DETALJREGULERING GNR/BNR 57/555 M.FL., SNIKKERSVINGEN - 1. GONGSHANDSAMING

Transkript

1 Arkivref: 2011/ /2016 Saksh.: Merete Refstie Hageberg Saksnr Utval Møtedato 20/16 Forvaltningsstyret DETALJREGULERING GNR/BNR 57/555 M.FL., SNIKKERSVINGEN - 1. GONGSHANDSAMING Framlegg til vedtak: Forvaltningsstyret vedtek i medhald av og i Plan- og bygningslova å sende forslag til detaljregulering for, gnr/bnr 57/555 m.fl. ut på høyring og leggja det ut til offentleg ettersyn. Vedtak Forvaltningsstyret vedtek i medhald av og i Plan- og bygningslova å sende forslag til detaljregulering for, gnr/bnr 57/555 m.fl. ut på høyring og leggja det ut til offentleg ettersyn. Handsaming Samrøystes vedteke.

2 Rådmannen, Dokumentliste S Detaljregulering gnr/bnr 57/555 m.fl., - 1. gongshandsaming I Plan Vest as Tinging av oppstartsmøte U Plan Vest as Referat frå oppstartsmøte i plansaker I Plan Vest as Møte angåande regulering i Sagvåg ved I Plan Vest as Søknad oppstart planarbeid S Detaljregulering for gnr/bnr 57/555 m.fl., - søknad om oppstart U Plan Vest AS Melding om synfaring - Detaljregulering for gnr/bnr 57/555 m.fl., X Særutskrift - Detaljregulering for gnr/bnr 57/555 m.fl., - søknad om oppstart U Plan Vest Detaljregulering for gnr/bnr 57/555 m.fl., - melding om vedtak I Plan Vest Planprogram I Plan Vest AS Forslag til planprogram og oppstart av arbeid med detaljregulering for - gnr/bnr 57/555 m. fl. i Stord kommune I Hordaland Fylkeskommune Fråsegn - forslag til planprogram og oppstart av arbeid med detaljregulering for I Plan Vest AS Planprogram og merknadar, N fakturagrunnlag Fakturagrunnlag - Detaljregulering for gnr/bnr 57/555 m.fl., U Plan Vest As Planprogram - merknad I Plan Vest As Revidert planprogram S Detaljregulering for gnr/bnr 57/555 m.fl., - fastsetjing av planprogram X Særutskrift - Detaljregulering for gnr/bnr 57/555 m.fl., - fastsetjing av planprogram N fakturagrunnlag Fakturagrunnlag - Detaljregulering for gnr/bnr 57/555 m.fl., I Plan Vest AS Innsending av detaljreguleringsplan med KU for I Plan Vest AS Planforslag I Plan Vest as Planforslag I Plan Vest AS Oppdatert planforslag Vedlegg 1. Planomtale, datert Føresegner, datert Plankart datert Planprogram, rev RBO Innleiing (bakgrunn for saka) Regulering, byggesak og oppmåling (RBO) mottok søknad om igangsetting av planarbeid for detaljregulering av gnr/bnr 57/555 m.fl., i Sagvåg. Søknaden vart sendt inn av Plan Vest AS på vegne av AS. Då tiltakshavar ønska å utvikla området med tanke på bustad og næring, samsvara ikkje dette med reguleringsplanen for området og kommuneplan for Stord Her er området i lagt ut til bustad- og fritidsområde. Det vart difor lagt fram for Forvaltningsstyret ein prinsippsøknad i møtet Forvaltningsstyret gav klarsignal om at planarbeid med planprogram og konsekvensutgreiing kunne startast opp. Melding om oppstart av planarbeid og utlegging til offentleg ettersyn av framlegg til planprogram vart kunngjort og sendt ut Planprogrammet vart fastsett i FVS-møte , i sak PS 14/14. Planframlegget som no er kome inn, er ikkje i samsvar med planprogrammet då den delen av planen som omhandlar bustadar, er teken ut. Planen regulerer no berre området til forretning/kontor/tenesteyting og friområde. 2 av 5

3 Saksutgreiing (fakta, saksopplysningar) Omtale av planområdet Planområdet ligg i Sagvåg, om lag 0,5 km nord for Sagvåg sentrum. Det er om lag 12 daa, og omfattar eigedom gnr/bnr 57/555 med tilgrensande vegareal og ny rundkøyring i kryss mellom Fv. 545, Fitjarvegen og Fv. 67 Nysætervegen. Området ligg på austsida av vegen, i eit søkk ned mot Storavatnet. Det er lite eksisterande infrastruktur i planområdet. Planstatus Området er tidlegare regulert til bustadområde og fritidsområde i plan R , Sagvåg. I kommuneplan for Stord er arealet ned mot Storavatnet vist med omsynssone for friluftsliv. Trafikkarealet i krysset Fv. 545/Fv. 67 er omfatta av reguleringsplan R , Sagvåg sentrum. Det er i tillegg starta opp arbeid med utarbeiding av kommunedelplan for Sagvåg - Litlabø. Omtale av planforslaget Føremålet med planen slik den no ligg føre er å leggja til rette for forretningsbygg med parkeringsareal og grøntområde ned mot Storavatnet. Det ligg inne eit rekkefølgjekrav for opparbeiding av rundkøyring i krysset Fv. 545/Fv. 67 før det kan tillatast bygging i området. Rundkøyringa skal byggast i nært samarbeid med Statens vegvesen, og det er stilt krav om opparbeiding av gang- og sykkelvegar i tilknyting til rundkøyringa. Planen legg og til rette for at eksisterande eigedomar sør for planområdet kan få tilkomst via næringsområdet. For meir utfyllande omtale av planen vert det vist til vedlagte planomtale. Vurdering Generelt Utgangspunktet for oppstart av planarbeidet var å få regulera området til bustadføremål og forretning. I forslaget til plan som no ligg føre, er bustadføremålet teke ut av planen, dette med bakgrunn i at planavgrensinga er redusert sidan tiltakshavar ikkje fekk hand om eigedom gnr/bnr 57/8. Det er då eit mindre areal att og ein ser at det vert vanskeleg å kombinera desse to føremåla på eit knapt areal. Forretning/kontor verksemd genererer ein del trafikk inn i området og dette er ikkje ønskeleg i kombinasjon med bustadområde og uteareal til bustadar. Rådmannen synest det er uheldig at det no vert ei rein forretningsutbygging, men er likevel oppteken av at bustadområda skal byggast ut med tanke på å ha gode kvalitetar og utomhusareal, og ønskjer ikkje ei utbygging som går på akkord med dette. Krav om konsekvensutgreiing Det er vedteke eit planprogram for detaljreguleringa. I planprogrammet er det gjort greie for kva tema som skal konsekvensutgreiast. Planprogrammet er vurdert å vere OK sjølv om føremål med planen er endra. Konsekvensutgreiinga er gjort i samsvar med forskrift om konsekvensutgreiing og er integrert i planomtalen. Rådmannen meiner nivået på KU er tilpassa plan og løysinga gir eit godt og oversiktleg bilete av konsekvensane av planarbeidet. Det er vurdert at planen vil ha ein mindre negativ konsekvens for nærmiljø/friluftsliv og naboomsyn/eigedomsinngrep. Avbøtande tiltak er føreslege, og dersom desse vert ivaretatt vert planen tilrådd. Konsekvensutgreiinga konkluderer og med at planen får positive konsekvensar for sentrum, service og næring i Sagvåg og trafikksituasjonen i området vert forbetra. Konsekvensar for samfunnet Planen legg til rette for forretning/kontor verksemd i Sagvåg. Området har god lokalisering, og lett tilkomst ut på hovudvegnettet. Det vert stilt krav til opparbeiding av ny rundkøyring med tilhøyrande gang- og sykkelvegar før ein kan godkjenna byggetiltak i planområdet. Dette er positive tiltak for Sagvågs-området. Naturmangfald Det er ikkje registrert raudlista artar eller naturtypar, prioriterte artar eller utvalde naturtypar etter naturmangfaldslova innanfor planområdet. Det er i KU-en gjort ei grundig vurdering etter prinsippa i NML Kunnskapsgrunnlaget er godt i høve til risikoen for mogleg vesentleg skade på naturmangfaldet. Kulturminne Det er ikkje registrert kulturminne innanfor eller nær planområdet. Det er heller ikkje stilt krav om arkeologiske registreringar i tilknyting til planarbeidet. 3 av 5

4 Landskap og terreng Planområdet består av eit dalsøkk. Det er tenkt noko fjellsprenging i nordre del av planområdet, og bygging av forstøtningsmur mot naboeigedomane. Det meste av området er tenkt fylt opp til kote + 21, men landskapet vert ikkje vesentleg endra. Fjernverknadane av tiltaket vert minimale. Grøntstruktur og friluftsliv Planområdet består av eit lite dalsøkk som endar i ein mudderpoll i eit myr/sumpområde i tilknyting til Storavatnet. Området er ikkje i aktivt bruk til friluftsområde, men austlege del av området er i kommuneplanen vist med omsynssone friluftsliv. Folkehelse, Barn og unge Det er ikkje kjent at området vert nytta til aktivitet av barn og unge, og planen vil ikkje medføre konsekvensar for barn og unge. Planen regulerer arealet nærast Storavatnet til grøntområde, det er opning i planen for å etablera sti i skråninga ned mot vatnet, men dette er det ikkje stilt krav til. Universell utforming Planen legg til rette for universelt utforma tilkomst til alle funksjonar innanfor planområdet. Eit eventuelt 2. plan vil vera tilgjengeleg med heis i bygget. TEK10 sine krav gjeld for forretningsareal som skal vera allment tilgjengeleg. Landbruk AR5-kartet syner delar av planområdet som fulldyrka mark. Då arealet tidlegare er regulert til bustadområde og friluftsområde, vil dette ikkje ha noko å seia for omdisponering av fulldyrka mark. Området ligg ikkje i tilknyting til jordbruksområde, men er ein del av tettstaden Sagvåg. Klima og energi, ureining Tiltak og tenkte verksemder i forretningsbygget vil ikkje føra til ureiningsproblem. I utbyggingsfasen kan det skje avrenning frå byggeplass og påverknad av muddermassar i strandsona. I konsekvensutgreiinga er det føreslege avbøtande tiltak som geotekniske undersøkingar før fylling, og å berre nytta inerte massar i fyllinga. Rådmannen meiner at desse krava må innlemmast i føresegnene. Energiløysingar for bygget vert vurdert i samband med byggeløyve. Utover el-nett fins det ikkje felles energiløysingar i området. Veg, vatn og avløp Det er i føresegnene stilt rekkefølgjekrav om at rundkøyring skal opparbeidast før bygging i området kan tillatast. Gang- og sykkelvegane i planområdet skal og opparbeidast med fast dekke før bruksløyve for byggeområdet vert gjeve. Tekniske planar for vatn, avløp og overvatn skal godkjennast av Stord kommunalteknikk i samband med byggemelding. Trafikk og trafikktryggleik Tiltaka i planen vil føre til auka trafikktryggleik for både gåande, syklande og køyrande. Krysset i vert opparbeida som rundkøyring, dette vil gje betre trafikkflyt og meir oversikt enn dagen situasjon. Det er stilt rekkefølgjekrav til opparbeiding av rundkøyring og regulerte gang- og sykkelvegar innanfor planområdet. Tilhøva for dei gåande og syklande vert såleis og utbetra. Planen legg og godt til rette for tilkomst både for gåande og syklande. I planen er det vist fleire parkeringsplassar enn kravet i kommuneplanen tilseier. Dette er gjort med bakgrunn i at interessentar for forretningsdrifta har stilt krav om antall parkeringsplassar. Rådmannen meiner at det er uheldig at det vert tilrettelagt for meir bilbruk enn naudsynt, men Sagvåg er ein forholdsvis vidstrakt tettstad der ein må forventa at tilkomst til forretning og anna verksemd hovudsakleg vert bilbasert. Senterstruktur Det er under utarbeiding ein kommunedelplan for Sagvåg. Lokalisering av nye forretnings/næringsareal burde hovudsakleg vore avklart i denne prosessen. Kommuneplanen sitt delmål for senterstruktur er at bydelane og lokalsentra i kommunen skal vidareutviklast som gode bustad- og opphaldsområde, med rom for utvikling av næring og offentleg service. I konsekvensutgreiinga er det peikt på at Sagvåg treng ei oppgradering av sentrumsstrukturen, og at opphavleg sentrumsområde ved Sagvågsvingen, 4 av 5

5 Sagvågsbrekko og ned mot kaien utgjer arealet som i dag er regulert til føremålet. Dette er på mange måtar eit område som er ugunstig i høve terrengtilhøve og bygningsstruktur. Etablerte eigedomsstrukturar kan også opplevast som hindring for nye næringsaktørar. Det har i seinare tid vore utbygging nord for Sagvågsbrekko mot, og vegsystemet er under oppgradering. Det er og regulert fleire bustadareal i området. Etablering av ny varehandel kan få positive ringverknadar for lokalsamfunnet, og føra til at fleire vel å handle lokalt. Det er positivt for Sagvåg at nye aktørar kjem på banen og gjev eit utvida tilbod i eit sentrumsnært område. Konsekvensutgreiinga definerer langt på veg arealet langs Fv. 545 frå Podlen til som ein sentrumsakse. Kommunedelplanen vil ta opp dette som eit eige tema, og belysa denne tematikken nærare. Risiko og sårbarheit (ROS-analyse) Det er gjennomført risiko og sårbarheitsanalyse. Analysen ligg som ein del av planomtalen. Planen vert vurdert til å ha akseptabel risiko. Rådmannen føreset då at dei avbøtande tiltaka som er nemnt vert gjennomført. For nærare omtale av planområdet, planforslaget, konsekvensar og risiko- og sårbarheitsanalyse vert det vist til planomtale med vedlegg. Konklusjon Rådmannen rår til at forvaltningsstyret vedtek å leggja planforslaget ut til offentleg ettersyn. 5 av 5