VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR Saksnummer Utval Vedtaksdato 048/17 Formannskapet /17 Kommunestyret Saksbehandlar: Johannessen, Ingrid Sak - journalpost: 11/ Tredje gangs handsaming av Detaljregulering for gang- og sykkelveg Sandeid - Lærdal Rådmannen sitt framlegg til vedtak Detaljregulering for gang- og sykkelveg Sandeid Lærdal vert godkjent slik han ligg føre. Vedlagt plankart er datert og skal påførast målsette tal for breidder på rabatten og f_pv1 og f_pv3 for felles private avkøyringar før vedtak i kommunestyret. Føresegner er datert Kommunestyret Rådmannen opplyste at det i samsvar med vedtaket i formannskapet er utarbeidd nye plankart og justert forslag til vedtak i kommunestyret på bakgrunn av dette. Plankarta er påført målsette tal for breidder på rabatten og f_pv1 og f_pv3 for felles private avkøyringar. Karta er datert Justert forslag til vedtak i kommunestyret er som fylgjer: Detaljregulering for gang- og sykkelveg Sandeid Lærdal vert godkjent slik han ligg føre med plankart 1-3 datert og føresegner datert Etter forslag frå fungerande ordførar vart det justerte forslaget samrøystes vedtatt. KS-039/17 Vedtak: Detaljregulering for gang- og sykkelveg Sandeid Lærdal vert godkjent slik han ligg føre med plankart 1-3 datert og føresegner datert Formannskapet Rådmannen sitt framlegg til vedtak vart samrøystes tilrådd (med 8 røyster).

2 Reidar Håvås var ikkje til stades under avrøystinga. FS-048/17 Vedtak: Tilråding frå Formannskapet: Detaljregulering for gang- og sykkelveg Sandeid Lærdal vert godkjent slik han ligg føre. Vedlagt plankart er datert og skal påførast målsette tal for breidder på rabatten og f_pv1 og f_pv3 for felles private avkøyringar før vedtak i kommunestyret. Føresegner er datert Aktuelle lover, forskrifter, avtalar, reglement m.m.: Plan og bygningslova og naturmangfaldlova. Saka gjeld: Tredje gangs handsaming av Detaljregulering for gang- og sykkelveg Sandeid Lærdal. Saksopplysningar: Bakgrunnen for ei tredje handsaming er kommunestyret sitt vedtak , sak 059/16: «Endra forslag til detaljregulering for gang- og sykkelveg Sandeid Lærdal - redusert rabatt og/eller delvis erstatta av eit skille mellom g/s-vegen og vegen langs heile strekninga og på begge sider av Sandeidvegen blir lagt ut til offentleg ettersyn. Statens vegvesen må gjere nødvendige endringar i plankartet datert , før den blir lagt ut. Føresegner er datert » Dette vedtaket var ikkje i samsvar med Statens vegvesen si innstilling. Det går fram av saksutgreiinga til andre gangs handsaming kva vurderingar som låg til grunn for kommunestyret sitt vedtak. I hovudsak var bakgrunnen for vedtaket eit ønske om å redusere tapet av verdfull landbruksjord og redusere inngrep på private eigedomar. Rådmannen skreiv i saka til andre gangs handsaming m.a. følgande: «Kommunen er einig i fylkeskommunen sin merknad om at mykje jordbruksareal går med til vegformål. Det vert gjort inngrep på 7 landbrukseigedomar og totalt sett 10,3 daa fulldyrka jord/innmarksbeite blir endra til vegformål. Rådmannen meiner at tap av landbruksjord er av betyding og vil særskilt trekke fram at dette er i eit område med gode naturgitte føresetnader for landbruksproduksjon og at det ligg innanfor kjerneområde for landbruk i kommuneplanen. I «nasjonal transportplan » under mål om kulturminne, kulturmiljø og landbrukets arealressursar ligg følgande føringar til grunn: «Val av utbyggingsstandard har stor betyding for jordvernkonflikter i anleggene. I dei nye vegnormalene frå 2008 er det lagt opp til at det bør brukes lavere utbyggingsstandard der det er store konflikter med biologisk mangfold, jordvern, kulturminner eller andre verneformål. Samferdselsdepartementet fil foreta en gjennomgang av vegnormalene for å sikre at det tas tilstrekkelig jordvernhensyn ved planlegging av all infrastruktur. Ved planlegging av de konkrete utbyggingsprosjektene skal en modifisering av standardene vurderes der jordvern- og andre inngrepshensynutfordres ut frå en helhetlig vurdering av den aktuelle strekningen.» Det har vore eit ønske frå både regjering og fylke/kommunar om å få bygge meir g/s-veg på fylkeskommunalt og kommunalt vegnett. Samstundes har ei rekke fylkeskommunar og kommunar uttrykt ønske om å bygge etter enklare standardar enn det SVV sine handbøker tilseier. Samferdselsdepartementet har hatt kontinuerleg dialog med Vegdirektoratet om temaet. I løpet av dialogen har det blitt tydelegare at kommunar og fylkeskommunar sjølv

3 kan fråvike SVV sine handbøker og vegnormalar på eige vegnett. Dette betyr at kommunar og fylkeskommunar på eigne vegnett kan etablere g/s-veganlegg som fråviker SVV sine krav til standard i høve til breidde og kvalitet. Når det gjeld skilting og oppmerking av g/sveganlegg er SVV ansvarleg myndigheit for fråvik, sidan dette inneber fråvik frå trafikkreglane. Dette er presisert i skriv d.s frå Samferdselsdepartementet.» Vindafjord kommune bad, både til første og andre gangs handsaming av planen, SVV vurdere løysingar der ein reduserer rabatten mellom g/s-vegen og vegen. Vegvesenet stiller krav om 3 meter rabatt langs veg der fartsgrensa er 80 km. Dei vurderte å redusere rabatten på strekninga der fartsgrensa er lågare, men fordi dette berre er ei kortare strekning sparar ein lite landbruksjord. Vegvesenet tilrådde derfor ei heilskapleg løysing med 3 meter rabatt på heile strekninga. Då det heile tida hadde vore Vindafjord kommune sitt ønske å redusere rabatten og m.a. ta meir omsyn til jordvernet og ein under høyringa fekk støtte for dette synet frå Fylkesrådmannen og Fylkesmannen, tilrådde rådmannen at rabatten blei redusert. I etterkant av kommunestyremøtet hadde kommunen møte med SVV om vedtaket som var gjort. SVV opplyste at smalare rabatt er eit fråvik som krev søknad og handsaming i fylkesutvalet og at dei ikkje ville legge fram eit forslag som krev fråvikshandsaming. I realiteten betydde det at dei ikkje ville legge fram eit planforslag med redusert rabatt på strekninga med 80 km i fartsgrense. Dersom vedtaket var å forstå slik at dei likevel kunne arbeide fram endringar i 50 og 60 km-sona, ville dei gjere det. På møtet blei det avtalt at SVV skulle utarbeide nytt forslag til plankart og oversende dette til kommunen for vidare handsaming. Nytt planforslag SVV har utarbeida nytt plankart datert Planforslaget inneheld i det vesentlege følgande endringar: 1. Rabatten på strekninga i 50- og 60 km-sona er redusert i breidda frå 3 meter til 1,5 meter. Strekninga der rabatten er 1,5 meter strekk seg frå krysset med Sandeid samfunnshus og nordover fram til krysset med Forehaugvegen på sørvestsida av Sandeidvegen og frå krysset med Helgelandsvegen fram til avkøyringa med Sandeid Aktivitetshus på nordaustsida av vegen. 2. Breidda på g/s-vegen er redusert frå 3,5 meter til 3 meter på heile strekninga på sørvestsida av Sandeidvegen, altså i 50-, 60- og 80 km-sona. 3. Breidda på Sandeidvegen frå krysset med Helgelandsvegen fram til avkøyringa med aktivitetshuset er auka frå 6,5 meter til 7,8 meter. 4. Svingradius ved ei rekke kryss og avkøyringar er endra. I nytt planforslag er det gjort endringar som ikkje har vore presentert for berørte. Innhaldet i planen er i det alt vesentlege det same som ved andre gangs handsaming. Kommunen har vurdert at planen i stor grad er kjent for berørte partar, men at endringane må høyrast. Planforslaget har vore sendt offentlege instansar, naboar og grunneigarar på ei avgrensa høyring i perioden Følgande merknader er komne inn: Mattilsynet Ingen merknader.

4 HIM HIM meiner eigedomane 12/14 og 11/29 som får felles avkøyring med 11/34 (Sandeid Aktivitetshus) bør ha felles avfallsbehaldarar lokalisert ved avkøyringa på eit felles areal. Rådmannen sine kommentarar: Tilrettelegging for felles avfallsplass kan ordnast i byggeplanfasen. Statens vegvesen Statens vegvesen har utarbeidd revidert plankart for gang- og sykkelveg langs fv 514 mellom Sandeid og Lærdal. Formålet med revisjonen er å redusere tap av landbruksjord og inngrep på private eigedomar, i samsvar med vedtak i Vindafjord kommunestyre. Det har vore omfattande dialog mellom Statens vegvesen og Vindafjord kommune i planprosessen. Statens vegvesen viser til tidlegare korrespondanse og uttalar i saka, og har ingen merknader til planforslaget som nå ligg føre. Fylkesmannen i Rogaland Reguleringsplanen har tidlegare vore til offentleg ettersyn og Fylkesmannen gav uttale i saka i brev Utbygging av g/s-veg er i tråd med viktige nasjonale, regionale og lokale mål. Fylkesmannen viser til mål om sikring av ferdsel for alle, omsyn til barn og unge, folkehelse, tilrettelegging for fysisk aktivitet og alternativ transport til arbeid og fritidsaktivitet. Samstundes fører slike samferdselstiltak til inngrep i natur og landskap og omfattande arealforbruk. Nasjonal transportplan har føringar på bruk av lågare utbyggingsstandard i område med store konfliktar med jordvern og andre verneformål. Desse føringane er særleg aktuelle nå med tanke på oppfølging av ny Nasjonal jordvernstrategi med innskjerping av det nasjonale jordvernmålet til maksimal årleg omdisponering av dyrka mark til 4000 daa (før 6000 daa). Planlagt tiltak går gjennom eit jordbruksområde av høg kvalitet. Omsynet til jordvern skal ha tung vekt ved planlegging av infrastruktur i slike område. Fylkesmannen støttar derfor opp under forslaget om å redusere rabatten på strekninga i 50- og 60 km-sona til 1,5 meter og forslaget om å redusere breidda på g/s-vegen. Det endra forslaget til detaljregulering er meir i tråd med nasjonale føringar for arealpolitikken og jordvern enn det opphavlege. I vurderinga av mindre arealkrevande løysingar bør kommunen og planleggar også vurdere bruk av fysisk skille i staden for rabatt mellom køyrevegen og g/s-vegen. Breidda på g/s-vegen er vist på plankartet. Kommune må også fastsette breidda på rabatten mellom g/s-vegen og køyrevegen i plankartet og/eller i føresegnene for å sikre at den aktuelle justeringa av rabattbreidda blir juridisk bindande. Rådmannen sine kommentarar: Kommunen har i si vurdering av tiltaket heile tida hatt fokus på jordvernet og eit ønske om å spare så mykje jordbruksareal som mogleg. Fysisk skille i staden for rabatt var ei løysing som kommunen bad vegvesenet om å vurdere. Breidda på rabatten skal målsettast i plankartet. Plankartet blir endra før saka går til kommunestyret for endeleg avgjerd. Kva breidde rabatten skal ha, er skrive inn i føresegnene, 4 pkt. j. Vurdering: Redusert rabatt i 50- og 60-km-sona reduserer inngrep på private eigedomar, men verknadene av spart landbruksjord er minimal i dette området. SVV har redusert breidda på g/s-vegen frå 3,5 meter til 3 meter på heile strekninga. Dette gir ein større gevinst med tanke på jordvern, men utifrå kommunestyret sitt ønske om å spare viktig landbruksjord, kunne ein også tenkt seg redusert breidde på rabatten eller fysisk skille i 80 km-sona.

5 SVV har auka breidda på Sandeidvegen frå 6,5 meter til 7,8 meter i nytt planforslag. Vegvesenet opplyser at årsaka til denne auken skuldast behovet for å sikre tilstrekkelig breidde på fv 514 slik at vegbreidda blir i samsvar med minimumskrava til breidde i forhold til dimensjoneringskrav i handbok N100. Elles ser me av nytt planforslag at ein del svingradiusar er endra til det betre. Rådmannen peika på desse tilhøva ved andre gangs handsaming, men vegvesenet meinte det då var tilstrekkeleg dimensjonert. Rådmannen er fornøyd med dei endringar som går fram av nytt planforslag. Naturmangfaldlova I planskildringa og ved første gangs handsaming blei planen vurdert etter dei miljørettslege prinsippa i Naturmangfaldlova 8-12, jf. 7. ROS-analyse Det er gjennomført ein ROS-analyse, denne er vurdert ved andre gangs handsaming av planen. Det er ikkje avdekka forhold som tilseier at planen ikkje kan gjennomførast. Finansiering/gjennomføring Rådmannen skreiv til andre gangs handsaming at det er gjennomført kostnadanslag for prosjektet. Dette blei gjort i 2015 og ein kom då fram til at planforslaget vil koste 35 mill. kronar +/- 10%. Kostnader ved utgraving av kulturminna nordvest for Skeie bustadfelt er ikkje inkludert i denne summen. Ein reknar med at dei kan komme på om lag 4 mill. kr. Den totale kostnaden for gjennomføringa av planforslaget vil då vere 39 mill. kr. +/- 10% rekna utifrå 2015-prisar. Oppsummering/konklusjon Rådmannen skreiv i si oppsummering til andre gangs handsaming at tiltaket vil få negative konsekvensar for landbruket ved at unødig mykje landbruksareal går med til gjennomføringa. Med redusert rabatt på deler av strekninga og redusert breidde på g/s-vegen er planforslaget meir i tråd med både lokale og nasjonale føringar for arealpolitikken og jordvern enn det opphavlege forslaget. Kommunestyret hadde saka til andre gangs handsaming 13. september, sak 059/16, nytt planforslag blei oversendt kommunen Etter ein kort høyringsperioden, fremmar rådmannen nå saka til endeleg handsaming før sommaren og håpar vegvesenet vil presse på (særskilt med tanke på arkeologiske utgravingar) for at gjennomføringa av prosjektet ikkje blir utsett. På bakgrunn av dialogen med Statens vegvesen i sluttfasen av planprosessen, meiner rådmannen at kommunen har oppnådd det som kan forventast. Rådmannen tilrår derfor at planforslaget vert godkjent slik det ligg føre. Vedlegg: Nytt plankart R Nytt plankart R Nytt plankart R Føresegner Planskildring ANDRE GANGS HANDSAMING AV DETALJREGULERING FOR GANG- OG SYKKELVEG SANDEID - LÆRDAL (L)(426126)