Fjell kommune Arkiv: 504 Saksmappe: 2014/ /2016 Sakshandsamar: Lene Takvam Dato: SAKSDOKUMENT

Transkript

1 Fjell kommune Arkiv: 504 Saksmappe: 2014/ /2016 Sakshandsamar: Lene Takvam Dato: SAKSDOKUMENT Utvalsaksnr Utval Møtedato 124/16 Komité for plan og utvikling Framlegg til detaljreguleringsplan for Gamlevegen del av gnr 59/1 - Misje. 1. gangshandsaming. Tiltakshavar: Partner Eiendom Vest AS Samandrag av saka: Ard arealplan as har på vegner av Partner Eiendom Vest AS utarbeidd framlegg til detaljreguleringsplan for Gamlevegen del av gnr 59/1 Misje (PlanID: ). Planområdet er omlag 17 daa og ligg nordvest for Kvernavatnet på Misje. Området er i kommuneplanen avsett til landbruk, natur og friluftsområde med spreidd bustadbygging. Planen legg til rette for oppføring av 6 tomannsbustader og 1 einebustad, leikeplass og gangveg til fv561. Rådmannen tilrår at planen vert lagt ut til offentleg ettersyn, med dei endringar som går fram av saksutgreiinga. Innstilling: Komité for plan og utvikling vedtek: I medhald av plan- og bygningslova 12-10, godkjenner Komité for plan og utvikling at framlegg til detaljreguleringsplan for Gamlevegen del av gnr 59/1 Misje, med plankart datert, føresegner datert, og planskildring datert, vert lagt ut til offentleg ettersyn, med dei endringane som går fram av saksutgreiinga. Straume, den Steinar Nesse Rådmann Berit Karin Rystad Plan- og utbyggingssjef

2 Handsama i Komité for plan og utvikling : Arealplanleggjar Lene Takvam orienterte om planen. Innstillinga vart samrøystes vedteken Vedtak i Komité for plan og utvikling : Komité for plan og utvikling vedtek: I medhald av plan- og bygningslova 12-10, godkjenner Komité for plan og utvikling at framlegg til detaljreguleringsplan for Gamlevegen del av gnr 59/1 Misje, med plankart datert , føresegner datert , og planskildring datert , vert lagt ut til offentleg ettersyn, med dei endringane som går fram av saksutgreiinga. Dokument vedlagt saka: A. Plankart, datert B. Føresegner, datert C. Planskildring, datert D. Illustrasjonsplan, datert E. Snitt, datert F. Illustrasjonsplan med faresone, datert Saksopplysningar: Ard arealplan as har på vegner av Partner Eiendom Vest AS utarbeidd framlegg til detaljreguleringsplan for Gamlevegen del av gnr 59/1 Misje (PlanID: ). Bakgrunn for saka og planstatus KPU gav den løyve til oppstart av reguleringsplan for Gamlevegen del av gnr 59/1 Misje. Planframlegget er i samsvar med førespurnad om regulering. I samband med ny kommuneplan, der KPU var styringsgruppe, vart det sendt innspel om å gjere om arealformålet til bustad. Innspelet vart delvis teke til følgje då ein større del av området vart omgjort frå LNF til framtidig LNF- med spreidd bustadbygging. Det vart utarbeidd konsekvensutgreiing for innspel til kommuneplanen i Området inngår i si heilheit i denne utgreiinga og det vart ikkje avdekka vesentleg negative konsekvensar i høve til miljø- og samfunn. Ny kommuneplan vart vedteken I gjeldande kommuneplan ligg området i hovudsak i landbruk, natur og friluftsområde (LNF) med spreidd bustadbygging. Delar av skissert tilkomstveg ligg i LNF område. I følgje kommuneplanen vil eventuelle reguleringsplanar innanfor LNF-spreidd ta av byggekvotene.

3 For Nordre Fjell (Turøyna, Misje, Solsvika, Landro og Vindenes) er kvoten sett til 31 bustadeiningar. Planområdet Planområdet er på om lag 17 daa og ligg nordvest for Kvernavatnet på Misje. Området har tilkomst frå kommunal veg rett nord for snuplass/busshaldeplass. Sosial- og teknisk infrastruktur: Næraste barneskule er Misje skule, om lag 600 meter mot nordvest. Her er det også ballplass og leikeplass. Misje skule er planlagt lagt ned, og elevane vil då overførast til Landro barneskule. Skulebuss til ungdomsskulen går frå snuplass/busshaldeplass rett sør for planområdet. Ordinær rutebuss går på fylkesvegen. Det er gang- og sykkelveg langs fv561, men ikkje overgangsfelt eller liknande for kryssing av vegen. Naturmangfald Planområdet er kupert og består av skrinn fastmark med lyngvegetasjon, noko myr og bart fjell i dagen. Det er ikkje registrert artar eller naturtypar i naturbasen eller artskart.no i planområdet. Det er heller ikkje registrert trekkvegar for vilt i området. Planframlegg Planen legg til rette for oppføring av 6 tomannsbustader og 1 einebustad, leikeplass og gangveg til fv561. BYA er sett til 25-30% med minste ute opphaldsareal på min. 200m 2 pr bustadeining. Terrassar, takterrassar, altanar o.l. skal ikkje reknast med som MUA. Parkeringsdekning er sett til 2 p-plassar pr eining. For tomannsbustadene skal parkering skal løysast på felles parkeringsplassar. Det vil bli lagt til rette for felles bossoppstillingsplass innanfor f_bkt nord i planområdet. Leikeplass ligg midt i bustadfeltet, er skjerma frå vind og har gode solforhold. Delar av plassen vil bli planert på same høgde som vegen og få universell utforming. Veg- og trafikktilhøve: Tilkomstvegen til bustadene, f_sv1, er regulert med ei breidde på 3,5 meter. Vegen er enkelte plassar gjort litt breiare slik at det er mogleg å passere to bilar. Frå den nordlege delen av f_sv1og sørvestover til Fv 561er det lagt til rette for gangveg (f_sgg) på 2,5 meter slik at ein sikrar ein trafikksikker tilkomst til gang- og sykkelveg langs fylkesvegen. Støy I støyrapport, utarbeida av Sweco er det avdekka at vestleg del av område kan være utsett for støy. Det er sett krav til 1,2 meter høg og 30 meter lang støyskjerm for einebustad på BFS4, For bustadene i vert føresett at haugen vest for bustadene vert behalde. Ved endring av haugen si høgde og utbreiing må nye berekningar utførast. Vurdering: I følgje kommuneplanen vil eventuelle reguleringsplanar innanfor LNF-spreidd ta av byggekvotene. For Nordre Fjell (Turøyna, Misje, Solsvika, Landro og Vindenes) er kvoten sett til 31 bustadeiningar. Rådmannen meiner det planlagde bustadfeltet tek ein uforholdsmessig stor del av kvota. Konsekvensen kan bli at ein avgrense høve for etablering av spreidd busetnad i bygdene, som er intensjonen med LNF-spreidd områda.

4 Trafikksikring For å sikre trygg skuleveg og trygg tilkomst til nærmaste busshaldeplass er det i kommuneplanen sett krav til at det i reguleringsplanar skal sikrast samanhengande fortau eller gang- og sykkelveg fram til nærmaste skule/kollektivhaldeplass. Rådmannen finn det dette tilfellet urimeleg å sette krav til fortau til Misje skule, ettersom denne er planlagt lagt ned, og elevane skal overførast til Landro barneskule frå august Med omsyn til f_sv2 finn rådmannen at denne gjev trygg tilkomst til snuplass på Gamlevegen, der skulebussen stoppar. Planen legg til rette for trygg tilkomst til gang- og sykkelvegen langs fv561 via gangveg f_sgg. Det er dermed trygg tilkomst til kollektivhaldeplass langs austsida av vegen. Kryssing av fylkesvegen er problematisk i dag, og m.a. lysregulert overgangsfelt ligg inne i framlegg til kommunedelplan for trafikksikring Rådmannen meiner dette bør opparbeidast før feltet vert utbygd, men finn det problematisk å sikre dette med rekkefølgjekrav, ettersom ein eventuell opparbeiding vert styrt av vegvesenet. Det er i teiknforklaringa vist til frisiktsone H140. Rådmannen kan ikkje sjå denne på kartet, og legg til grunn at denne ved ein inkurie er fallle ut. Det må regulerast frisiktsone frå f_sv2 til Gamlevegen (o_sv1). Skred Det er avdekka fare for steinsprang i rapport frå SGC Geofare AS. Rådmannen er nøgd med at krev om sikring er lagt inn som rekkefølgjekrav i føresegnene, men tilrår også at området vert vist med faresone i plankartet. Terreng, støy I føresegnene er det nemnt at det vert føresett at haugen(lna2) vest for bustadene vert behalde. Ved eventuell endring av haugen si høgde og utbreiing må nye berekningar om støy utførast. Rådmannen meiner bevaring av landskap er ein god måte å skjerme område mot støy. Bevaring av naturleg landskap vil også medverke til at fjernverknaden vert minimert i eit eksponert landskap. I føresegnene står det at «LNA1-LNA3 er eksisterande naturområder som i størst mogleg grad skal liggje urørt.» Rådmannen meiner dette opne for tolking og tilrår at føresegnet vert endra til «LNA1-LNA3 er eksisterande naturområder som i størst mogleg grad skal liggje urørt. Det er ikkje opna for tiltak som er i strid men naturformålet eller som endrar høgde på terreng i LNA2». Tilkomstveg har vore ein utfordring i planframlegget. Vegen vil gje noko terrenginngrep, men ettersom rådmannen ikkje kan sjå ein løysing som vil gje betre terrengtilpassing og samtidig tilfredstillande stigning, vert det ikkje tilrådd endringar. Naturmangfald Det går fram av naturmangfaldlova (nml) 7 at prinsippa i 8 til 12 skal leggast til grunn ved utøving av offentlig mynde. Vurderinga skal gå fram av vedtaket. Ein finn at 8 i nml om kunnskapsgrunnlaget og 9 i nml om føre-var-prinsippet er i oppfylt. Med den kunnskap som finnes om naturtypar og artar i området er det ikkje grunn til å tru at tiltaket vil få konsekvensar når vurderer tiltaket opp mot 10 om økosystemtilnærming og samla belastning. Rådmannen legg til grunn at det med bakgrunn i ovannemnde ikkje er naudsynt å foreta vurderingar etter dei andre miljøprinsippa Oppsummering: Rådmannen tilrår at planen vert lagt ut til offentleg ettersyn når følgjande er retta opp/vurdert: Sone med fare for steinsprang skal visast som faresone i plankartet. Pkt. 7.1 i føresegnene endrast til: «LNA1-LNA3 er eksisterande naturområder som i størst mogleg grad skal liggje urørt. Det er ikkje opna for tiltak som er i strid men naturformålet eller som endrar høgde på terreng i LNA2»

5 Frisiktsone frå f_sv2 mot Gamlevegen (o_sv1) må visast i plankart.