Saksnr. Utval Møtedato 106/16 Formannskapet /16 Kommunestyret

Transkript

1 Lærdal kommune Sakspapir Saksnr. Utval Møtedato 106/16 Formannskapet /16 Kommunestyret Sakshandsamar: Marte Bergum Hansen Arkiv: Arkivsaksnr. 15/ Reguleringsplan for Håbakken Fastsetting av planprogram Kort samandrag: Saka gjeld fastsetting av revidert planprogram etter at planområdet vart utvida gjennom handsaming av sak 017/16 den 10. mars Kommunen har motteke ei rekke nyttige merknader til det reviderte framlegget. Gjennom merknadane er det sett fram både ønskje om konkrete justeringar, gjeve faglege råd og klargjort forventningar i forhold til kva det vert fokusert på gjennom den vidare planprosessen. I tillegg er det kome fram at det bør vere ei opning for deling av planområdet i to, for å trygge framdrift dersom ein innanfor delar av området møter utfordringar der ein treng meir tid for utvikling av gode løysingar. Det er omsyn som skal vurderast gjennom det vidare arbeidet. Dei føreslåtte endringane følgjer av rådmannen si tilråding. Rådmannen si tilråding: Kommunestyret fastset med heimel i 12-9 i plan- og bygningslova «Planprogram. Reguleringsplan for Håbakken Næringspark», datert 27. juli 2015, med slike endringar: Kap. 3.3, andre avsnitt vert endra til «Planområdet femnar om naturtypar (BN ) kroksjøer, flomdammer og meandrerande elveparti med verdi lokalt viktig samt (BN ) naturbeitemark med verdi lokalt viktig. Områda var sist registrert i 2010 og 2011 av Helge Fjeldstad. Gjennom planen vil det ikkje vert lagt til rette for tiltak i desse.

2 Kap. 4.3 under utgreiingstema naturmangfald, vert hovudfokus justert til «Planområdet femnar om naturtypar registrert i Naturbasen og grensar til Lærdalselvi. Det skal vurderast om tiltak og bruk av areal vil kunne få innverknad på både naturtypane og tilhøva for fisk/naturmiljøet i Lærdalselvi Formannskapet Røysting: Tilrådinga frå rådmannen vart samrøystes vedteke. FS-106/16 Vedtak: Kommunestyret fastset med heimel i 12-9 i plan- og bygningslova «Planprogram. Reguleringsplan for Håbakken Næringspark», datert 27. juli 2015, med slike endringar: Kap. 3.3, andre avsnitt vert endra til «Planområdet femnar om naturtypar (BN ) kroksjøer, flomdammer og meandrerande elveparti med verdi lokalt viktig samt (BN ) naturbeitemark med verdi lokalt viktig. Områda var sist registrert i 2010 og 2011 av Helge Fjeldstad. Gjennom planen vil det ikkje vert lagt til rette for tiltak i desse. Kap. 4.3 under utgreiingstema naturmangfald, vert hovudfokus justert til «Planområdet femnar om naturtypar registrert i Naturbasen og grensar til Lærdalselvi. Det skal vurderast om tiltak og bruk av areal vil kunne få innverknad på både naturtypane og tilhøva for fisk/naturmiljøet i Lærdalselvi Kommunestyret Røysting: Tilrådinga frå rådmannen vart samrøystes vedteke. KS-047/16 Vedtak: Kommunestyret fastset med heimel i 12-9 i plan- og bygningslova «Planprogram. Reguleringsplan for Håbakken Næringspark», datert 27. juli 2015, med slike endringar:

3 Kap. 3.3, andre avsnitt vert endra til «Planområdet femnar om naturtypar (BN ) kroksjøer, flomdammer og meandrerande elveparti med verdi lokalt viktig samt (BN ) naturbeitemark med verdi lokalt viktig. Områda var sist registrert i 2010 og 2011 av Helge Fjeldstad. Gjennom planen vil det ikkje vert lagt til rette for tiltak i desse. Kap. 4.3 under utgreiingstema naturmangfald, vert hovudfokus justert til «Planområdet femnar om naturtypar registrert i Naturbasen og grensar til Lærdalselvi. Det skal vurderast om tiltak og bruk av areal vil kunne få innverknad på både naturtypane og tilhøva for fisk/naturmiljøet i Lærdalselvi. Vedlegg: Planområdet_utvida Planprogram_Håbakken_ _jhm Relevante dokument i saka Kommunedelplan for Tønjum Ljøsne Vedtekne reguleringsplaner (sjå kap. 2 i vedlagt planprogram samt sognekart.no) Aktuelle lover, forskrifter, avtalar m.m. Plan- og bygningslova med tilhøyrande forskrifter Naturmangfaldslova Forureiningslova Saksutgreiing Saka gjeld fastsetting av revidert framlegg til planprogram i samsvar med 4-1 og 12-9 i plan- og bygningslova, jf. 6 i forskrift om konsekvensutgreiing av nr 855. Planprogrammet er revidert med utgangspunkt i vedtak gjort av formannskapet den 10. mars 2016 i sak 017/16. Av vedtaket går det fram at kommunestyret ba rådmannen vurdere å utvide næringsarealet for å ivareta ei heilskapleg utvikling av området i samsvar med prinsippa som er trekt opp i moglegheitsstudia som er utarbeidd av Lærdal Næringsutvikling. Av 5, 5. ledd i forskrifta om konsekvensutgreiingar går det fram: Ansvarlig myndighet fastsetter programmet for plan- eller utredningsarbeidet. Det skal redegjøres for innkomne høringsuttalelser og hvordan disse er vurdert og ivaretatt i fastsatt program. Ved fastsettingen skal ansvarlig myndighet i nødvendig grad gi retningslinjer for plan- eller utredningsarbeidet, herunder krav om vurdering av relevante og realistiske alternativer. Planarbeidet skal vere med å legge rammene for å vidareutvikle Lærdal som

4 samferdsleknutepunkt, forsterke Håbakken som næringslokalitet, legge til rette for nye arbeidsplassar og vere eit supplement til næringslivet på Lærdalsøyri. For nærmare gjennomgang vert det vist til vedlagt framlegg til planprogram. Det reviderte planprogrammet låg ute til offentleg ettersyn i perioden 8. april til 2016 til 25. mai Gjennom høyringa har kommunen motteke 8 merknader til planprogrammet. Merknadene er oppsummert nedanfor, medan vurderinga går fram av punktet «Vurdering». For nærmare gjennomgang av sjølve merknadane, vert det vist til dokumenta i saka. Rolf M. Bjørum fekk utsett frist. Innan den nye fristen har vi ikkje motteke merknad. Ev. merknad vert lagt ved saka. Fylkesmannen i Sogn og Fjordane Dei peikar på at no femnar planarbeidet om dei registrerte naturtypane i området i tillegg til at det grensar til Lærdalselvi. Dette må det takast omsyn til i det vidare planarbeidet. Sidan området er utvida ned til elva, rår dei til at det gjennom planen vert klargjort kva verknader planen vil kunne få for fiskeinteressene og Lærdalselvi. Viktige omsyn er ivaretaking av tilstrekkeleg breidde på grøntområde og byggegrense av omsyn til fiskeinteressene. Eit tilstrekkeleg breitt grøntbelte langs elva, bør ikkje vere på særleg under 50 meter. I tillegg ser dei det som viktig at det vert teke omsyn til dei registrerte naturtypane. Dei opplyser at det vert jobba med planar for å opne elvekilane, og peikar på at det er viktig at planarbeidet tek omsyn til dette. Beredskapsavdelinga syner til uttale av 15. oktober Statens vegvesen Vegstyresmaktene ber om at det vert utarbeidd ei trafikkanalyse som, bl.a. syner kapasitetsberekningar på kryssa for tiltaka som planen legg til rette for. Ved dimensjonering av kryss må det takast omsyn til framskriving av trafikktal til Noregs vassdrags- og energidirektorat Det vert synt til at deler av området kan vere utsett for skred, flaum og erosjon. Dei føreset at desse tilhøva vert nærmare vurdert gjennom arbeidet. Gjennom bl.a. flaumvurderingane må det takast omsyn til om ev. tiltak påverkar straum- og flaumforhold andre stader langs elva. Opplysningsvesnets fond Dei ber om at det vert teke omsyn til tilgjenge til deira eigedom med traktor, samtidig ber dei om at tiltak innanfor planområdet vert utført på ein slik måte at slåttemarka på eigedommen ikkje vert rørt. Lærdal Bondelag Dei oppfordrar kommunen til å jobbe for å få i stand frivillige avtaler med grunneigarane. I tillegg er dei opptekne av at det vert bygd ned minst mogeleg dyrka mark samtidig som det vert teke omsyn til Lærdalselvi som fiskeressurs.

5 Stig Steinestø Eigar av eigedommen gnr 18, bnr 14. Stig Steinestø syner til merknad av 7. oktober I denne vert det syn til at vegen er flytta mykje nærmare eigedommen enn i vedteken reguleringsplan. Vegen har krappare sving og større stigning, noko som vil føre til støy mot eigedommen. Dei ber om at ny tilkomst vert via kryss til Håbakken vegkro. Vidare krev dei at noverande regulert støyvoll mellom eigedommen og veg vert teke med i ny plan dersom det ikkje er aktuelt å legge om vegen. Støytiltaka må etablerast samtidig med vegen. Erfaring frå etablert verksemd, er at det er støy knytt til verksemdene heile døgnet. Eigar peikar på at det ikkje er ønskjeleg med støyande verksemd tett inn på bustaden. Drivstoff, gass og farleg gods ønskjer eigar ikkje nær eigedommen. Dei ber også om at planframlegget vert utforma på ein slik måte at bygg kan nyttast som støyskjerm mot bustaden og eigedommen. Økonomiske konsekvensar Produksjon av planen vert dekt via midlar frå Næringsfondet. Det er løyvd kr ,-. I tillegg kjem kostandene med å drive planarbeidet fram. Dette vert dekt av dei ordinære midlane til planarbeid. Vurdering Kommunen har motteke nyttige merknader til det reviderte planprogrammet. Gjennomgangen syner at framlegget til planprogram langt på veg er dekkande for utfordringane som kommune står over for, men at det er naudsynt med nokre presiseringar for at utgreiingsbehovet skal vere tilstrekkeleg definert. Fleire av merknadene er knytt til den framtidige arealbruken. Idéskissa som ligg føre syner prinsipp. Det må gjerast ei rekke vurderingar og avvegingar mellom interesser gjennom arbeidet med utforming av planen. I det arbeidet vil både kvalitetar, krav i standardar og merknadane verte nærmare vurdert. Vegstyresmaktene sitt ønskje om at området vert lagt til rette for modulvogntog, har synt at det har større verknader i høve oppflylling enn t.d. flaum. Arealbruken innanfor området vil verte fastsett i plan. I kva grad det vil verte opna for anna arealbruk enn berre næring og kva type næring det skal opnast for, vert avklarast gjennom planarbeidet. Både i høve kvalitetar, grunneigarinteresser og funksjonar, vil det gjennom planarbeidet måtte gjerast prioriteringar. Planframlegget vil tydeleggjere kva prioriteringar som vert gjort gjennom planen. Byggegrensa i kommuneplanen er definert og femnar om ei sone på om lag 40 meter. Den vil ikkje verte fråveke gjennom arbeidet. Dei registrerte naturtypane vil verte sett av som omsynssone. Næringsareal som i kommuneplanen ligg i allereie definert omsynssone vil verte flytta til arealet som i dag vert nytta til pelsdyr. Andre kilar som er lokalisert innafor næringsareal på kommuneplanen enn dei som ligg utanfor noverande registrert naturmiljø, vil ikkje verte vurdert rørt/teken i bruk til næringsareal. Omsynet til utnytting av naturressursar er vurdert til å vere avklart gjennom arbeidet med kommunedelplan. Tilhøvet til elva, naturkvalitetane i og langs elva, som også femnar om fiske er føresett ivareteke gjennom utgreiingane til deltema naturmangfald. Krav frå mynde som er nedfelt i bl.a. lover og forskrifter er føresett følgt. Det ligg ikkje føre informasjon om forureina grunn i området. Omsynet til forureining vil verte vurdert som mogeleg hending i ROS-analysen.

6 Vegstyresmaktene vil legge beslag på mykje sentralt areal til trafikkstasjonen. Dette er eit viktig anlegg som det må leggast til rette for. Spørsmålet er lokaliseringa. Det er spørsmål som må nærmare drøftast med vegstyresmaktene. Dersom det er naudsynt å dele opp planområdet i to planer, vil det verte vurdert av omsyn til å trygge ei god samordning opp mot vegstyresmaktene. Konklusjon I vurderinga av trongen for endringar av planprogrammet er det lagt vekt på at planen skal vere med å klargjere dei grunnleggande føresetnadane for vidare utvikling i området. For kommunen er det viktig at planen både vert robust og fleksibel, der ei rekke ulike verksemder kan etablerast utan at det er naudsynt å endre planframlegget. Utkastet til planprogram opnar for dette. Fleire av merknadene til det reviderte programmet er knytt til behovet for utgreiingar. Det meste er ivareteke, men det er foreslått nokre justeringar som følgjer av rådmannen si tilråding. Rådmannen rår til at planprogrammet vert fastsett med dei endringane som følgjer av rådmannen si tilråding.