SAKSFRAMLEGG Sakshandsamar: Jarle Skartun Arkiv: 151 Arkivsaksnr.: 16/2911 Budsjett 2017, økonomiplan og planleggingsprogram 2017-2020. Formannskapet si handsaming etter off. ettersyn. Formannskapet si tilråding: 1)Kommunestyret godkjenner årsbudsjett 2017 og økonomiplan for 2017 2020 for Luster kommune slik det ligg føre i samsvar med spesifikasjon av drifts- og Investeringsbudsjett, inkl endringar i tilleggstilråding av 07.12.(jf protokoll handsaming fsk 07.12.) 2)Skatt på inntekt og formue vert skriven ut etter høgste gjeldande satsar. Eigedomsskatten, jf. lov av 5.06.75, vert utskriven med 7 kr for kvar 1000 kr i takstverdi. Skatten vert utskriven på verk og bruk. 3)Nye betalingssatsar og avgifter vert gjort gjeldande frå 01.01.2017, ev frå dato som går fram av betalingshefte eller varslingsfristar. 4)Planleggingsprogrammet vert godkjent slik det ligg føre. Handlingsprogrammet i kommuneplanen sin samfunnsdel vert rullert som det går fram av tabellar i tenesteområda. 5)Kommunestyret vedtek slik bruk av fond i 2017 Disposisjonsfond (drift):.. mill.kr.(ev mindre justering) Næringsfond (drift);funksjon 325 Generell bruk til næringstiltak 10,0 mill.kr. Bruk av salsinntekter (til investeringar): mill.kr.(ev mindre justering) Renter og avkasting av kommunen sine omløpsmidlar, gevinstar på finansielle instrument inkl. fond og sal av kraft vert å sjå samla. 6)I samsvar med behov for lånefinansiering får rådmannen fullmakt til å godkjenne lånevilkår for låneopptak til investeringar i 2017 på inntil. Million kroner med ei avdragstid på 30 år. I tillegg får rådmann fullmakt til låneopptak i Husbanken med 5 mill.kr. til vidare utlån av formidlingslån til innbyggarane. 7)Fullmakter elles: -Kommunestyret gjev formannskapet fullmakt til å disponere tilleggsløyvingar og nye løyvingar. -Rådmannen får likevel fullmakt til å fordele tilleggsløyvingar løn og aktivitetsbasert utjamningstilskot barnehage og grunnskule. -Kommunestyret gjev formannskap/rådmann fullmakt til å gjennomføre investeringar innanfor dei rammer/presiseringar som ligg i budsjettet. -Rådmannen får fullmakt til å inngå avtalar om grunnkjøp innafor dei kostnadsrammer og presiseringar som ligg i budsjettet. -Kommunestyret gjev kyrkjeleg fellesråd fullmakt til å disponera løyvinga på 250 000 kr til investeringar kyrkje. 8)Rådmannen rapporterer slik til kommunestyret (2017) -Årsrapport og rekneskap i samsvar med kommunelova sine reglar.
-Rapportar pr 1. og 2. tertial med tilråding og naudsynte budsjettendringar innan dei definerte rammeområda definert i økonomireglement, jf. k-sak 63/14. -Separate byggje- og anleggsrekneskap for definerte investeringsprosjekt (kontoklasse 0) med eit samla kostnadsoverslag på minimum 3,0 mill.kr. -Med grunnlag i vedteke reglement for finansforvaltninga, jf. k-sak 63/14 9) Rådmann får fullmakt til å redigere, rette opp feil og innarbeide formannskapet sine merknader til framlegget. Det vert vist til formannskapet sitt arbeid med økonomiplan for 2017-2020.
Saksutgreiing: Prenta vedlegg: Høyringsutkast; Budsjett 2017, Økonomiplan 2017-2020, Planleggingsprogram 2017-2020. Innkomne uttalar.(ettersendt/lagt fram i møte) Uprenta vedlegg: Øp-notat 1-5 m/vedlegg og presentasjonar. Samandrag: Formannskapet sitt framlegg til budsjett og økonomiplan har lege ute til ettersyn. Det har og vore halde møte i råd og utval med informasjon om budsjettinnstillinga. Innspel til budsjettinnstillinga vert lagt fram og drøfta. (frist fram til møte/vert ettersendt) I saka gir formannskapet endeleg tilråding til kommunestyret si handsaming av budsjett/øp. Utval som har vedtaksmynde: Kommunestyret. Fakta/Vurdering: Saker /tillegg /endringar for vurdering; 1) Div supplerande tekst og tal oppvekst. I «budsjettboka» er det kome inn litt supplerande tekst/informasjon og aktivitetstal. 2) Endra rentenivå, kap.5, side 18. Det var oppgitt feil rentenvå/rentebane som ligg til grunn for framskriving for låna våre, vert retta opp. 3) Mindre talmessige opprettingar. Kvalitetssikring har avdekka nokre småfeil som vert retta opp i endeleg utgåve. (nettoramme f-234, og f-360 og skjema 1B, oppsummert uendra.) 4) Investeringsløyving Lundshaugen. Det var ikkje samsvar mellom tal og tekst på det tiltaket. Tekst er no tilpassa talbudsjettet slik at løyving på 1 million kroner er ført opp i 2018. (ikkje 2019.) 5) Prioritering av investeringar kommunale avløpsanlegg er prioriterte på nytt med litt endring. Kloakkpumpestasjon i Solvorn vert flytta fram grunna dårleg tilstand, samt at det kan gi løysing på utfordringar med toalettløysing.(jf.s.101) 6) Sogn Kulturskule. Jf eiga sak til fsk 07.12 og kst 16.12, der kommunestyret sin konklusjon bør innarbeidast. 7) Legevakt. Jf eiga sak i fsk 23.11. Det vert ikkje lagt fram eiga sak for kommunestyret no, intensjonen om å delta framgår av budsjettinnstillinga. Når endeleg sak ligg føre vert den lagt fram for kommunestyret som eiga sak. 8) Grunnskule, jf nedanfor. 9) Eigedomsskatt, jf nedanfor.
10) Statsbudsjettet. Det vil vera kjent at det så langt ikkje ligg føre avklaringar omkring kommuneoppgjeret i framlegg til statsbudsjett. Det er reservert noko midlar opp mot ein million kroner til å dekka opp føringar i oppgjeret. 11) Div uttalar frå møte i råd og utval; -Eldreråd, rådd for menneske med nedsett funksjonsevne, brukarutval samhandlingsreformen, 28.11. -Amu, 29.11. -Administrasjonsutvalet, 30.11. 12) Innkome høyringsinnspel; (frist fram til møte 07.11) vert ettersendt/lagt fram i møte. Utfyllande merknader frå rådmannen: Grunnskule. Etter at budsjetttilrådinga låg føre så er det kome reaksjonar på nedtrekk og fordeling av nedtrekk på ramma til grunnskulen. Rådmann har etter dette funne grunn til å sjå på saka på nytt. Overordna så ligg det no i innstillinga eit nedtrekk/innstramming på ramma til grunnskule på 2,5 mill. Me ser då vekk frå spes.ped reknestykket for + 70% elevar. I budsjettprosessen vart det drøfta/etterspurt kor mykje ein kan tilrå som generell innstramming. Rådmann tilrådde 2 mill utover det som låg i øp på netto 0,5 mill. Rådmann har forståing for at innstramming er krevjande, og ikkje minst i 2017, då me er inne i eit oppstarta skuleår 2016-17 der mykje er fastlagt for inneverande skuleår. Det vert enklare å tilpassa seg redusert ramme i 2018 då ein kan ta omsyn til det allereie frå august - 17. Ut frå dette vil rådmann tilrå at ramma vert auka med 400.000 i 2017 slik at nedtrekket vert 1,6 mill i 2017 og ikkje 2,0 som i innstillinga. For 2018 står nedtrekket på 2 millionar fast. Etter rådmann si vurdering er det rom for å dekke dette av tilleggs/reserveløyving innlagt i budsjettinnstillinga. Den økonomiske situasjonen er såpass krevjande at skule må ta «sin del» og rådmann held fast på at det nivået som er signalisert er rimeleg. Når det gjeld fordeling av budsjettramma, fordeling mellom skulane, så er det ei sak for rådmann. Rådmann tilrådde fordeling basert pr. elevkomponent. I elevkomponent ligg dei «disponible» midlane i skuleramma, om lag 25 mill. Resten av ramma er bundne til faste kriterium i skulemodellen. Me (økonomi, kommunalsjef og rådmann) har sett på dette på nytt, og held fast på at etter gjeldande budsjettmodell for skule, så vil eit nedtrekk pr. elevkomponent vere det rette og mest rettferdige. Denne modellen tek omsyn til skilnaden barneskule ungdomsskule og til + 70 %-elevar. Me vil nytta oppdaterte elevtal, GSI tal, pr 15.10 i fordelinga. Rådmann legg opp til at saka kan dokumenterast nærare og drøftast i rektormøtet 08.12 før endeleg fastsetjing av fordeling mellom skulane. Det vil vidare vere slik at me skal gå gjennom skulefordelingsmodellen i 2017. Arbeidet vil og få ei knyting til arbeidet med skulebruksplan / arbeidet med skulestruktur. (Formannskapet kan og få innsyn i modell/utrekningar om ynskjeleg.)
Eigedomsskatt. Rådmannen syner til budsjettinnstillinga omkring utviding av eigedomsskatteordninga. Det viser seg at informasjonen som me har bygt på ikkje er fullstendig. I lov og regelverk er det fleire bindingar enn me har lagt til grunn. Det er to sentrale bindingar som må drøftast/omsyntakast; -Næringseigedommar kan ikkje fritakast dersom ein ynskjer skatt på objekta verk og bruk og bustad. -Skattesats på næringseigedommar kan ikkje vere lågare enn på verk og bruk.(0,7%) Dette kompliserar arbeidet med å utvida ordninga, både med omsyn til innretning på ordninga og om det er realistisk å utvide ordninga med verknad i 2017. Dersom ein utset utviding av eigedomsskatteordninga så må ytterlegare 3 million kroner dekkast inn for 2017. På dette tidspunktet i budsjettprosessen vil det mest realistiske vere å auka bruken av fond i tilrådinga og ev kome tilbake i tertialrapport med nærare inndekking. Det vert utarbeidd eiga sak omkring eigedomsskatt til møte i formannskapet 07.12 I saka må ein ta stilling til vidare arbeid med eigedomsskatteordninga i kommunen. Vedtak i den saka vil så kunne innarbeidast i budsjettilrådinga. Dato: 01.12.16 Jarle Skartun rådmann Særutskrift skal sendast: m/kopi til: