Leseglede saman for betre lesing i alle fag

Transkript

1 Leseglede saman for betre lesing i alle fag Brandsøy skule (1 7 + barnehage) og Krokane skule (1 7), Flora, Sogn og Fjordane Av Mari-Anne Mørk Flora kommune ønskjer å nytte skulebiblioteka meir systematisk for å gjere elevane betre til å lese. Som ressursskular i Program for skulebibliotekutvikling bidrar Krokane skule og Brandsøy skule til kompetanseheving for alle dei ni skulane i kommunen. Kommunalt samarbeid Sjølv om det formelt sett berre er to skular som er med i det eksternt finansierte prosjektet, er det lagt opp til eit stort kommunalt engasjement på området. Resultatet har blitt eit todelt prosjekt. Éin del er spesielt retta mot dei to prosjektskulane, Krokane skule og Brandsøy skule, som deltek i Program for skulebibliotekutvikling med ressursskuleprosjektet Leseglede saman for betre lesing i alle fag, og éin del er retta mot fellestiltak for alle skulane i kommunen. For å drive satsinga framover er det etablert ei styringsgruppe. Ho er sett saman av representantar frå dei to skulane som formelt er med i prosjektet, og ein prosjektkoordinator frå kommunen. Det er òg etablert ei utvida prosjektgruppe der alle skulane er representerte. I tillegg er kommunenivået representert med kommunalsjefen og folkebiblioteket representert med ein bibliotekar.

2 2 «Hovudmålet er å få til eit løft for dei to skulebiblioteka og å spreie kunnskap om dette til dei andre skulane i kommunen. Vi ønskjer skulebibliotek som stimulerer barn til å bli glade i bøker, og som skaper barn som les av eige ønske kvar dag Vi ønskjer skular med god tilgang på bøker, både i klasserom og på skulebibliotek, og med kompetanse til å hente relevant litteratur frå andre kjelder, innan ulike sjangrar og på begge målformene.» Rektor Bjørg Aslaksen, Krokane skule og rektor Tone Aasrud, Brandsøy skule Internasjonalt nettverk Alle skulane og barnehagane i Flora kommune har gjennom 3 4 år vore deltakarar i prosjektet Community Designed Education, der den europeiske leiaren er James Nottingham. Prosjektet er ein del av eit internasjonalt nettverk som forskar på korleis skulen og foreldra kan skape eit best mogeleg læringsmiljø for barna, og korleis organisasjonane kan utvikle seg til lærande organisasjonar som arbeider kontinuerleg for å forbetre eigen praksis. Tilsette og foreldre i Flora har sett på Carol Dweck sine teoriar om fixed and growth mindsets. Teoriane handlar om i kva grad ein trur at intelligens er medfødd eller noko som kan lærast, og kva rolle det kan spele for barns utvikling og læring. Deltaking i nettverket har vore viktig for motivasjonen for og forståinga av å nytte forskingsresultat i eige utviklingsarbeid. Denne felles bakgrunnen har også vore noko av nøkkelen til at biblioteksatsinga har fått effekt utover prosjektskulane. Tone Aasrud, rektor ved Brandsøy skule

3 3 Satsar på IKT På skulenivå skal det utarbeidast ein plan for kvart skulebibliotek. Planen, som skal vere ei plattform for satsinga, inneheld desse hovudpunkta: fysisk utforming boksamlinga prosjekt og tiltak medietek skulebiblioteket i undervisninga ressursar og kompetanse Kommunen held også på å utarbeide ein felles kommunal plan for arbeid med skulebibliotek. Planen skal innehalde referansar til det kommunale planverket, ein mal for skulane si satsing, ressursbruk, årlege tiltak og ansvarsfordeling. Arbeidet med skulebiblioteket er dessutan nedfelt i den lokale planen for Den kulturelle skulesekken, med forfattarbesøk for 5. og 8. trinn og besøk på folkebiblioteket for 2. og 5. trinn. Som ressursskular har Krokane skule og Brandsøy skule lagt vekt på at elevane skal få rettleiing og opplæring i informasjonskompetanse. Denne satsinga er nedfelt i den kommunale IKT-planen, som er forankra i Kommunedelplan for oppvekstsektoren Som ein del av den felles kommunale satsinga på skulebibliotek skal det same elektroniske katalogsystemet implementerast på alle skulane i kommunen. På den måten blir det enklare å utnytte kvarandre sine ressursar.

4 4 Flora les Eit anna viktig tiltak i den kommunale satsinga på skulebibliotek er leseaksjonen Flora les. Under leseaksjonen deltek alle dei 1650 elevane i kommunen i ein fem veker lang lesemaraton. Flora les gjekk av stabelen for første gong i 2012, med kjende forfattarar og stort engasjement på skulane. Startskotet for leseaksjonen var ein foreldrekveld som kommunen arrangerte for å få foreldra engasjerte i lesing. Kommunen ville synleggjere kor sentrale foreldra er når det gjeld å utvikle grunnleggande leseferdigheiter hos barna. Flora les blei arrangert på ny i januar Leseaksjonen gjekk føre seg på samfunnshuset, der forfattarane Erna Osland og Lars Mæhle var bidragsytarar. Opning av nye bibliotek Då dei blei med som prosjektskular i Program for skulebibliotekutvikling, starta både Krokane skule og Brandsøy skule med å bygge skulebiblioteka sine opp att frå botnen av. Begge biblioteka opna på ny i januar 2013 i samband med leseaksjonen Flora les. I dei nye biblioteka blir alle bøker registrerte digitalt, og alle får lånekort og nyttar skannar når dei låner og leverer bøker. Begge skulane har òg innført timeplanfesta tid i biblioteket for alle trinn, og alle elevane får opplæring i bruk av biblioteket. På Brandsøy skule har skulebiblioteket fått namnet Vegvisaren. Det er henta frå namnet på eit maleri som no heng i biblioteket og symboliserer ein veg som går inn i litteraturen og ut i verda. Samtidig står eit nytt medietek, vegg i vegg med skulebiblioteket, klart til bruk på Krokane skule. Glasveggen inn til biblioteket har dekor inspirert av maleriet «Vegvisaren» av cubanaren Ramon Filiu.

5 5 Lokale ressursskular Med erfaringane dei har tileigna seg i prosjektet, fungerer no Brandsøy skule og Krokane skule som lokale ressursskular i Flora kommune. I prosjektperioden har dei to skulane arbeidd spesielt med å implementere bibliotekbruk i fag- og temaplanane for kvart årstrinn, med rettleidd lesing og med å utarbeide undervisningsopplegg med informasjonskompetanse i fokus. Dei to skulane deler erfaringane sine med dei andre skulane i kommunen gjennom møte i den utvida prosjektgruppa og på felles informasjonsdagar. Gjennom svært mange år har kompetansebygging vore prioritert som ei felles kommunal satsing i Flora kommune. Biblioteksatsinga har vakse fram som eit resultat og eit behov ut frå ei heilskapleg satsing på god opplæringskvalitet. Rektor Tone Aasrud, Brandsøy skule Brandsøy skule (1 7), Flora kommune, Sogn og Fjordane 64 elevar, 9 lærarar, skulebibliotekar 1 time per veke Krokane skule (1 7), Flora kommune, Sogn og Fjordane 216 elevar, 20 lærarar, skulebibliotekar 6 timar per veke Ressursskule på: Brei satsing på lesing og utvikling av informasjonskompetanse. Kommunal plan for skulebibliotekutvikling.