Oppfølging handlingsplan - Koordinerande einingar, individuell plan og koordinator

Transkript

1 Overordna samhandlingsutval Møre og Romsdal Saksframlegg Oppfølging handlingsplan - Koordinerande einingar, individuell plan og koordinator Saksnr Utvalsnamn Møtedato 2017/13 Overordna samhandlingsutval Møre og Romsdal 18. mai 2017 Saksbehandlar: Elizabeth Miciano Arkivreferanse: 2017/2361 Forslag til vedtak: 1. Overordna samhandlingsutval tek høyringsinnspela til orientering. 2. Overordna samhandlingsutval vedtek handlingsplanen med dei justeringane som vert tilrådd i saksframlegget. Anders Riise leiar Vedlegg 1 Justert handlingsplan Koordinerande einingar, individuell plan og koordinator i Møre og Romsdal Vedlegg 2 Høyringssvar frå Rådet for likestilling av funksjonshemma Aukra kommune Vedlegg 3 Høyringssvar frå Rådet for menneske med nedsett funksjonsevne Herøy kommune Vedlegg 4 - Høyringssvar frå samhandlingsutvalet Orkidè Vedlegg 5 - Høyringssvar frå Molde kommune Vedlegg 6 Høyringssvar frå Eldrerådet og råd for likestilling av funksjonshemma i Ørsta kommune Vedlegg 7 Høyringssvar frå klinikk for medisin og rehabilitering Helse Møre og Romsdal HF

2 2 Saksutgreiing: Handlingsplan for Koordinerande einingar, individuell plan og koordinator i Møre og Romsdal inngår som eit innsatsområde i vedteken samhandlingsstrategi for Møre og Romsdal Overordna samhandlingsutval vart orientert om handlingsplanen i møte 7. februar Det vart tilrådd at utkast for handlingsplan skulle sendast på høyring til kommunane, regionråda, helseføretaket og brukarutvalet i Møre og Romsdal. Handlingsplanen vart sendt ut på høyring 10. februar med frist for uttale 8. april. I høyringa ynskte ein tilbakemelding på følgjande spørsmål; 1) Er valte hovudmål det rette med bakgrunn i utfordringsbilete og behov i Møre og Romsdal? Mål: 1) Auka kunnskap og felles forståing om pliktar, ansvar og oppgåver knytt til koordinerande einingar, individuell plan og koordinator 2) Prioritere og vidareutvikle koordinerande einingar i Møre og Romsdal 2) Er dei valte tiltaka/aktivitetane dei rette for å understøtte målsetjinga? Bør det vere fleire tiltak/aktivitetar, og i så fall på kva for område og kvifor? 3) Sluttar ein opp om ansvar- og oppgåvefordelinga som er skildra i handlingsplanen? 4) Sluttar ein opp om forslag om at arbeidsgruppa for koordinerande einingar, individuell plan og koordinator blir gjeve mandat til å koordinere gjennomføring av dei ulike tiltaka/aktivitetane? 5) Sluttar ein opp om at rapportering og evaluering må inngå som ein del av arbeidet med handlingsplanen, og at det skal utarbeidast ein årleg rapport med evaluering av mål og tiltak for å sikre framdrift i samhandlingsarbeidet? 6) Eventuelt andre synspunkt og innspel til handlingsplan for Koordinerande einingar, individuell plan og koordinator i Møre og Romsdal. Oppsummering av høyringsinnspel Det vart motteke totalt 7 høyringsinnspel til handlingsplanen. Ei oppsummering frå høyringsinnspela er samanfatta under punkta under. 1) Er valte hovudmål det rette med bakgrunn i utfordringsbilete og behov i Møre og Romsdal? Mål: 1) Auka kunnskap og felles forståing om pliktar, ansvar og oppgåver knytt til koordinerande einingar, individuell plan og koordinator 2) Prioritere og vidareutvikle koordinerande einingar i Møre og Romsdal Rådet for likestilling av funksjonshemma i Aukra kommune, Rådet for menneske med nedsett funksjonsevne i Herøy kommune og Samhandlingsutvalet i Orkidè kommunane er samde i målsetjinga for innføring av handlingsplanen.

3 3 Molde kommune ved ergoterapi-fysioterapi og rehabiliteringstenesta meiner at måla er relevante. Eldrerådet i Ørsta har mellom anna vurdert måla, og rår til at det kjem til eit nytt punkt, som får fokus i planen. Nytt punkt 3: Avdekke avvik, fallgruver og utilsikta verknader av planar. Klinikk for medisin og rehabilitering meiner at det var uklart om mål nr. 2 gjeld vidareutvikling av koordinerande eining i Helseføretak eller kommunar. 2) Er dei valte tiltaka/aktivitetane dei rette for å understøtte målsetjinga? Bør det vere fleire tiltak/aktivitetar, og i så fall på kva for område og kvifor? Rådet for likestilling av funksjonshemma og Rådet for menneske med nedsett funksjonsevne i Herøy har ingen merknad til punkta. Molde kommune ved ergoterapi, fysioterapi og rehabiliteringstenesta har ikkje svart direkte på spørsmål, men har føreslått følgjande: 1. Felles retningsliner for individuell plan og koordinator i kommunane 2. Internundervisning i nettbasert verkty for individuell plan, samt opplæring i høve til koordinator si rolle 3. Retningsliner for oppnemning av koordinator 4. Opplæring i høve til innhaldet til individuell plan 5. Behov for avklaring i høve til dokumentasjon av individuell plan pasienten/brukaren sin journal. 6. Rutinar for dokumentasjon ved munnleg ynskje om individuell plan Samhandlingsutvalet i Orkidè kommunane har ingen merknader til valte tiltak/aktivitetar, men dei meiner at nokre av punkta går litt over i kvarandre, og ynskjer, dersom muleg, at nokre av punkta blir slått saman for å gjere det meir oversiktleg. Klinikk for medisin og rehabilitering har poengtert problemet med overføringa av individuell plan og kommune. Dei har foreslått et nytt punkt under tiltak. Eldrerådet i Ørsta vil peike på kor viktig brukarmedverknad er, for alle partar, både på system- og individnivå. 3) Sluttar ein opp om ansvars- og oppgåvefordelinga som er skildra i handlingsplanen? Både Rådet for likestilling av funksjonshemma i Aukra kommune, Eldrerådet i Ørsta, Klinikk for medisin og rehabilitering og Molde kommune ved ergoterapi, fysioterapi og rehabiliteringstenesta har ingen merknader til punkta. Samhandlingsutvalet i Orkidè kommunane og Rådet for menneske med nedsett funksjonsevne i Herøy kommune sluttar seg til ansvars- og oppgåvefordelinga i handlingsplanen.

4 4 4) Sluttar ein opp om forslag om at arbeidsgruppa for innsatsområdet Koordinerande einingar, individuell plan og koordinator blir gjeve mandat til å koordinere gjennomføring av dei ulike tiltaka/aktivitetane? Rådet for likestilling av funksjonshemma i Aukra kommune, Klinikk for medisin og rehabilitering og Eldrerådet i Ørsta har ingen merknader til punkta. Molde kommune ved fysioterapi, ergoterapi og rehabiliteringstenesta støttar dette. Dei meiner samtidig at det er viktig å inkludere dei store kommunane tidleg i dette arbeidet. Samhandlingsutvalet i Orkidè kommunane og Rådet for menneske med nedsett funksjonsevne sluttar opp om forslaget om at arbeidsgruppa blir gjeve mandat til å koordinere gjennomføring av dei ulike tiltaka/aktivitetane. 5) Sluttar ein opp om at rapportering og evaluering må inngå som ein del av arbeidet med handlingsplanen, og at det skal utarbeidast ein årleg rapport med evaluering av mål og tiltak for å sikre framdrift i samhandlingsarbeidet? Rådet for likestilling av funksjonshemma i Aukra kommune, Rådet for menneske med nedsett funksjonsevne, Molde kommune ved fysioterapi, ergoterapi og rehabiliteringstenesta og Eldrerådet i Ørsta har støtta dette. Klinikk for medisin og rehabilitering har ingen merknad til punkta. Samhandlingsutvalet Orkidè stiller spørsmål om behov for årleg rapportering, særleg med omsyn til tidsperioden handlingsplanen skal gjelde for. Kven skal ha ansvar for å rapportere og evaluere? Skal arbeidsgruppa ha ansvaret for slik oppfølging? Forslag om at handlingsplanen bør gjelde for ein lengre periode enn ut ) Eventuelt andre synspunkt og innspel til handlingsplanen Rådet for likestilling av funksjonshemma i Aukra kommune meiner at ein slik handlingsplan er naudsynt for den einskilde kommune. Molde kommune, Ørsta kommune og Herøy kommune har ingen merknader eller andre innspel til punkta. Samhandlingsutvalet i Orkidè kommunane meiner at det er for mykje beskriving/lovtekst i dokumentet. Det kan i større grad til dømes referere til aktuelt lovverk. Dei støttar utfordringane i samband med skule og barnehage når det gjeld individuell plan. Vidare meiner samhandlingsutvalet at det er utfordringar med manglande kunnskap i helseføretaket om plikt til å informere pasientar om rett til å få utarbeidd individuell plan. Klinikk for medisin og rehabilitering har følgjande innspel til handlingsplanen; Det bør i Handlingsplanen visast til «Veileder om rehabilitering, habilitering, individuell plan og koordinator», for å hjelpe leiar og fagfolk til å arbeide betre saman om nettopp desse tema.

5 5 Tydeliggjering av ansvarsområde for kommunane og helseføretak i høve til utarbeiding av individuell plan. Forslag om at E-meldingssystemet blir kopla opp mot koordinerande eining i kommunane. Nye punkt som forslag til handlingsplanen bl.a. punkt 1.1c og 1.4. Oppfølging av høyringsinnspel forslag til justering Som oppfølging av handlingsplan for Koordinerande einingar, individuell plan og koordinator i Møre og Romsdal, blir det med bakgrunn i høyringsinnspela lagt fram følgjande forslag om justeringar; 1. Tidsplanen for gjennomføring av tiltaka/aktivitetane blir endra frå til Arbeidsgruppa blir gjeve mandat til å koordinere gjennomføring av dei ulike tiltaka/aktivitetane. 3. Arbeidsgruppa skal ha ansvar for rapportering og evaluering av handlingsplanen. 4. Arbeidsgruppa skal utarbeide system og rutinar for rapportering og evaluering av handlingsplanen. 5. Det skal krevjast årleg rapportering på måloppnåing av tiltaka/aktivitetane frå kommunane. 6. Evaluering skal skje etter årleg rapportering. Dette er for å sjå om handlingsplanen ble følgd opp i kommunane, samt for å vurdere nye justeringar til planen. 7. Overordna Samhandlingsutval Møre og Romsdal skal haldast orientert om rapportering og evaluering av handlingsplanen. 8. Arbeidsgruppa skal ha ansvar for oppfølging av handlingsplanen. 9. Det blir utarbeidd felles retningsliner for individuell plan og koordinator. Retningsliner skal vere gjeldande for alle kommunar med koordinerande eining. 10. Høyringsuttalane blir tatt med vidare i arbeidet med handlingsplanen.