Saksutgreiing til folkevalde organ

Transkript

1 Side 2 av 8 Saksutgreiing til folkevalde organ Dato: Arkivref: / /2015 / 504 Saksbehandlar: Linda Djuvik linda.djuvik@bomlo.kommune.no Sak nr i møte Utval Møtedato PS 34/15 Utval for areal og samferdsel FRAMLEGG TIL PRIVAT DETALJREGULERINGSPLAN FOR NAUSTOMRÅDE ÅDNANES 115/5 PLANID Rådmannen sitt framlegg til vedtak: 1. Framlegg til privat detaljreguleringsplan for naustområde på gnr. 115, del av bnr. 5 på Ådnanes i Bømlo datert med tilhøyrande reguleringsføresegner vert i medhald av plan- og bygningslova vedteke utlagt til offentleg gjennomsyn. Saksprotokoll i Utval for areal og samferdsel Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Kystkonsult AS v/mikal Møller Hovda dato Møte i utval for areal og samferdsel sak PS 50/14 dato E-post frå Bømlo kommune teknisk drift v/lyslo dato E-post frå Bergens Sjøfartsmuseum dato Brev frå Fylkesmannen i Hordaland dato E-post frå Fiskeridirektoratet dato E-post frå Fiskarlaget Vest dato E-post frå Hordaland Fylkeskommune dato Bakgrunn for saka: Utval for areal og samferdsel handsama i møte sak PS 50/14 prinsippsøknad for å melde oppstart av detaljreguleringsplan for naustområde på gnr. 115, del av bnr. 5 på Ådnanes. Det vart samrøystes gjort slikt vedtak:

2 Side 3 av 8 1. I samsvar med 12-3 i Plan- og bygningslova vil rådmannen rå til at gnr. 115, bnr. 5, Ådnanes i Bømlo vert teke opp til regulering til 4 stk. naust med tilhøyrande trafikkareal, kai og småbåthamn. Forslagsstillar skal melde oppstart av planarbeidet i samsvar med Plan- og bygningslova Som ein del av arbeidet med detaljreguleringsplanen skal det i samsvar med sjekklistene vist i kap Beredskapsomsyn i kommuneplan gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. Kystkonsult AS v/mikal Møller Hovda har på vegen av Ivar Ådnanes sendt framlegg til detaljreguleringsplan for deler av gnr. 115, bnr. 5. Planstatus: Kommuneplan I gjeldande kommuneplan er området vist som naust med krav til regulering. Eksisterande tilkomstveg ligg i LNF-kan område for spreidd bustadbygging. Reguleringsplan Planområdet ligg på Ådnanes,, ca. 5 km sør-aust for Svortland. Området er ikkje regulert frå før. Planforslaget Forslagsstillar er Ivar Ådnanes. Planområdet er totalt ca. 6,4 daa. Av det er: Nr. 1 Bygningar og anlegg Slipp 130 m2 Naust (eksisterande) 166 Naust (nye) m2 Nr. 2 Samferdselsanlegg og teknisk infrastruktur Køyreveg med snuplass 1110 m2 Veg 119 Parkering (P) 298 Annan veggrunn 433 Kai (eksisterande) 48 Kai (ny) Nr. 3 Grøntstruktur Turdrag ( gangsti) 116 m2 116 Nr. 5 Landbruks-, natur- og friluftsføremål LNF-område 1565 m2 LNF-område der bustadbygging er tillete Nr. 6 Bruk og vern av sjø og vassdrag m. tilh. Strands.

3 Side 4 av 8 Sjø 366 m2 Småbåthamn Samla areal frisikt arealet inngår i andre føremål 6374 m2 Bygningar og anlegg (eksisterande) To eksisterande naustbygningar (1 og 2), slipp, to flytebrygger og kai inngår i planen. Det minste av dei eksisterande nausta (2) kan byggjast om og utvidast. Bygningar (nye) Det kan oppførast 4 stk. nye naust m/kai og flytebrygger. Slipp Eksisterande slipp er teken med i planforslaget. Slippen kan utbedrast og fornyast. Naust (eksisterande) Det er to eksisterande naust i planområdet. Desse inngår i planen. Det minste naustet (2) kan utvidast til BRA 40 m2 og mønehøgd 5 m. Naust (nye) I reguleringsplanen inngår 4 nye naust med BRA 40 m2 og mønehøgd 5 m. Framføre nausta kan det lagast brygge og to og to naust kan ha felles flytebrygge. Kjøreveg med snuplass. Tilførselsveg er i dag eksisterande traktorveg til sjøen. Denne kan utvidast noko og er regulert med breidde 3 m. Siste del av vegen er breiare for å kunna setja ut småbåtar frå tralle på ein god måte. Nedre del av kjørevegen har romsleg snuplass. Veg Intern veg med breidde 3 m for tilkomst til naust, kai, flytebrygger og turdrag. Parkering 13 stk. parkeringsplasser i nedre del av kjøreveg. Annan veggrunn Grøfter og skråningar. Kai (eksisterande) Eksisterande kai inngår i planen. Kai (ny)

4 Side 5 av 8 Ein ny trekai er teken med for å få til betre forhold og sikkerhet for ei av dei eksisterande flytebryggene. Turdrag (gangsti) Gangdraget er tenkt nytta for ferdsel til eitt naust, slippen og til LNF-området. LNF-område LNF-området i planen bind saman LNF-området i kommuneplanen som er nord og sør for planområdet. LNF-område der bustadbygging er tillete Dette er lagt inn i planen for å få samanheng med arealet i kommuneplanen utafor planområdet. Sjø Sjøareal utan faste inngrep. Småbåthamn Området kan nyttast til flytebryggjer og fortøyning av båtar etter godkjent plan. Framføre dei nye nausta kan det vera flytebryggjer. Området der dei nye nausta skal plasserast (frå sør) (frå nord)

5 Side 6 av 8 Fortøyning sør for naust 1. Hamna Vurderingar: Merknader til oppstart av planarbeidet I samband med oppstartsmeldinga er det komen inn nokre merknader som følgjer vedlagt. Her kjem planleggjar sine samandrag av innkomne merknader og hans kommentarar til desse: 1. Bømlo kommune teknisk drift v/lyslo dato Arealet som skal regulerast berører ikkje kommunal grunn, og ein har under desse forutsetningane ikkje merknader til oppstartsvarselet. 2. Bergens Sjøfartsmuseum dato Museet kjenner ikkje til kulturminne ved Stølsvika i Bømlo kommune som kan bli direkte råka av det omsøkte tiltaket. Me har per dags dato heller ingen indikasjonar på at området har vore nytta som ankringsstad eller hamn i eldre tid. Museet har derfor ingen merknader til den planlagde detaljreguleringa. Det er likevel mogleg at det ligg kulturminne i det aktuelle området. Me gjer derfor merksam på at ein eventuell tiltakshavar pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. Dersom det blir gjort funn blir det meldt frå. Jf. Kulturminneloven 8, 2 ledd. 3. Fylkesmannen i Hordaland dato Fylkesmannen legg til grunn at planarbeidet er i samsvar med overordna plan og at det ikkje er i strid med nasjonale føringar for arealpolitikken. Vi minner om at dei konsekvensane reguleringsplanen har for endra arealbruk skal vurderast i høve til naturmangfaldet, og at dette må kome tydeleg fram i planarbeidet, jf naturmangfaldlova 7 til 12.

6 Side 7 av 8 Fylkesmannen minner også om at alle planar etter plan- og bygningslova skal inkludera ei vurdering av folkehelseperspektivet, jf plan- og bygningslova 3-1. Planlegginga skal vera helsefremjande gjennom å fremja faktorar som styrkjer helsa og livskvaliteten, og som bidreg til å verne mot negative faktorar, jf folkehelselova 4. Fylkesmannen vil elles gjera merksam på at ROS-analysen må nytta akseptkriteria som er i tråd med byggteknisk forskrift (TEK 10). Analysen må vidare, som presisert i plan- og bygningslova, sjå på risiko både innanfor og utanfor planområde som kan påverka tiltaket, og eventuell endra risiko som følgje av tiltaket. Planarbeidet er i samsvar med overordna plan, og strir ikkje mot nasjonale føringar. Folkehelseperspektivet blir vurdert. Viser til utarbeidd ROS-analyse. 4. Fiskeridirektoratet dato Vi kan ikkje sjå at tiltaket kjem i konflikt med dei akvakultur- og fiskeriinteresser vi har registrert og vi har derfor ingen kommentarar til planen. 5. Fiskarlaget Vest dato Fiskarlaget Vest har sendt saka til Sunnhordland Fiskarlag. Ifølgje nettsida til Fiskeridirektoratet er det ikkje registrert fiskeriinteresser i omsøkt område. Fiskarlaget Vest har ikkje andre merknader til saka enn at fortøyningar til eventuelle flytebryggjer må avgrensast mest mogeleg for å avgrensa beslaglagt sjøområde for anna bruk. Fortøyningar blir avgrensa så godt det let seg gjera i praksis. For dei nye flytebryggjene blir det sendt eigen søknad. 6. Hordaland Fylkeskommune dato Naustområde Reguleringsføremålet er beskrive som naust. Vi vil peika på kommuneplanen sine føresegner 4.4 i arealdelen som set rammer for naust, og legg til grunn at desse vert nedfelt i reguleringsplanen. Landskap Planområdet er del av eit større landskapsområde definert som «Indre øy, holme og skjergardslandskap» av middels verdi. Det må ved storleik, omfang av tiltaka, utforming og materialbruk leggast vekt på å ta vare på og utvikla landskapskvalitetane. Det bør planleggjast for konsentrert og effektiv arealbruk. Dei grunne og flatare områda lengst nord i planområdet bør skjermast for utbygging og inngrep. Kulturminne Hordaland fylkeskommune, kultur- og idrettsavdelinga, har vurdert saka som regional sektorstyresmakt innan kulturminnevern. Ut frå våre arkiv er det ikkje kjent automatisk freda kulturminne eller andre verneverdige kulturminne knytt til planområdet. Arealet blir vidare vurdert til å ha lågt potensiale for funn av uregistrerte kulturminne i marka.

7 Side 8 av 8 Saka har også blitt vurdert av Bergen Sjøfartsmuseum. I høve e-post datert , kjenner dei ikkje til marine kulturminne som kan bli råka av reguleringa, og har ingen indikasjonar på at området har vore nytta som ankringsstad eller hamn i eldre tid. Vi har difor ingen avgjerande merknader i på noverande stadium i planprosessen. Oppsummering Hordaland fylkeskommune ber om at planarbeidet legg særleg vekt på landskapsomsyn, og at planen vert tilpassa kommuneplanen sine føresegner for naustområde. Det blir teke omsyn til landskapet i planlegginga, og rammene for naust som kommuneplanen set blir lagde til grunn. I planforslaget ynskjer ein å leggje til rette for etablering av 4 stk. nye naust med tilhøyrande tilkomstveg, parkeringsplassar, kai, flytebrygge og båtplassar. 2 stk. eksisterande naust, slipp og flytebrygger vil inngå i planområdet. I gjeldande kommuneplan er området vist som naust med krav til regulering. Planarbeidet er såleis i samsvar med gjeldande plangrunnlag. Rådmannen sluttar seg til planleggjar sine vurderingar og rår til at privat detaljreguleringsplan for naustområde Ådnanes på gnr. 115, del av bnr. 5 vert lagt ut til offentleg gjennomsyn. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i området. Området er heller ikkje avsett til viktig viltområde. Beredskap- og samfunnstryggleik: Fagkunnig har gjennomført ROS-analyse. Det er ingen tiltak i raudt felt, dvs. ingen tiltak er naudsynt. Folkehelse: Det er store LNF-område som grensar inn til planområdet. Området er godt eigna som utgangspunkt for turar langs svaberga på land med gode fiskeplasser. Då området ligg til sjø er det også godt eigna som utgangspunkt for sportsfiske, bading og turar på sjøen. I henhold til pkt. 7.2 blir muligheten for fritidsfiske her god då det er planlagt naust og båtplassar. Området er ope for ålment tilgjenge, og det er planlagt turdrag gjennom området. Tilførselsvegen er oversiktlig og har dermed god trafikktryggleik. Oppsummering og konklusjon: Det ligg ikkje føre vesentlege merknader i samband med oppstart av planarbeidet. Rådmannen viser til vurderingane som går fram av saka og rår til at framlegg til privat detaljreguleringsplan for naustområde Ådnanes på gnr. 115, del av bnr. 5 vert utlagt til offentleg gjennomsyn.