SAKSFRAMLEGG. Sakshandsamar: Inger Handegård Arkivsaksnr.: 05/1534. Reguleringsplan Hafslo sentrum - 3. gongs handsaming. Godkjenning.

Transkript

1 SAKSFRAMLEGG Sakshandsamar: Inger Handegård Arkivsaksnr.: 05/1534 Arkiv: L12 Reguleringsplan Hafslo sentrum - 3. gongs handsaming. Godkjenning. Rådmannen si tilråding: 1. Plan- og forvaltningsstyret sluttar seg til rådmannen sine tilrådingar for det som gjeld handsaming av innkomne merknader. 2. Plan- og forvaltningsstyret rår til at kommunestyret gjer slikt vedtak: I medhald av reglane i 27 2 i plan- og bygningslova, vedtek kommunestyret reguleringsplan, datert , for Hafslo - skuleområdet.

2 Saksutgreiing: Prenta vedlegg: Framlegg til reguleringsplan for Hafslo sentrum skuleområdet datert Framlegg til reguleringsføresegner for Hafslo sentrum skuleområdet datert Uprenta vedlegg: Innkomne merknader etter 2. gongs offentleg ettersyn Samandrag: Hovudføremålet med planarbeidet er å sikra areal for utviding av barnehagen på Hafslo, sikra areal for bygging av 7-ar bane - fotball, tryggja tilhøve for køyrande, gåande og syklande som skal til barnehage og barneskule, auka parkeringskapasiteten for barnehage og barneskule, gi betre tilkomst for gåande og syklande til friområda langs Hafslovatnet og til småbåthamna og leggja til rette for gang- og sykkelveg til bustadområdet Prestegarden som vist i kommuneplanen arealdelen. Planen omfattar området på sørsida av fylkesveg 337 mot Hafslovatnet frå og med småbåthamna til og med bedehuset. Planutkastet får ikkje innverknad på eksisterande planløysingar for fylkesveg 337 gjennom Hafslo sentrum. Utval som har vedtaksmynde: Ny plan- og bygningslov vart gjort gjeldande frå Planar som vart lagt ut til offentleg ettersyn før den nye lova vart gjort gjeldande, kan handsamast etter reglane i den gamle plan- og bygningslova. Det blir gjort her. Heimelen for vedtak blir såleis slik: Plan- og forvaltningsstyret for det som gjeld handsaming av merknader, jf i plan- og bygningslova av Kommunestyret for det som gjeld godkjenning av reguleringsendringa. Fakta: Januar 2005 vart det sett ned ei prosjektgruppe som skulle sjå på plassering av ei mindre fotballbane nær skuleområdet på Hafslo. Mai 2005 ber Hafslo idrettslag Luster kommune om å setja i gang regulering av området ved skulane. Målet med reguleringa er å realisere bygging av femmarbanefotball på Hafslo i samsvar med kommunedelplan for idrett og friluftsliv. I formannskapet , F sak 0039/05 og kommunestyret , K sak 0060/05, vart det gjort vedtak om oppstart av reguleringsplanarbeid. Grunna arbeid med kommuneplanen, arealdelen og avklaring av barnehagestrukturen på Hafslo, gjekk det tid frå vedtak om oppstart til sjølve planarbeidet starta. Planprosessen vart starta opp i samsvar med reglane i plan- og bygningslova med annonsering i Sogn Avis og brev til grunneigarar og høyringsinstansar For å kunna gjennomføra ei reguleringsendring gjekk Luster kommune i 2007 i gang med forhandlingar med grunneigar til 146/3, Lars Kalhagen, for å løysa inn eigedommen. Desse forhandlingane er sluttført. 4. desember 2008 vert kommuneplan for Luster arealdelen vedteken i kommunestyret. Reguleringsplanframlegget er utarbeida i samsvar med kommuneplanen. Planen vart handsama av Plan- og forvaltningsstyret 1. gong 19. mai 2009, sak 28/09. PFV vedtok å leggja framlegg til ny reguleringsplan ut til offentleg ettersyn i tida 2. juni til 11. juli Planen vart handsama for 2. gong i PFV der det vart gjort vedtak om å leggja planen ut til nytt offentleg ettersyn i tida 2. februar til 6. mars Det kom inn 7 merknader etter at planen var ute til offentleg ettersyn for 2. gong.

3 Samandrag av merknader etter offentleg ettersyn: Fylkesmannen i Sogn og Fjordane datert Miljøvernavdelinga, Landbruksavdelinga og Beredskap/samfunnstryggleik har ikkje merknader til planen. Rådet for funksjonshemma datert Rådet viser til tidlegare uttale i saka og ber om at parkeringsplass/rundkøyring vert flytta lenger ut mot fylkesvegen for å unngå trafikk i leikeområdet. Rådet ber også om at storleiken på parkeringsplassen vert vurdert på nytt. Både parkeringsplass og rundkøyring er flytta lenger ut mot fylkesvegen enn det som var vist på planen ved 1. gongs handsaming. Å flytte rundkøyringa endå nærare fylkesvegen er vanskeleg dersom ein skal unngå å byggje ut meir dyrka mark enn det som er vist på planen. Storleiken på parkeringsplassen er på 21 plassar pluss ein HC-parkering. Parkeringsplassen skal på dagtid kunna nyttast av tilsette i barnehagen og til levering av born. Barnehagen vil etter utvidinga ha ca. 10 tilsette og 60 barnehageplassar. På kveldstid skal parkeringsplassen nyttast av dei som brukar fotballbane og friområde. Merknaden vert ikkje teken til følgje. Berit og Jarle Henning Søhoel eigar av vestdelen av naust innafor regulert område O 5 datert og Det går ein veg ned til naustet gjennom eigedommen til Lars Kalhagen. Vegen er halden i hevd frå gamalt av. Då me kjøpte garden i 2005 ville me nytte vegen ned til naustet, for å unngå å køyre gjennom skuleplassen, men vegen var stengd av traktor og til innhegning av hest. Me ynskjer å ivareta denne retten til veg ned til naustet og at det blir teke med i reguleringsplanen. Nausta er i framlegg til reguleringsplan regulert til offentleg område. Det er difor uaktuelt å regulere inn ein privat vegrett til naustet. Men fram til naustet eventuelt vert innløyst av Luster kommune, må det vera vegframkost ned til nausta. Retten til å kunna nytta denne vert lagt inn i reguleringsføresegnene. Merknaden vert delvis teken til følgje. Reguleringsføresegnene får fylgjande tillegg i 9: d: Nausta skal ha vegtilkomst via innkøyring frå fylkesvegen mot Kalhagen og regulert gangveg til friområdet F 1. Jan Beheim eigar av austdelen av naust innafor regulert område O 5 datert Han har vegrett fram til naustet. Jan Beheim er ikkje tilskriven i samband med at reguleringsplanframlegget for Hafslo sentrum er lagt ut til offentleg ettersyn. Dersom det er aktuelt for Luster kommune å overta naustet til bruk for skulane mm, ønskjer han oppført nytt naust på ny stad. At det eine naustet har to eigarar har ikkje vorte registrert når ein registrerte eigarar innafor regulert område. Dette kan ein berre beklaga. Lista over grunneigarar er no ajourført.

4 Kva form ein erstatning skal ha må takast opp gjennom forhandlingar med nausteigar. Innafor regulert område er det ikkje sett av nye område for bygging av naust, slik at tomt til eventuelt nytt naust på løysast på anna stad. Når det gjeld vegrett til naustet, sjå merknad frå Berit og Jarle Henning Søhoel. Merknaden vert delvis teken til følgje. Reguleringsføresegnene får fylgjande tillegg i 9: d: Nausta skal ha vegtilkomst via innkøyring frå fylkesvegen mot Kalhagen og regulert gangveg til friområdet F 1. Leif Stølen eigar av gbnr 149/22 datert Han godkjenner det planframlegget som no ligg føre. Dette framlegget samsvarer med synfaringa 20. juli Om reguleringsplanen vert gjennomført og det vert grensejustering, skal nytt gjerde setjast opp kostnadsfritt for eigar av gbnr. 149/22. Når det gjeld grensejustering/erstatning/nytt gjerde, må dette takast opp med forhandlingar knytt til gjennomføring av reguleringsplanen. Anvor M. Osmundsvaag grunneigar gbnr 149/15 datert Eksisterande på- og avkøyrsler er smale og vanskelege å bruka. Dette fører til at gangvegen vert brukt som køyrebane av oss og dei andre bebuarane som på- og avkøyrslene er meint for. Det kan vel ikkje vera slik det vart tenkt då dette var planlagt, at gangvegen skulle tena som parallell køyrebane til hovudvegen. Ho ber om at dei eksisterande på- og avkøyrslene mellom 149/15 og 149/33 og mellom 149/15 og 149/21 (ikkje avmerka på kartet), vert utvida. Fellesavkøyrsla mellom 149/15 og 149/33 skal også gi vegtilkomst til eigedommen 149/16. Avkøyrsla er smal og med bakgrunn i den framlagde problemstillinga vert den teikna med vanleg svingradius der den møter fylkesvegen. Avkøyrsla mellom 149/15 og 149/21 er ikkje innteikna då dette er ei privat avkøyrsle som skal liggja slik som den ligg i dag. Problema med dei to avkøyrslene er fyrst og fremst ikkje kva dei er regulerte til, då alt er trafikkområde i planen, men korleis avkøyrslene er utforma. Fellesavkøyrsle mellom gbnr 149/15 og 149/33 vert justert med betre svingradius mot fylkesvegen. Vurdering: Arealutnyttinga er i samsvar vedteken arealdel av kommuneplanen. Dei små endringane i planen er mindre justeringar som ikkje krev at planen må leggjast ut til nytt offentleg ettersyn. Rådmannen rår til at reguleringsframlegget blir godkjent. Dato: Tore Eriksen Arne Ingjald Lerum rådmann Plansjef Særutskrift skal sendast:

5 m/kopi til: