Fastsetting av planprogram til kommuneplan for Valle kommune

Transkript

1 VALLE KOMMUNE Teknisk - arealplan «MOTTAKERNAVN» «ADRESSE» «POSTNR» «POSTSTED» «KONTAKT» Vår ref: Sakshandsamar: Arkiv: Dato: 2012/ Ingunn Hellerdal ingunn.hellerdal@valle.kommune.no Fastsetting av planprogram til kommuneplan for Valle kommune Kommunestyret i Valle godkjente i møte samrøystes planprogrammet til kommuneplan for Valle slik det låg ute til høyring. Melding om vedtaket med saksframlegg ligg ved. Ein syner elles til Valle kommune sine heimesider, der oppdatert informasjon om kommuneplanen leggast ut. Med helsing Ingunn Hellerdal Konsulent plansaker Postadresse: Tlf.: Valle Faks:

2 Side 2 Saksmappenr: 2012/ Arkiv: 141 Sakshandsamar: Knut Erik Paulsen Saksframlegg Valle kommune Saksnummer Utval Møtedato 75/14 Formannskapet /14 Kommunestyret Fastsetting av planprogram til kommuneplan for Valle kommune Rådmannen tilrår: Kommunestyret fastsett planprogram for kommuneplan for Valle kommune for perioden , jfr Plan og bygningslova Saksprotokoll i Formannskapet Handsaming: Tilrådinga vart samrøystes vedteke. Vedtak: Kommunestyret fastsett planprogram for kommuneplan for Valle kommune for perioden , jfr Plan og bygningslova Saksprotokoll i Kommunestyret Handsaming: Tilrådinga vart samrøystes vedteke. Vedtak: Kommunestyret fastsett planprogram for kommuneplan for Valle kommune for perioden , jfr Plan og bygningslova Saksutgreiing: 1. Bakgrunn for saka

3 Side 3 Planprogram og varsel om oppstart av planarbeid for ny kommuneplan for Valle vart sendt ut i brev av 13.februar 2014, og samstundes varsla i Setesdølen og lagt ut på kommunen si heimeside. Frist for uttale til planprogrammet vart sett til 15.april, mens frist for innspel til planarbeidet er sett til 1.august. Fram til 15. mai var det kome inn 13 uttale. I fleire av uttalene er det vanskeleg å skilje klart kva som er merknader til planprogrammet og kva som er innspel til planarbeidet. Men nokre er tydelege på at det gjeld konkrete innspel til arealdelen, og nokre er særleg oppteken av prosess. Slike uttaler er ikkje teken med her. Rådmannen har teke med 6 uttaler i nedanfor ståande oppsummering (under pkt 4. Vurderingar). Fleire har teke med noko meir enn bare planprogrammet. Uttalene ligg ved saka. 2. Kva for verknader har denne saka for utviklinga av Valle kommune? Det er viktig å fastsette planprogrammet for å få gjennomført arbeidet med å lage ny kommuneplan for Valle kommune. Planprogrammet er første steg på ein ny kommuneplan. 3. Tilhøvet til gjeldande planar og lovverk Plan- og bygningslova krev at kommunen lagar planprogram før ein lagar ny kommuneplan. 4. Vurderingar 1. Villreinnemnda for Setesdalområdet ( ): Det ligg føre ei grundig saksutgreiing til møte i Arbeidsutvalet i villreinnemnda den Følgjande vart samrøystes vedteke: «Arbeidsutvalet syner til planprogrammet og melding om revidering av kommuneplanen for Valle. Arbeidsutvalet er nøgde med at det i planprogrammet er gjeven klare føringar for innarbeiding av Heiplanen i kommuneplanen. For merknader knytt til planprogrammet syner arbeidsutvalet til saksutgreiinga. Konsekvensane for villrein ved vidare hyttebygging i Bjørnevatnområdet må greiast ut. Denne må ta for seg konsekvensar for årstidstrekket og konsekvensar for villreinstammen om trekket vert broten. Arbeidsutvalet har innspel til planarbeidet. Desse er knytt til følgjande forhold: Tilhøvet til Heiplanen og bruk av omsynssoner Arealdisponering av områda i Brokke og ved Bjørnevatn Utarbeiding av sti- og løypeplan Avløysing av disposisjonsplanar Fv 337 Brokke Suleskar Bygg i landbruksnæring For utdjuping av nemnde tema syner arbeidsutvalet til saksutgreiinga. Arbeidsutvalet ser fram til ein god dialog undervegs i planprosessen.» Rådmannen si vurdering: Det er særleg Bjørnevatn-området som er i fokus.

4 I dag ligg det føre ein vedteken kommunedelplan frå 2008 for Bjørnevatn som opnar for at det kan fremjast detaljplanar for bygging av ca 150 nye hytteeiningar. Av desse er det vedteken reguleringsplan for ca 85 nye hytter sør for Store Bjørnevatn. Side 4 Ein må i framtida rekne med at nye hytter byggast med høg(are) standard enn noverande, då det mellom anna er planlagt forbetra strømtilførsle til Bjørnevatn-området. Det er også peika på under punkt samferdsle at det skal arbeidast for forbetring av Rv 45 mot Skafså. Rådmannen tolkar Villreinnemnda si uttale slik at føre noverande utbyggingsområde, (der det ikkje er vedteken reguleringsplan) vidareførast i ny kommuneplan, må konsekvensane av auka ferdsle og kva det vil ha å seie for årstidstrekket kartleggjast betre. Dersom trekkvegen i Bjørnevatn-området vert meir negativt påverka eller broten, kan dette få store følgjer for villreinstammen. Dei meiner at ei slik konsekvensutgreiing må takast inn eit eige punkt i planprogrammet. Rådmannen tilrår ikkje at ein sett i gong konsekvensutgreiing så lenge det er godkjent nye hytter i overordna plan for Bjørnevatn. Dersom ein skal legge til rette for fleire nye hytter enn det som ligg i kommunedelplan for Bjørnevatn så er vi innforstått med at ein må konsekvensutgreie det, men det er ikkje aktuelt i denne planprosessen. I uttalen er det og fleire punkt som er innspel til innhaldet i kommuneplanen, og som takast med vidare i planarbeidet. 2. Statens Vegvesen ( ): Har ikkje merknader til planprogrammet, men har levert eit grundig innspel til planarbeidet. Rådmannen har ikkje merknader førebels, og tar med innspelet vidare i planarbeidet. 3. Fylkesmannen i Aust-Agder ( ): Har levert ein omfattande uttale som i hovudsak er innspel til planarbeidet. Av forhold som særleg rører ved planprogrammet er eit avsnitt om medverknad, der det vert peika på som viktig at barn, eldre som ikkje nyttar internett og innvandrarar vert teken med i planprosessen. Kommunen må også vere tydelege i kartframstillinga på å syne kva endringar som er gjort, og kva som er nytt i planen. Fylkesmannen peikar på at konsekvensutgreiingar alltid skal syne alternativ, og særleg gjeld det i høve til å omdisponere dyrka jord. Som eit innspel til planarbeidet vert det sagt tydeleg i frå om at å omdisponere dyrka jord bare kan komme på tale i dei tilfella der samfunnsnytta ved prosjekta er stor og det ikkje finnast alternativ. Når det gjeld konsekvensutgreiingar generelt er det i utgangspunktet eksisterande kunnskap som skal leggast til grunn. Men Fylkesmannen peikar på at til dømes data om biologisk mangfald er mangelfullt kartlagt, og at det kan verte naudsynt med nærare utgreiingar i særleg konfliktfylte område. Fylkesmannen er skeptisk til meir hyttebygging i Bjørnevatn-området, og legg til grunn at dei føringane som Heiplanen gir med omsyn til å ivaretake trekket, skal innarbeidast. På same grunnlag er dei og negative til å opne Brokke Suleskarvegen som heilårsveg utan at tilhøva for villreinen vert betra. Rådmannen si vurdering:

5 Side 5 Rådmannen har merka seg punkta om medverknad og kvaliteten på plandokumenta. Vidare har ein merka seg det som er peika på om innhaldet i konsekvens-utgreiingane. Rådmannen slår fast at Fylkesmannen delar Villreinnemnda si uro for kva vidare hyttebygging og auka ferdsle kan få av følgjer for villreinen sine trekk ved Bjørnevatn og ved utbetring av Fv 337 Brokke Suleskar til heilårsveg. Konkrete innspel til planarbeidet vert teken med vidare. 4. Noregs Vassdrags- og Energidirektorat (NVE) ( ): Seier at planprogrammet er ryddig og oversiktleg, men at det er lite detaljert med omsyn til kva metodar og tema som skal utgreiast når det gjeld nye byggeområde. Det bør gjerast greie for kva som finnast av eksisterande kunnskap, og kva for behov det er for nye undersøkingar. NVE legg til grunn at naturfarar som flaum og skred skal vurderast og takast omsyn til for alle nye byggeområde. NVE syner til fleire rettleiarar som må leggast til grunn for utarbeiding av kommuneplanen, både arealdelen og føresegner/retningsliner når det gjeld flaum, erosjon og skred langs vassdrag og i bratte område. Desse oppfattar vi å vere innspel til planarbeidet. Rådmannen si vurdering: Merknader til planprogrammet og innspel til kommuneplanen vert teken med vidare i arbeidet. 5. Direktoratet for mineralforvaltning med Bergmeisteren for Svalbard (DMF) ( ): Har kommentarar og innspel til planarbeidet. Peikar på at grus og pukk er ressursar som kommunen treng, og at det bør gjerast ei kartlegging av desse i samband med kommuneplanlegginga. Lokalisering, kvalitet og verdivurdering bør takast inn i planen. Rådmannen si vurdering: Innspelet takast med vidare i planarbeidet. 6. Aust-Agder Fylkeskommune ( ): Har innspel til 4 temaområde: Heiplanen, sti- og løypeplanar, folkehelse og sentrumsutvikling. Heiplanen og sti- og løypeplanar: Peikar på at desse planane skal utarbeidast og leggast til grunn for vidare utbygging, og at Heiplanen sine føresegner/retningsliner gjerast juridisk bindande gjennom kommuneplanen. Folkehelse: Etter folkehelseloven skal kommunen utarbeide ein oversikt over helsetilstanden og faktorar som påverkar folks helse. Tiltak for å betre folkehelsa må nyttast i den sektoren som har dei rette verkemidlane til å påverke. Sentrumsutvikling: Understrekar at planlegging for fortetting av bustader i sentrum er eit rett verkemiddel for å få til ei god sentrumsutvikling og eit variert bustadtilbod, særleg for dei unge og dei eldre. Vidare at det vert sett fokus på gode møteplassar ute og inne, samt legge til rette for aktivitetsområde i sentrum. Rådmannen si vurdering: Innspela takast med i det vidare planarbeidet. Valle, den

6 Side 6 Eivind Berg rådmann Vedlegg: 1 Uttale frå Fylkesmannen 2 Uttale frå Villreinnemnda 3 Uttale frå Vegvesenet 4 Uttale frå Fylkeskommunen 5 Uttale frå NVE 6 Uttale frå Bergvesenet 7 Planprogrammet