Kviteseid kommune Interkommunalt plankontor «MOTTAKERNAVN» «ADRESSE» «POSTNR» «POSTSTED» «KONTAKT» MELDING OM VEDTAK Dykkar ref: Vår ref Saksbeh: Arkivkode: Dato: «REF» 2014/554-19 Sveinung Seljås,35048430 L12 28.11.2014 sveinung.seljas@nissedal.kommune.no N - 29/2 - Reguleringsplan detaljregulering Sandnesodden camping - plan til offentleg ettersyn - særutskrift Her fylgjer særutskrift av formannskapssak 151/14. Plankart og planføresegner er nå retta i samsvar med vedtaket. Det viser seg at det kommunale regelverket for campingplassar ikkje lenger inneheld avgrensing på 30 m2 for utvendig terrasse. 50 m2 i føresegnene her kan difor bli ståande. Grunnlagskartet inneheld ikkje høgdekoter for desimeter. Omsynssone flaum fylgjer difor kote 248 i staden for 247,7 i plankartet. Tittelfeltet i plankartet er ajourført for planprosessen så langt. Planforslag med tilhøyrande dokument vil ligge på kommunens heimeside, fyrstesida www.nissedal.kommune.no i heile høyringsperioden 02.12.14-20.01.2015. Høyringspartar som ikkje har internett-tilgang kan på førespurnad få tilsendt papirversjon av plandokumenta. (Dette oversendingsbrevet er sendt elektronisk til fylkesmannen, fylkeskommunen, NVE og Statens vegvesen, jf melding av 13.05.13.) Frist for merknader/uttale til planforslaget er sett til 20.01.15. Evt. uttale sendast: Nissedal kommune v/interkommunalt plankontor 3855 TREUNGEN. Med helsing Sveinung Seljås -plansjef Kopi til: Planhuset AS Drangedalsveien 1 3750 DRANGEDAL Leif Halvor Haugstøyl Fjone 3855 TREUNGEN Postadresse: 3855 Treungen Telefon: 35048400 Bankgiro: 27140700016 Telefaks: 35048410 Org.nr: 964964343 E-post: info@nissedal.kommune.no www.nissedal.kommune.no
Nissedal kommune Arkiv: Saksmappe: Sakshandsamar: Dato: L12 2014/554-12 Sveinung Seljås 10.11.2014 Saksframlegg Utval Utvalssak Møtedato Formannskapet 151/14 20.11.2014 N - 29/2 - Reguleringsplan detaljregulering Sandnesodden camping - plan til offentleg ettersyn Søkar: Leif Halvor Haugstøyl v/planhuset AS 3750 DRANGEDAL Vedlegg: - Planomtale m/ros-analyse og vedlegg, dat. 01.09.14, mottatt 29.10.14. - Plankart, dat. 01.09.14, motatt 29.10.14. - Planførsegner, dat. 01.09.14, mottatt 29.10.14. - Rapport arkeologisk registrering, dat. 09.05.14 Fakta i saka: Forslag til reguleringsplan Sandnesodden camping, detaljregulering, planid 2014010, omfattar areal tilhøyrande eigedomen g/bnr 29/2. Planområdet ligg mellom fylkesveg 514 og Nisser, på på Fjone, ca 20 km nord for Treungen sentrum. Planområdet ligg i nyleg rullert kommuneplan som byggeområde eksisterande og framtidig (T1) for næringsbygningar (fritids- og turistføremål), med krav om utarbeiding av reguleringsplan. Delar av området har i lenger tid vore i bruk som camping/caravanplass. Planforslaget nå legg opp til ei utviding av denne drifta. Det nå utarbeidde forslaget (detaljplan) har ei planavgrensing i samsvar med føremålet i kommuneplanen. Kommunen la til grunn at forslaget er i tråd med overordna plan, at omfanget og endringane i arealbruk og terrenginngrep (gjenopprettelege) var så små at tiltaket ikkje trong eiga konsekvensutgreiing (KU). Kommunen la også til grunn at reguleringsplanen måtte kunne avvike 50-meters byggegrense. Utan eit slikt avvik vil både denne og andre planar om campingplassar med vatn som trekkplaster vere illusoriske. Forslaget inneheld bygg- og anleggsareal til campingområde (3 stk) samla ca 57,6 dekar, renovasjonsanlegg 0,2 dekar, småbåtanlegg 1,2 dekar, leikeplass ca 1,9 dekar og kombinert føremål 1,6 dekar. Vegar, parkering m.m. utgjer 16,1 dekar, grønstruktur 1,8 dekar, LNFR-areal 71,2 dekar (friluftsføremål og kulturminne/kulturmiljø) og friluftsområde sjø og vassdrag 55,7 dekar. Til saman er planområdet på 207,6 dekar. Området får vassforsyning frå godkjent djupvassinntak i Nisser, og eit felles avløpsnett skal gå til infiltrasjonsanlegg i friluftsområdet sør for området avsett til forretning/kontor. Oppstart av planprosessen blei varsla ved annonsering i lokalpressa (VTB), på kommunens heimeside, og ved brev til statlege og regionale faginstansar innom arealforvalting (24.04.14). - 2 -
Det kom fem innspel til varselet. Innspela er attgjevne og kommenterte i planomtalen, der kommentarane er plasserte direkte etter samandraget av kvart innspel. Det er gjennomført arkeologisk registrering. Rapporten frå denne registreringa syner at det er funne 26 kolgroper fordelt på 21 lokalitetar. Desse er i plankartet lagt inn som 18 omsynssoner H730_1 til H730_18. Planleggar konkluderer med at planen i liten grad påverkar natur- og ressursgrunnlaget eller naturmangfaldet. Desse konklusjonane er trekte etter undersøkingar av tilgjengeleg informasjon (Naturbase, artskart og MIS-Skog og landskap). Naturbase viser rett nok elvedeltaet for Frostdøla som ein nasjonal og regional viktig naturtype. Planområdet ligg derimot i yttergrensa av dette, for det meste meir enn 100 meter frå elveløpet, og bare i nordre delen så nær dette løpet som ca 30 meter. Det er i planomtalen utarbeidd ein ROS-analyse av samfunnstryggleiken ved gjennomføringa av planforslaget. Analysen konkluderer med at det ikkje er fare for naturgitt risiko (flaum, ras eller skred), men peiker på ein viss, men akseptabel risiko for ulykker knytt til bading og utrygg is. Her er det tilrådd å vurdere avbøtande tiltak (redningsutstyr). Grunnen er ikkje undersøkt for radonstråling. Det blir derimot tatt omsyn til denne risikoen ved at dei nye byggforskriftene krev avbøtande byggtekniske tiltak (radonsperre etc) om slikt nivå ikkje på førehand er dokumentert å ligge under tiltaksgrensa. Dei registrerte kulturminna (kolgropene) kan vere utsett for risiko, men innarbeidde omsynssoner med tilhøyrande føresegner om m.a. varslingsplikt bør ha redusert denne til eit akseptabelt nivå. Detaljplanen er drøfta med bornas representant i plansaker. Ho ser positivt på tilretteleggingsnivået planen legg opp til i høve til leikeplassen og stien langs heile strandlina (badeplassar). I medhald av plan- og bygningslova 12-11 skal kommunen snarast mogeleg, og seinast innan 12 veker ta eit privat reguleringsforslag opp til behandling. Kommunen kan sende forslaget tilbake til forslagsstillar for ytterlegare avklaringar, be om justeringar, eller t.d. vedta å vente med behandlinga til planen kan sjåast i ein større plansamanheng. Alternativt kan det bli vedtatt å legge planen ut til offentleg ettersyn, og sende han på høyring i samsvar med pbl 12-10. Blir planen lagt ut til offentleg ettersyn, har kommunen i hovudtrekk stilt seg bak planinnhaldet. Formannskapet skal nå ta stilling til kva som vidare skal skje med planforslaget. Forslagsstillar blir fakturert eit behandlingsgebyr, kr 27.000 i samsvar med vedteke gebyrregulativ. Kommunen har heimel etter pbl 17 til, når visse vilkår er oppfylte, å kunne krevje utbyggingsavtale med privat utbyggar før eventuell utbygging i samsvar med reguleringsplan, kan ta til. Eit slikt vedtak må vere knytt opp til eit rekkefylgjekrav i reguleringsplanen. Det ligg ikkje noko konkret forslag til rekkefylgjekrav i føresegnene som vil kunne heimle krav om utbyggingsavtale. Kommunen ser heller ikkje eit slikt suppleringsbehov. Vurdering: Generelt Planinnhaldet er i samsvar med overordna planverk når det gjeld arealbruksføremåla. Det blir heller ikkje nå vurdert som nødvendig å konsekvensvurdere tiltaka utover det planomtalen har som gjennomgang. Planen vil vidareutvikle og leggje til rette for friluftsliv og rekreasjon i eit næringsperspektiv. Dette vil ha støtte i kommuneplanens målsetjingar kring reiselivssatsinga i kommunen. Planomtalen og planføresegnene ber preg av at dei ikkje har fått ein kontinuerleg oppdatering. M.a. blei rullert kommuneplan 2014-25, arealdelen, vedtatt 28.05.14. utan at dette er gjenspegla i dei to nemnde dokumenta. Dette bør rettast. - 3 -
Samfunnstryggleik Under dei planfaglege vurderingane blir det konkludert med at det ikkje er risiko for svekka samfunnstryggleik frå naturgitte farar på grunn av den planlagte utbygginga. Saksbehandlar sluttar seg i hovudsak til desse konklusjonane, og meiner det ikkje kan vere grunnlag for å krevje noka uavhengig vurdering ut over den gjennomgangen temaet har fått i den vedlagte ROS-analysen. Det er likevel grunn til å påpeike at den NVE-berekna 200-årsflaumgrensa i Nisser går ved kote 247,7 (1 m over høgste regulerte vass-stand). Det er 200-årsflaumgrensa som blir tilrådd brukt ved vurderinga av flaumfaren i reguleringsplanar (retningsliner 2/2011- NVE) Plankartet bør difor vise areal under kote 247,7 som omsynsområde-flaumfare, og planføresegnene bør få eit tillegg, faresone-flaum. Særleg vurdering etter Naturmangfallslova 8 til 12. Omtalen konkluderer og med at planen i liten grad vil påverke naturmangfaldet eller landskapet. Det er i samsvar med kommunens eigne vurderingar. 8. Kunnskapsgrunnlaget. Området som er planlagt ligg relativt sentralt og er difor etter måten godt kjent med tanke på artars bestandsituasjon, naturtype og økologisk tilstand. Sjølv om naturbasen her viser ei nasjonalt og regionalt viktig naturtype, er dette mest knytt opp mot elveløpet tilhøyrande kantsoner. Både at det har vore og framleis er drift av camping/caravanplass her, og at både denne og utvidinga blir lokalisert i god avstand frå elva/elvedeltaet gjer konfliktgraden mindre. 9. Føre var prinsippet. Ut frå arbeidet med reguleringsplanen meiner kommunen å ha eit såpass godt bilde av tiltaket, med dei fylgjer dette får, at føre - var prinsippet ikkje er aktuell problemstilling. 10. Økosystem samla belastning. Planområdet utgjer ein liten del av eit stort, samanhengande økosystem. Sett på bakgrunn av dette er skadeverknadene avgrensa. Tiltaka vil og i stor grad vere reversible. 11. Kostnader ved ytre miljøtiltak må berast av utbyggjar. Dersom det oppstår situasjonar som krev ytre tiltak for å hindre eller avgrense skade på naturmangfaldet skal utbyggjar i prinsippet ta kostnadene med desse. Det er i reguleringsplanen lagt opp til at det ikke skal oppstå noko som krev slike avbøtande tiltak. 12. Miljøforsvarlege driftsteknikkar og metodar. Det er lagt opp til fellesanlegg for handtering av avløpsvatn og avfall. Ut over dette er det ikkje tiltak som kan gje miljøutfordringar. Særleg vurdering av landskapsverknadene Landskapspåverknadene av dei planlagte tiltaka i planområdet blir sett på som moderate grunna at utbygginga vil skje i tilnærma eitt plan (nærast flatt terreng). Utbygging av mobile hytter i område C3 har byggegrense 50 m frå Nisser. Korkje bygga her (maks mønehøgde 4,5 m, eller campingvogner/bubilar i dei andre campingområda vil kunne gje negativt innsyn eller silhuettar. Reguleringsføresegnene Reguleringsføresegnene synest å vere godt gjennomarbeidde. For kommunen er det særleg viktig gjennom rekkefylgjeføresegnene å sikre at det blir ei forsvarleg gjennomføring av tiltaka planen legg opp til. Rekkefylgjeføresegnene slik desse er utforma, vil bidra til dette. Det er utarbeidd eit regelverk for utnytting av areal rundt campingvogner på campingplassar i kommunen, vedteke av kommunestyret. Føresegnene her synest å vere i godt samsvar med dette regelverket. (Maks lengde levegg 3 meter, høgde 1,8 m, rekkverkhøgde 70 cm og maks høgde terrasse 0,5 m). Regelverket har derimot sett maksimal areal golv fortelt + utvendig terrasse til 30 m2. Dette er i planforslaget auka til 50 m2, og bør difor endrast. Utbygging føreset at det kan bli gitt utsleppsløyve for avløpsvatn, noko som ikkje blir avklara før v/a-planen og søknad om utsleppsløyve er behandla. - 4 -
Rådmannen si tilråding: Formannskapet legg i medhald av pbl 12-10 forslag til reguleringsplan Sandnesodden camping, detaljregulering ut til offentleg ettersyn og sender han på høyring til aktuelle høyringsinstansar, når det er gjort fylgjande endringar: Plankartet skal vise arealet under kote 247,7 som omsynssone - flaumfare. Planføresegnene får eit tillegg vedkomande omsynssone flaumfare. Måltala i føresegn 3. 2) blir justert til å samsvare med kommunalt regelverk for utnytting av areal rundt campingvogner på campingplassar. Planføresegner og planomtale blir ajourførte, m.a. slik at dei viser til rullert kommuneplan 2014-25, arealdelen, vedteken 28.05.14. Rådmannen får fullmakt til å godkjenne omarbeidd plan for ettersyn/utsending, og til å fastsetje ettersynsperiode og høyringsfrist. Saksprotokoll i Formannskapet - 20.11.2014 Omforeina tilleggsforslag: Kommunen ynskjer å få utgreidd eventuell tilknyting til kommunalt avløpsnett før det blir investert i nytt/utvida reinseanlegg i planområdet. Votering: samrøystes for rådmannen si tilråding med tilleggsforslaget. Vedtak: Formannskapet legg i medhald av pbl 12-10 forslag til reguleringsplan Sandnesodden camping, detaljregulering ut til offentleg ettersyn og sender han på høyring til aktuelle høyringsinstansar, når det er gjort fylgjande endringar: Plankartet skal vise arealet under kote 247,7 som omsynssone - flaumfare. Planføresegnene får eit tillegg vedkomande omsynssone flaumfare. Måltala i føresegn 3. 2) blir justert til å samsvare med kommunalt regelverk for utnytting av areal rundt campingvogner på campingplassar. Planføresegner og planomtale blir ajourførte, m.a. slik at dei viser til rullert kommuneplan 2014-25, arealdelen, vedteken 28.05.14. Rådmannen får fullmakt til å godkjenne omarbeidd plan for ettersyn/utsending, og til å fastsetje ettersynsperiode og høyringsfrist. Kommunen ynskjer å få utgreidd eventuell tilknyting til kommunalt avløpsnett før det blir investert i nytt/utvida reinseanlegg i planområdet. - 5 -