VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR Saksnummer Utval Vedtaksdato 007/17 Formannskapet Saksbehandlar: Johannessen, Ingrid Sak - journalpost: 15/ FØRSTE GANGS HANDSAMING AV DETALJREGULERING FOR ØLEN KYRKJEGARD MED TILKOMST OG PARKERING Rådmannen sitt framlegg til vedtak Forslag til Detaljregulering for Ølen kyrkjegard med tilkomst og parkering vert lagt ut til offentleg ettersyn i samsvar med plan- og bygningslova Plankart og føresegner er datert Formannskapet Rådmannen sitt framlegg til vedtak vart samrøystes vedtatt. FS-007/17 Vedtak: Forslag til Detaljregulering for Ølen kyrkjegard med tilkomst og parkering vert lagt ut til offentleg ettersyn i samsvar med plan- og bygningslova Plankart og føresegner er datert Aktuelle lover, forskrifter, avtalar, reglement m.m.: Plan- og bygningslova og naturmangfaldlova. Saka gjeld: Første gangs handsaming av Detaljregulering for Ølen kyrkjegard med tilkomst og parkering. Saksopplysningar: Planforslaget omhandlar deler av eldre reguleringsplan for «Nerheimsfeltet». Det området som nå vert regulert får eige plankart og føresegner. Det er av den grunn rett at planforslaget blir ein eigen plan med eit eige namn; Detaljregulering for Ølen kyrkjegard med tilkomst og parkering.

2 Omega Areal har på vegne av Vindafjord kommune utarbeidd forslag til detaljregulering. Planområdet er lokalisert like utanfor sentrum av tettstaden Ølen, sør for E 134 og vest for fv Tilkomst til planområdet med bil er frå fv. 514 via Heiabøvegen. Tilkomst til planområdet for gåande vil i hovudsak vere ifrå nord via Kyrkjehumpen og Nerheimsvegen. Planprosess Formålet med planarbeidet er å få på plass tilfredsstillande parkeringstilhøve og tilkomst for gåande og køyrande til Ølen kyrkjegard. Kyrkjegarden med tilkomst og parkering er regulert i reguleringsplan for Nerheimsfeltet, vedteken i kommunestyret , sjå kartutsnitt figur 2 i vedlagte planskildring. Gjennom mange år har det vore eit problem med manglande parkering ved kyrkjegarden i Ølen og tilfredsstillande tilkomst. Tilkomst og parkering slik det går fram av gjeldande regulering, er ikkje opparbeidd. I sak 075/14 handsama kommunestyret parkeringstilhøva ved Ølen kyrkjegard, på bakgrunn av ein tidlegare interpellasjon til ordføraren. Følgande vedtak vart gjort i saka: 1. Det blir starta opp ein reguleringsplanprosess som skissert i løysing nr. 2 i saksutgreiinga. 2. Tiltaket blir finansiert i økonomiplanen for med midlar til planlegging og grunninnløysing i 2015, og bygging i Løysing nr. 2 viser til Rådmannen sitt framlegg om å «Gjere ei mindre reguleringsendring i området ved regulert parkeringsplass i gjeldande plan. Det vil gi ei framtidsretta og endeleg parkeringsløysing for kyrkjegarden, og betre tilkomsten for gåande frå kyrkja og opp til kyrkjegarden ved gravferder.» Som følge av vedtaket i kommunestyret, inngjekk Vindafjord kommune avtale med Omega Areal AS om å utarbeide forslag til endring av reguleringsplan. Oppstart av planarbeidet blei kunngjort i Haugesunds avis og på kommunen sine nettsider Grunneigarar, naboar og offentlege høyringsinstansar blei direkte varsla med brev datert Frist for å komme med merknader vart sett til Det kom innspel frå Norges vassdrags- og energidirektorat, Statens vegvesen, Kulturseksjonen i Rogaland Fylkeskommune og frå grunneigarane Kjersti og Henrik Nerheim. Kulturseksjonen i Rogaland Fylkeskommune sette fram krav om arkeologiske registreringar innanfor planområdet. Det førte til at planarbeidet blei sett på vent i noko tid, men som det går fram av planskildringa, vart det ikkje gjort funn. Innkomne merknader er gjennomgått og kommentert av konsulent i planskildringa s Plantype/planstatus Planforslaget blir lagt fram som ei detaljregulering for Ølen kyrkjegard med tilkomst og parkering. I gjeldande kommuneplan er planområdet sett av til formåla grav- og urnelund, næring og landbruk-, natur- og friluftsliv. I gjeldande reguleringsplan som også omfattar eit større næringsområde i sør, er planområdet elles sett av til grav- og urnelund, fortidsminne, parkering, tilkomstveg, bustad og jord- og skogbruk. Konsekvensutgreiing Det er ikkje sett krav om konsekvensutgreiing for endring av planen. Planforslaget Planområdet er på om lag 19 daa og det er regulert til hovudformåla grav- og urnelund, kulturinstitusjon, parkering, veg og gang- og sykkelveg. Grav- og urnelund Slik forslaget til regulering er lagt fram er arealet sett av til kyrkjegard litt redusert i høve til gjeldande regulering. Tilkomsten blir via parkeringsplassen i framkant av kyrkjegarden. Det går ikkje fram av planforslaget korleis kyrkjegarden skal opparbeidast, men dette må detaljplanleggast i byggeplanfasen.

3 Kulturinstitusjon I gjeldane reguleringsplan er eit areal nord for Nerheimstunet sett av til kulturminne/fortidsminne. Dette arealet inngår i planforslaget og er i sin heilskap regulert til formålet kulturinstitusjon. Det er samstundes lagt omsynssone bevaring av kulturmiljø på arealet og i føresegnene stilt krav om tilpassing til antikvariske verdiar og miljø. Trafikkløysing Køyrande skal komme til gravplassen frå fv. 514 via Heiabøvegen. Tilkomstvegen SV1 er regulert frå krysset ml Nerheimsvegen og Løkjelsmyrvegen. Vegbreidda er regulert til 5,5 m med 0,25 m skulder på begge sider. Veg og vegkryss er planlagt i samsvar med Statens vegvesen si handbok N100. Gang-/sykkelveg er planlagt frå Nerheimsvegen i vest og fram til parkeringsplass i nordaustleg retning. G/s-vegen er planlagt med breidde 3,0 meter og vil bli universelt utforma. Det vil vere naudsynt å markere gangfelt over parkeringsplassen for å gjere trafikktryggleiken betre for mjuke trafikantar. Det blir også tilrettelagt for sykkelparkering. Nerheimsvegen vil fortsett vere tilkomstveg for bustadar og gardsbruk knytt til denne vegen. Vegen, SV2, er regulert med breidde 4,0 meter og er regulert til å vere privat veg som tidlegare. Parkering Parkeringsplassen er utvida noko i høve til gjeldande plan. Det er sett av 1,2 daa som vil gi plass for tosidig parkering og minimum 40 parkeringsplassar. Parkeringsarealet kan også nyttast for besøkande til Nerheimstunet. Vurdering: Busetnad og landbruk Planområdet grensar til eit mindre bustadfelt med 9 einebustadar i sør, til eit litt større bustadområde i nord (Kyrkjehumpen) og elles til LNF-område med spreidd busetnad. Bustadområdet i sør har sin tilkomst via Løkjelsmyrvegen. Trafikken til kyrkjegarden vil gå på Nerheimsvegen som to av tomtene grensar til. Nerheimsvegen er elles tilkomstveg for 5 gardsbruk og 11 bustadhus pr. dags dato. Store deler av landbruksareala som ligg rundt planområdet, er i aktiv drift. Trafikken til og frå kyrkjegarden er vurdert å ikkje vere av slikt omfang at det skapar trafikkfarlege situasjonar. Til vanleg vil besøkande komme sporadisk, men ved gravferder vil trafikken komme på tilnærma same tidspunkt og med relativt låg fart. Stor trafikk vil ikkje førekomme. Kulturminne Planforslaget legg til rette for god tilkomst til Nerheimstunet. Parkeringsplassen er planlagt å vere eit sambruk mellom kyrkjegarden og museumet. Innanfor planområdet er sett av areal til moglege utvidingar av museumsområdet. Det er ikkje nokon kjente planar for dette, men arealet er vidareført i høve til kva som ligg i gjeldande reguleringsplan. Ølen kyrkjegard ligg på Nerheim som også var gamal kyrkjestad. I dag er den gamle middelalderkyrkjegarden ein del av eksisterande kyrkjegard. Ny kyrkje er som kjent bygd nede ved fjorden. Landskap, naturmangfald Planområdet er ein del av eit større kulturlandskap som omkransar Ølensfjorden og Ølen sentrum. Arealet ligg på eit opent og flatt platå over Ølen sentrum, sør for E134 og vest for fv Kyrkjegarden som ligg nord i planområdet, har ein høgdeskilnad på om lag 1 meter. Ei utviding av kyrkjegarden vil ikkje føre til endringar i landskapet. Føresegnene stiller krav om detaljprosjektering av kyrkjegardsområdet i byggeplanfasen.

4 Tilkomst og parkering kjem frå sør. Første del av tilkomstvegen vil følgje eksisterande vegtrase for Nerheimsvegen. Etter om lag 135 meter vil ny vegtrase ta til høgre for Nerheimsvegen og halde fram i om lag 150 meter fram til planlagt parkering. Vegen vil ligge langs eigedomsgrensa med Nerheimstunet og blir liggande i kanten av dyrka mark. Steingarden som går i eigedomsgrensa skal ikkje rørast. Det går fram av planskildringa at forslaget er vurdert etter naturmangfaldlova 8-12, jf. 7. Det er ikkje registrert raudlista artar eller spesielle naturtypar innanfor planområdet. Infrastruktur Ølen vassverk har vassleidningar innanfor planområdet. Det må det takast omsyn til i byggeplanfasen. Ved framføring av VA-anlegg, tele- og elektriske kablar innanfor byggeområda, skal desse så langt råd er, leggjast i jordkabel og terreng skal tilbakeførast til naturleg terreng. Tilkomstvegen er regulert med 5,5 m breidde og 0,25 m vegskulder på begge sider. Vegens kurvatur ved avkøyringa til 291/119 vil bli retta noko ut. Vegen har ei god landskapstilpassing. Trafikkauken er ikkje vurdert å vere av storleik som skapar trafikkfarlege situasjonar på sjølve vegen. Ved ferdig opparbeiding vil området ha tilstrekkeleg med parkeringsareal. Universell utforming Naturgitte føresetnader er gode for å overhalde stigningskrava for at g/s-vegen kan vere universelt utforma. Det er stilt krav om universell utforming av g/s-veg, parkering og gravplass i føresegnene. Tilkomstvegen som gåande og syklande skal nytte frå kyrkja, via Kyrkjehumpen, har ikkje tilfredsstillande stigningsforhold. ROS-analyse Det er gjennomført ROS-vurderingar, sjå vedlegg. Den har avdekka låg risiko for uønska hendingar. I dei tilfelle der det er funne sannsynlegheit for uønska hending samstundes med at konsekvensane av denne hendinga er meir enn ubetydelege, har planforslaget lagt opp til førebyggande tiltak. Trafikkulukke i møte ml gåande og køyrande på parkeringsområdet skal førebyggast med god oppmerking av gangfelt på parkeringsplassen. Skader som følgje av ekstrem nedbør skal førebyggast ved å dimensjonere tilstrekkeleg for handtering av overvatn. Oppsummering Planforslaget opnar for bygging av ny tilkomstveg og parkering til Ølen kyrkjegard. Det er sett av areal til g/s-veg for gåande som kjem frå kyrkja via Kyrkjehumpen og opp til kyrkjegarden. Utforminga av g/s-veg, parkering og kyrkjegard skal vere universell. Utbygginga er finansiert i økonomiplanen for Ei utbygging vil og krevje erverv av grunn. Krav og arkeologiske undersøkingar har utsett opphaveleg plan om grunninnløysing i 2015 og bygging i Det er sett av 7,5 mill. kr til planlegging og gjennomføring av tiltaket. Dei positive verknadene av planen er at ein får på plass ei tilfredsstillande løysing for tilkomst både for gåande og køyrande til kyrkjegarden og at det blir tilrettelagt for parkering. Dei negative verknadene av planforslaget er at nokre grunneigarar blir berørt og må avstå grunn. Vedlegg:

5 Føresegner Planskildring ROS-analyse Plankart