Møteinnkalling. Stølsheimen verneområdestyre - AU

Transkript

1 Møteinnkalling Stølsheimen verneområdestyre - AU Utval: Møtestad: Fjordsenteret, Aurland Dato: Tidspunkt: 11:00 Eventuelt forfall må meldast snarast på tlf eller e-post fmsfano@fylkesmannen.no. Vararepresentantar møter etter nærare beskjed. Møtet vert gjennomført med svar på e-post.

2

3 Saksliste Utvalssaksnr ST 1/14 ST 2/14 Innhald Lukka Arkivsaksnr Godkjenning av innkalling og dagsorden Stølsheimen landskaspvernområde - midlertidig plassering av anleggsbrakke ved Vassøyane, og transport i samband med vedlikehald av BKK sine installasjonar 2014/3582

4 ST1/14Godkjenningavinnkallingogdagsorden

5 STØLSHEIMEN LANDSKAPSVERNOMRÅDE Saksframlegg Arkivsaksnr: 2014/ Saksbehandlar: Anbjørg Nornes Dato: Utval Utvalssak Møtedato Stølsheimen verneområdestyre - AU 2/ Stølsheimen landskapsvernområde - midlertidig plassering av anleggsbrakke ved Vassøyane, og transport i samband med vedlikehald av BKK sine installasjonar Innstilling frå forvaltar Arbeidsutvalet for Stølsheimen verneområdestyre gjev BKK produksjon dispensasjon til å setje opp ein midlertidig brakkeleir ved Vassøyane i Stølsheimen landskapsvernområde. Det kan setjast opp inntil 6 små brakker. Løyvet er gjeve med heimel i verneforskrift for Stølsheimen landskapsvernområde og naturmangfaldlova ledd, og gjeld med fylgjande vilkår: Plassering av brakkene skal ikkje føra til terrenginngrep, og dei skal plassert i område som har vore nytta til anleggsområde ved sist vedlikehald. Arbeidet skal utførast på ein måte som er mest mogleg skånsam for naturmiljøet. Brakkene skal transporterast ut av området innan veke 46, og området skal vera rydda opp i slutten av veke 46. Dersom vêrforholda vert vanskelege, kan siste del av oppryddinga gjerast når snøen er borte neste vår, men innan Alt avfall skal transporterast ut av området. Leir- og anleggsområdet skal gje minst mogleg synlege spor i terrenget. Det skal sendast rapport med bilde frå arbeidet til sekretariatet straks arbeidet er utført, og innan Arbeidsutvalet for Stølsheimen verneområdestyre gjev BKK produksjon dispensasjon til landing med helikopter i Vassøyane i samband med vedlikehald på installasjonar. Det kan gjennomførast inntil 34 landingar i tidsrommet frå og med 2. oktober 2014 til og med 14. november 2014, i tråd med planlagt transportplan. Løyvet er gjeve med heimel i verneforskrifta for Stølsheimen landskapsvernområde punkt VI nr. 6, og gjeld med fylgjande vilkår: Transporten skal avgrensast til det som er naudsynt. Transporten skal om mogleg ikkje skje på søndagar av omsyn til friluftslivet. Dette løyvet skal vera med i helikopteret under transport.

6 Det skal sendast rapport frå transporten til sekretariatet innan med informasjon om tal turar og flygerute. Saksopplysningar Dokument som bakgrunn for saka: Søknad frå BKK om løyve til utføring av vedlikehaldsarbeid på lukehus, datert Søknaden vert vurdert etter: Verneforskrift for Stølsheimen landskapsvernområde Forvaltningsplan for Stølsheimen verneområde mars 1998 Naturmangfaldlova av 19. juni 2009 BKK produksjon skal utføra vedlikehaldsarbeid på lukehuset i Vassøyane i Stølsheimen landskapsvernområde. Dei skal skifte yttertak på lukehuset, sikra venstre brufundament og montere rekkverk på begge sider av brua over utløpselva frå Vassøyane. Det skal lagast hengsla opning i golv i lekasjehuset, og det må drenerast langs ledemur. Alle tiltaka er vedlikehald og medfører ikkje nye inngrep. Rekkverk på brua er eit wirerekkverk. Rekkverket vert montert av omsyn til tredje person, samt tryggleik for eigne tilsette. BKK søkjer om helikoptertransport av utstyr og personell i samband med arbeidet. Under arbeidet har dei bruk for 3 einmanns overnattingsbrakker, 1 toalettbrakke, 1 kjøkkenbrakke og 1 kvilebrakke. BKK opplyser at måla på overnattingsbrakkene er 2,3 x 4,2 m 2. Brakkene skal plasserast rett på bakken utan inngrep i terrenget. Dei vert sett på flatt terreng i nærleiken av lukehuset i Vassøyane, der det vart opparbeid eit område ved førre anleggsperioden. Anna utstyr som skal transporterast er utstyrsconteinar, aggregat, liten gravemaskin og byggemateriale. Det er 3 personar som skal utføra arbeidet, Arbeidsfolka skal bu i brakkeleiren frå måndag til torsdag. Dei søkjer om transport av personell til og frå Vassøyane. Dersom vêrforholda tillèt det, vil arbeidsfolka gå til fots tilbake til bilveg på torsdagane etter avslutta arbeidsveke. Transportplanen er sett opp med fylgjande flygingar: Veke 40: 12 turar for transport av brakker, utstyr og personell. Veke 41, 42, 43, 44 og 45: 2 turar pr. veke for transport av arbeidsfolk til Vassøyane på måndag og heim att på torsdag. Veke 46: 12 turar med transport av brakker, utstyr og personell. I tillegg vert sortert avfall transportert ut av området. Tilsaman vert det søkt om 34 turar. Innflyging av brakker og utstyr startar i veke 40. Sjølve arbeidet startar opp i veke 41.

7 Vassøyane BKK har fått dispensasjon frå verneforskrifta for Stølsheimen til å nytta snøskuter i Stølsheimen landskapsvernområde i samband med vedlikehald av installasjonar dei har i området. Dersom spesielle forhold tilseier det (akutte situasjonar eller snøforhold), kan det nyttast helikopter i staden for. Ekstraordinært arbeid som det her vert søkt om, ligg ikkje innafor eksisterande dispensasjon. Lovgrunnlaget Føremålet i Stølsheimen landskapsvernområde er definert i verneforskrifta pkt. III: «Føremålet med vern av Stølsheimen er å ta vare på eit særmerkt og vakkert vestlandsk fjell- og fjordlandskap med kulturminne, kulturlandskap og naturmiljø som er lite påverka av tekniske inngrep, samstundes som området skal kunne nyttast til landbruk, friluftsliv, jakt og fiske». Vidare seier reglane i forskrifta at motorferdsle på land og innsjø, og landing med luftfartøy er forbode jf. pkt. IV nr. 4. Verneområdestyret kan gje løyve til transport av materiale og utstyr i samband med bygging og eller når særlege grunnar ligg føre jf. pkt. VI nr. 6. Oppsett av ein midlertidig brakkeleir er det ikkje gjeve opning for i dei spesifikke dispensasjonsreglane, og må difor vurderast etter den generelle dispensasjonsregelen som er 48 i naturmangfaldlova «Forvaltningsmyndigheten kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensyn til vesentlige samfunnsinteresser gjør det nødvendig». I denne saka kan det vera aktuelt å vurdera dispensasjon etter 1. ledd: ikkje er i strid med verneformålet og ikkje kan påverka verneverdiane nemneverdig. Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Arbeidet BKK skal gjera på installasjonane i Vassøyane er vedlikehald av eksisterande lukehus, lekasjehus og ledemur. Rekkverket som skal monterast på eksisterande bru er eit enkelt wirerekkverk. Forvaltar har vurdert montering av rekkverket som vedlikehaldsarbeid. Vedlikehaldsarbeid kan gjennomførast utan særskilt løyve etter verneforskrifta for Stølsheimen landskapsvernområde. BKK opplyser i søknaden at arbeidet som skal gjerast vil vare i inntil 6 veker. Dersom vêrforholda er bra, vil arbeidsperioden verta mindre. Vassøyane ligg på 865 moh. Det er omlag 2,5 km frå anleggsvegen til Vassøyane, og gangtida vert rekna til omlag 1 time. På denne tida av

8 året kan det vera vanskelege vêrforholda i fjellet. Det vil difor vera naudsynt å ha tilgang til hus å vera i under anleggsperioden. Ved å ha ein midlertidig brakkeleir, vil det i tillegg gje mindre trong for transport av personell inn og ut av området. Brakkene kan setjast direkte på bakken, og det er ikkje trong for terrengtilpassingar. Brakkene vil difor ikkje føra til endringar i landskapet utover dei planlagde vekene. Forvaltar meiner oppsett av midlertidig brakkeleir kan vurderast etter naturmangfaldlova 48, 1. ledd. Det er ikkje registrert sårbare eller trua artar eller naturtypar i området ved Vassøyane (Naturbasen ). Kunnskapen om området er elles kjent gjennom forvaltningsplan for Stølsheimen, og rapport om stølar i Stølsheimen (rapport nr. 4 Fylkesmannen i Sogn og Fjordane), og tidlegare erfaringar med BKK sitt vedlikehaldsarbeid i verneområdet. Veneområdeforvaltninga har god erfaring med at BKK tek omsyn til naturmiljøet under arbeid, og dei har god opprydding etter anlegg i verneområde. Kunnskapsgrunnlaget jf. 8 i naturmangfaldlova er vurdert som god for og vurdera saka, og føre-var-prinsippet jf. 9 er tillagt liten vekt. Utifrå kunnskapen om verneverdiane i området, vil brakkeleiren lite truleg føra til skade på verneverdiane i området. Området ved Vassøyane og Selhamar er eit mykje nytta friluftsområde. På den tida vedlikehaldsarbeidet er planlagt, er det lite ferdsel i området. Det er likevel viktig å halda motorferdsla på eit lågt nivå for å unngå unødig uro for folk og dyr. Det er ikkje kjent at det føregår anna transport i verneområdet på denne tida. Arbeidsmiljølova set krav til arbeidsmiljøet for arbeidsfolk. Brakkeleiren er naudsynt for å oppfylle desse krava. Ein slik brakkeleir vil berre vera aktuell ved særskilte tilfelle, og vil difor ikkje skapa presedens for oppføring av andre midlertidig bygg i verneområdet. Då brakkeleiren er eit midlertidig tiltak, vil den lite truleg føra til varige skadar på natur og landskap i Vassøyane. I dei vekene anleggsarbeidet pågår, vil det medføra trakk rundt brakkene. Brakkene skal plasserast på eit område i Vassøyane som ved sist anleggsperiode vart tilrettelagt til riggområde. Med dei vilkåra som vert sette for løyvet til brakkeleiren og helikoptertransporten, meiner forvaltar den samla belastninga på området og økosystemet vil vera liten jf. naturmangfaldlova 10. Kostnad med å hindre eller avgrensa skade på naturmangfaldet skal dekkast av tiltakshavar jf. naturmangfaldlova 11. I denne saka er det sett krav om at tiltakshavar skal plassera brakkeleiren slik at det vert minst mogleg synleg spor i terrenget, og området skal ryddast. Brakkleiren må plasserast i nærleiken av anleggsområdet, og er vurdert til å vera miljøforsvarleg til dette føremålet jf. naturmangfaldlova 12. Det er vurdert som naudsynt med ein brakkeleir for å gjennomføra arbeidet. Transport med helikopter er einaste måten å frakte utstyr inn i området på. Frakt av arbeidsfolka er viktig for å få gjennomført arbeidsoppdraget, og vert i denne samanheng difor vurdert å kunne gje løyve til. Konklusjon På bakgrunn av vurderingar etter verneforskrifta og naturmangfaldlova 48 1.ledd og 8 12, meiner forvaltar oppføring av ein midlertidig brakkeleir i Vassøyane ikkje er i strid med verneformålet eller er til nemneverdig skade på verneverdiane. Helikoptertransporten er vurdert til ikkje å vera i strid med verneforskrifta, og er vurdert til å vera i tråd med det verneområdestyret kan gje løyve til. Forvaltar rår til at det vert gjeve løyve til oppføring av ein midlertidig brakkeleir i Vassøyane, og til helikoptertransport i samband med arbeidet.