Vedtak i Planutvalet 16.03.2010 sak 21/2010 77 Innspill til planoppstart - regulerinsplan gnr 51 bnr 14 på Furneset - frå Kystverket Midt Norge