SAKSFRAMLEGG Sakshandsamar: Jan Kåre Norberg Arkiv: 151 Arkivsaksnr.: 09/1968 Luster kommune - budsjett 2010, økonomiplan 2010-13 og planleggingsprogram 2010-13 Rådmannen si tilråding: 1. Kommunestyret vedtek rådmannen sitt framlegg til driftsbudsjett for 2010 av 29.10.2009 med slike endringar og presiseringar: a. Følgjande feil vert retta: Side 7, 3. linje: Det skal stå 2011, ikkje 2008. Side 45, overskrifta Omsorgsplassar (sone 2 og 3). (Sone 2 og 3) vert stroken. Side 45, det er 8 omsorgsplassar i Luster, ikkje 7. b. Folkevalde: Ny aktivitet 2010: Vedta organisasjonsmodell for drift av Luster bad. c. Administrasjon: Ny aktivitet 2010: Gjennomføre medarbeidarundersøking ultimo 2010. d. Pleie og omsorg / tekniske tenester: Utgiftene i høve Alarmsentralen (tryggleiksalarmar / brannalarm) vert auka med kr 90.000 til kr 540.000, fordelt med brannalarm kr 460.000, tryggleiksalarmar kr 80.000. e. Kultur: Utgiftene til biblioteket vert auka med kr 22.000 for kjøp av IKT utstyr i høve utlånssamarbeid med resten av fylket. f. Grunnskulen: Driftsramma vert auka med kr 810.000. Føreslegne skuletilpassingar vert førebels vert utsette til hausten 2011. Innan den tid vil kommunestyret ta stilling til om vedtak i f-sak 88/09 (punkt 2) om skuletilpassingar framleis skal vere retningsgjevande. g. Eigedomsskatten for 2010 vert auka med kr 522.000. h. Pensjonspremie KLP vert redusert med 1,2 mill kr. i. Renteutgifter vert auka med kr 800.000. j. Barnehage og grunnskule: Budsjettekstane i høve oppvekstsenter vert skriven slik at desse ikkje speglar formannskapet si tilråding i sak 121/09, men kommunestyret sitt endelege vedtak i sak 77/09. k. l. m. 2. Kommunestyret vedtek rådmannen sitt framlegg til investeringsbudsjett for 2010/ økonomiplan 2010-13 med slike endringar og presiseringar: a. Løyvinga til Luster bad vert i talbudsjettet endra frå tenestestad 222261 til 381261. b. Løyvinga til avløpstiltak vert i talbudsjettet endra frå tenestestad 345602 til 353602. c. Det uspesifiserte innsparingskravet Generell reduksjon drift, jf tabell side 78, vert for åra 2011-13 tilpassa slik at Sum endringar = avvik svarar til (Avvik) lenger oppe i tabellen. d. Driftsramma til grunnskule vert auka med kr 1.140.000 for 2011, jf punkt 1.f over. Det uspesifiserte innsparingskravet generell reduksjon drift vert auka tilsvarande. e. For Sosiale tenester vert det i økonomiplanteksten skrive inn følgjande tekst: Dei kvalifiseringsmidlar NAV Luster mottek som øyremerka løyving vil i 2011 inngå i kommunen sitt rammetilskot. Budsjettet for 2011 bør tilpassast dette. f. g.
h. 3. Kommunestyret vedtek rådmannen sitt framlegg til planleggingsprogram for 2010-13 med slike endringar og presiseringar: a. Reguleringsplan Gjerde. Vert utført 2011. Tilpassing til økonomiplanen (retting av feil). b. Reguleringsplan Dale. Tidsplanen vert skyvd 1 år ut i tid. Tilsvarande for økonomiplanen. c. d. e. 4. Kommunestyret vedtek at godtgjersla til ordføraren vert auka med. % får 2009-10. 5. Kommunestyret vedtek slik skattlegging for 2010: a. Skatt på formue og inntekt vert utskrive etter høgaste gjeldande satsar. b. Eigedomsskatten, jf. lov av 5.06.75, vert utskriven med kr. 7,- for kvar 1000 kr. i takstverdi. Skatten vert utskriven på verk og bruk. 6. Kommunestyret vedtek slik bruk av fond 2010: a. 9,5 mill kr av konsesjonsavgiftene vert brukt til driftstiltak og avdrag på lån. b. Renter og avkasting av kommunen sine omløpsmidlar, inklusive fond, vert å sjå samla. Avkastinga avsett til fond vert sett til 2 mill kr. Ev meiravkasting/mindreavkasting vert ført mot bufferfond. c. Det vert nytta 17.6 mill kr ( 2010) av heimfallsfondet til delfinansiering av Luster bad. 7. Kommunestyret vedtek å ta opp nye lån slik: a. Det vert teke opp lån til ordinære investeringar på kr 32.585.000,-. b. Forskotteringslånet til Gullringen vert auka frå 115 til 120,5 mill kr. Auka låneopptak vert teke opp som eit avdragsfritt lån tilsvarande tidlegare oppteke lån. 8. Kommunestyret vedtek slik forvaltning av konsesjonskrafta: a. Konsesjonskraft til eige bruk og til Sognekraft (gjenkjøp) vert seld som i 2009, jf vedtak i k-sak 92/09. b. Næringslivskundar får tilbod om kjøp av kraft til 28 øre pr kwh + påslag + mva gjennom eittårskontraktar (2010). c. Resterande kraft vert forvalta med grunnlag i vedteken risikostrategi, jf k-sak 92/09. 9. Fullmakter elles: a. Kommunestyret gjev formannskapet fullmakt til å disponere tilleggsløyvingar og nye løyvingar. Rådmannen får likevel fullmakt til å fordele tilleggsløyving løn. b. Kommunestyret gjev formannskap / rådmann fullmakt il å gjennomføre investeringane innanfor dei rammer/presiseringar som ligg i budsjettet. c. I tillegg får rådmannen følgjande meir spesifiserte fullmakter: Fullmakt til å inngå avtalar om grunnkjøp innafor dei kostnadsrammer og presiseringar som ligg i budsjettet.. Fullmakt til å inngå avtale med Reisemål Sogndal og Luster AS og Skjolden Cruisekai AS i høve cruisesatsinga i 2010-11. d. Kommunestyret gjev kyrkjeleg fellesråd fullmakt til å disponere løyvinga på kr 150.000 til investeringar kyrkja. 10. Rapportering 2010: Rådmannen rapporterer til kommunestyret slik:
a. Årsmelding og rekneskap i samsvar med kommunelova sine reglar. b. Rapportar pr 1. og 2. tertial med tilråding om naudsynte budsjettendringar. c. Separate byggje- og anleggsrekneskapar for definerte investeringsprosjekt (kontoklasse 0) med eit samla kostnadsoverslag på minimum 2,5 mill kr. d. Ihht vedteken strategi for forvaltninga av konsesjonskrafta. Jf k-sak 92/09.
Saksutgreiing: Prenta vedlegg: omdelt). Uprenta vedlegg: Rådmann sitt framlegg til budsjett/økonomiplan/planleggingsprogram (tidlegare Innkomne uttaler. Samandrag: Rådmannen legg med dette fram ordinær politisk sak i høve den lovregulerte handsaminga av budsjett/økonomiplan/planleggingsprogram. I saka er det lagt inn nokre endringar og presiseringar i høve rådmannen sitt framlegg av 29.10.09. Utval som har vedtaksmynde: Kommunestyret. Fakta: Rådmannen legg no fram ordinær politisk sak i høve budsjett/økonomiplan/ planleggingsprogram for 2010/2010-13. I saka er det lagt opp til nokre endringar i høve rådmannen sitt samla framlegg av 29.10.09. Driftsbudsjettet I høve driftsbudsjettet er det lagt opp at nokre få oppdaga feil vert retta og likeeins at nokre aktivitetar som skal skje i 2010 vert omtalte/presiserte. Jf vedtakspunkt 1a.-c. Kommunen mottok 26.10.09 møteprotokoll frå Alarmsentralen der vedteken kontingent for Luster kommune er kr 540.000, fordelt med kr 460.000 på brann og kr 80.000 på tryggleiksalarmar. Dette er kr 90.000 utover det som er budsjettert. Rådmannen tilrår at budsjettet vårt vert tilpassa. Jf vedtakspunkt 1d. I samband med innføring av felles utlånssamarbeid for biblioteka i fylket må bibliotekbasane oppgraderast. Tilhøyrande kostnader er ikkje innlagde i budsjettet. Rådmannen tilrår difor at bibliotek sitt budsjett for 2010 vert auka (kr 22.000). Endringa går fram av vedtakspunkt 1e. I budsjettet for 2010 tilrår rådmannen skuletilpassingar for 7-klassingane ved 3 skular frå august 2010. Denne tilrådinga byggjer på vedtak i f-sak 88/09, som igjen byggjer på delegert fullmakt: Formannskapet er innforstått med at ved utrekning av basistimetal for skulane som del av førearbeidet til kommunebudsjettet, kan rådmannen foreslå avvik frå dei tradisjonelle skulekrinsgrensene for enkeltelevar der større fleksibilitet medfører reduksjon i tal grupper/klassar og dermed innsparing av personalkostnader. Rådmannen konstaterer at det frå politisk side har vore uttalt at ein ikkje har meint å leggje opp til tilpassingar av den typen rådmannen har tilrådd. Rådmannen tilrår difor med tilvising til dette at iverksetjinga av nemnde tilpassingar førebels vert utsette til hausten 2011 og at kommunestyret innan den tid klårgjer kva som skal vere Luster kommune sin politikk på dette området. Denne utsettinga krev at driftsbudsjett grunnskule vert styrka med kr 810.000 i 2010 og kr 1.140.000 i 2011. Jf vedtakspunkt 1f og 2d. Eigedomsskattegrunnlag for kraftverk for 2010, motteke 2.11.2010, syner ein auke på 74,7 mill kr. Dette gjev ein auke i utskriven skatt for same år på kr 500.000. Jf vedtakspunkt 1g. Det er førebels ikkje grunnlag for å vidareføre denne påplussinga.
I driftsbudsjett 2010 er det lagt til grunn ein pensjonspremie til KLP på 17% for all budsjettert fastløn. Nye berekningar frå selskapet gjer at det her er grunnlag for å redusere nivået med 1,2 mill kr. Jf vedtakspunkt 1h. Det er førebels ikkje grunnlag for å vidareføre denne påplussinga. I budsjett 2010 er det lagt til grunn ei gjennomsnittleg rente på kommunen sine lån på 2,25 %. Rådmannen vil med bakgrunn i den renteauke som no er komen og utviklinga i styringsrenta til Noregs bank tilrå at rentenivået vert auka til eit 2,5 %, tilsvarande kr 800.000. Jf vedtakspunkt 1i. Rådmannen arbeider no med å ferdigstilt moglege styringsmål for NAV Luster for 2010. Dersom desse er klåre til formannskapsmøtet 2.12.09, vonar vi at dei kan innarbeidast då. Investeringsbudsjettet 2010 /økonomiplan I talbudsjettet er Luster bad ført som skulebygg og såleis tenkt rapportert som skulebygg. Det vert no lagt opp til at anlegget får status som idrettsbygg. Endringa går fram av punkt 2.a. Løyvinga til andre avløpstiltak er feilført - vassforsyning i staden for kloakk. Vedtakspunkt 2b korrigerer dette. Planleggingsprogrammet For to tiltak sin del er det ikkje samsvar mellom planleggingsprogram og forslag til økonomiplan. Planleggingsprogrammet vert foreslege endra jf vedtakspunkt 3a.-b. Dato: 26.11.2009 Tore Eriksen Jan Kåre Norberg rådmann økonomisjef Særutskrift skal sendast: m/kopi til: