Detaljregulering for naustområde Bakk, Haraldseidvågen Del av gnr 162 bnr 6, 109 og 67 Vindafjord kommune
Innhald 1 Samandrag... - 3-2 Bakgrunn... - 3 - Hensikten med planen...- 3 - Forslagstillar, plankonsulent, eigartilhøve...- 3 - Krav om konsekvensutgreiing?...- 3-3 Planprosessen... - 3 - Medverknadsprosess, varsel om oppstart...- 3-4 Planstatus og rammer... - 4 - Overordna planar...- 4-5 Skildring av planområdet, eksisterande tilhøve... - 5 - Plassering...- 5 - Arealbruk og tilgrensande arealbruk...- 5 - Staden sin karakter...- 5 - Kulturminne og kulturmiljø...- 6 - Naturverdiar...- 6 - Rekreasjonsverdi/ rekreasjonsbruk...- 6 - Landbruk...- 6 - Trafikktilhøve...- 7-6 Skildring av planforslag... - 7 - Planlagt arealbruk...- 7 - Gjennomgang av aktuelle reguleringsføremål...- 7 - Bygningane si plassering og form...- 9 - Trafikktilhøve...- 10 - Uteopphaldsareal...- 10 - Landbruksfaglege vurderingar...- 10-7 Verknader/konsekvensar av planforslaget... - 11 - Risiko- og sårbarheitsanalyse...- 12-8 Innkomne innspel... - 12 - Fylkesmannen i Rogaland...- 12 - Kystverket...- 13 - Fiskeridirektoratet, Region Sør...- 13 - Nabo/grunneigar Martin Frøyland...- 14-10 Avsluttande kommentarar... - 14-11 Vedlegg... - 14 - - 2 -
1 Samandrag Det er planlagt naust med tilhøyrande kai-/moloanlegg i område som i arealdelen til kommuneplanen er avsett til naustområde. Det er nokre mindre kaiar innanfor området i dag, men ikkje bygningar. Det er planar for oppføring av 7 nye naust som vist på illustrasjon. 2 Bakgrunn Hensikten med planen Kommuneplanen har avsett eit område til naustføremål med krav om reguleringsplan før utbygging. Planen er laga som grunnlag for bygging av naust og småbåtanlegg i området. Forslagstillar, plankonsulent, eigartilhøve Omega areal AS er engasjert av Tor Arne Sandvik og Lars Håvardsholm for å utarbeide reguleringsplan for området. Tor Arne Sandvik er eigar av gnr. 162 bnr. 6, medan Lars Håvardsholm er eigar av fritidseigedom bnr. 109. Ein mindre del av bnr. 67 er tatt med i planen etter krav frå kommunen, denne eigedomen er eigd av Martin J. Frøyland. Krav om konsekvensutgreiing? Kommunen har vurdert at planen ikkje utløyser krav om konsekvensutgreiing (KU). 3 Planprosessen Medverknadsprosess, varsel om oppstart Planarbeidet er varsla i tråd med PBL 12-8. Det vart gjennomført oppstartmøte med Vindafjord kommune den 20.06.2012. Med bakgrunn i kommuneplanen hadde kommunen ikkje vesentlege merknader til at planarbeidet vart starta. Naboar og offentlege høyringsinstansar blei direkte varsla med brev den 02.07.2012, og arbeidet blei kunngjort i Haugesunds Avis. Oppstart av planarbeidet er varsla av Omega areal AS. Grunneigar har også munnleg kontakta eigar av gnr. 162 bnr. 67. Frist for å kome med innspel vart sett til 16.08.2012. I samband med varslinga kom det inn fem uttalar frå offentlege mynde og naboar. - 3 -
4 Planstatus og rammer Overordna planar Området inngår i dag ikkje i nokon reguleringsplan. Området er i arealdelen til kommuneplanen avsett til framtidig område for naust, og det er i kommuneplanen knytt føresegner til naustområda. I naustområde med plass til meir enn 3 naust i planperioden kan ikkje utbygging skje før det ligg føre godkjend reguleringsplan. I reguleringsplanen skal det sikrast areal for opne «grøntområde». Det aktuelle naustområdet ligg innanfor omsynssone der det er krav om felles planlegging for fleire eigedomar. Planområde Utsnitt frå kommuneplanen Kommuneplanen seier også noko om bruk, utforming og storleik for naust, mellom anna: «Naust skal ha ein maksimal storleik på 40 m2. Nausta skal byggjast i ein etasje med maksimal mønehøgde på frontvegg mot sjø på 5.5 meter og maksimal gesimshøgde på frontvegg på 3.5 meter.» - 4 -
5 Skildring av planområdet, eksisterande tilhøve Plassering Området ligg eit stykke inn i Ålfjorden, ytst ved Haraldseidvågen. Tilkomst til området med bil går via fylkesveg 735 og privat gardsveg ned til sjølve naustområdet. Arealbruk og tilgrensande arealbruk Området er i dag til dels lite nytta. Ein stor del av planområdet inngår i fritidseigedomen gnr. 162 bnr. 109 som er utbygd med fritidsbustad. I tilknyting til denne er det bygd eit bryggeanlegg. I plangrensa mot nord ligg det to eksisterande naust; naustet nærast planområdet tilhøyrer garden, gnr 162 bnr 6. Like innafor plangrensa i tilknyting til eksisterande naust, er det laga ein liten molo/pir. Området skrår litt oppover frå sjøen. Det er ein del større steinar nedst mot sjøen, mens det er noko blanding med tre og kratt i skråninga bak. Staden sin karakter I Haraldseidvågen er det bygd fleire naust på begge sider av vågen. På austsida av vågen ligg Trovåg bustadfelt med tilhøyrande naustrekke. Planområdet ligg i utløpet av vågen, med Haugalandet Interkommunale Miljøverk (HIM) på vestsida av neset. Området ligg i kort avstand frå tettstaden Skjold, og fleire av dei som bur i Skjold har naust og båtplassar i Haraldseidvågen. Staden elles er typisk med landbruk og utmark. Oversiktsbilete frå aust. Kjelde: Google Earth - 5 -
Kulturminne og kulturmiljø Det er ikkje registrert kjende kulturminne innanfor planområdet. Kartet syner at det er god avstand til registrerte kulturminne. Kartutsnitt kulturminner. Kjelde: Temakart- Rogaland Naturverdiar Det er ikkje registrert spesielle naturverdiar innanfor planområdet eller i nærleiken. Artsdatabanken, Naturbase og miljostatus.no er gjennomgått. Vasskvaliteten i Haraldseidvågen er vurdert til «God» i miljostatus.no, og det er berre gjort treff på nokre vanlege fiskeslag i sjøen i området. Rekreasjonsverdi/ rekreasjonsbruk I følgje oppdragsgjevar er området ikkje nytta av ålmenta. Området er heller ikkje spesielt godt eigna til fritidsføremål utan bryggjer eller liknande. Sjøområda utanfor planområdet er nytta til småbåttrafikk. Landbruk Det vert ikkje drive landbruk innanfor planområdet, men ein del av arealet inngår i ein landbrukseigedom, gnr 162 bnr 6. - 6 -
Trafikktilhøve Fylkesveg 735 fører inn til landbrukseigedomen. Frå denne går det privat veg ned til sjøen ved eksisterande hytte og naust. 6 Skildring av planforslag Planlagt arealbruk Området er regulert til naustområde, med tilhøyrande anlegg til båtplassar. Områda som ikkje inngår i naustområda er regulert til friluftsføremål. Gjennomgang av aktuelle reguleringsføremål Det er avsett område til seks naust i nord og eit lengst sør. I naustområda lengst nord er det planlagt naust i tre mindre rekkjer med to og tre naust i kvar. Framfor nausta er det tenkt å byggja bryggjer med lemmar og båtopptrekk for å kunne dra båtane inn i nausta. Dominerande vindretning er frå nord, og det er også her det kjem mest bølgjer frå. Det er difor lagt inn høve for å byggja ein bølgjedempar i dette området. Det er laga føresegner som sikrar utforminga av sjølve nausta, og det er laga illustrasjonar for korleis nausta kan sjå ut i terrenget. Bølgjebrytar er lagt så langt ut, at det skal vera mogleg å leggja til og manøvrera ein mindre båt innanfor anlegget. - 7 -
Nedfotografert forslag til reguleringsplan - 8 -
Areal som ikkje er til utbyggingsføremål er regulert til friluftsføremål. Det er lagt inn friluftsføremål i bakkant av nausta, og det er laga opningar mot sjø, for å gje tilgang til sjø for ålmenta. Fjellknausen i sør er også lagt som friluftsføremål for å ta vare på denne. Områda som ikkje er regulert til småbåtanlegg i sjø er regulert til friluftsføremål. Bygningane si plassering og form Nausta er plassert med nokre i lag med opningar mellom for å kunne ha opning for ålmenta til å koma på framsida av nausta. Det er regulert inn totalt sju naust. Nausta er plassert slik at dei ikkje skal verta dominerande i terrenget. Føresegnene har krav til maks høgde for gesims og møne. Føresegnene set også krav til maks storleik. Det er også sett krav til maks areal for vindauge og utforming av portar mm. Illustrasjonskart naust - 9 -
Trafikktilhøve Det er ikkje regulert inn veg heilt ned til naust. Nausttomtene vil få vegrett og parkering på felles parkeringsplass på hovudbruket. Uteopphaldsareal Uteopphaldsareal for nausta vil vera bryggjene og friluftsområda. Mykje av uteopphald ved naust vil vera med båt på sjøen. Landbruksfaglege vurderingar Det vil ikkje nyttast dyrka mark eller beite for å byggja ut området. Eksisterande traktorveg og parkering vil verta nytta. Ein kan heller ikkje sjå at nausta på nokon måte vil koma i konflikt med landbruksinteressene. - 10 -
7 Verknader/konsekvensar av planforslaget Planforslaget er for det meste i samsvar med overordna plan, arealdelen til kommuneplanen. Planområdet var varsla noko større enn planforslaget, då planforslaget er justert noko etter tilbakemelding frå eigar av gnr. 162 bnr. 67. Illustrasjon plan med bygningar Med denne utbygginga vil ein større del av strandsona verta nytta til naustområde og småbåtanlegg, men det er sett krav til utforminga av nausta og anlegga som gjer at dei ikkje vil verte dominerande i terrenget. Området ovanfor nausta er allereie utbygd med fritidsbustad og det står naust i grensa mot nord. Vi kan ikkje så at planframlegget har særlege negative konsekvensar for området. Landskapet i området vert lite påverka, då det vil bli lite sprengingsarbeid i området, og fjellknaus sør i området vert regulert til friluftsføremål, noko som medfører at det ikkje er tillate med inngrep i denne. I følgje våre oppdragsgjevarar er området på land i dag lite nytta av ålmenta. Sjøområda i Haraldseidvågen er mykje nytta med båtar i sommarhalvåret, dette vil ikkje verte vesentleg endra ved utbygging av nokre fleire naust og kaianlegg. - 11 -
Risiko- og sårbarheitsanalyse Det er utført ROS-analyse i samband med prosjektet. Sjølve analysen ligg vedlagt. Det er ved analysen ikkje funnet særleg stor risiko ved uønska hendingar. Tabellen under viser konklusjonane i analysen. Uønska hending Sannsyn Konsekvens Risiko Aktuelt tiltak Skred 1 1 1 Grunnbrot/utrasing 1 1 1 Flaum 2 1 2 Havari av flytebrygge 2 2 4 Brot av fortøying av båt 3 1 3 Vedlikehald, tilsyn Brann i båt/naust 3 2 6 Vedlikehald, brannutstyr Skogbrann 3 2 6 Informasjon Oljespill 4 1 4 Vedlikehald Personar fell i sjøen 4 1 4 Tilsyn med barn, leidarar 8 Innkomne innspel Ved varsling om oppstart av planarbeidet kom det inn følgjande fem merknader: Fylkesmannen i Rogaland Fylkesmannen i Rogaland skriv at naustområdet er vist i kommuneplanen, men at det ikkje er vist tiltak i sjø eller vegtilkomst. Fylkesmannen skriv også at areal som ikkje er vurdert etter naturmangfaldslova eller pbl må konsekvensutgreiast. ROS-analyse må alltid utarbeidast, og i dette høve innehalde korleis ein skal unngå skadar pga ekstremver. Nauststorleik må vere maks 35 m2 BYA med maks 3 meter gesimshøgd og 4.5 meter mønehøgd. Markerte terrengformasjonar må takast vare på og landskapstilpassing er naudsynt. Det må vere gangavstand for ålmenta langs sjøen og høve til å koma ned til stranda mellom naustgrupper. - 12 -
Vår vurdering: Naustområdet er vist i kommuneplanen, og det vil i samband med naust vere naturleg å ha anlegg for båtplassar. Sakshandsamar i hjå kommunen har avklara med Fylkesmannen at det ikkje er trong for KU, men at tiltaka må utgreiast godt i planskildringa. Det er utarbeidd ROS-analyse og tiltaket er sjekka ut etter naturmangfaldlova. Desse rapportane er vedlagt. Når det gjeld storleik og høgder for naust, så syner me til kommuneplanen og Miljøverndepartementet si avgjerd av dette. Naust er plassert i grupper, og det er regulert friluftsområder for å gje ålmenta tilgang til sjø. Nausta er gjennom plankart og føresegner landskapstilpassa. Kystverket Kystverket har ikkje vesentlege innvendingar til at det vert igangsett reguleringsarbeid. Dei skriv er det er viktig at det ikkje vert avsett større areal i sjø til enkelt interesser enn det som er strengt naudsynt, samt at det ikkje vert planlagt tiltak som kan hindra fri ferdsle. Dei gjer merksam på at dei tiltak som vert planlagt må dimensjonerast slik at dei kan stå i mot mellom anna drag og bølgjeslag frå pårekneleg båttrafikk i området. Sjøkart i området. Kjelde: Kystverket I føresegnene til planen må det tas med at tiltak i sjø som fell inn under hamne- og farvasslova skal godkjennast av rette hamnemynde. Vår vurdering: Det er regulert inn bølgjebrytar og felles kaianlegg i nord. Det er tatt med punkt i føresegnene som skal sikra tilhøva til hamne- og farvasslova. Fiskeridirektoratet, Region Sør Direktoratet skriv at Fiskarlaget Vest ikkje har merknader til tiltaket. Dei skriv vidare at Havforskningsinstituttet i sommar har kartlagt ålegrasenger i Rogaland fylke, men at dei ennå ikkje veit om det er gjort funn av desse i Vindafjord, dei tek difor atterhald om at dei kan kome med innspel i høve til dette ved eit seinare tidspunkt i planlegginga. Dei har elles ingen vesentlege merknader til planarbeidet. - 13 -
Vår vurdering: Fiskeridirektoratet vil ha høve til å koma med ev. nye innspel når planen vert utlagt til offentleg ettersyn. Statens vegvesen Skriv at vegvesenet sine interesser knyter seg til fylkesveg 735 og tilknytinga til denne, og at planområdet ikkje ligg inntil fylkesvegen og medfører konflikt med byggeavstand frå vegen. Dei peikar generelt på at planen må ivareta trafikktryggleiken for alle trafikantgrupper. Vegvesenet har utover dette ikkje merknader til planoppstart, men tek atterhald om moglege merknader når det ligg føre eit konkret planforslag med føresegner. Vår vurdering: Statens vegvesen vil ha høve til å koma med ev. nye innspel når planen vert utlagt til offentleg ettersyn. Nabo/grunneigar Martin Frøyland Skriv at regulering av areal på bnr. 67 ikkje må omfatte heile området slik det går fram av oppstartvarsel. Nærare bestemt område må avtalast før regulering startar, eventuelt må bnr. 67 utgå frå reguleringsplanområdet. Vår vurdering: Etter samtale med Martin Frøyland, og avklaring med kommunen, er området no avgrensa til berre å omfatta ein mindre del av bnr.67 berga som fører ned i sjøen, utan å ta med flata på toppen av berga. 10 Avsluttande kommentarar Forslag til reguleringsplan er utarbeidd i samsvar med overordna planar. Planforslaget tar høgde for utbygging av naust og båtanlegg samstundes som det er sett av grøne område til friluftsføremål. 11 Vedlegg Føresegner Plankart ROS-analyse Vurdering etter naturmangfaldlova 8-12 - 14 -