Årsmelding Skålevik skule 2018 1. Innleiing / samandrag Grunnskuleopplæringa i Fjell er fordelt på 15 skular, 2 av dei er ungdomsskular. Kvaliteten i skulen vert vurdert i høve til struktur, prosess og resultat. Vi nyttar ulike kartleggingar, elevundersøkinga og nasjonale prøvar for å få eit godt grunnlag for resultatmåling og evaluering. «Framtidsskulen i Fjell» - ein skule med læringsfremjande tiltak bygd på forskningsbasert kunnskap. Grunnskuleopplæringa i Fjell kan sjåast på som ein samanfatning av 5 sentrale faktorar som til saman skal stimulere til læring: 1) Eleven Alle elevar i Fjell skal oppleve skulen som ein plass der dei trivst og utviklar seg i tråd med eigne evner og føresetnader både fagleg og sosialt. 2) Læraren I Fjell har vi lærarar som legg vekt på gode relasjonar til elevar og foreldre, og som driv undervisning ut frå høg fagleg kompetanse og i dialog med den einskilde elev. 3) Skuleleiinga I Fjell har vi skuleleiing som legg vekt på gode relasjonar til tilsette, elevar og foreldre, og som driv skulen ut frå høg fagleg kompetanse og i dialog med den einskilde medarbeidar. 4) Læringsarenaen Læringsarenaene i Fjell står fram som gode, motiverande og velutstyrte. 5) Heimen Godt samarbeid mellom skule og heim. 1
1.1 Læringsleiing Den overordna satsinga innan pedagogisk utviklingsarbeid er sidan 2015 samla i omgrepet «læringsleiing.» Innanfor læringsleiing ligg dei tre satsingsområda i Fjellskulen fram til 2020: 1. Grunnleggjande ferdigheitar 2. Vurdering for læring 3. Elevane sitt læringsmiljø Sidan 2015 har skulesjefen sett ned ei arbeidsgruppe for å arbeide spesielt med utviklinga av desse satsingsområda. Denne gruppa vert kalla Læringsleiingsgruppa. Frå hausten 2016 har mandatet til gruppa vorte utvida til å omfatte organisasjonsutvikling ved at læringsleiingsgruppa vert aktivt deltakande i den kollektive kompetansebygginga i skulen. Til dømes er gruppa med i planlegging av skuleleiarsamlingar i innhald som omhandlar pedagogisk utviklingsarbeid og sentrale medspelarar i metodikken lærande nettverk. Læringsleiingsgruppa v/ leiar deltek også i skulesjefen sitt strategiske team. 1.2 Insight Fjellskulen nyttar Insight (Puls) som leiingsverktøy for kvalitetsutvikling. Insight innhentar datamateriale frå ulike kjelder, som t.d. SSB, SATS, PAS, Skoleporten, GSI, Elevundersøkinga, Nasjonale prøvar og kartleggingsprøvar i Engage (Vokal). Gjennom gode pedagogiske utviklingsprosessar mellom leiinga og lærarane skal ein arbeide mot stadig betre nivå innan dei kommunale satsingsfelta for skule: 2
LÆRINGSLEIING 1) Vurdering for læring 2) Læringsmiljø 3) Grunnleggande ferdigheiter Arbeidet vert koordinert av Insight-koordinator ved skulesjefen. 1.3 Framtidsskulen Skulesjefen starta hausten 2015 eit arbeid der målet var å samle dei framtidsretta strøymingane i samfunnet og retningslinjene frå direktorat og regjering i eit lokalt forankra dokument. Dokumentet fekk namnet «På sporet av framtidas skule» og skal fungera som eit element i vidare drøfting av skuleutviklinga. Dokumentet er også å sjå på som eit bidrag frå Fjell i samband med å skapa ein felles skuleplattform i den nye Øygarden kommune. Skulesjefen hadde ønskje om å skapa eit dokument ut frå eit bredt samansett representativt utval av skuleeigar- og skuleleiarnivå i Fjellskulen. «På sporet av framtidas skule» skal synleggjere kompetanse for framtidas behov gjennom overordna tema, satsingsområde og konkrete eksempel, og dokumentet er inndelt i tre hovuddelar: 3
1. Elevens vel 2. Elevens læring 3. Kollektiv kapasitet 1.4 Trygg i Fjell Skulesjefen har sidan 2014 intensivert arbeidet for å få etablert betre verkemiddel mot mobbing og krenkande åtferd mellom elevane. Tiltaket er kalla «Trygg i Fjell» og vert organisert gjennom ei fagleg kompetansegruppe og ei brei referansegruppe samansett av ulike representantar (politikarar, elevar, foreldre, idrett, skule.) Arbeidet vert vidareført og i 2017 og 2018 vart det arrangert store konferansar «Saman mot mobbing», for elevar, lærarar, foreldre og andre målgrupper. Kunnskapsministeren, Bruk Hue, og relevante fagpersonar deltok også på konferansen. 1.5 Skule og forsking Skulesjefen i Fjell legg sterk vekt på at utviklingsarbeid og kompetansebygging skal skje i nært samarbeid med høgskule, universitet og forskingsinstitusjonar. Difor har vi i Fjell samarbeid med UIB, NLA, Sintef, HIB, HSH, VilVite og Nasjonalt senter for læringsmiljø og oppvekst i Stavanger. Gjennom forskingsprosjektet «Dale Oen Experience» og YouExplore på ungdomstrinnet, har ein samarbeid på forsking frå ulike land og organisasjonar (Norge, Russland, USA og NASA). Frå hausten 2017 vil prosjektet også omfatte Tranevågen ungdomsskule. I høve til språk er Fjell kommune inne i eit større forskingsprosjekt om nynorsk språk og målform saman med UIB. Skulesjefen har også samarbeid med Sintef omkring prosjekt med å bruke miljøterapeutar i skulen. 1.6 Den raude tråden Skulesjefen er oppteken av samanhengen i opplæringa frå barnehage til yrkesliv. Målsetjinga er betre læringsutbytte og å minske fråfallet frå utdanningsløpet. Derfor er samarbeid og overgongane mellom dei ulike læringsarenaene viktig for å støtte ei god utvikling for den einskilde elev. I tillegg til samarbeid med barnehage har skulen i Fjell sidan 2015 etablert eit skule og næringslivet. Det er og etablert eit godt samarbeid mellom skulen og Kunnskapsbyen i Vest og VNR. Sidan hausten 2016 har skulesjefen etablert eit formelt samarbeid mellom grunnskulen i Fjell og vidaregåande skule gjennom faste møter mellom skulesjefsnivå og rektor på Sotra vidaregåande skule. Målsetjinga er å trekkje sterkare band mellom skuleslaga, med fokus på faglege utfordringar og fråfallsproblematikken. 1.7 Digitalisering i skulen Som del av eit framtidsretta samfunn er det viktig å førebu elevane til deltaking i eit digitalisert arbeidsliv og kvardag. Prosjektet med digitale klassar er etablert på ungdomsskulane og fleire av barneskulane. Digitaliseringsprosessen i Fjell har ein no utvida til å omfatta kommunane Sund og Øygarden for å imøtekoma kommunesamanslåinga. Det er 4
naudsynt å ha ei felles og heilskapleg framdriftsplan, som tek i vare likeverd mellom kommunane og både pedagogiske, økonomiske og teknologiske aspekt. Ein tek sikte på å halde fram ei stegvis utvikling fram mot kommunesamanslåinga i 2020. 1.8 Refleksjon og vurdering Skriv ein innleiande tekst om skuleåret 2017/18 på dykkar skule. Trekk gjerne fram ein god praksisforteljing eller døme som syner korleis skulen driv godt fagleg eller sosialpedagogisk utviklingsarbeid. Skuleåret 2017-2018 har vore eit interessant men utfordrande arbeidsår. Skuleåret starta svært positivt med samarbeid mellom Fjell kommune og Asplan Viak om å sjå på ulike løysingar for renovering og påbygg av eksisterande skulebygg. Elevar, foreldre og tilsette gledde seg over at det endeleg var Skålevik skule sin tur til å bli oppgradert. Den økonomiske situasjonen i kommunen førte imidlertid til store endringar i planane. Det er avgjort politisk at det påbegynte planarbeidet måtte stoppa, og at ny sak om skulebygg er utsett. I prosessen vart det mellom anna fremja eit forslag om at elevar og tilsette skulle flyttast til ein annan skule mens arbeidet med å rive/sanere Skålevik skule heldt på. Forslaget inneheldt ikkje ei tidsramme for når eit nytt bygg skulle vere ferdig. Fleire av dei tilsette har jobba på skular som ble lagt ned for nokre år sidan, og mange elevar og foreldre har vore med på ein flytteprosess tidlegare. Situasjonen sette sterke kjensler i sving. Skuleleiinga arbeidde iherdig for å halde fokus på læring og utvikling, noko som var krevjande når ein skulle planlegge for eventuelle andre løysingar og gje informasjon og støtte til tilsette, foreldre og elevar samtidig. Avdelingsleiarstillinga som vart ledig frå første oktober vart sett vakant nokre månader i påvente av å sjå kva vedtak som vart gjort politisk. Gjennom delar av året har rektor derfor i tillegg til eigne oppgåver hatt ansvar for å skaffe vikarar, vore spes.ped koordinator og vore den som har følgd opp dei fleste elevsakene samt utført SFO-leiar oppgåver. Eit svært travelt år, med mykje overtidsarbeid, men personalet på skulen har vore positive og vist forståing for situasjonen vi har vore i. Vi opplever likevel at desse rammene ikkje er optimale med tanke på elevane sitt læringsutbytte og utvikling av skule og SFO. Utviklingsarbeidet ved skulen er i tråd med satsinga i Fjell kommune. Paraplyen er Læringsleiing, og i år har vi hatt eit særskild fokus på digital utvikling. Kompetansen hos dei tilsette spenner frå å vere godt kvalifisert, til å ha mykje å lære. Dette skuleåret hadde vi knytt til oss ein lærar i 20% med svært god digital kompetanse. Ho har vore med på å heva kompetansen på huset både hos elevar og lærarar, ikkje minst har ho vore til stor inspirasjon ved å vise oss andre arbeidsmåtar. Dette kjem godt med når vi skal starte med ein digital klasse på mellomsteget og ein på småskulesteget kommande skuleår. Vi gler oss til å kome i gang med det digitale arbeidet. Skulen sin visjon er aktivitet, læring og tryggleik. Saman med foreldra arbeider skulen for å skape ein skulekvardag der læring og utvikling er i fokus, og har som mål at elevane skal kjenne seg som ein del av eit positivt fellesskap. Skulen deltok på arrangement i samband med sykkel VM, og mellomsteget hadde laga film som ble vist på storskjerm. Gjennom hausten arbeidde elevane også med program som ble vist på julefesten i desember. 5
2. Personale 2. Personale 2.1 Tal på lærarar Antall lærere, i alt Antall Skålevik skule 06-07 07-08 08-09 09-10 10-11 11-12 12-13 - 11,0 9,0 10,0 11,0 10,0 11,0 11,0 13,0 12,0 13,0 13,0 13-14 14-15 15-16 16-17 17-18 Antall Antall lærere, menn 1 Antall lærere, kvinner 12 Antall lærere, i alt 13 2.2 Refleksjon og vurdering: Talet på årsverk er ganske stabilt. Årsaka til at det ser ut som vi har hatt ei auke dei siste åra er at ikkje alle lærarane har heile stillingar. Skulen har ikkje 13 heile årsverk, nokre av stillingane har av praktiske årsaker vore vikariat på 20 eller 40 % dette skuleåret. Vi har hatt tre lærarar som har gått ut i morspermisjon i løpet av året, noko vi har merka godt når talet på lærarar er så lågt. Aldersblandinga i personalet er fin, men vi har eit ønske om å rekruttere fleire menn. 6
3. Læringsmiljø 3.1. Tal på elevar Sum elever ved skolen Antall Skålevik skule 06-07 07-08 08-09 09-10 10-11 11-12 12-13 13-14 14-15 15-16 16-17 17-18 - 96,0 96,0 97,0 89,0 98,0 96,0 119,0 126,0 129,0 133,0 136,0 3.1.1. Refleksjon Vi ser at elevtalet ved skulen aukar jamleg. Klassestorleiken varierer, i nokre av klassane har vi 14 elevar medan andre har 24 elevar. Vi ser at det kjem nye elevar jamt fordelt gjennom eit skuleår. Dersom fleire av klassane får auka elevtalet i vesentleg grad i tida framover vil nokre av romma i bygget vere for små. 3.2. Arbeidsro Denne indikatoren fortel om korleis elevane oppfattar arbeidsro i timane. 3.2 Arbeidsro Skålevik skule (17-09-10 10-11 11-12 12-13 13-14 14-15 15-16 16-17 17-18 - 2,33 - - 3,19 3,4 3,83 3,67 3,39 7
18) Fjell kommune - 1.- 7. trinn Fjell kommune Hordaland Insight totalt (17-18) 3,35 3,32 3,15 3,03 3,42 3,79 3,49 3,54 3,52 3,1 3,22 3,1 3,11 3,33 3,69 3,51 3,57 3,52 3,13 3,22 3,17 3,17 3,21 3,55 3,54 3,51 3,45 3,17 3,2 3,23 3,29 3,35 3,61 3,61 3,61 3,57 3.2.1 Refleksjon og vurdering Skulen legg vekt på å arbeide med læringsmiljøet, og arbeidsro kan ha stor innverknad på læringsresultat og trivsel. Vi ser at vi har hatt ei positiv utvikling dei siste åra, men at årets resultat ikkje er slik vi ønsker det. Etter å ha sett nærare på tal og mogelege årsaker, har vi kome fram til at dette resultatet sannsynlegvis speglar tre ting. Det eine er at vi har teke i bruk arbeidsmåtar som er annleis enn å sitje stille og løyse oppgåver. Vi har arbeidd med å få i gang meir elevaktivitet fordi dette på sikt er positivt for læringsutbyttet. Når elevane svarar på elevundersøkinga har dei kanskje ei meir tradisjonell oppfatning av kva arbeidsro er i tankane. Den andre utfordringa kan vere at vi har einskildelevar som har utfordringar med sjølvregulering som lagar ein del lyd i nokre av arbeidssituasjonane. Den tredje faktoren som kan spele inn er at nokre av klassane på mellomsteget har hatt fleire vikarar enn vanleg på grunn av fleire permisjonar. Uansett kor dyktig vikaren er, vil det bli eit brot på dei strukturane og rutinane ein har i ein periode før ting set seg att. 8
3.3 Trivsel Denne indikatoren syner korleis elevane trivst på skulen. 2.1 Trivsel Skålevik skule Fjell kommune - 1.- 7. trinn (17-18) Fjell kommune Hordaland Insight totalt 06-07 07-08 08-09 09-10 10-11 11-12 - - 4,24-4,11 - - 4,57 4,4 4,6 4,55 4,45 4,14 3,87 4,08 4,25 4,17 4,21 4,2 4,31 4,38 4,4 4,41 4,31 4,04 3,89 4,07 4,14 4,14 4,16 4,22 4,29 4,28 4,31 4,33 4,28 4,06 4,04 4,05 4,1 4,16 4,17 4,23 4,25 4,27 4,3 4,28 4,24 4,16 4,16 4,19 4,23 4,26 4,27 4,3 4,35 4,34 4,34 4,35 4,3 12-13 13-14 14-15 15-16 16-17 17-18 9
3.3.1. Refleksjon og vurdering Elevane på Skålevik skule melder at dei trivst godt på skulen. Vi ser ein liten nedgang i tala, men den er så liten at den ikkje vil vere signifikant. Dei grøne tala samsvarar med dei meldingane elevane kjem med i elevsamtalar og utviklingssamtalar. Skulen har aktivitetsdag anna kvar fredag og kantine ein dag i veka i periodar. Dette er svært trivselsfremjande. Dei eldste elevane på skulen er flinke til å inkludere dei yngre i leik, og TL-arbeidet på skulen er viktig. Positiv aktivitet i friminutta er med på å skape samhald og glede. 3.4 Støtte frå lærarane Indikatoren syner korleis elevane opplever støtta frå lærarane. 3.1 Støtte fra lærerne 13-14 14-15 15-16 16-17 17-18 Skålevik skule 4,42 4,53 4,64 4,47 4,54 Fjell kommune - 1.- 7. trinn 4,37 4,51 4,53 4,55 4,53 Fjell kommune 4,22 4,34 4,34 4,35 4,34 Hordaland 4,15 4,28 4,3 4,31 4,3 Insight totalt 4,22 4,32 4,33 4,34 4,32 10
3.4.1 Refleksjon og vurdering Vi har hatt fokus på at elevane skal oppleve støtte frå lærarane, og har hatt grøne tal på dette i fleire år. Etter å ha opplevd ein svak nedgang i tala i fjor sjølv om dei framleis var grøne, ser vi at at pilen peikar oppover att. (Svært små endringar som neppe er signifikante).det er viktig for oss at elevane kjenner seg sett og at dei blir møtt på ein god måte. Leiinga arbeider aktivt for å vere støttande og synleg i kvardagen. Det er viktig med systematisk førebyggjande arbeid, og at rektor og avdelingsleiar kan følgje opp hendingar og gjennomføre elevsamtalar dersom elevar treng støtte over tid. Vi ser at dette arbeidet er tidkrevjande, og gler oss over at nokre av skulane har fått miljøterapeutar som kan hjelpe til med dette arbeidet. Vi ser fram til at denne ordninga skal bli tilgjengeleg for Skålevik skule også, og håper det ikkje vert så lenge til. Helsesøster er viktig. Dette skuleåret fekk vi ny helsesøster igjen. Då den nye helsesøstera fekk utvida stilling på ein annan skule, måtte vi bytte enda ein gang i løpet av våren. Vi opplever det som svært uheldig. For å få eit godt utbytte av tenestetilbodet er vi avhengig av stabilitet slik at elevar, foreldre og tilsette kan få tid til å opparbeide tillit og relasjon til den nye personen. Dei siste åra har vi hatt svært dyktige helsesøstre på plass, men dei får ikkje arbeidd så langsiktig som både dei sjølve og skulen ønsker. 3.5 Vurdering for læring I Fjell handlar vurdering for læring (VFL) om at: - Skuleleiinga arbeider systematisk med utviklinga av læringsfremmande vurdering. Arbeidet er godt forankra i kommunalt styringsdokument for Læringsleiing. - Lærarane arbeider systematisk med vurdering for læring og har felles omgrep og rutinar knytt til dette. - Elevane forstår kva dei skal lære og kva som er forventa av dei. Elevane får tilbakemeldingar som fortel om kvaliteten på arbeidet og som gir råd om korleis dei kan forbetre seg. Elevane nyttar tilbakemeldingane slik at dei utviklar seg i læringsprosessen. Elevane er involverte i eige læringsarbeid m.a. ved å vurdere eige arbeid og utvikling. 4.1 Vurdering for læring 13-14 14-15 15-16 16-17 17-18 Skålevik skule 4,03 4,29 4,41 4,48 4,1 Fjell kommune - 1.- 7. trinn 4,04 4,24 4,22 4,25 4,18 Fjell kommune 3,91 4,05 4,02 4,04 3,96 Hordaland 3,82 3,91 3,92 3,93 3,9 Insight totalt 3,88 3,96 3,96 3,97 3,95 11
3.5.1 Refleksjon og vurdering Skulen har hatt fokus på å arbeide med VFL i fleire år, og hatt svært gode tal her. Resultatet er grønt i år også, sjølv om vi ser ein liten nedgang. Denne endringa kan skuldast at vi ikkje har hatt nok fokus på å kommunisere dei 4 prinsippa samstundes som vi har arbeidd med andre ting. Her må vi gjere ein innsats neste skuleår. 12
3.6 Mestring Indikatoren syner i kva grad elevane opplever mestring. 1.3 Mestring 09-10 10-11 11-12 12-13 13-14 14-15 15-16 16-17 17-18 Skålevik skule (17-18) Fjell kommune - 1.- 7. trinn Fjell kommune Hordaland Insight totalt (17-18) - 3,89 - - 3,88 4,03 4,08 4,01 4,05 3,88 3,96 3,85 3,81 3,95 4,08 4,01 4,03 4,03 3,79 3,86 3,8 3,76 3,94 4,02 3,98 3,98 3,98 3,83 3,85 3,81 3,82 3,91 3,99 3,99 3,98 3,96 3,86 3,88 3,84 3,85 3,99 4,04 4,04 4,04 4,03 13
3.6.1 Refleksjon og vurdering Skulen har svært gode tal på elevane si oppleving av meistring, og vi har ein liten auke frå i fjor. Vi arbeider med å legge til rette for god elevaktivitet, og å gjere undervisninga meir praktisk og variert. 3.7 Elevdemokrati og medverknad Gjennom medarbeidarskap med andre elevar, læraren og skulen skal eleven utvikle evner og kunnskap om samarbeid og medverknad i demokratiske prosessar. 3.3 Elevdemokrati og medvirkning Skålevik skule Fjell kommune - 1.- 7. trinn Fjell kommune Hordaland Insight totalt 06-07 07-08 08-09 09-10 10-11 11-12 - - - - - - - 3,65 3,86 3,96 4,0 3,64 - - - - - - - 3,55 3,78 3,69 3,8 3,71 2,72 2,56 2,76 2,89-3,05-3,42 3,6 3,54 3,63 3,58 3,01 2,94 2,97 3,18 3,24 3,31-3,46 3,59 3,6 3,63 3,61 3,15 3,09 3,11 3,24 3,28 3,29 3,12 3,55 3,65 3,69 3,72 3,7 12-13 13-14 14-15 15-16 16-17 17-18 14
3.7.1 Refleksjon og vurdering Det er viktig at elevstemma vert høyrd, og at elevane tileignar seg demokratiske spelereglar. Tala her er grøne, sjølv om vi ser ein liten nedgang frå i fjor. Representantar frå elevrådet sit i SU/SMU, og elevrådsrepresentantane har faste møte i klassen og tek saker med seg til elevrådet for handsaming der. I år har elevrådet vore engasjert i eit solidaritetsarbeid i Phuket i Thailand, der to elevar frå skulen har vore i forbindelse med eit lengre reiseopphald. Elevane har arbeidd dugnad i kantina og med planting av blomar for å kunne bidra med midlar til prosjektet som hjelper barn med helse og utdanning. Det er viktig å kunne sjå ting i eit større perspektiv. Gjennom globalt arbeid kan ein bidra med hjelp til andre, men ein kan og lære om eige samfunn og sjå viktige forskjellar når det gjeld økonomi, levestandart, helse og livskvalitet. Noko av det elevane som var på besøk i Thailand formidla var at til tross for utfordringane dei hadde, var folk svært hjelpsame, takknemlege og glade. 3.8 Læringskultur Læringskultur handlar om elevane si oppleving av at skulearbeidet er viktig, at det er arbeidsro, og at ein lærar av erfaringar. 3.5 Læringskultur Skålevik skule Fjell kommune - 1.- 7. trinn Fjell kommune Hordaland Insight totalt 09-10 10-11 11-12 12-13 13-14 14-15 15-16 16-17 17-18 - 2,33 - - 3,68 4,02 4,3 4,15 3,93 3,35 3,32 3,15 3,03 3,8 4,21 4,08 4,1 4,09 3,1 3,22 3,1 3,11 3,67 4,05 3,94 4,0 3,98 3,13 3,22 3,17 3,17 3,54 3,93 3,94 3,95 3,91 3,17 3,2 3,23 3,29 3,68 4,01 4,03 4,04 4,01 15
3.8.1 Refleksjon og vurdering Skulen har mål om å skape kultur for læring og utvikling. Vi ligg om lag på same nivå som kommunen og Hordaland i årets målingar. Her må det arbeidast kontinuerleg for at elevane skal ha tru på eigne evner og at dei kan nå måla sine gjennom langsiktig arbeid. 3.9 Mobbing Indikatoren syner i kva grad elevane opplever mobbing på skulen. 2.5 Mobbing blant elever 2.5 Mobbing blant elever 16-17 17-18 Skålevik skule 4,53 4,61 Fjell kommune - 1.- 7. trinn 4,74 4,74 Fjell kommune 4,76 4,73 Hordaland 4,7 4,69 Insight totalt 4,7 4,69 16
2.6 Digital mobbing 2.6 Digital mobbing 16-17 17-18 Skålevik skule 4,9 5,0 Fjell kommune - 1.- 7. trinn 4,89 4,91 Fjell kommune 4,88 4,87 Hordaland 4,85 4,86 Insight totalt 4,86 4,85 17
2.7 Mobbing fra voksne 2.7 Mobbing fra voksne 16-17 17-18 Skålevik skule 4,98 4,98 Fjell kommune - 1.- 7. trinn 4,94 4,95 Fjell kommune 4,92 4,91 Hordaland 4,88 4,87 Insight totalt 4,9 4,89 Snitt Skålevik skule Fjell kommune - 1.- 7. trinn (17-18) Fjell kommune Hordaland Insight totalt 2.5 Mobbing blant elever 4,61 4,74 4,73 4,69 4,69 2.6 Digital mobbing 5,00 4,91 4,87 4,86 4,85 2.7 Mobbing fra voksne 4,98 4,95 4,91 4,87 4,89 18
3.9.1 Refleksjon og vurdering Vi har sjølvsagt ein nullvisjon for mobbing. Når det gjeld digital mobbing er tala våre svært fine. Vi har grønt når det gjeld mobbing frå vaksne, men er obs på at elevar nokre gonger kan kjenne seg krenka når vaksne seier frå om ting. Dette har vi stort fokus på i vaksengruppa. Når det gjeld mobbing frå medelevar har vi avdekka nokre saker dette skuleåret som vi har arbeidd med. Frå dette skuleåret vart lovverket endra når det gjeld måten ein handterer saker som gjeld elevane sitt læringsmiljø på, mellom anna skal ein ikkje lenger skrive vedtak i mobbesaker. Skulen har fått ein tydelegare aktivitetsplikt, noko som er positivt, men kravet til dokumentasjon er sterkt. Skriftleggjeringa av meldingar, undersøking og eventuelle tiltak er tidkrevjande å følgje opp på ein god nok måte. Vi skal halde fram arbeidet med førebygging og avdekking av mobbing, og støttar oss til «Trygg i Fjell» konseptet, der vi skal jobbe for inkludering og samhandling på fleire arenaer. Når mobbing vert avdekka skal både den som vert mobba, og den som utfører dei negative handlingane få oppfølging slik at mobbinga stoppar. Vi arbeider systematisk for å avdekke saker. Tilsyn i friminutta er svært viktig, og vaksenstøtte til å kome i positiv aktivitet er god førebygging. Trivselsleiarane våre gjer og ein viktig jobb her. 4. Analyse av samanhengar Boblekarta nedanfor visar samanhengar mellom relevante indikatorar frå elevundersøkinga. - Arbeidsro og mestring - Trivsel og motivasjon - Tilpassa opplæring og fagleg utfordring 4.1 Arbeidsro og mestring Boblekarta nedanfor viser samanheng mellom indikatorane arbeidsro og mestring. 19
20
21
4.1.1 Refleksjon og vurdering Vi ser ei endring frå i fjor i talet på elevar som opplever arbeidsro men ikkje meistring. Vi tenker at nedgangen her skuldast at vi har lukkast med å finne oppgåver og arbeidsmåtar som er meir tilpassa denne gruppa. Det vi ikkje likar er at talet på elevar som melder om meistring, men ikkje arbeidsro har auka. Dette skuldast nok faktorane i punkt 3.2.1. 22
4.2 Trivsel og motivasjon Boblekartet nedanfor viser samanheng mellom trivsel og motivasjon. 23
24
4.2.1 Refleksjon og vurdering. Vi har som mål at elevane skal trivast på skulen og vere motivert for skulearbeidet. Det er det mange av elevane som opplever. Vi ser og at vi har ein del å jobbe med for å få fleire over i denne kategorien. Spesielt er det viktig å arbeide med gruppa som verken er motivert eller trivst slik at vi kan førebyggje seinare «drop out». Årsakene til at elevar har det slik er fleire, og heng ikkje alltid saman med skulefaglege ting, sjølv om det å ha det bra på skulen er ein viktig faktor for eit helsefremjande liv. 25
4.3 Støtte frå lærarane og fagleg utfordring Boblekartet nedanfor viser samanhengen mellom støtte frå lærarane og fagleg utfordring. 26
27
4.3.1 Refleksjon og vurdering Gruppa som opplever støtte frå lærarane, men ikkje får nok faglege utfordringar har auka. Dette er ikkje greitt. Det kan sjå ut som vi har lukkast med å finne meir eigna oppgåver til ein del av dei som ikkje opplevde meistring tidlegare, men har ein viktig jobb med å gje faglege utfordringar til gruppa som opplever meistring og støtte. 5. Læringsresultat 5.1 Føresetnadar 5.1.1. Foreldra sitt utdanningsnivå Foreldra sine utdanningsnivå kan i følgje Hægeland, Kirkebøen, Raaumog Salvanes (2003) forklare (20%) av variasjonane i elevane sine læringsresultat. Indikatoren nedanfor er basert på ei utrekning frå SSB. Prosenten er rekna ut med utgongspunkt i følgjande: Andel foreldre med høgare utdanning minus andel foreldre med grunnskule som høgaste utdanning. Dersom scoren er 17%, betyr dette at skulen har 17% fleire foreldre med høgare utdanning enn foreldre med grunnskule som høgaste utdanning. 28
Foreldrenes utdanningsnivå 12-13 13-14 14-15 15-16 16-17 17-18 Skålevik skule 13 8 13 14 8 10 Fjell kommune 12,5 16,8 15 15,3 15,8 16,8 Hordaland 19,6 20,7 21,6 22,4 23,1 23,6 Insight totalt 17,5 18,5 20 20,7 21,3 21,7 5.1.2 Refleksjon og vurdering Samanlikna med tala frå kommunen elles, fylket og landet totalt ligg talet på foreldre med høgare utdanningsnivå enn grunnskule svært mykje lågare. Utdanningsnivået til foreldra kan influere på elevane sitt læringsresultat. Det er likevel eit mål at opplæringa vi gjev skal vere utjamnande på resultata på sikt. 5.2 Lesing og norsk I Fjell handlar lesing om at: - Leiinga og lærarane har god kunnskap om lesing som grunnleggande dugleik. Alle lærarar, uansett fag, tek ansvar for leseutviklinga til elevane. - På småtrinnet jobbar skulen med grunnleggande avkoding og forståing av enkle tekstar. Skulen nyttar leselærar på 1. og 2. trinn som tidleg innsats. Leselæraren blir nytta til å rettleie i lesing. Leiinga er oppdatert på leseutviklinga til elevane på desse trinna. - På mellomtrinn og ungdomstrinn jobbar skulen systematisk med elevane si evne til å finne informasjon, tolke og reflektere. Elevane nyttar ulike typar lesestrategiar. 29
- Skulen nyttar SOL* (Systematisk Observasjon av Lesing) som verktøy i undervegsvurderinga. Soling av elevar skjer systematisk og kontinuerleg gjennom skuleåret. 5.2.1 Kartleggingsprøvar i lesing Her kan ein sjå del av elevar som er på eller under bekymringsgrensa. Lesing 1. trinn Bekymringsgrense Bekymringsgrense Bekymringsgrense Bekymringsgrense Bekymringsgrense Skålevik skule Fjell kommune - 1.- 7. trinn (17-18) Fjell kommune Hordaland (17-18) Insight totalt (17-18) Å lese ord 42,9% 24,5% 24,5% 16,6% 17,2% Å lese er å forstå Lesing 2. trinn 7,1% 28,1% 28,1% 17,9% 18,5% Å lese ord 60,9% 25,5% 25,5% 19,5% 18,6% Å lese er å forstå del 1+2 Lesing 3. trinn 17,4% 19,5% 19,5% 16,7% 18,6% Å lese ord 20,0% 19,3% 19,3% 23,9% 23,2% Å lese er å forstå del 1+2 20,0% 12,5% 12,5% 16,6% 16,7% 30
5.2.2 Nasjonale prøvar i lesing Her kan ein sjå resultat frå nasjonale prøvar i lesing. Utvalg Skålevik skule (17-18) Fjell kommune - 1.- 7. trinn Fjell kommune Hordaland Insight totalt (17-18) Nasjonale prøver 5. trinn, Lesing Nasjonale prøver 5. trinn, Lesing Nasjonale prøver 5. trinn, Lesing Nasjonale prøver 5. trinn, Lesing Nasjonale prøver 5. trinn, Lesing Mestringsnivå 1 Mestringsnivå 2 Mestringsnivå 3 Snitt Poeng 33,3% 46,7% 20,0% 48,3 22,7% 52,6% 24,7% 50,3 22,7% 52,6% 24,7% 50,3 24,8% 53,9% 21,3% 49,4 23,3% 54,0% 22,7% 49,9 5.2.4 Refleksjon og vurdering Vi ser ein liten betring i resultata på nasjonale prøver frå i fjor. Men kartleggingsprøvane for dei lågaste klassetrinna viser at her må det gjerast ein innsats. Vi må fortsetje det systematiske arbeidet med å følgje opp dei elevane som strevar med lesinga. Her er leselærar og tidleg innsats-timane gull verd. Leiinga vil fortsatt ha fokus på resultat og legge til rette for kollektiv arbeid med å følgje opp resultata. 5.3 Rekning og matematikk Kartleggingsprøvar i rekning Her kan ein sjå del av elevar som er på eller under bekymringsgrensa. Kartleggingsprøve Bekymringsgrense Bekymringsgrense Bekymringsgrense Bekymringsgrense Bekymringsgrense Skålevik skule Fjell kommune - 1.- 7. trinn (17-18) Fjell kommune Hordaland (17-18) Insight totalt (17-18) Regning, 1. trinn 28,6% 25,7% 25,7% 23,5% 25,2% Regning, 2. trinn 26,1% 32,2% 32,2% 22,3% 23,9% Regning, 3. trinn 15% 21,6% 21,6% 18,7% 20,6% 31
5.3.1 Nasjonale prøvar i rekning Her kan ein sjå resultata frå nasjonale prøvar i rekning. Utvalg Skålevik skule (17-18) Fjell kommune - 1.- 7. trinn Fjell kommune Hordaland Insight totalt (17-18) Nasjonale prøver 5. trinn, Regning Nasjonale prøver 5. trinn, Regning Nasjonale prøver 5. trinn, Regning Nasjonale prøver 5. trinn, Regning Nasjonale prøver 5. trinn, Regning Mestringsnivå 1 Mestringsnivå 2 Mestringsnivå 3 Snitt Poeng 26,7% 66,7% 6,7% 48,3 24,9% 52,4% 22,7% 49,7 24,9% 52,4% 22,7% 49,7 23,1% 51,4% 25,5% 50,0 23,2% 51,5% 25,3% 50,0 5.3.3 Refleksjon og vurdering Vi må framleis arbeide for å få fleire av elevane frå nivå 1 til 2, og frå nivå 2 opp på nivå 3. Det blir viktig å sjå på resultata og oppfølging av desse i fellesskap for å lære av kvarandre korleis vi kan auke læringsutbyttet. Dette må vi arbeide med systematisk over tid. 5.4. Engelsk 5.4.1 Nasjonale prøvar i engelsk Her kan ein sjå resultata frå nasjonale prøvar i engelsk. Utvalg Skålevik skule (17-18) Fjell kommune - 1.- 7. trinn Fjell kommune Hordaland Nasjonale prøver 5. trinn, Engelsk Nasjonale prøver 5. trinn, Engelsk Nasjonale prøver 5. trinn, Engelsk Nasjonale prøver 5. trinn, Engelsk Mestringsnivå 1 32 Mestringsnivå 2 Mestringsnivå 3 Snitt Poeng 13,3% 86,7% 0,0% 49,0 20,4% 56,9% 22,7% 49,8 20,4% 56,9% 22,7% 49,8 24,5% 52,3% 23,3% 49,6
Insight totalt (17-18) Nasjonale prøver 5. trinn, Engelsk 22,5% 52,5% 25,0% 50,1 5.4.3 Refleksjon og vurdering Vi ligg på same nivå som i fjor, og må fortsetje arbeidet vi har starta med å ha fokus på engelskfaget. Rektor planlegg å ha ei samling med fokus på korleis vi kan endre byrjaropplæringa i engelsk vi må truleg endre på noko av det vi gjer. Neste skuleår skal ein av lærarane ta vidareutdanning i engelsk. Etter det har vi to lærarar som har nyare utdanning i engelsk, dette vil forhåpentlegvis føre til ei positiv utvikling for faget på skulen hos oss. 6. Undervisning og læring Reflekter over undervisning og læringsprosessar ved eigen skule Lærarane på skulen er rutinerte og engasjerte. Dei har fokus på arbeidet med læringsmiljø, og elevsamtalar, Zero-samlingar og TSK-arbeid er viktig å arbeide systematisk med over tid. I utviklingstida arbeider vi for å løfte oss, og fagleg utvikling er viktig å få til. Vi ser at vi må arbeide annleis i ein del av faga for å nå dei måla vi har sett oss. Her må vi nytte den kollektive kapasiteten for å heve dei faglege resultata. Det er eit ønske om å auke den digitale kompetansen og få meir kjennskap til korleis IKT kan nyttast inn i undervisninga. Nokre av dei tilsette vil delta i nettverk med lærarar frå andre skular for å tileigne seg nødvendig kunnskap. Det er likevel eit godt stykke att før vi er der vi ønsker å vere. Det er derfor viktig at det og vert satsa kommunalt på å gje lærarar og assistentar kunnskap som gjer det mogeleg å arbeide etter nye metodar. I haust var vi på personaltur der vi jobba med oppgåver knytt til elevane sitt læringsmiljø og arbeidde med oppfølging av 10 faktor undersøkinga. Turen gav oss ei fellesoppleving, og gjorde det mogeleg å arbeide intensivt med korleis vi skal handtere ulike situasjonar i elevmiljøet og korleis vi skal ha det på arbeidsplassen. Vi tilsette ein barne- og ungdomsarbeidar med fagbrev i fjor, og ein av assistentane som har arbeidd på skulen i mange år tok fagbrev rett før sommarferien. Vi gler oss over at vi får auka kompetansen i denne viktige gruppa av tilsette også. Vi har arbeidd for å få gode prosessar i overgangen frå barnehage til barneskule og frå barneskulen til ungdomsskule. I år var det svært mange barnehagar å samarbeide med, og vi har hatt gode møte med dei ulike barnehagane. Samarbeidet med Tranevågen er svært godt, vi har mellom anna nettverksmøte gjennom året som gjer at vi har god oversikt over forventningar og rutinar på ungdomstrinnet. Vi har og «lånt» læraren i 20% frå Tranevågen dette er med på å skape kjennskap til korleis ein jobbar i dei ulike skuleslaga. 33
7. Fysisk miljø og læremiddel Reflekter over fysisk miljø og læremiddel ved eigen skule Skålevik skule er ikkje helseverngodkjend. Det er svært viktig å gjere noko med trafikkforholda! Det er stor risiko for at nokon kan bli påkøyrd slik situasjonen er no. Det er utarbeidd planar for parkering og innkøyring til skulen som vi først fekk melding om skulle gjennomførast gjennom tilførte midlar, deretter at arbeidet skulle utførast samtidig med den planlagde utbetringa av bygget. Sidan desse planane er endra, har skulen etterlyst ein plan for korleis trafikktilhøva no skal løyast. Vi har ikkje fått svar på dette enno. Store delar av bygget har bygningsmateriale som inneheld asbest, noko som gjer at drifta kan bli stoppa i periodar med undersøking og eventuelle utbetringar. Det er heldigvis langt mellom kvar gang det er hol i veggplater, men all utbetring, oppheng av ting osb. må planleggast godt og gjennomførast etter gjeldande regelverk. Dette fordyrar vedlikehaldet av skulen, men noko vedlikehald må gjennomførast snarast likevel. Ei anna romutforming ville ha vore god med tanke på endra undervisningsmåtar. Vi finn sølvkre i bøker og oppbevaringskassar. Det trengs maling fleire stader, og rominndelinga bør endrast på i noko av arealet. I tillegg hastar det med å få på plass ein SFO-base. 8. Timeressursar og organisering Reflekter over timeressursar og organisering ved eigen skule Skålevik er ein skule med ein klasse på kvart trinn. Ein liten organisasjon har ikkje like stort handlingsrom når det gjeld å bruke ressursane fleksibelt som ein kan på ein større skule. Spesialundervisninga skal så langt som råd gå føre seg i klasseromma, noko som kan vere vanskeleg å få til med tanke på timetalet. Vi må i nokon grad lage grupper på tvers av trinn for å få spesialundervisninga til å gå opp. Vi har hatt symjeundervisninga i bassenget på Ulveset, og har brukt delingstimar sidan det ikkje er plass til dei største klassane. Frå neste skuleår skal vi nytte bassenget på Ågotnes som har større kapasitet. Det gler vi oss til. 34
9. Skule - heim Reflekter over skule-heim samarbeidet ved eigen skule. Skulen har gjennomført «Startsamtalen» for foreldre til nye førsteklassingar for andre gang. Det er tidkrevjande å gjennomføre samtalene samtidig som ein skal få på plass strukturar og rutinar i første klasse, men skulen får tilbakemeldingar frå foreldre om at det er positivt med eit slikt møte ved skulestart, og lærarane opplever samtalane som nyttig for den viktige jobben dei skal gjere. Skulen har arrangert klasseforeldremøte, og kontaktlærarane har gjennomført to utviklingssamtalar i løpet av året. I haust arrangerte vi eit temamøte om psykisk helse. Psykologspesialist Anja Høye Rogde, Fjell kommune held foredraget: «Stress, bekymring og engstelse hos barn/unge. Hvordan kan vi best støtte?». FAU/SU er viktige samarbeidspartnarar for oss, og vi opplever eit positivt engasjement for skulen. FAU mobiliserte sterkt for at ikkje elevane skulle bli flytta til ein annan skule utan ein plan for utbygging/rehabilitering av det gamle bygget. FAU har hatt seks møte dette skuleåret, og har arrangert juleavslutning og 17, mai-fest. Dei har og arrangert karneval for elevane på småskulesteget. Vi har hatt fem møte i SU. 10. SFO Reflekter omkring SFO ved eigen skule SFO-leiaren på Skålevik skule gjekk av med pensjon i vinter. Delar av året har vi vore utan SFO-leiar. Etter ei tid der rektor og avdelingsleiar hadde ansvaret for dei administrative sidene ved drifta har vi no fått på plass ny leiar med pedagogisk utdanning. Denne våren starta dei tilsette arbeidet med å sjå på korleis dei kan utvikle innhaldet i SFO-tida. Vi ynskjer å ta på alvor at det er elevane si fritid samtidig som vi vil tilby aktivitetar som kan stimulere til kreativitet og samhald. Dei fysiske forholda er ikkje gode. Vi har behov for å ha ein eigen SFO-base som er annleis innreia enn eit klasserom. Sidan det nok vil ta tid å få på plass ei meir heilskapleg løysing, ser vi at ein ny brakkemodul kan løyse plassutfordringa vår raskt. Det er andre krav og forventningar til innhald og facilitetar på SFO enn då ein starta med fritidsordning for mange år sidan. Foreldra betalar relativt mykje for plassen, og forventar å få god kvalitet på tilbodet. 35
11. Konklusjon 11.1. Reflekter omkring: - Sterke sider og utfordringar ved eigen skule - Korleis de jobbar med og skal utvikla vidare dei kommunale satsingsområda LÆRINGSLEIING 1) Vurdering for læring 2) Læringsmiljø 3) Grunnleggjande ferdigheiter Å drive organisasjonsutvikling er spennande. Rammefaktorane kan endre seg frå eit år til eit anna, og ein må sjå på utviklinga over tid dersom ein skal få eit rett bilete av situasjonen. For Skålevik skule sin del er det nokre faktorar som har vore hemmande over tid. Dette gjeld særleg dei fysiske tilhøva, og det at avdelingsleiarjobben har vore konstituert over svært lang tid, med ulike løysingar frå periode til periode. Skulen er liten og vert sårbar ved sjukdom og permisjonar. Det kan opplevast som at sidan skulen er liten, vert det den skulen som vert valt ved flyttingar i skulehelsetenesta osb. Det er sjeldan dei minste skulane vert plukka ut til å delta i prosjekt der ein skal prøve ut nye ordningar som miljøterapeutar til dømes. Dei prosentvise nedtrekka i timeressursane merker vi og godt, vi har ikkje stordriftsfordelar. Det som kjenneteiknar Skålevik skule er likevel faktorane som fremmar innhaldet i skulen. Skulen har eit personale som trivst på jobb, er nøgd med eigen innsats og det vi får til. Kulturen på skulen er prega av samhald, trivsel og inkludering. Dette er godt å ha i botnen når vi skal utfordre kvarandre på å få til enno betre læringsresultat. Elevar og foreldre gjev uttrykk for at dei er glade i skulen sin, og viser eit positivt engasjement. Skulen ligg i eit utbyggingsområde, og på lengre sikt vil elevtalet truleg vekse vesentleg. Rektor håper at politikarar og skuleeigar med utgangspunkt i dei vedtaka som ble gjort i vår, trass innsparingar, er villige til å satse på skulen, og at rammefaktorane dei neste åra vil gjere det litt enklare å drive skulen til eit høgare nivå. Dette skuleåret har vore interessant, meiningsfylt men og svært krevjande. Å arbeide med metodikk og refleksjonsspørsmål som skapar djupnelæring har heilt klart vore sentralt, og noko av det som har vore kjekkast å jobbe med. Å bli utfordra på nye digitale løysingar har og vore fint. Vi ser fram til neste skuleår og dei arbeidsoppgåvene vi har då. Vi håper det blir eit år utan dei store diskusjonane om flytting og at vikarbehovet ikkje vert like stort. Vi gler oss over å ha fått på plass SFO-leiar. No er det viktig å tilsetje avdelingsleiar. Det er nødvendig å få ro i organisasjonen slik at leiinga og personalet kan ha fokus på vurdering for læring, arbeidet med grunnleggjande ferdigheiter og læringsmiljø. Det er innhaldet i skulen vi skal arbeide mest med. Vi kan ikkje tru anna enn at neste år må bli eit godt arbeidsår! 36