Granvin herad Sakspapir

Transkript

1 Granvin herad Sakspapir Styre, komite, utval Møtedato Saknr Sbh Formannskapet /10 KJF Sakshandsamar: Kjersti Finne Arkivkode: K2-L12 Arkivsaknr: 10/79 Søknad om oppstart av detaljregulering for båthamn på nedre Røynstrand G.nr 121 B.nr 1, 2 og 3 i Granvin herad Vedtaksmynde: Formannskapet Dokumentliste: Nr T Dok.dato Avsendar/Mottakar Tittel 1 I Hans Jakob Mæland Sjøsettingsrampe Grandane badeplass 2 U Andres Seim; Anna M. og Ragnvald M. Invitasjon til møte vedkomande ynskje om etablering av småbåthamn Pedersen; Sven Helge Pedersen; Sjovat R. Hus; Torstein Hus; Eldbjørg Hus; Sissel B. Flesland; Ingebjørg Arnetveit; Olav Røynstrand; Robert Gullbrå; Kenneth Lyngsgård 3 U Jf. adresseliste Referat frå møte om etablering av 4 U Andres Seim; Anna M. og Ragnvald M. Pedersen; Sven Helge Pedersen; Sjovat R. Hus; Torstein Hus; Eldbjørg Hus; Sissel B. Flesland; Ingebjørg Arnetveit; Olav Røynstrand; Robert Gullbrå; Kenneth Lyngsgård; Hans Jakob Mæland; Steinar Dahle; Helge Hauger småbåthamn Invitasjon til møte vedkomande ynskje om etablering av småbåthamn 5 I Eigarane av gnr 121 bnr 1-2 Om lokalisering av småbåthamn i Side 1 av 5

2 - 3 Granvin 6 I Granvin Båtlag Søknad om oppstart av planarbeid for båthamn på nedre Røynstrand G.nr 121 B.nr 1, 2 og 3 i Granvin herad Aktuelle lover, forskrifter, avtalar m.m.: Plan- og bygningslova RÅDMANNEN SITT FRAMLEGG TIL VEDTAK: Oppstart av planarbeid for båthamn på nedre Røynstrand G.nr 121 B.nr 1, 2 og 3 i Granvin herad vert sendt på høyring og lagt til offentleg ettersyn jf PBL Planen skal utarbeidast som ein detaljreguleringsplan jf PBL Føremålet med planarbeidet er å legge til rette for ein småbåthamn og eit rekreasjonsområde for ålmenta. Det skal gjennomførast utgreiingar knytt til flaumelv, trafikk og parkering m.m. jf. saksutgreiinga. Merknader og innspel skal sendast tiltakshavar Granvin båtlag innan 15. januar Formannskapet Hans Jakob Mæland vart vurdert som ugild pga partsinteresse i saka. Han gjekk frå møtet under handsaminga. Det møtte ikkje vara. FS-059/10 VEDTAK: Rådmannen sitt framlegg vart samrøystes vedteke: Oppstart av planarbeid for båthamn på nedre Røynstrand G.nr 121 B.nr 1, 2 og 3 i Granvin herad vert sendt på høyring og lagt til offentleg ettersyn jf PBL Planen skal utarbeidast som ein detaljreguleringsplan jf PBL Føremålet med planarbeidet er å legge til rette for ein småbåthamn og eit rekreasjonsområde for ålmenta. Det skal gjennomførast utgreiingar knytt til flaumelv, trafikk og parkering m.m. jf. saksutgreiinga. Merknader og innspel skal sendast tiltakshavar Granvin båtlag innan 15. januar Side 2 av 5

3 FAKTA: Bakgrunn og tilhøve til kommuneplanen Granvin Båtlag søkjer om oppstart av ein detaljreguleringsplan for båthamn på nedre Røynstrand. Arbeidet med ny småbåthamn i Granvin, starta som eit innspel til kommuneplanen sin arealdel i I arealdelen som vart vedtatt i 2009, vart det etter ei grundig vurdering lagt inn eit område for småbåthamn i same område som det no vert søkt om oppstart av planarbeid i. Området det no vert søkt om er justert noko i forhold til området som ligg inne i kommuneplanen. Arealet på land er vesentleg redusert, og det er berre arealet nærast sentrum, ved utløpet av elva Skreo, som no ligg innafor planområdet. Arealet i sjøen er flytta til området rett utanfor Skreo, og ligg ikkje inne i bukta mot Grytevika slik som kommuneplanen viser. I kommuneplanen ligg det inne eit område på ca 18 daa. Området som er med innafor planavgrensinga på oppstartsmeldinga er på ca 14 daa. Vedlagte kart viser småbåthamnområde som ligg i kommuneplanen si arealdel, og område som no er meldt oppstart på. Føremål Føremålet med planarbeidet er å legge til rette for småbåthamn og rekreasjonsområde for ålmenta. Området skal innehalde plass for sjøsetting av båtar, toalettanlegg, parkeringsplassar, avfallsmottak og servicebygg som er knytt opp mot drift av anlegget. Vurdering av flaumsikringstiltak for Skreelva som går gjennom planområdet, er og eit viktig tema for planarbeidet. Tiltakshavar Granvin båtlag søkjer om oppstart av planarbeidet og står som tiltakshavar. Grunneigarar Planområdet består av gnr 121, bnr 1, 2 og 3, nedre Røynstrand. Det er gjennomført fleire møter med grunneigarane, men det har ikkje lukkast tiltakshavar å få ein avtale om leige eller bruk av området. Grunneigarane representert ved Signe Berit Flesland, Anna Pedersen, Ragnvald Pedersen og Andres Seim har i brev datert kome med fleire innvendingar mot tiltaket. Dei meiner at ein stor båthamn vil få store konsekvensar for dei, ikkje minst estetisk. Som grunneigarar er dei bekymra for trafikksituasjonen eit slikt tiltak vi føre med seg, og ser mellom anna føre seg kaotiske parkeringstilhøve og store ulemper for grunneigarane. Dei peiker og på Skreelva og problem med å ha elveløpet til ein flaumutsett elv rett gjennom området. Dei krev at konsekvensane for tiltaket vert utgreidd av fagpersonar, og at ei flytting av elveløpet tilbake til det opphavlege løpet vert vurdet. Vidare gjer dei merksam på at ei småbåthamn i planlagt område vil øydelegge ei gamal notkasteplass. I tillegg meiner dei ein småbåthamn vil medføre støy og andre ulemper for grunneigarane, og dei peiker på Djupavika som ein betre eigna plass for ein småbåthamn. Grunneigarane ser behovet for tilrettelegging for samfunnsgagnlege tiltak, men meiner ei småbåthamn på deira eigedom vil råka dei hardt. Grunneigarane på nedre Røynstrand har dei siste åra tatt sin del av ansvaret både arealmessig og på andre måtar, og ber heradet sjå på alternativ, avsluttar dei brevet. Planområdet Planområdet ligg rett sør for Granvin bruk, nær Granvin sentrum. Anlegget på land er planlagt mellom kommunal veg og sjøen, og det ligg fleire naust og hytter langs sjøkanten på begge sider av området. Planområdet strekker seg ut i sjøen der sjølve båtanlegget er planlagt. I

4 sjøen rett utanfor planområdet er det ein ankringsplass som ligg inne i kommuneplanen sin arealdel. I tillegg er eit lite stykke opp langs Skreelva tatt med, med tanke på behov for eventuelle flaumtiltak langs elvestrekninga. Totalt areal på heile planområdet er ca 15 daa. Planarbeidet vidare Dersom det vert vedtatt å legge oppstartsmelding for planarbeidet til høyring og offentleg ettersyn, kan tiltakshavar starte arbeidet med eit framlegg til ein detaljreguleringsplan. Alle som ynskjer har høve til å sende merknader til oppstartsmeldinga til tiltakshavarane. Etter at høyringsperioden er ute, kan utkast til plan inkludert naudsynte utgreiingar sendast Granvin herad for 1. gangs handsaming. Etter 1. gangs handsaming vert planforslaget lagt ut til høyring og offentleg ettersyn i minimum 6 veker. Berørte partar og andre kan sende merknader til planforslaget til kommunen. Etter ei eventuell justering av planforslaget kan planen takast opp til slutthandsaming eller sendast ut på ny høyring dersom endringane i planen er vesentlege. Når planen er godkjent gir den heimel til å ei oreigning av arealet. Dette må eventuelt gjerast av Granvin herad. VURDERING: Planområdet for småbåthamn er noko justert i forhold til arealet som ligg inne i kommuneplanen. Endringa gjeld i hovudsak området i sjøen, og rådmannen meiner at tiltaket framleis er i tråd med intensjonane i kommuneplanen sin arealdel. Grunneigarane peiker på at ei etablering av småbåthamn vil føre med seg ulemper knytt til auka trafikk, manglande parkeringsplassar, støy m.m. for dei som naboar. Dette er moment som planarbeidet må ta med seg vidare, vurdere og finne løysingar på. Informasjon om gamal notkasteplass, og konsekvensar ved etablering av tiltaket må også utgreiast i planarbeidet. Når det gjeld Skredelva og dei utfordringane ei flaumelv fører med seg for etablering av tiltaket må dette gjerast ein eigen utgreiing på av fagpersonar. Når det gjeld forslaget frå grunneigarane om at ei småbåthamn i staden for bør ligge i Djupevika, vart dette vurdert i samband med kommuneplanarbeidet. Der var Djupevika eit av to andre lokalitetane som vart vurdert i tillegg til Grytevika. I vedlegget om konsekvensvurdering av dei nye tiltaka i kommuneplanen står det under omtalen av Grytevika mellom anna; Samla vurdering: Alternativt areal har vore kaiområdet og Djupevika. Det er lite gunstige vær- og straumtilhøve ved kaia, i tillegg ynskjer ein at denne skal oppretthaldast som ein djupvasskai. Djupevika har og vore vurdert, men på grunn av lang avstand til sentrum vart dette arealet rekna som mindre eigna. Tilhøva i Grytevika vert sett på som eigna, og på grunn av ynskje om gangavstand til sentrum har Grytevika utpeika seg som det beste alternativet. Det er viktig at området vert planlagt slik at også ålmenta kan nytte området. Rådmannen meiner difor at Djupevika allereie er grundig vurdert som alternativ lokalitet for småbåthamn i samband med kommuneplanarbeidet. Føremonene med eit sentrumsnært område vart vekta som svært viktig då avgjerda om Grytevika som område for småbåthamn vart tatt.

5 Når det gjeld situasjonen for planarbeidet så langt, med grunneigarar som er negative til etablering av dei tiltaka som detaljreguleringsplanen skal legge til rette for, fører det til ein ekstra utfordring for planarbeidet. Dersom formannskapet seier ja til oppstart av dette arbeidet, må dette etter rådmannen si vurdering vere eit sterkt signal til tiltakshavar om at kommunen i neste runde vil ta ansvar for at området vert tilgjengeleg for utbygging, sjølv utan grunneigar sitt samtykke. KU eventuelle trong for utgreiingar Område for småbåthamn i Grytevika er avsett i kommuneplanen, og i samband med kommuneplanarbeidet vart det ikkje avdekka avgjerande negative konsekvensar ved etablering av tiltaket. Ein meiner difor at det ikkje er naudsynt med ei full konsekvensutgreiing i samband med reguleringsplanarbeidet. Det er likevel peika på fleire moment frå grunneigarane si side som må greiast ut i planarbeidet. Dette gjeld ikkje minst tilhøva til Skredelva og konsekvensar ei småbåthamn kan ha på flaumelva, og konsekvensar for anlegget ved ein flaumsituasjon. Dette må det gjerast ein eigen utgreiing på av fagfolk. I tillegg må planarbeidet omhandle tema som trafikk, parkering, støy og eventuelle andre ulemper for naboane, i tillegg til notkasteplass. Det må også gjerast ei ROS-analyse i samband med reguleringsplanarbeidet. Konklusjon Å finne eigna areal til etablering av småbåthamn i sentrumsområde var eit svært viktig arbeid i kommuneplanen. Det vart frå fleire hald peika på at ei båthamn vil vere eit positivt tiltak for både innbyggjarar og folk i nabokommunar, og eit tiltak som vil auke kvaliteten for tettstaden Eide i Granvin sentrum. Rådmannen vil difor tilrå at det vert meldt oppstart av eit arbeid med ein detaljreguleringsplan for ein båthamn på nedre Røynstrand gnr 121, bnr 1, 2 og 3 i tråd med søknaden frå Granvin båtlag.