Granvin herad Sakspapir

Transkript

1 Granvin herad Sakspapir Styre, komite, utval Møtedato Saknr Sbh Formannskapet /15 EDM Sakshandsamar: Ebbe Dam Meinild Arkivkode: K2-L12 Arkivsaknr: 14/ Offentleg ettersyn - Reguleringsplan Espelandsdalen Camping, planid Vedtaksmynde: Formannskapet Dokumentliste: Plankart, føresegner, planomtale, ROS-analyse, skredfarekartlegging, melding frå Hardanger Energi Nr T Dok.dato Avsendar/Mottakar Tittel 19 U Lars Anda SV: Espelandsdalen 18 I Anda & Hirth Ans Espelandsdalen - revidert forslag 20 I Anda & Hirth Ans Espelandsdalen - revidert forslag til føresegner og plankart Vedlegg: På papir: Plankart, planomtale og føresegner På www: Plankart, planomtale, føresegner, ROS-analyse, skredfarekartlegging, innkomne merknad oppstart, korrespondanse med Hardanger Energi. Dok.dato Tittel Dok.ID Reguleringsføresegner-Espelandsdalen (2) Planskildring-Espelandsdalen Espelandsdalen - Innspel og merknader Espelandsdalen - Skredfarevurdering AsplanViak Espelandsdalen-Hardanger Energi Reguleringsplankart -Espelandsdalen Aktuelle lover, forskrifter, avtalar m.m.: plan og bygningslova Side 1 av 5

2 RÅDMANNEN SITT FRAMLEGG TIL VEDTAK: I medhald av plan- og bygningslova 12-10, vert detaljreguleringsplan for reguleringsplan for Espelandsdalen camping - planid , jf kart, føresegner, planomtale, ROS-analyse og andre plandokument, lagt ut til offentleg ettersyn i minimum 6 veker i perioden Formannskapet Randi E. Kalsaas stilte spørsmål om gildskapen sin sidan ho er medeigar i Espelandsdalen Camping. Resten av formannskapet fann ho ugild, og ho gjekk frå møtet under handsaming av saka. Marianne Espeland var innkalla og møtte som vara for ho. Rådmannen sitt framlegg vart samrøystes vedteke. FS-046/15 VEDTAK: I medhald av plan- og bygningslova 12-10, vert detaljreguleringsplan for Espelandsdalen camping - planid , jf kart, føresegner, planomtale, ROS-analyse og andre plandokument, lagt ut til offentleg ettersyn i minimum 6 veker i perioden Samandrag Planen legg opp til ei utviding av eksisterande campingplass i Espelandsdalen. Området ligg i hovudsak innafor gjeldande kommuneplan. Planen legg opp til ei utviding av eksisterande campingområde og gjev heimel til totalt sett 60 vogner. Konsekvensane ved utvidinga er samla sett ikkje vurdert til å vera særskilt negative, sjølv om det er knytt nokre utfordringar til utviding når det gjeld god terrengutforming og tryggleik. Administrasjonen meiner ein bør gjera nokre mindre justeringar ved framlegget for at omsyn til landskap og estetikk vert sikra godt nok. Elles kan Elles meiner me planen kan leggjast ut offentleg ettersyn slik den føre. FAKTA: Forslagstillers framlegg - oppsummering Grunneigar av Gnr. 99 Bnr. 3 og 8 og forslagstillar Randi og Ørjan Kalsaas ynskjer å utarbeida ein reguleringsplan som tek sikte på utviding og vidareutvikling av eksisterande campingplassen ved Espelandsvatnet. Campingplassen skal gi plass for heilårs oppstillingsplassar med spikartelt for campingvogner og å betra tilbodet for sommargjester. Det vert lagt til rette for at ålmenta skal kunna nytta Espelandsvatnet til bading og fisking. Planområdet er på ca. 23 da. Side 2 av 5

3 Plankonsulent er Siv.Ark Anda & Hirth Ans. Området ligg langs Espelandsvatnet og er relativt lite synleg i terrenget frå sjølve dalen. Frå sørsida av vatnet og områda oppover i fjellet vil ein kunna sjå campingplassen godt. Campingvogner med lyse fargar vil visa godt i terrenget. Det er viktig at det vert teke omsyn til dette ved krav til fargeval, plassering av vogner, spikartelt, murar etc. slik at det vert ei bra heilheit i området. I føresegnene under punkt 3 Byggeområde på side 4 er det skissert korleis ein skal ta omsyn til god estetikk og tilpassning av landskapet i kring. Terassane som kan vera opptil 25 m2 er viktig å tilpassa terrenget slik at dei ikkje vert for dominerande. Ein ser og at campingplassen sett frå sør ( Kjerringafjellet og Kvasshovden) vil visa godt i terrenget og at det er viktig at ein tek omsyn til dei krav som er sett. Store delar av området ligg innanfor aktsemdområdet for flaum og jordskred. Sjå fig 14 i skredrapport. Vurderinga er at det er liten fare for jordskred men betydeleg fare for flaumskred i den austlege delen av planområdet. Skrednett sitt aktsomheitskart viser at heile planområdet ligg innanfor utløpsområde for snøskred. Sjå figur 13 i skredrapport utarbeidd av Asplan Viak - vedlegg 3. Vurderinga er likevel at sansynlegheita for snøskred og sørpeskred inn i området er forhaldsvis liten. Skrednett sitt aktsomheitskart viser at heile planområdet ligg innanfor potensialt utløpsområde for steinsprang. Sjå figur 9 og 10 i skredrapport. Delar av planområdet tilfredstiller ikkje lovverket sitt krav til sikkerheit mot skred i sikkerheitsklasse S2. Dimmensjonerande skredtype er steinsprang og flaumskred. I skredrapporten vert det føreslått å planleggja rundt faresonane. Dersom ein likevel ynskjer å utnytta ein større del av planområdet kan dette gjerast med forholdsvis enkle tiltak i samband med andre terrenginngrep. Ein kombinasjon av vollar og grøfter ( sjå figur 16 i skredrapport) kan nyttast. Dette må designast og dimmensjonerast før utføring. Det er allereie etablert eit aktivt friluftsliv i området med campingplassen og ein god del hytter i Espelandsdalen. Vidare utbygging av campingplassen vil berre forsterka bruken av området. Dalen med vatnet og fjella ikring gjev rike mogelegheiter til friluftsliv i mange former og vil tola ein god del auke framover. Innkomne merknader ved sidste høyring Merknader/innspel Det er kome 3 innspel til melding om oppstart av planarbeid: Fylkesmannen i Hordaland, brev av Dei føreset at planen vert utarbeidd i samsvar med føresegnene for campingplassar i kommuneplanen. Vidare ber dei om at det i størst mogeleg grad vert søkt å unngå å byggja ned dyrka mark. Minner om at konsekvensane reguleringsplanen har for endra arealbruk skal vurderast i høve til naturmangfaldet. Må koma fram i planarbeidet, jf. Naturmangfaldlova ROS-analysen må nytta akseptkriteria som er i tråd med byggteknisk forskrift (TEK 10). Analysen må sjå på risiko både innanfor og utanfor planområdet som kan påvirka tiltaket, og evt. endra risiko som fylgje av tiltaket.

4 Planen skal utarbeidast og dokumenterast og det vil då vera mogeleg å ta stilling til om planen er i strid med nasjonale eller vesentlege regionale interesser. Statens Vegvesen, brev av Har ingen merknader no, men kjem eventuelt tilbake under det offentleg ettersynet. Det vil verta teke kontakt i planleggingsperioden. Hordaland Fylkeskommune, breva av Det vert bede om å ta omsyn til ein del punkt i planarbeidet med særleg vekt på landskap, estetikk, friluftsliv og kulturminne. Vidare vert det presisert at det ikkje er kjend informasjon om automatiske freda kulturminne i området. Desse nemde punkta samsvarar i stor grad med viktige tema som er lista opp i referatet frå oppstartsmøtet av og vert såleis teke opp under planprosessen. VURDERING: Administrasjon si vurdering Teknisk etat: Tilhøve andre planar Planen er i hovudsak i samsvar med gjeldande kommune plan. Dette meiner me ikkje er vist/omtala nok i planomtalen. Planen grensar ikkje til andre private reguleringsplanar. Me ønskjer eit kart som viser samanheng mellom reguleringsplan og kommuneplan. Landskap Omsyn til konsekvensen for landskapet, terrengbehandling og fjernverknad har vore eit sentralt tema. Sentrale bakgrunnsdokument for heradet her er Landskapsanalyse (2007) og Byggjeskikkrettleiar (2001). Planen har eit generelt avsnitt for byggjeområde der kvalitet i terrengutforming er nemnt. Administrasjonen meiner følgjande bør endrast: Støttemur er i føresegnene omtala slik: «Nødvendige støttemurar oppførast på ein måte som ikkje verkar skjemmande.» Me meiner ein bør ha krav om stadstilpassa materialbruk i tillegg, som td. naturstein. Fortetting og utviding Planen legg opp til ei utviding som kan føre til totalt 60 campingvogner innafor områder. Under føremålet Campingplass sett planen krav for tiltak innafor området. Administrasjonen meiner følgjande bør endrast: Ein bør spesifisere grensa for utbygging, slik at også bubilar og hytter vert avgrensa i tal, ikkje berre campingvogner. Det bør også settjast ei maks storleik (BYA eller BRA) for utleigehytter. 50 kvm kan vera eit rettleiande tal her. Ut ifrå dagens situasjon (sjå bilete 5-7 i planomtalen) meiner me ein bør ha krav om maks terrasse høgde i planen er denne sett til 60 cm. Dette gjer at området får eit heilskapleg preg. Me meiner likevel ein kan ha med følgjande

5 formulering/spesifisering: «Synleg opning under plattingen må kles igjen. Terrasseplatting på søyler tillates ikkje.» Dette for å sikre eit heilskapleg inntrykk. Det er sett grense om 25 kvm terrasse til kvar vogn. Me meiner dette er i meste laget. Planar for andre campingplassar me har samanlikna med gjev løyve til 15 kvm. Me ønskjer å endre grensa til 20 kvm. ROS Det er gjennomført ei skredfarekartlegging som oppfyller krava. Kartlegginga identifiserer faremoment som er lagt til grunn i føresegner og plankart. Det må gå klart fram at vidare utforming av risikoreduserande tiltak skal gjerast av fagkunnige personar før tiltaka vert utført. Konklusjon / framlegg Overordna sett meiner me dette er eit framlegg som følgjer intensjonen i kommuneplanen. Me vil anbefale å ta inn nokre små justeringar på utforming og materialbruk for å sikre ei god tilpassing til landskapet. Elles meiner me planen kan leggjast ut offentleg ettersyn slik den føre.