Gulen kommune Plan, landbruk og teknisk Sakshandsamar Frank van den Ring Arkivsak - Journalpost 14/1429-15/7396 Arkivkode FA-L13, GNR-15/83 Dato 19.08.2015 Saksframlegg Gbnr. 15/83,15/39, Eivindvik, detaljregulering for Prestesundet bustader - Godkjenning Saksnummer Utval Møtedato 047/15 Hovudutval for plan og utvikling 28.08.2015 050/15 Kommunestyret 03.09.2015 Kommunestyret har endeleg avgjerdsmynde i saka. Utsende saksdokument Prestesundet bustadområde Planomtale, føresegner og ROS-analyse 14.4.15 rev Reguleringsplan Prestesundet 07-14K03 dagsett 07.05.15 Reguleringsplanføresegner Prestesundet bustader 07.05.15 Gulen - Førebels svar til reg.plan Prestesundet bustader - 1. g. høyring Ikkje utsende saksdokument LOV-2008-06-27-71, plan- og bygningsloven FOR-2014-12-19-1726, Forskrift om konsekvensutredninger for planer etter PBL Kommuneplanen sin samfunnsdelen 2012 2024, plannummer 2012002 Kommuneplanen sin arealdelen 2012 2024, plannummer 2012001 Startpakke for reguleringsplanar, samt rettleiarar Andre vedlegg: (ligg på heimeside) o Prestesundet underskrift ROS 14.4.15 o Prestesundet Sjekkliste frå startpakke NH og G 14.4.15 o Prestesundet illustrasjonsplan Byggesteg 1 0714-K01 14.4.15 o Prestesundet illustrasjonsplan Byggesteg 2 0714-K02 14.4.15
Andre dokument i dokumentliste Bakgrunn for saka Behandling i Hovudutval for plan og utvikling 12.06.2015: Saka gjeld detaljregulering for 30 einebustader og 2 firemannsbustader i Eivindvik vest for eksisterande bygdefelt Øvre Stølen. Saka er i samsvar med kommuneplanen sin arealdel godkjent 12.06.2014. Føremål er avsett til bustader, med kode B05 i storleiken ca. 90 da. Bilete 0: med plassering av bustadfelt i Eivindvik (arealplankart) Tiltakshavar for plan er Eivindvik Bulyst AS og utførande konsulent er Gyril Fimreite. Dei vil ha bustadtomtar ferdig for sal i år for å løyse stor behov for manglande ferdig regulerte tomtar i Eivindvik. Det er allereie kartlagt 8 interessentar for slike tomtar. Parallelt med planprosess vil tiltakshavar samarbeidsavtale med kommunen for utvikling og marketsføring av bustadfelt. Planforslag vert å sende på høyring og offentleg ettersyn.
Bilete 1: skråfoto Øvre Stølen langs Prestesundet og avsett areal for bustadfelt Saksopplysningar Planoppstart for detaljregulering for bustader vart gjort administrativt i møte 09.12.2014 i samsvar med saksgrunnlaget. Kommunen har fått planforslag for administrativt vurdering 08.04.2015, som utkast, og 14.04.2015 som endeleg versjon. Planforslag vart godkjent 15.04.2015. Planforslaget er regulert til føremål under; 1. Bygg og anlegg; Frittliggande småhusbusetnad Konsentrert småhusbusetnad Leikeplass 2. Samferdsleanlegg og teknisk infrastruktur; Køyreveg Fortau Gangveg Annan veggrunn - grøntareal 3. Grønstruktur; Friområde Turveg 4. LNFR; Sikringssone fri sikt Støysone Flaum
Bilete 2: illustrasjon av reguleringsplankart med Øvre Stølen feltet på austsida Det vart teke omsyn til følgjande særskilde tema: - Utbygging i to byggesteg, første steg har 14 tomtar og andre steg har 16 tomtar og 2 firemannsbustader - På tomt kan ein og planleggje tomannsbustad - Plassering av nettstasjon innanfor Friområde - Omsyn til 2 mindre bekk langs både aust og vestsida av planområdet - Fall av køyreveg gjennom bustadfelt er på enkelte stader ca. 8,8% - Kommunen utarbeidar eige trafikktryggingsplan for fortau gjennom Eivindvik i samarbeid med vegvesen (Eivindvikvegen blir Fv7). - Møteplassar og bosshandtering er utarbeidd i illustrasjonsplan og føresegner - Køyreveg gjennom bustadfelt startar ved eksisterande veg i Øvre Stølen - Møneretning aust vest - Fargeval - Gangvegar og turvegar, snarvegar for forgåande i bustadfelt
Bilete 3: illustrasjon byggesteg 1 øvste del av planen med 14 tomtar Bilete 4: illustrasjon byggesteg 2 inkl. nedste del av planen med resterande del Saksvurdering og konklusjon Planen vart utarbeidd i tett samarbeid med kommunen. Planleggjar har teke omsyn til innspel og vurderingar for risiko og sårbarheit ROS, naturmangfald NMF og andre miljø og samfunnstema. I kartlegginga vart det ikkje funna store konsekvensar. Følgjande hendingar viser ei bestemt risiko og planleggjar har teke omsyn til desse med tiltak. - Flaum, ikkje naudsynt sikring av bekk - Radon, sperre jf. tek 10 - Vind, mulig vindkast
- Støy, uteareal ligg for enkelte tomtar langs Eivindvikvegen, antakeleg vis gul støysone - Beredskap, adkomstveg er tilstrekkeleg, svingen er utforma større bedde og tilrettelegging for brannhydrantar i feltet. - Trafikkulukker, adkomstveg har i tillegg og fortau, fartsgrensa er 30 km/t - Manglande kapasitet i VA, kommunen skal vurdere ekstra høgdebasseng - Terrengformasjon, fjellskjeringane mot veg, skal det settast opp gjerde Kommunen skal følgje opp planen i adresseprosjekt som ny veg med ny gatenamn og nye hus nummer. Administrasjonen tilrår Hovudutvalet å leggje planen ut til 1. gongs høyring og offentleg ettersyn med omsyn til lengre høyringstid grunna høgtidsdagar og sommarferie. Administrasjonen sitt framlegg til vedtak Framlegg til regulering av Gbnr. 15/83, 15/39, Eivindvik, Prestesundet bustader, plannummer 2014005, med føresegner, plankart og planskildring dagsett 14.4.2015 vert lagt ut til høyring og offentleg ettersyn i medhald av plan- og bygningslova 12-10. Behandling i Hovudutval for plan og utvikling 12.06.2015 Røysting Samrøystes Vedtak HPU-028/15 Framlegg til regulering av Gbnr. 15/83, 15/39, Eivindvik, Prestesundet bustader, plannummer 2014005, med føresegner, plankart og planskildring dagsett 14.4.2015 vert lagt ut til høyring og offentleg ettersyn i medhald av plan- og bygningslova 12-10. Saksvurdering og konklusjon Gulen kommune har motteke følgjande merknader i høyringsperiode 16.06.15-07.08.14 : Nr Dagsett Offentleg instans Merknad 1 08.07.15 Fylkesmannen i Sogn og Fjordane Generelle merknader og visning til standardbrev på heimesider 2 07.07.15 Vegvesen Utforming kryss jf. handboka 3 19.06.15 NGIR Utforming veg osv. 4 04.08.15 Sogn og Fjordane fylkeskommune - Andre Krav om kulturminneundersøking jf. 9 i lova
Forslagstillar har vurdert merknader og har sendt kommentar til kommune: 1. Fylkesmannen Dei viser til standardbrev jf. nye rutinar for handsaming sakar hjå Fylkesmannen, som blei merka å vere del av fråsegna til oppstartsvarslet. Dei viser litt meir konkret til konsekvensar for barn og unge, naturmiljø, landskap samt samfunnstryggleik og beredskap. Forslagstillar sin kommentar: Me synest at merknader er generelle og ikkje viser konkrete merknader til planen. Rådmannen si vurdering: Etter kort gjennomgang av standardbrev på heimeside ser me at forslagsstillar har utbreidd planen i samsvar med dette. Barn og unge: Tema vart omtala i planen, utforming vart gjort i planen med tilrettelegging for leikeplassar, tursiar osv. med samanhengande struktur. Planen vart drøfta i internt plangruppe og da vart barn og unge representert. Naturmiljø og kultur: Tema vart drøfta i planomtalen. Jf. 7 skal kommunen som offentleg instans ta vedtak om dette samt med godkjenning av planen seinare. På statussida av Fylkesmannen ligg for Gulen ei dokument om kartlegging av biologisk mangfald rapport 2005:19 (Miljøfagleg Utredning). Konklusjonen er at for det er ikkje relevant for bustadfelt. Landskap: Det vart teke omsyn til i planen for best mulig terreng- og landskapstilpassa utbygging, med ekstra omsyn til knausar eller liknande. Elles vart det teke med i føresegner utnyttingsgard og byggegrenser. Berg / hauge på bak sida av feltet mot nord vart ikkje planlagt for utbygging men verkar som skjerm mot friområdet og bygningar ligg dermed ikkje i himmelsyn. Samfunnstryggleik og beredskap: Det vart gjort tilstrekkeleg ROS analyse jamfør mala frå kommunen med bruk av sjekkliste. (sjå heimeside) 2. Vegvesen Utforming av krysset må vere tilfredsstille krava i handbøkane N100 og V121. Viss det blir aktuelt med gang- og sykkelveg mot vest frå Eivindvik til Sollibotn, bør den vestlegaste turvegen i planen forlengast heilt nede til fylkesvegen. Forslagstillar sin kommentar: Krysset og veg er utforma i samsvar med handbøkane. Rådmannen si vurdering: Kommunen ser forlenging av turveg som logisk samanknyting.
Kommunen foreslår å vise mulig trase for tursti frå leikeplass til fylkesveg som streklinje. 3. NGIR Viktig at tilkomstvegen til hentestaden har tilstrekkeleg breidde og tåler tilstrekkeleg akseltrykk, slik at renovasjonsbilen kan nytta den Tilkomstveg og snuplass bør verta brøyta når det er snø og is. Viktig at renovasjonsbilen kan nytta gjennomkøyringsvegen alternativt må ein ha snuplass. Forslagstillar sin kommentar: Veg og hentestadane er utforma slik. Me viser til plankart og illustrasjonsplan samt føresegner. Snuplassen er planlagt i fyrste byggetrinn da vegen gjennom bustadfelt blir bygt til svingen i vest. Rådmannen si vurdering: Ingen andre merknader. 4. Fylkeskommune I planområdet er det potensiale for automatisk freda kulturminne. Det gjeld aktivitetsstader og buplassar frå steinalder, spesielt eldre steinalder. Før det kan gjevast endeleg svar til reguleringsplanen, må dette forholdet avklarast. Denne avklaring ligg innanfor tiltakshavar si undersøkingsplikt, jf. lov om kulturminne 9. Vi sender eige brev til tiltakshavar med nærare opplysningar om undersøkinga, dvs. kulturminneregistreringa.
Vi er kjend med framdriftsplan for vidare kommunal handsaming av reguleringsplanen. Vi vil prioritere å gjennomføre undersøkinga slik at framdriftsplanen kan haldast. Det blir sendt eige brev etter at undersøkinga er avslutta. Forslagstillar sin kommentar: ingen merknader. Rådmannen si vurdering: Vanlegvis får me slik krav om kulturminnekartlegging tidleg i planprosessen (fråsegn i planoppstartsvarsel). Me stadfestar at fylkeskommunen kom seint i slutten av handsaming av planen med brev dagsett 04.08.2015. Tiltakshavar har attestert utføring av registreringa. Me ventar på nærare opplysingar frå undersøkinga som startar i veke 24.08.15. Me har avtalt med Kulturavdeling at me kan leggje planen til godkjenning. Konklusjon: Konklusjonen av kulturminneundersøking vert lagt fram munnleg i møte. Me ser ingen vesentlege merknader med store konsekvensar og jf. 7 at planforslaget har teke omsyn til prinsipp i 8-12 i naturmangfaldlova. Administrasjonen tilrår at planen kan leggast fram til andre gongs handsaming i hovudutvalet med forslag for godkjenning i kommunestyremøte 03.09.15. Til orientering: Planforslag vert annonsert på heimeside og i avis. I følgje 12-12 blir vedtak og planforslag sendt elektronisk til planleggar, som representant av tiltakshavar, og berørte myndigheiter. Naboar blir informert med brev som syner til opplysingar på heimeside og digitalt planarkiv. http://braplan.geoweb.no/braplan/planinnsyn.jsp?planid=2014005&kildeid=1411 www.gulen.kommune.no For vedtekne planar gjeld: Vedtaket kan påklagast til fylkesmannen etter pbl. 1-9 og forvaltningslova kap. VI. Klagen må fremjast skriftleg innan 3 veker frå kunngjeringsdato, og sendast Gulen kommune, Eivindvikvegen 1119, 5966 Eivindvik. Administrasjonen sitt framlegg til vedtak Gulen kommune vedtek i medhald av plan- og bygningslova 12-12 detaljregulering for Gbnr. 15/83 og 15/39, Eivindvik, Prestesundet Bustader, plannummer 2014005, med plankart og føresegner dagsett 07.05.15, og planskildring dagsett 14.04.15. Behandling i Hovudutval for plan og utvikling 28.08.2015 Røysting Samrøystes
Vedtak HPU-047/15 Gulen kommune vedtek i medhald av plan- og bygningslova 12-12 detaljregulering for Gbnr. 15/83 og 15/39, Eivindvik, Prestesundet Bustader, plannummer 2014005, med plankart og føresegner dagsett 07.05.15, og planskildring dagsett 14.04.15. Behandling i Kommunestyret 03.09.2015 HPU sitt framlegg til vedtak vert godkjent. Røysting Samrøystes Vedtak KOM-050/15 Gulen kommune vedtek i medhald av plan- og bygningslova 12-12 detaljregulering for gbnr. 15/83 og 15/39 Eivindvik, Prestesundet bustader, plannummer 2014005, med plankart og føresegner dagsett 07.05.2015, og planskildring dagsett 14.04.2015.