Åsli gnr 5 bnr 230 - historikk og status. Tillegg til planskildring frå 2003, sist supplert tilleggsendring 2006. Hyttefeltet Åsli i Gol kommune tilhøyrande Åsmund Hoftun, var del av stadfesta reguleringsplan Tretteskogane vedteken i 1988, jamfør ei planskildring datert 22.11.2001. Nedanfor fylgjer ei kort oversikt over milepelar i planutviklinga frå Tretteskogplanen. 1. Reguleringsplan Åsli 2003 Gol kommunestyre vedtok eigen reguleringsplan for Åsli del av gnr 5 bnr 230 m. fl. ved vedtak 08.04.2003 sak 13/03. Som del av planen låg det føre plankart, planføresegner og planskildring. 2. Endring av reguleringsplan 2006 I mars 2006 varsla Prevista AS på vegne av Åsmund Hoftun oppstart av planarbeid for endring av reguleringsplanen for Åsli. Til grunn for endringa låg mellom anna søknad om utslepp datert 30.11.2004 utarbeidd av Asplan Viak Sør As. I 2005 utarbeidde Asplan Viak Sør AS VA-plan for reguleringsområdet Åsli. Planen vart oversendt Gol kommune ved brev 18.01.2006. Prevista As sende brev til Gol Kommune datert 11.05.2006, vedlagt reguleringsføresegner og planskildring, samt Åsli Hyttefelt Samanstilling av merknader til varsel om planstart, med vurdering. Alle dokumenta er daterte 10.05.2006. Det går fram av innspel/ merknader at kulturminnemyndigheten måtte føreta ny registrering av kulturminne. Det går fram av vurdering av innspelet at undersøkingane kunne føretakast på varselstadiet eller når planen ligg ute til offentleg ettersyn. Frå oversendingsbrevet til kommunen hentar vi, sitat: På bakgrunn av innkomne merknader, konstaterer regulant at tida ikkje synest moden for ei så omfattande planendring som skildra ved varsel om planstart. Av denne grunn ber regulant om at kommunen handsamar saka om reguleringsendring for Åsli slik: - Framlegget til revidert planskildring datert 10.05.2006 vert teke til etterretning som grunnlag for planendringa. - Framlegget til reviderte planføresegner datert 10.05.2006 vert vedtekne i medhald av Plan- og bygningslova 28-1 - Område for infiltrasjonsanlegg, utslippsområde og felles renseanlegg slik dei er viste i teikning 02 sak 706184 frå Asplan Viak As vert godkjent etter slike alternativ: a) Områda vert godkjende som endring av reguleringsplan, i samsvar med framlegg til endring av planføresegn 5 Landbruksføremål. b) Områda vert godkjende som endring av reguleringsplan og skal teiknast inn på revidert plankart. Endring i planføresegn 5, jamfør alternativ a) utgår etter dette alternativet. Planføresegnene er elles endra på fylgjande punkt: - grad av utnytting, takform - avlaup med omsyn til høg/ låg standard - forbodet mot gjerde utgår av planføresegnene. Grad av utnytting er i gjeldande reguleringsplan i samsvar med kommunen sitt prinsippvedtak i reguleringssaka Ørterstølen - Buo, men vi føreslår ei reformulering. Sokkelhøgde er redusert, og takvinkel er utvida og samordna fullt ut med prinsippvedtaket. Regulant ynskjer å oppretthalde gesims- og mønehøgde som der med er noko strengare enn i kommunen sitt prinsippvedtak, i tillegg til at ein føreslår nytta formuleringa Kommunen kan godkjenne bygning inntil. Avslutningsvis i brevet står det, sitat:
Regulant vil difor arbeide vidare med spørsmålet om ei endring av desse sidene ved reguleringsplan for Åsli, til dømes knytt opp til kommunale prosessar i tilknyting til kommuneplan. Kommunen handsama planendringa i samsvar med framlegget den 27.06.2006 sak UNN 52/06. Vedtaket lyder, sitat: Reviderte reguleringsbestemmelser datert d. 10.05.2006 vedtak i me3dhold av pbl, 28-1 nr 2. Eksisterende plankart vedtatt d. 8.4.2003 skal gjelde uforandret med unntak av område avsatt til spesialområde, avløpsanlegg som forandres til landbruksområde. 3. Innspel planprogram og revisjon av kommuneplanens arealdel I samband med at kommunen starta arbeid med revisjon av kommuneplanens arealdel sende Prevista As på vegne av Åsmund Hoftun brev datert 02.05.2008 vedlagt dokumenta: - Konsekvensutredning (kommunalt skjema med basis i forskriftene 2 a) - Forskriftene 4 med vurdering datert 29.04.2008 - Kart datert 16.09.2005 - Brev datert 11.05.2006 - Dokument datert 10.05.2006 (Tillegg til planskildring datert 22.11.2001) - Dokument datert 10.05.2006 (Samanstilling av merknader til varsel om planstart, med vurdering) - Buskerud Fylkeskommune, planfagleg uttale, brev 3.4.2006 I oversendingsbrevet står det avslutningsvis, sitat: Vedlagt fylgjer kommunen sitt skjema for Konsekvensutredning. Vi legg også ved ei vurdering av Åsli sett i lys av forskriftene 4 med kriterium for vurdering av vesentlige for miljø, naturressurser og samfunn. I brev frå kommunen datert 27.10.2008, skriv kommunen med referanse til formannskapet si handsaming 23.10.2008 mellom anna slik, sitat: For innspel Prevista AS har kome med på vegne av sin klienter vart fylgjande vedteke: I regulerte område for hyttebygging i kommunedelplanen kan det fortettast ved å fremme ny reguleringsplan for kvart område. Konklusjon: Planarbeidet for Åsli utarbeidd i 2006 er ført vidare og forankra i kommuneplanens arealdel. Det ligg føre ei breiare KU- vurdering enn kommunen sitt krav. Vurderinga er forankra i KUforskrifta anno 2008. 4. Kommuneplanens arealdel. Utsnitt av kommuneplanens arealdel 2011-2023 Kjelde: www.gol.kommune.no Side 2 av 5
5. Kommuneplanens arealdel: Utdrag planføresegner Planføresegnene til KP-A er dels tungt lesestoff. Plassering/ heimel, metodebruk og presisjon i innhald varierer. Nedanfor drøftar vi den generelle føresegna med omsyn til verknad for Åsli. Den generelle føresegna pkt 1.0 viser til plan- og bygningslova 11-9 Generelle bestemmelser til kommuneplanens arealdel som gjev rammer for kva det kan gjevast føresegner om. Føresegna pkt 1.1. startar med å fastsette plankrav etter pbl 11-9 nr 1. som lyder: krav om reguleringsplan for visse arealer eller for visse tiltak, herunder at det skal foreligge områderegulering før detaljering kan vedtas. Føresegna får verknad for Åsli slik ho er formulert. Føresegna sluttar med omtala av kva planar som framleis skal gjelde. Vi føreset at denne planføresegna inngår i herunder i 11-9 nr 1. Å Hoftun sitt hyttefelt Åsli er del av hans eigedom gnr 5 bnr 230. Største delen av hyttefeltet Åsli er del av avsett byggjeområde F5 på plankartet. Plankartet viser korkje hensynssone om reguleringsplan som framleis skal gjelde, eller hensynssone som fastset plankrav. Føresegna pkt 4.0 fastset hensynssoner, m.a. i pkt 4.4. krav til felles regulering ( 11-8 e). Føresegna er ikkje relatert til område Åsli. Planen og føresegna nyttar ikkje lov/ forskrift sin metode med bruk av hensynssone detaljeringssone for planar som skal gjelde. Departementet uttalar fylgjande i veiledaren T -1491 Kommuneplanens arealdel. Utarbeiding og innhold, sitat: 3.4.2.6 f) Sone hvor gjeldende reguleringsplan fortsatt skal gjelde. Innhold i hensynssonen Sonen brukes for å vise hvor gjeldende reguleringsplan fortsatt skal gjelde uten endringer. Bestemmelser til hensynssonen Brukes denne hensynssonen kan en ikke gi bestemmelser i kommuneplanens arealdel for det arealet som omfattes av sonen som endrer innholdet av gjeldende reguleringsplan. Hvis man ønsker at ny kommuneplanbestemmelse skal gjelde for det regulerte området, der det er motstrid med reguleringsplan, vil ny bestemmelse i kommuneplanen gå foran. Det bør da vurderes om reguleringsplanen bør endres. Bestemmelsene kan bare angi hvilke planer som fortsatt skal gjelde innenfor sonen. Planar som framleis skal gjelde og rammer for endring. Den generelle føresegna har ingen tabell over planar som framleis skal gjelde. Føresegn 1.1. Plankrav etter 11-9 nr 1 uttalar i 3. avsnittet: Arkivet er ikkje spesifisert. Vi føreset at det er planarkiv i samsvar med kart og planforskrifta og at reguleringsplanen for Åsli vedteken i 2003 og sist endra i 2006 inngår i fyrste leddet. Tillegget om føresegn bestemmelse nr 2.1 har der i mot ikkje verknad for gjeldande reguleringsplan Åsli (2003/2006), jamfør datoen 30.10.2001. Føresegn 2.1. gjev imidlertid etter sin ordlyd rammer ved oppfylgjing av plankravet som også omfattar Åsli, jamfør ovanfor. I tillegg til dette får også resten av føresegn 1.1 verknad for Åsli, sitat: - Side 3 av 5
- Dei generelle planføresegnene pkt 1.3 Utbyggingsrekkefølge, 1.4 Byggeforbud langs vassdrag, 1.5 Bygninger med støyfølsom bruk og støyende virksomhet og 1.6 Vannflater i vann og vassdrag har i variabel grad verknad for reguleringsområdet Åsli. Dei generelle retningslinjene har heilt eller liten relevans for reguleringsområdet Åsli, sjå retningslinjene Utbyggingsavtaler, Energiforsyning, Utforming og plassering av bygninger og Universell utforming. 6. Endringar i sentrale lover og forskrifter. a. Naturmangfaldlova sett i verk 1.7.2009 b. Ny planlov med verknad frå 1.1. 2009 c. Ny kart og planforskrift med verknad frå 1.7.2009 d. Endring av planlova med verknad frå 1.1. 2015 e. Endring av KU- forskrifta 1.7.2009, samt siste endring des. 2014 sett i verk 1.1.2015 f. Statlige planretningslinjer for samordnet bustad-, areal- og transportplanlegging 26.09.2014 g. Endringar av Grad av utnytting. Beregnings- og måleregler, jamfør Veileder H-2300 (siste utgåve januar 2014) h. Endringar med verknad for nye planar/ planendring etter 1.7.2007: i. gjennomsnitts terrengnivå ii. Nye definisjonar av gesims- og mønehøgde. Endra målereglar for høgder, og endra handlingsrom. iii. parkering i. Ny veiledar T-1490 Utarbeiding av reguleringsplaner etter plan- og bygningsloven j. Ny veiledar T-1491 Kommuneplanens arealdel: Utarbeiding og innhald SAMLA VURDERING: Planframstillinga med tilhøyrande føresegner er komplisert. Dei rettslege verknadane for området F5 Åsli synest vere slik: 1. Åsli- planen vedteken i 2003 med endringar i 2006 gjeld framleis. 2. Det er vedteke føresegn om planrestriksjon (krav om reguleringsplan). 3. Tomtetalet for F5, Åsli kan ved reguleringsplan (detaljplan) aukast med inntil 13 tomtar (basis er eksisterande reguleringsplan) 4. Føresegn 2.1 gjeld som ramme for føresegn for ny reguleringsplan for Åsli, men ikkje for eksisterande reguleringsplan slik føresegn 1.1 er formulert. Vi vurderer kommunen sine generelle retningslinjer i kommuneplanen slik: Tema Vurdering Utbyggingsavtaler UBA med kommunen er ikkje relevant jamfør at kommunen ikkje har teknisk infrastruktur i området. Energiforsyning Bioenergi (ved/ pellets) og elektrisitet via eksisterande trafo. Utforming og plassering Relevant. Retningslinja balansert treng konkretisering. av bygningar Universell utforming Terrenget i Åsli er snilt og dei fleste tomtane har eller kan få UU- (UU) tilkomst. Tomtane er regulerte med rom for gode uteareal. For øvrig vert vist til byggjeforskriftene med omsyn til forskriftskrav om UU til og i bygning. Særskilde UU- krav er vurdert som unødvendig. Side 4 av 5
Føresegn 2.1 og generell retningslinje Utforming og plassering av bygningar vert vurdert i samband med framlegg til endra planføresegner. KU- Vurdering I medhald av KU- forskrifta 1 5. ledd vurderer planfremmar at planendringa ikkje fell inn under forskrifta sitt saklege verkeområde. Grunngjevinga er at området Åsli er KU- vurdert sist i samband med endring av kommuneplanens arealdel (2011-2023) og at området difor fell utan om vurderingskravet i KU- forskrifta 3, 2. ledd. Utgreiingsplikta gjeld elles fullt ut og er/ vert teke i vare. Kulturminnemyndigheten har i tidlegare planfase kravd kulturminnegransking. Vi føreset at kommunen avklarar om også dette er tilstrekkeleg oppfylt gjennom revisjon av kommuneplanens arealdel (2011-2023). Forslagsstillar kjenner ikkje til at det ligg føre nytt kunnskapsgrunnlag som inneber at endring av reguleringsplan for Åsli er eller kjem i strid med føremål og innhald i naturmangfaldlova. Ny planlov med siste endringar samt ny kart og planforskrift har verknad for planprosess og planframstilling. Gol, 25.05.2015 HallingPlan Per- Helge Myklebust -Dgl leiar./jordskiftekandidat - Side 5 av 5