SAKSDOKUMENT. Framlegg til endring av vedtekter for ungdommens kommunestyre (UKS)

Transkript

1 Fjell kommune Arkiv: Saksmappe: 2012/ /2013 Sakshandsamar: Unni Rygg Dato: SAKSDOKUMENT Utvalsaksnr Utval Møtedato 30/13 Ungdommens kommunestyre /13 Kommunestyret Framlegg til endring av vedtekter for ungdommens kommunestyre (UKS) Samandrag av saka: Ungdommens kommunestyre (UKS) sine vedtekter frå 2006 har i lita grad blitt endra. Kommunestyret formaliserte utvalet i 2008 og 2010 med nye tilleggspunkt i vedtektene. Administrasjonen har utarbeidd framlegg til endring / justering av UKS sine vedtekter særskilt med omsyn til samansetjinga av utvalet. Komité for drift (KD) har gjeve nokre innspel til justering av gjeldande vedtekter. Saka vert lagt fram for UKS til drøfting og tilråding før kommunestyret gjer vedtak. Innstilling: Kommunestyret vedtek justerte vedtekter for ungdommens kommunestyre (UKS) i tråd med framlegg i saksopplysningar, og med følgjande endringar: Straume, den Steinar Nesse Rådmann Lillian Torsvik servicetorgsjef Handsama i Ungdommens kommunestyre :

2 UKS-koordinator presenterte framlegg til justerte vedtekter for UKS som hadde ei kort drøfting. UKS slutta seg til administrasjonen sitt framlegg. Tilråding i Ungdommens kommunestyre : Kommunestyret vedtek justerte vedtekter for ungdommens kommunestyre (UKS) i tråd med framlegg i saksopplysningar. Handsama i Kommunestyret : Utsetjingsframlegg frå Jan Arthur Nilssen (H): Det vert vist til 6 i vedtektene for UKS om evaluering og endring, siste setning. Endring av vedtektene er av viktig prinsipiell karakter og Fjell kommunestyre bør evaluere UKS før slike prinsipielle avgjerder vert tekne. Framlegget vart vedteke med 28 røyster mot 17 røyster (mindretal AP 10, Krf 4, V 2 og SV) Vedtak i Kommunestyret : Saka vert utsett med bakgrunn i framlegg om evaluering av UKS. Dokument vedlagt saka: Gjeldande vedtekter for ungdommens kommunestyre (UKS) Saksopplysningar: Administrasjonen har kome med framlegg til justerte vedtekter for ungdommens kommunestyre (UKS), særskilt med tanke på møtefrekvensen og samansetjinga av representantar til utvalet. Komité for drift (KD) fekk i møtet høve til å sjå på UKS sine vedtekter under ymseposten. Det kom fleire innspel frå komiteen, basert på munnlege forslag frå administrasjonen om å endre vedtekter 2 til å erstatte representantar frå ungdomsklubbane med MOT-ungdomar. Komiteen ynskte ikkje at alle medlemene frå ungdomsklubbane forsvann frå UKS. Samstundes var komiteen opptatt av at forslaget om MOT-ungdomar som medlemer i UKS bør vere gjennomtenkt sidan MOT er ein organisasjon. Fjell kommune har inngått avtale med MOT om å vere lokalsamfunn med MOT. MOT inngår som naturleg del av undervisningsopplegget på begge ungdomsskulane der alle klassetrinn har systematisk skulering i MOT-verdiane. I tillegg har Fjell kommune lagt inn MOT sine verdiar som kvalitet i dei kommunale ungdomsklubbane. Det føregår også arbeid med å implementere MOT sine verdiar i alle miljø der ungdom ferdast. Administrasjonen har tatt komiteen sine innspel til etterretning i framlegget om justerte vedtekter for UKS.

3 Ungdommens kommunestyre (UKS) vil få høve til å drøfte og tilrå framlegg til justerte vedtekter for UKS. Kommunestyret vil få saka til behandling for å kunne vedta eventuell endring av UKS sine vedtekter. Der det er behov for merknader som kommenterar det som er skrive vert dette gjort med utheva kursiv skrift. I framlegg til endra vedtekter vert endringar som er gjort vist ved at det som er teke vekk vert skriven med raud skrift og det som er lagt til vert skriven med blå skrift. Der det er behov for merknad som kommenterar det som er skrive vert dette gjort med kursiv skrift. FRAMLEGG TIL NYE VEDTEKTER FOR UNGDOMMENS KOMMUNESTYRE (UKS) 1 Føremål og mynde Fjell ungdommens kommunestyre (UKS) er eit fast utval. UKS skal vere eit kontakt- og interesseorgan / rådgjevande organ der ungdom i kommunen kan drøfte saker som vedkjem dei og få høve til påverknad og medbestemming i kommunale saker slik at avgjerds- og vedtaksprosessane i Fjell kommune vert styrka. UKS skal vere kommunen sitt høyringsorgan i alle saker som vedkjem ungdom. Uttalar frå UKS i saker som er til handsaming i kommunale organ, skal følgja saksdokumenta som vedlegg i den vidare handsaminga heilt fram til endeleg vedtak vert gjort. UKS er underlagt kommunestyret v/ordførar og administrasjonen v/servicetorgsjefen i høve organisering, drift og økonomi. UKS skal ha fast politisk kontaktperson med møte- og talerett. To representantar for UKS har talerett i komiteane, formannskapet og kommunestyret i einskildsaker, etter å ha meldt inn saker på førehand til ordførar / komitéleiar. (Merknad 1, 4.avsnitt var ikkje i tråd med praksis og er skriven om til teksten ovanfor. Administrasjonen har teke bort det som står i avsnittet: UKS har rett til å møta med 2 representantar (leiar/nestleiar og den/dei rådet peikar ut) i politiske styringsorgan i Fjell kommune (kommunestyre og komiteane) 2-4 gongar i året. Representantane har talerett) UKS avgjer sjølv kva saker dei skal arbeide med. 2 Samansetjing av Fjell ungdommens kommunestyre (UKS) UKS skal vera samansett av ungdom i alderen år, heimehøyrande i Fjell kommune. Medlemmane skal rekrutterast frå alle ungdomsskulane, vidaregåande skule og ungdomsklubbane for å sikra geografisk representasjon. UKS skal ha minst 40% (4 representantar) av kvart kjønn. UKS skal ha representantar med vararepresentantar som skal veljast slik: 2 representantar med vara frå Fjell ungdomsskule, der 1 representant med vara skal vere valde frå ungdom med MOT og 1 representant med vara skal vere valde frå elevråda i 8. eller 9. klasse (Merknad tatt vekk: 2 representantar med vara valde av elevrådet i 8. eller 9.klasse ved Fjell ungdomsskule)

4 2 representantar med vara frå Tranevågen ungdomsskule, der 1 representant med vara skal vere valde frå ungdom med MOT og 1 representant med vara skal vere valde frå elevråda i 8. eller 9. klasse (Merknad tatt vekk: 2 representantar med vara valde av elevrådet i 8. eller 9.klasse ved Tranevågen ungdomsskule) 1 representant med vara frå Danielsen ungdomsskule, valde frå elevråda i 8. eller 9. klasse (Merknad tatt vekk: valde av elevråda ) 4 representantar med vara frå Sotra vidaregåande skule, valde frå elevråda i 1. eller 2. klasse (Merknad administrasjonen har valt å utvide talet på medlemer frå Sotra vgs då dei eldste av UKS sine medlemer bør ha tilsvarande lik representasjon som dei yngste medlemene. Sotra vgs har ca 970 elevar, medan ungdomsskulane til saman har ca elevar. Tatt vekk: 2 representantar med vara, valde av elevråda ). 1 representant med vara frå kvar kommunal ungdomsklubb i Fjell, valde frå klubbstyra (Merknad tatt vekk: 2 representantar med vara valde frå kvar av dei kommunale ungdomsklubbane (2), Straume ungdomsklubb og Kårtveit ungdomsklubb) Valperioden for kvart medlem er 2 år. Halvparten av medlemene vert valde kvart år. Etter at valperioden er over kan ikkje eit tidlegare medlem / varamedlem veljast inn igjen i UKS. (Merknad UKS bør ta eit standpunkt til om tidlegare medlemer skal få veljast inn igjen i UKS eller ei når valperioden er over. Administrasjonen meiner at her er tilstrekkeleg med ungdom i Fjell til å fylle verva og at så mange som mogleg bør få høve til å vere med og utvikle Fjell-samfunnet) Valet skal vere avvikla innan 15. september kvart år. UKS vel sjølv leiar, nestleiar og eventuelle andre verv for 1 år om gongen. Desse vala skal skje på første møtet etter valet. 3 Organisering og møteverksemd UKS skal ha ca 6 møter i året. (Merknad grunna vedtak i KS , PS 58/13 Revisjon av reglement for politisk styring og politisk avgjerdsmynde har vi tatt vekk: UKS skal ha 8-10 møter i året). Møta skal leggjast til etter skuletid. UKS skal ha rett til å leggja møta til Fjell rådhus. Møta skal annonserast etter same modell som politiske møte og vere opne for publikum. For at eit vedtak gjort i møte skal vera gyldig må minst halvparten av medlemane vere til stades under drøftingane og ha røysta. UKS kan invitere politikarar, administrasjon og andre for å få orientering eller høve til å stille spørsmål om saker. Sakspapir skal sendast ut ei veke før møte. Det skal skrivast referat / protokoll frå møta. Innkallinga og protokoll skal leggjast ut på kommunen si heimeside. Det kan oppnemnast arbeidsutval med 2-3 medlemer når spesielle saker skal utgreiast. KD skal halde 1 statusmøte med UKS pr. år. (Merknad administrasjonen har inntrykk av at frekvensen på statusmøta kan verte for tett for medlemene i UKS, og har difor tatt vekk:.2 statusmøte ). Saker frå UKS kan meldast inn til komité for drift (KD) gjennom administrasjonen. Leiar av UKS skal informere formannskapet om drifta ein gong pr. år

5 (Merknad formannskapet er eit mindre fora enn kommunestyret, med representantar for alle partigruppene, og kan gjere terskelen lågare for ungdomane. Administrasjonen foreslår å ta vekk:.kommunestyret og på vårparten.) 4 Økonomi og administrasjon UKS skal ha ein kontaktperson / koordinator tilsett i servicetorget. Kommunen skal syta for tilfredsstillande sekretariatshjelp for UKS. UKS skal, etter avtale med servicetorget, kunne ha tilgjenge til ein kontorarbeidsplass på Fjell rådhus. UKS får eigne budsjettmidlar til rådvelde etter løyving/vedtak i samband med budsjetthandsaminga i kommunestyret. Det skal utbetalast møtegodtgjersle til medlemane i UKS etter same modell som for dei politiske organa. UKS er plassert i gruppe B når det gjeld utbetaling av møtegodtgjersle. 5 Opplæring Medlemene i UKS skal gjennomgå ei opplæring i kommunal verksemd i tida etter dei er valt inn i rådet. Dei skal og få høve til å delta på kurs og seminar i valperioden. 6 Endring og evaluering UKS kan kome med framlegg om endring av vedtektene. Framlegget skal fremjast for kommunestyret som gjer vedtak. Kommunestyret kan og koma med framlegg om å endra vedtektene. Før vedtak vert gjort skal UKS ha høve til å kome med uttale til endringsframlegget. Ordninga med UKS skal evaluerast med jamne mellomrom. 7 Gjeldande vedtekter Vedtektene gjeld frå vedtak i kommunestyret (KS) jf. sak 61. Det er seinare gjort endringar ved vedtak i KS jf. sak 89, administrativt , og ved vedtak i KS Endra ved vedtak i KS , KS-sak??/13.