VOLDA KOMMUNE Servicekontoret

VOLDA KOMMUNE Servicekontoret Utviklingssektoren Arkivsak nr. Løpenr. Arkivkode Avd/Sakshandsamar Dato 2012/2636 5169/2015 2012011 SVK/ SOH 20.05.2015 MELDING OM POLITISK VEDTAK - PLAN ID 1519-2012011: FRAMLEGG TIL REGULERINGSPLAN OMRÅDE B60 STRAND Vi melder med dette frå at formannskapet den 19.05.2015, hadde føre ovannemnde som sak PS 75/15, der det vart gjort slikt vedtak: Formannskapet viser til motteke privat reguleringsframlegg for område B60 i kommunedelplan for Volda sentrum - Strand - gnr 15/2 m.fl. og rår til at denne vert fremja for utlegging til offentleg ettersyn, jf Plan og bygningslova 12-12, på fylgjande vilkår: 1. Reguleringsføresegnene vert justert i samsvar med utgreiinga i saka og slik det går fram av framlegg til justerte føresegner datert 27.04.2015. 2. Plankartet vert justert slik: Byggeområde BK_2 vert redusert mot vest med 4m og grøntdraget f_gt vert tilsvarande utvida. Byggegrense vert flytt tilsvarande mot aust. Støyvoll må visast i plankartet. Manglande juridiske linjer i tekstfelt må påførast. 3. Byggehøgda vert justert i samsvar med utbyggar sin plan. 4. Plantittel må rettast opp i alle plandokumenta til rett bruksnr gnr 15 bnr 2 m.fl. 5. Planomtalen vert å oppdaterte tilsvarande endringane i pkt 1,2 og 3 6. Formannskapet ber om at trafikale forhold i Gamlevegen vert tatt særskilt omsyn til. Sakutgreiinga følgjer vedlagt. Volda kommune, servicekontoret Sonja Håvik konsulent Kopi til: Svein Holmen Arealplanlegging Postadresse: postmottak@volda.kommune.no www.volda.kommune.no Stormyra 2 Telefon: Telefaks: Org. nr: Bankgiro: 6100 Volda 70058701 939 760 946 3991.07.81727

SAKSDOKUMENT Sakshandsamar: Per Heltne Arkivsak nr.: 2012/2636 Arkivkode: 2012011 Utvalsaksnr Utval Møtedato 75/15 Formannskapet 19.05.2015 PLAN ID 1519-2012011: FRAMLEGG TIL REGULERINGSPLAN OMRÅDE B60 STRAND Handsaming: Barn og unge sin representant i plansaker, Berit Koen, var til stades under handsaminga av saka. Arealplanleggar Per Heltne orienterte om reguleringsplanen. Det vart halde synfaring i planområdet. Dan Bjørneset kom med framlegg om å stryke andre og tredje periode i pkt. 2: Byggområde FS_2 går ut. Og blir del av O_GFr1 og H190. Gunnar Strøm, SV, kom med slikt framlegg: Formannskapet ber om at trafikale forhold i Gamlevegen vert tatt særskilt omsyn til. Ordføraren kom med slikt framlegg til nytt pkt. 3: Byggehøgda vert justert i samsvar med utbyggar sin plan. Røysting: Pkt. 1 i tilrådinga frå administrasjonen vart samrøystes vedteke. Framlegget frå Dan Bjørneset om å stryke delar av pkt. 2, fekk 6 røyster og vart vedteke, to røysta mot (Margrete Bjerkvik og Gunnar Strøm). Pkt. 2 resterande av framlegget frå administrasjonen vart samrøystes vedteke. Vår ref.: 2012/2636 Side 2 av 8

Framlegget frå ordføraren (nytt pkt. 3) fekk sju røyster og vart vedteke. Gunnar Strøm røysta mot. Pkt. 3 og 4 (nytt pkt. 4 og 5) i tilrådinga frå administrasjonen vart samrøystes vedteke. Framlegget frå Gunnar Strøm (nytt pkt. 6) vart samrøystes vedteke. Vedtak i formannskapet - 19.05.2015: Formannskapet viser til motteke privat reguleringsframlegg for område B60 i kommunedelplan for Volda sentrum - Strand - gnr 15/2 m.fl. og rår til at denne vert fremja for utlegging til offentleg ettersyn, jf Plan og bygningslova 12-12, på fylgjande vilkår: 1. Reguleringsføresegnene vert justert i samsvar med utgreiinga i saka og slik det går fram av framlegg til justerte føresegner datert 27.04.2015. 2. Plankartet vert justert slik: Byggeområde BK_2 vert redusert mot vest med 4m og grøntdraget f_gt vert tilsvarande utvida. Byggegrense vert flytt tilsvarande mot aust. Støyvoll må visast i plankartet. Manglande juridiske linjer i tekstfelt må påførast. 3. Byggehøgda vert justert i samsvar med utbyggar sin plan. 4. Plantittel må rettast opp i alle plandokumenta til rett bruksnr gnr 15 bnr 2 m.fl. 5. Planomtalen vert å oppdaterte tilsvarande endringane i pkt 1,2 og 3 6. Formannskapet ber om at trafikale forhold i Gamlevegen vert tatt særskilt omsyn til. Administrasjonen si tilråding: Formannskapet viser til motteke privat reguleringsframlegg for område B60 i kommunedelplan for Volda sentrum - Strand - gnr 15/2 m.fl. og rår til at denne vert fremja for utlegging til offentleg ettersyn, jf Plan og bygningslova 12-12, på fylgjande vilkår: 1. Reguleringsføresegnene vert justert i samsvar med utgreiinga i saka og slik det går fram av framlegg til justerte føresegner datert 27.04.2015. 2. Plankartet vert justert slik: Byggeområde FS_2 går ut. Og blir del av O_GFr_1 og H190. Byggeområde BK_2 vert redusert mot vest med 4m og grøntdraget f_gt vert tilsvarande utvida. Byggegrense vert flytt tilsvarande mot aust. Støyvoll må visast i plankartet. Manglande juridiske linjer i teksfelt må påførast. 3. Plantittel må rettast opp i alle plandokumenta til rett bruksnr gnr 15 bnr 2 m.fl. 4. Planomtalen vert å oppdaterte tilsvarande endringane i pkt 1,2 og 3 Uprenta saksvedlegg: Kommunedelplan Volda sentrum. Vår ref.: 2012/2636 Side 3 av 8

Samandrag av saka: Det er fremja privat reguleringsplan for eit område utlagt til bustadformål i kommunedelplan Volda sentrum, område B60 Strand del av 15/2 m.fl. Planframlegget er utarbeidd i samsvar med reglane i plan og bygningslova kap. 12. Ein legg til grunn at det vert gjennomført synfaring i samband med handsaming av saka. Etter gjennomgang har ein funne at plan kan fremjast for politisk handsaming sjølv om det er registrert behov for endringar av planframlegget. Desse endringane kan justerast inn før utlegging av plan til offentleg ettersyn. Jf tilrådinga i saka. Nærare utgreiing av planframlegget går fram av Planomtale. Kopi av innspel ved oppstartvarsling ligg også ved her. Saksopplysningar: Kommunen har motteke framlegg til reguleringsplan for ein del av eigedomen Strand, gnr 15 bnr 1, eit areal som i kommunedelplan Volda sentrum-,mork-furene og Vikebygda er kalla område B60. I kommunedelplan, plan godkjent 18.06.2009, er arealet avsett til bustadformål. Med grunnlag i Kommunedelplan har grunneigar i samarbeid med plankonsulent teke initiativ til utarbeiding av reguleringsplan for området. Oppstartmøte vart gjennomført den 12.12.2012. Kopi av referat frå møtet ligg ved. Her vart fylgjande føresetnader lagt til grunn: Kommunedelplanen er utgangspunkt for arbeidet. Eksisterande vegnett skal kunne nyttast, og at ein i planprosessen fastset dimensjoneringskrav og behov/krav til opprusting tilsvarande som for naboeigedomen Gamlevegen 48. (4m gatebreidde-,3m fortau-, 1.5m anna vegområde- og 1.5 m gjerdeavstand. Samla 10m vegområde. Det bør vurderast behov for møteplassar på strekninga.) Krav om opprusting/kostnadsdeltaking i naudsynt oppgradering av vegnett må fastsettast gjennom utbyggingsavtale. Kommunaltekniske anlegg: Volda kommune har planar om opprusting av hovudleidningar for vatn og avløp i Gamlevegen. Kommunaltekniske anlegg elles er dimensjonert slik at dei nye områda kan tilknytast utan vesentlege nye eksterne kostnader. Dimensjonerande kapasitet vil vere krav til brannvatn. Byggegrense mot E39 i utgangspkt. 50 m frå senterline. Avvik /reduksjon etter konkret vurdering/avbøtande tiltak gjennom reguleringsplan etter samråd/avklaring med Statens Vegvesen/M.R.Fylke. Byggegrense langs kommunal veg min.10m frå senterline veg. Tilkomst og bebyggelse bør planleggast ut frå ønskje om minst mogeleg sjenanse og konflikt med eksisterande bebyggelse/bumiljø. Som utgangspunkt bør utbygging baserast på tilkomst frå Gamlevegen. Grøntareal/fellesareal til leik etter konkret vurdering, med min 50m2 pr bueining som utgangspunkt. Dette bør ivareta både småbarnleikeplassar nær bustad og større felles aktivitetsareal. Vår ref.: 2012/2636 Side 4 av 8

Mogeleg behov for rasvurdering og avgrensing av byggeareal i høve til dette må avklarast gjennom prosessen. I tekstdelen til kommunedelplan Volda sentrum er det sagt fylgjande som gjeld også dette området: 5.2 Nye utbyggingsområde til bustader Planframlegget legg opp til at Volda sentrum skal utviklast til å verte meir attraktiv for busetting. I planframlegget er det foreslått nye område for bustadbygging som opnar for å kunne tilby ulike typar bustader (einebustader, rekkehus, leilegheiter m.m.), både sentrumsnære og typiske sentrumsbustader, samt tette og varierte bustadområde. Desse ligg ved Andaneset, i Heltne/Brattebergområdet, i Midttun/Myraneområdet, ovanfor Solhøgda, på Rotset, ved Frøholmfeltet og på Mork. I tillegg til desse er det foreslått sentrumsområde med kombinasjon av bustadføremål, industri og forretningsverksemd og i Drivekleppområdet er det opna for spreidd bustadbygging. Alle bustadområda må utviklast på grunnlag av reguleringsplan. B60: Utviding av Strandeigedomen. Området har ein del utfordringar når det gjeld landskapet. I tillegg vil auka utbygging i området auke trafikken på Gamlevegen. Planforslaget vil vere positivt ved at ein får etablert fleire bustader i nærleiken til sentrum samtidig som det ikkje har særleg negative konsekvensar for landbruket. I KU knytt til plan er det her sagt fylgjande om B-60 - området: Område nr. 13 B60: Strandeigedomen Planstatus/gjeldande arealbruk: LNF - Planlagt ny arealbruk: Bustader, Areal: 18 daa Tema: Helse: Realisering av forslaget vil medføre at bustader kan etablerast som utviding av eksisterande bustadområde. Med variasjon av ulike type bustader og universelt utforma uteområde, med tilstrekkelege areal for barn og unge kan ein få til eit godt bumiljø i området. Tilrettelegging av meir areal til bustader vil avhjelpe ein stram bustadmarknad. Friluftsliv og tilgjenge til uteområde: Området har ingen registrert verdi som friluftsområde, men ligg inntil friområde. Det er gode mulegheiter for friluftsliv i området. Tilgjenge til bygningar og tenester: Store delar av området er svært bratt, noko som kan medføre utfordringar i høve til å innfri kravet om universelt utforma uteområde, tilkomst til og innan bustadområdet. Bustadområdet vert liggande nokså nær sentrum, sjølv om avstanden kan opplevast som såpass stor at dei fleste vil velje bil til dei daglege gjeremåla. Dyr- og planteliv: Det er ikkje registrert verdifullt dyre- og planteliv i området. Jordbotn, vatn og luft: Det er lite sannsynleg at utbygging av bustader i området vil medføre negative konsekvensar for jordbotn, vatn og luft. Avløp må koplast til godkjent off. avløpsanlegg. Klima og energi: Avstanden til sentrumsområdet og mange kvardagsaktivitetar kan medføra auka grad av privatbilisme sjølv om området ligg nær nok til at mange finn det aktuelt å gå/sykle. Landskap: Utvidingsområdet er ein del av grønstrukturen og er ein del av de skogkledde li-sidene som kryp ned mellom busetnaden og ned mot sjøen. Terrenget stig bratt mot ein rygg mot aust som Vår ref.: 2012/2636 Side 5 av 8

er grensa mellom Klepp og Nordalen. Inntrykket av landskapselementet som ei markert grense mellom to byggeområde vil verte redusert ved ei større utbygging av området. Terrenget opp mot ryggen vil vere vanskeleg å utnytte og dette vil truleg avgrense utbygginga opp mot dette landskapselementet. Landbruk: Området har liten verdi som landbruksareal. Kulturminne og kulturmiljø: Det er ikkje kjende kulturminne eller kulturmiljø i området. Transport og trafikk: Det bør etablerast ny avkøyring frå Gamlevegen til området. Gamlevegen har funksjon som samleveg, men har ikkje e fortau/ gangveg. Støy: Beredskap og ulukkesrisiko: Grovanalysen av risiko og sårbarheit har ikkje avdekt spesielle risikofaktorar. Ved reguleringsplan eller byggesøknad må risiko og sårbarheit vurderast etter gjeldande lovverk og forskrifter. Vurdering: Området har ein del utfordringar når det gjeld landskapet. I tillegg vil auka utbygging i området auke trafikken på Gamlevegen. Planforslaget vil vere positivt ved at ein får etablert fleire bustader i nærleiken til sentrum samtidig som det ikkje har særleg negative konsekvensar for landbruket. Konklusjon: Delar av området kan leggast ut til bustadføremål. Det må settast krav om reguleringsplan, der det vert lagt vekt på å finne gode løysingar når det gjeld tilkomst til området. Planoppstart vart varsla ved kunngjering i Møre og på kommunen si heimeside og ved tilskriving av partar og aktuelle høyringsorgan ved brev av 31.01.2013. Planprosessen har så langt vore gjennomført i samsvar med gjeldande reglar i PBL. Kopi av innspel ved førehandsvarsling ligg ved planomtalen. Vurdering og konklusjon: Det er gjennomført støyvurdering ut frå trafikksituasjonen på E39 som går forbi området. Støyberekninga er gjennomført av Sweco as. Eg viser til vedlagde rapport datert 29.07.2014. Konklusjonen her er at ved planlagt bygging av støyskjerming ved voll mot E39 vil området kunne bebyggast. Deler av området vil likevel ligge innanfor gul sone. Det må difor gjennom nye berekningar og vurderingar knytt til utbyggingsplan (detaljplan med eksakt byggutforming/plassering og plassering av uteareal/leik mv.) dokumenterast at tilhøva vert tilfredsstillande sett i høve til krava i T-1442. Krav om dette er lagt inn i reguleringsføresegnene, jf tilråding i saka. Vist støyvoll i plan er plassert heilt inn mot avsett areal til utviding av E39 med gangveg. Støyvollen ligg langs deler av området på fylling. Det må som del av teknisk avklaring før utbygging dokumenterast at dette tiltaket kan etablerast utan fare for utgliding og med tilfredstillande stabile skråningar mot framtidig veg/veggrøft langs E39. Jf. Framlegg til justering i reguleringsføresegnene i tilrådinga i saka. Det er i planprosessen også gjennomført geologisk vurdering av området, og rasvurdering. Dette er utført av firma Breiteig Fjordsenter, og er beskrive i rapport frå november 2013, datert 6.12.2013. Planframlegget er justert og tilpassa ut frå konklusjonane i denne rapporten. Vår ref.: 2012/2636 Side 6 av 8

I kommunen si tilråding i saka vert reguleringsføresegnene justerte for ytterlegare å sikre farlege områder i/ved planområdet både før og under utbygging og før bygningar/areal kan takast i bruk. Både uttaler frå Møre og Romsdal Fylkeskommune, Fylkesmannen og kommunen sin barnerepresentant peikar i sine innspel på omsyn til barn og unge, med omsyn til eigna leikeareal for ulike aldersgrupper, gode trafikkløysingar. Det er dels lagt til rette for dette gjennom avsette areal i plan og gjennom føresegner til plan. Dei avsette områda f_leik 1 og 2 og o-afr gir saman med turvegdraget f_gt eit samla godt tilbod til naturoppleving og leik. Jf også krav i føresegnene til internleikeplassar i byggeområda. Planlagt turdrag/grøntområde langs vestkanten av området er forma av eit markert høgdedrag, eit fint avgrensande naturområde mellom eksisterande bebyggelse og planlagt utbygging. Ein føresetnad for at både turdraget og leikeområda skal fungere etter intensjon er at byggeområda ikkje vert pressa så langt inn mot dette høgdedraget at det mister sin tiltenkte funksjon. Vi rår difor til at grensa mellom grøntdraget og byggeområdet vert justert mot aust om lag til vist byggelinje i planframlegget, og at denne vert justert tilsvarande. (+4m). jf. Kartskisse. Eksisterande balløkke på nedsida av Gamlevegen, har tidlegare vore mykje nytta av barna i Frøholmfeltet og Nordalen. Denne er lagt inn i planen med slikt formål, men det bør også gjennom føresegner til plan (rekkefølgjebestemmelse) sikrast at denne vert tilgjengeleg for ein ny generasjon barn og unge, og at den vert skjerma mot støy frå vegen nedanfor. Jf tilrådinga i saka med framlegg til endringar i føresegnene til plan. Område FS_2 er eit markert høgdedrag (Ås-rygg). Området ligg også innanfor sikringssone for skred (jf restriksjonar hogst). Området er svært bratt og eksponert og planlagt plassering av bustad her, både tilkomstveg, naudsynt utsprenging av tomt og byggplassering her vil vere uheldig landskapsmessig, og vert ikkje tilrådd. Vi rår til at planområde FS_2 vert teke ut av plan. Område BK_2 vert som nemnt ovanfor tilrådd justert med områdeavgrensing mot grøntdrag i vest. I tillegg vert det presisert at tilkomst til heile området skal skje frå vist avkøyrsle mot Gamlevegen f_skv1. Også for eventuelt terassebygg på området. Føresegnene vert foreslått justert for å sikre dette. Vidare vert føresegnene foreslått endra når det gjeld planlagt byggehøgder i dette området. Det er her lagt opp til inn til 4 etg. Bygg, med maksimal byggehøgde 12m. Dette vert justert til maksimal byggehøgde (gesims og mønehøgd) 10.5m, målt frå plan kjellargolv (garasjekjellar). Dette gir rom for utbyggingsmodell med to etg pluss kjellar/underetg med garasje/bodplass.( Om lag tilsvarande som er tenkt t.d i Håmyraområdet). Føresegnene er også foreslått justert i høve til rassikringsområde H310, der det er klarare presisert at dokumentasjon for sikring både i høve til utbyggingsperiode og før bustader blir tatt i bruk er inkludert. Føresegnene knytt til dokumentasjon for støyskjerming er justert, slik at dette vert sikra som del av detaljplan for dei ulike byggeområda. For Byggeområde BK_1 er det i planframlegget lagt til grunn maksimal gesims og mønehøgd på 9m. I illustrasjon som fylgjer planen er det vist bygg med inntil 2 etg. Vår ref.: 2012/2636 Side 7 av 8

Tillate byggehøgd kan ut frå dette reduserast til maks gesimshøgd 6 m og maks mønehøgd 9m. Vi tilrår slik endring. Elles er planlagt opprusting av Gamlevegen med fortau gjennom planområdet tilfredstillande vist i plan, og det er i føresegnene gitt rekkefølgjebestemmelse knytt til detaljplanlegging av denne, utbyggingsavtale og krav om ferdigstilling før bygg i området kan takast i bruk. Vi har med grunnlag i vurderingane/konklusjonane ovanfor utarbeidd justert framlegg til reguleringsføresegner for området. Jf. Framlegg til justerte føresegner datert 27.04.2015. Vi rår til at planen vert fremja for offentleg ettersyn med grunnlag i desse endringane og fylgjande justering i plankartet: Byggeområde FS_2 går ut. Og blir del av O_GFr_1 og H190. Byggeområde BK_2 vert redusert mot vest med 4m og grøntdraget f_gt vert tilsvarande utvida. Byggegrense vert flytt tilsvarande mot aust. Støyvoll må visast i plankartet. I teksfelt manglar ein del juridiske linjer desse må på plass. I plantittel er nytta betegnelsen Strand gnr15 bnr 30 m.fl. Dette må rettast opp i alle plandokumenta då rett bruksnr er gnr 15 bnr 2 m.fl. Helse og miljøkonsekvensar: Vert avklara gjennom planprosessen. Økonomiske konsekvensar: Kommunal deltaking vert avklara gjennom utbyggingsavtale basert på godkjent plan. Det er sendt ut gebyrkrav for handsaming av privat reguleringsplan i samsvar med gjeldande vedtekter, slik varsla ved førehandskonferanse. Gebyr er ikkje registrert betalt og ein føreset at dette er gjort før utlegging av plan til offentleg ettersyn. Beredskapsmessige konsekvensar: Ingen vesentlege.. Rune Sjurgard Rådmann Utskrift av endeleg vedtak: Går til sektor Utvikling for utlegging av plan etter oppdaterring i samsvar med vedtaket i saka. Kopi: Svein Holmen Arealplanlegging, postboks 319, 6101 Volda Vår ref.: 2012/2636 Side 8 av 8