Årdal kommune Sakspapir Saksnr. Utval Møtedato 077/17 Formannskapet 15.06.2017 Sakshandsamar: Johannes Henrik Myrmel Arkiv: K2 - L12 Arkivsaksnr. 17/359-17/8006 Detaljreguleringsplan for Storevegen 67, Øvre Årdal Saka gjeld Saka gjeld 1. gangs handsaming av framlegg til Detaljreguleringsplan for Storevegen 67. Planen femnar om eigedommane gnr 16, bnr 355 samt tilgrensande kommunal veg med fortau i Øvre Årdal. Planområdet er på om lag 2,5 daa. I kommuneplanen er området sett av til tettstadområde (bygg og anlegg). Det ligg ikkje føre vedteken reguleringsplan for området. På eigedommen er det ført opp ein nyare einebustad. Formålet med planarbeidet er å legge til rette for etablering av samankjeda bueiningar. Arealet sett av til bygg og anlegg utgjer 2,2 daa med ein grad av utnytting som varierer frå 0 %-BYA = 40 til %-BYA = 60, der det kan førast opp bygg på inntil 3 etasjar. Bakgrunn Bakgrunnen for planframlegget er ynskje om å legge til rette for oppføring av bustader på eigedommen gnr 16, bnr 355. Planspørsmålet vart handsama av formannskapet den 14.03.2017 i sak 022/17. Det vart tilrådd oppstart av planarbeidet. Gjennom handsaming vart det klarlagt at det skal utviklast løysingar som er med å bygge opp om og vidareutvikle dei etablerte strukturane samt karakteren til tettstaden. Vidare går det fram av vedtaket at det bør dokumenterast kva val som vert gjort. Ei enkel analyse bør følgje planframlegget. Den må vere grunnlaget for å ta stilling til hovuddisponeringa for utvikling av planområdet Formålet med planarbeidet er å legge til rette for etablering av samankjeda bueiningar. Arealet sett av til bygg og anlegg utgjer i underkant av 2,2 daa med ein grad av utnytting som varierer frå %-BYA = 40 til %-BYA = 60, der det kan førast opp bygg på inntil 3 etasjar. Innanfor planområdet er det i dag eit nytt bustadhus, eit nedlagt gartneri med drivhus og eit uthus/drivhus. Gjennomføring av føreliggande planer føreset at gartneriet og driftsbygningen vert fjerna. Planarbeidet har ikkje avdekt at planarbeidet reiser vesentlege utfordringar verken i høve
risiko og sårbarheit eller verknadane av planen. For nærmare gjennomgang av planframlegget, vert det synt til vedlagt plan med tilhøyrande planføresegner, planomtale og ROS-analyse. Området er lokalisert innanfor areal som i kommuneplanen er sett av til bygg og anlegg (tettstadområde). Formålet femnar om areal der det kan etablerast bustader, barnehage, undervisningsbygg, helseinstitusjonar, bygg for religiøs utøving og forsamlingslokale. Arealet er ikkje regulert. I samsvar med 1-2 i føresegnene er det krav om reguleringsplan før området kan byggast ut. Gjennom føresegnene gjer det seg gjeldande ei rekke krav til omsyn som skal ivaretakast i planen. Kommunen vedtok i møtet den 18. mai 2017 Va-norm med tilhøyrande overvassnorm. Det er krav om at overvatn skal omtalast i alle planer. Det vert jobba med plan for overflatevatn. Den vert lagt fram i møte. I samband med oppstart av planarbeidet vart det konkludert med at planarbeidet ikkje vart fanga opp av virkeområdet til forskrifta om konsekvensutgreiingar. Vurderingane som er gjort følgjer av planomtalen til planen. Merknader til varsel om oppstart av planarbeidet Til varsel om oppstart av planarbeidet mottok regulant 3 merknader. MerknadAne er primært knytt til samfunnstryggleik. Nedanfor er merknadane oppsummert. For nærmare gjennomgang av merknadane, vert det synt til dokumenta i saka. Fylkesmannen i Sogn og Fjordane Miljø syner til at verknaden av planen skal klargjerast i eiga omtale som følgjer planframlegget. Dei mest sentrale spørsmåla er knytt til barn og unge og spesielt trygging av areal til nærleikeplass. Landbruk har ikkje avgjerande merknader til planarbeidet. Ved sida av ovannemnde, vert det synt til standard skriv frå fylkesmannen med krav til innhald i plan. Noregs vassdrags- og energidirektorat NVE peikar på at området er lokalisert innanfor fareområde for skred, og utanfor det kartlagde område for skred. Dei ber om at ev. fare vert avklart med tilhøyrande føringar i planen. Vurderinga må gjerast av person med tilstrekkeleg kompetanse på skred. Statens vegvesen Planområdet er lokalisert langs kommunal veg. Vegstyresmaktene har ikkje merknader til planframlegget. Sissel Merete Torvund Nyheim, Tormod Torvund, Kristin Bukve Strand og Jørgen Strand Dei er nærmaste naboar til planområdet. Gjennom reguleringsplanen legg dei til grunn at det vert lagt vekt på at planområdet er lokalisert i eit område med småhusbygnad. Viktig at miljøet vert ivareteke og at området vert regulert i samsvar med gjeldande kommuneplan i høve grad av utnytting, høgder på bygg, avstand til naboar samt avstand mellom bygg. I tillegg vert det peikt på at det må leggast fram plan på kva tryggleik- og miljøtiltak som er tenkt ivareteke i samband med sanering av eksisterande bygningsmasse og utgraving av
tomta. Drøfting Innhaldet i planen og vesentlege verknader av planframlegget er omtalt i planomtalen. Planomtalen gjer greie for både dagens situasjon, innhaldet i planen og vesentlege verknader av planframlegget. Planarbeidet reiser fire hovudproblemstillingar. Desse er knytt til arealbruk og ivaretaking av omsynet til omgjevnadene, barn og unge, naturbasert sårbarheit og verdien av den eldre driftsbygningen som er foreslått fjerna. Forureining er ikkje registrert i området. Krav til tryggleik- og miljøtiltak ved sanering og utgraving av tomt, er føresett ivareteke gjennom handsaming av søknad om gjennomføring av tiltak. Området er i kommuneplanen sett av til bygg og anlegg (tettstadområde). Formålet femnar bl.a. om bustader. Formålet med planen er å legge til rette for utbygging av ledig areal med moderne og framtidsretta bustader i området der det ikkje er naudsynt med sikring nær offentleg og privat service. Det er arealbruk som bygger opp om ein utviklingsstrategi som kan omtalast som «klimanøytral». Planområdet er lokalisert i eit område der høgdene på bygg og type bygg varierer frå frittliggande einebustader på halvanna etasje til lågblokk på tre etasjar. Hovudtyngda av bygg er ført opp i perioden frå 1950-talet til 1970-talet. Ny moderne bygningsmasse vil naturlegvis skilje seg frå det som er etablert i området og understerke tida dei er ført opp i. Det er utarbeidd gode 3D-illustrasjonar samt sol/skugge-diagram som syner verknaden av den framtidige bygnaden og korleis den er tilpassa omgjevnadane. Føreslegne høgder på bygg og tettheit skil seg ikkje frå det som er vanleg i området, sjølv om det skil seg frå dei eldre einebustadane i området. Vedlagt 3D-modell klargjer virkningane av planen på ein god måte. Retningslinjene for barn og unge klargjer at det skal settast av tilstrekkeleg med uteopphaldsareal som skal vere eigna med bl.a. gode soltilhøve samt skjerma for fare og ureining. I planen er det foreslått sett av eit minste uteopphaldsareal på 25 m² pr eining. Det er det normale i slike områder. Det er alltid ønskeleg med større areal. Areala mellom bygg vil også fungere som viktig opphaldsareal spesielt for dei minste. Området er lokalisert med kort avstand til anna eigna areal ved skulen. Det er ikkje avdekt at støy er ei utfordring i området. NVE har peikt på at området er lokalisert innanfor aktsomheitsområde for skred. Arkitektkontoret 4B har vore i kontakt med NGI ved Ulrik Domaas. I e-post av 19. mai 2017 skriv Domaas: «Jeg har sjekket faresonekart vi har laget for NVE og det er riktig at de aktuelle områdene ligger utenfor kartlagt område. Ved å se på de inntegnede faresonen og anta om forlengelse ovenfor de aktuelle tomtene ser vi at eiendom 16/355 18/7,18/ og 18/23 alle ligger utenfor rekkevidde til snøskred. På aktsomhetskartet til NVE ligger også områdene utenfor rekkevidde til steinsprang og jord- og flomskred. Årdal sentrum er sikret med flomvoll mot
flodbølger, men det har vi ikke undersøkt nærmere.» Den gamle driftsbygningen er registrert i SEFRAK-registeret. I planomtalen er tidlegare bruk og kvalitetar ved bygget skildra. I den går det fram at driftsbygningen ikkje er ein del av eit eldre miljø. I tillegg finst det mange døme på denne typen eldre driftsbygg. Verknaden av å rive driftsbygningen er av forslagsstillar vurdert til å vere ubetydeleg. Planframlegget synest på dei fleste punkta å vere gjennomarbeidd på ein måte som gjer det tilpassa utfordringane som planen reiser. Økonomi Er ikkje vurdert. Folkehelseperspektiv Planframlegget legg opp til ei utbygging på areal som i kommuneplanen er omdisponert til utbygging med kort avstand til både privat og offentleg service. Langs planområdet er det regulert fortau. Arealbruken bygger opp om utnytting av etablert infrastruktur samt utvikling av mjuke samband mellom dei ulike funksjonane og områda i Farnes. Miljø Det er gjennom arbeidet ikkje avdekt at arealbruken i reguleringsplanframlegget fører til nye miljøutfordringar. Støy er føresett ivareteke gjennom handsaming av søknader om gjennomføring av tiltak. Naturmangfaldsloven femnar om all natur og alle sektorar som forvaltar natur eller som fattar vedtak som kan ha konsekvensar for natur. Gjennom loven er det, bl.a. innført forvaltningsmål for naturtypar og artar, krav til kunnskapsgrunnlag og rettslege prinsipp for natur (føre-var, samla belasting m.m.). Det går av 8 første leidd i naturmangfaldsloven fram at vedtak som rører naturmangfaldet skal bygge på vitenskapleg kunnskap om artar sin bestandssituasjon, naturtypar si utbreiing og økologisk tilstand samt effekten av påverknad. Området er teke i bruk og bygd ned. Gjennom planarbeidet er det ikkje komme fram informasjon om at arbeidet får nye verknader. Det ligg ikkje føre informasjon om at det er naudsynt å gjere tilleggsvurderingar/registreringar gjennom dette planarbeidet sidan området er lokalisert i sentrum og arealet tidlegare har vore nytta til næring (gartneri). Planframlegget legg til rette for omdanning frå næring/landbruk til bustad. Ut frå dei opplysningane som ligg føre er det ikkje komme fram informasjon som inneber at det bør innarbeidast avbøtande tiltak for å unngå mogleg skade på naturmangfaldet, jf. 9 i naturmangfaldsloven. Det er heller ikkje avdekt omsyn gjennom planarbeidet som inneber at det bør stillast krav om miljøforsvarlege teknikkar og driftsmetodar ut over det som følgjer direkte av lov og forskrift for denne typen verksemder. Tilråding: Formannskapet legg med heimel i 12-10 i plan- og bygningslova Detaljreguleringsplan for Storevegen 67 (sist datert 7. juni 2017) ut til offentleg ettersyn. 15.06.2017 Formannskapet Tilråding frå rådmann vart teken opp til røysting. Røysting.
Tilråding frå rådmann vedteken samrøystes. Fskap-077/17 Vedtak: Formannskapet legg med heimel i 12-10 i plan- og bygningslova Detaljreguleringsplan for Storevegen 67 (sist datert 7. juni 2017) ut til offentleg ettersyn. Vedlegg: 3D-Illustrasjon 1 3D-Illustrasjon 2 3D-Illustrasjon 3 Bruttoliste-ROS Storevegen67 DRPLAN_Storevegen-67 Illustrasjonsplan Innspel-oppstart Planomtale og føresegner - Storevegen 67