2/12 Søknad om motorferdsel på og vedlikehald av vegar i Traudalen Rygg og Grov sameige

Transkript

1 STYRET FOR NAUSTDAL-GJENGEDAL LANDSKAPSVERNOMRÅDE Håkon Myrvang Ola Tarjei Kroken Oddmund Klakegg SAKSBEHANDLAR: ALF ERIK RØYRVIK ARKIVKODE: 2012/ DATO: NAUSTDAL-GJENGEDAL LANDSKAPSVERNOMRÅDE - PROTOKOLL ETTER MØTE 1/12 I ARBEIDSUTVALET Telefonmøte onsdag kl Til stades: Håkon Myrvang Ola Tarjei Kroken Oddmund Klakegg Frå forvaltninga: Alf Erik Røyrvik, verneområdeforvaltar Sakliste: 1/12 Søknad om motorferdsel på Langevatnet Ola Arnestad 2/12 Søknad om motorferdsel på og vedlikehald av vegar i Traudalen Rygg og Grov sameige Sak 1/12 Søknad om motorferdsel på Langevatnet Ola Arnestad Søknaden Ola Arnestad fekk i styremøte 4-12 løyve til å utvide uthuset ved hytta si i Langedalen. No søkjer Arnestad om løyve til å nytte båt med påhengsmotor på Langevatnet til å transportere bygningsmaterialar og utstyr som trengs i byggearbeidet inn til hytta. Søkjaren har behov for 8-10 turar no i år og det same neste år. Forskrift og regelverk Langevatnet ligg innanfor Naustdal-Gjengedal landskapsvernområde, og motorisert ferdsle er i utgangspunktet forbode i verneområdet. Likevel fins det nokre unntak frå det forbodet, og forvaltningsstyresmakta kan gje dispensasjon frå forbodet til enkelte føremål. POSTADRESSE: NJØSAVEGEN LEIKANGER BESØKSADRESSE: TELEFON: DIREKTENUMMER: E-POST: FMSFPOST@FYLKESMANNEN.NO WEB: ORG.NR:

2 Verneforskrifta 3: 5.1. Motorferdsel er forbode både på land og på vatn, inkludert landing med fly og helikopter. Forbodet gjeld også bruk av modellfly, modellbåt og liknande dersom dei har motor. [ ] 5.3. Forvaltingsstyresmakta kan gje løyve til bruk av luftfarty, båt med motor, eller beltekøyrety på vinterføre i samband med: [ ] f) transport av materialar til vedlikehald og byggjearbeid på stølshus, hytter, gangbruer og liknande. Forvaltningsstyresmakta har heimel i verneforskrifta til å gje ein slik dispensasjon som det er søkt om. Søkjaren må sjølv sørge for å ha naudsynt løyve til motorferdsel etter Lov om motorferdsel i utmark. Det er kommunen som handsamer denne lova. Vurdering Transport av materialar og utstyr til byggjearbeid er naudsynt for å få gjennomført byggjearbeida på ein fornuftig og effektiv måte. Det er opna for det i forskrifta, og i utkastet til forvaltningsplan. Det er naturleg at når ein først har gjeve løyve til byggjearbeid, må ein og gje løyve til transport av material og utstyr innanfor visse rammer. Til transport av materialar og utstyr er båt det mest skånsame transportmiddelet. Det set ikkje spor i terreng og fører ikkje so mykje støy med seg som til dømes eit helikopter. Transport med båt er dessutan den tradisjonelle måten å frakte varer og byggematerialar på i Langedalen. Bruk av påhengsmotor er normalt sett ikkje ønska i verneområdet, men når det vert snakk om transport av ei viss mengde materiell og det trengs mange turar, må ein kunne gje dispensasjon til dette. Det må presiserast at ein ikkje har heimel i forskrifta til å gje løyve til persontransport. Eit eventuelt løyve til bruk av båt med påhengsmotor kan derfor ikkje nyttast til motorferdsle til og frå hytta der det berre vert frakta folk. Vurdering opp mot miljørettsprinsippa i naturmangfaldlova I tråd med 7 i naturmangfaldlova (nml) skal alle vedtak som kan ha innverknad på naturgrunnlaget, vere i tråd med nml Kunnskapsgrunnlaget i denne saken er godt opplyst, jf. nml 8. Styre og verneområdeforvaltar har vore på synfaring i området. Ein har ikkje kjennskap til nokon naturverdiar som kan verte negativt påverka av tiltaket. Ein verknad av tiltaket som kan verte oppfatta som negativt er støyen dette kan medføre, men den vert vurdert til å vere innanfor det akseptable. Kunnskapsgrunnlaget er so godt i høve til tiltaket, at førevar-prinsippet i nml 9 ikkje treng vektleggast i denne saka. Det er snakk om eit avgrensa tal turar der motor skal nyttast, strekninga er ikkje lang og det er so langt i år ingen andre som har fått løyve til å nytte påhengsmotor i Langevatnet. Den samla belastinga av motorferdsel i området er derfor ikkje stor og godt innanfor det akseptable, jf nml 10. Det er ikkje forventa at tiltaket skal føre til forringing av naturverdiar som kan medføre kostnadar. Bruk av båt til transport er etter forvaltninga sitt syn den mest skånsame måten å transportere på jf. 12, sjølv om det skjer ved hjelp av påhengsmotor. VERNEOMRÅDESTYRET FOR NAUSTDAL-GJENGEDAL LANDSKAPSVERNOMRÅDE SIDE 2

3 Forvaltaren sitt framlegg til vedtak Styret for Naustdal-Gjengedal landskapsvernområde gjev Ola Arnestad løyve til å nytte båt med påhengsmotor på Langevatnet til transport av materialar og utstyr til byggearbeid i samband med utviding av uthus ved hytta til Arnestad. Det kan køyrast inntil 10 turar i 2012 og inntil 10 turar i Vilkår for løyvet: - Det skal berre nyttast motor i samband med transport av material og utstyr. Ikkje til rein persontransport. - Motorferdsel skal avgrensast til det som er naudsynt. - Det skal takast omsyn til turfolk og andre brukarar. Rute og hastigheit må tilpassast slik at ferdselen ikkje er til unødig sjensanse for andre. - Det skal ikkje køyrast på søndagar - Innan 1. des kvart av åra skal det rapporterast til verneområdeforvaltar kor mange turar som er nytta det året. - Motorferdsel må vere i tråd med Lov om motorferdsel i utmark, eventuelt løyve frå kommunen må vere på plass. Vedtak: Arbeidsutvalet fatta vedtak i tråd med innstillinga til verneområdeforvaltaren. Sak 2/12 Søknad om motorferdsel på og vedlikehald av vegar i Traudalen Rygg og Grov sameige Søknaden Grunneigarane i Rygg og Grov sameige søkjer om å få nytte motorferdsel på dei eksisterande vegane som går inn til nausta ved Traudalsvatnet på begge sider av osen. Desse vegane var bygde før vernet kom, og før det vart verna kunne grunneigarane nytte desse vegane til å frakte materialar, båtar m.v. inn til nausta og til vatnet. Etter at vernet kom, er siste biten av begge vegane med i verneområdet, og grunneigarane må derfor ha løyve for å kunne køyre dei siste meterane inn til nausta og vatnet. Grunneigarane søkjer derfor om eit generelt løyve til å få nytte desse vegane til motorisert ferdsle, inn so langt som vegane går. Dei søkjer og om løyve til å kunne køyre rørslehemma inn til vatnet på desse vegane. Sameige har i ein eigen søknad søkt om å få gjere vedlikehald på den omsøkte vegen på sørsida av vatnet. Der er det ein del skade på vegen etter uveret Dagmar no i vinter. Dette bør ryddast opp i før vegen vert heilt øydelagt. Samieget søkjer og om å få vedlikehalde vegen på nordsida. For å få utført slikt vedlikehald, må ein bruke gravemaskin og traktor med tilhengar. Dette er jamlege behov, so sameiget søkjer om eit løyve som går over fleire år. Verneforskrift og anna regelverk VERNEOMRÅDESTYRET FOR NAUSTDAL-GJENGEDAL LANDSKAPSVERNOMRÅDE SIDE 3

4 I følgje verneforskrifta for landskapsvernområdet er motorferdsel forbode i området. Der er heller ikkje nokon heimel i verneforskrifta for å gje dispensasjon til køyring på barmark. Ein kan derfor ikkje gje eit slikt løyve som er omsøkt med heimel i verneforskrifta. Derimot so kan ein gje dispensasjon frå vernevedtak med heimel i naturmangfaldlova (nml) 48, fyrste ledd: 48. (dispensasjon fra vernevedtak) Forvaltningsmyndigheten kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig. Gjeldande søknaden om vedlikehald av vegen, so er i utgangspunktet forbod mot graving, påfylling av masse osb. Men der er ein generell dispensasjon i verneforskrifta for vedlikehald av godkjente vegar i 3 pkt 1.2.d.: 1.2. Reglane i punkt 1.1 er ikkje til hinder for: [ ] d) Vedlikehald av godkjende vegar og oppsetting av boltar for enkle båtfeste. Sameige treng altso ikkje dispensasjon til sjølve vedlikehaldsarbeidet. Men i og med at dei skal bruke motoriserte maskiner, må dei ha løyve til motorferdsel. Det vil i so fall kunne dekkast av søknaden om motorferdsel på vegane. Vurdering Motorferdsel er i utgangspunktet ikkje lov og ikkje ønskjeleg. Likevel må ein kunne akseptere noko motorferdsle, so lenge det er til nyttige og fornuftige føremål. Søknaden gjelder bruk av eksisterande vegar. Tiltaket vil med andre ord ikkje føre til meir inngrep enn kva som er der i dag. Eit eventuelt løyve vil heller ikkje føre til særleg meir motorferdsel totalt sett, då det berre er snakk om å køyre m lenger på eksisterande veg enn kva ein kan gjere i dag. Verknad på naturverdiar av tiltaket vert minimale, då det er snakk om bruk av eksisterande vegar. Ei viktig årsak til å avgrense motorferdsel i verneområdet, er for å avgrense støy og for at det ikkje skal uroe turfolk og andre brukarar. I dette tilfelle er det berre snakk om m lenger enn kva som er lov per i dag. Det vil ha lite å seie med tanke på støy og opplevinga av naturen som urørt, særleg med tanke på mengda av inngrep som er gjort i naustområda før det vart verna, og dei inngrepa som der er opning for i verneforskrifta. Derimot er det av stor betyding for dei grunneigarane som har naust og/eller støyl ved Traudalsvatnet å få nytte vegen fram til vatnet og nausta. Det verkar dessutan ulogisk og er med på å svekke forståinga for vernet om det skal leggast strenge restriksjonar på å bruke m av ein eksisterande veg når det ikkje er skadeleg for naturverdiane og verneverdiane. Den bruken det er snakk om her, er transport av material, båtar, utstyr, reiskap og forsyningar til nausta og stølane i Traudalen. Det er vanleg, både i dette verneområdet og andre verneområde, å gje dispensasjonar til slike behov. Det som skil denne søknaden frå andre løyver som er gjevne, er at dette er snakk om køyring på barmark. Men det føregår då på eksisterande veg, og set derfor ikkje spor. VERNEOMRÅDESTYRET FOR NAUSTDAL-GJENGEDAL LANDSKAPSVERNOMRÅDE SIDE 4

5 Dersom ein skal gje dispensasjon etter nml 48, set det strenge krav til at tiltaket ikkje går ut over verneverdiane. Det gjer det ikkje i dette tilfelle, då tiltaket ikkje vil sette spor i terreng. I og med at den omsøkte motorferdsla berre vil gå nokre meter inn i området, og berre nokre meter lenger enn kva ein kan i dag, so vil effekten på «ro og fred» i området vere minimal. Vurdering opp mot miljørettsprinsippa i naturmangfaldlova I tråd med 7 i naturmangfaldlova (nml) skal alle vedtak som kan ha innverknad på naturgrunnlaget, vere i tråd med nml Kunnskapsgrunnlaget i denne saken er godt opplyst, jf. nml 8. Verneområdeforvaltar har vore på synfaring i området, og ein har ikkje kjennskap til nokon naturverdiar som kan verte negativt påverka av tiltaket. Det er snakk om bruk av eksisterande veg og vil ikkje påverke terrenget rundt i særleg grad. Tvert i mot vil vedlikehald og bruk av vegen kunne vere med på å skåne og sikre terrenget rundt. Ein verknad av tiltaket som kan verte oppfatta som negativt er støyen dette kan medføre, men den vert vurdert til å vere innanfor det akseptable. Som nemnt vert det berre minimalt meir støy enn det er per i dag. Kunnskapsgrunnlaget er so godt i høve til tiltaket, at føre-var-prinsippet i nml 9 ikkje treng vektleggast i denne saka. Den samla belastninga av tiltaket vert innanfor det akseptable jf nml 10. Det er snakk om ein særs liten auka i motorferdsel i høve til dagens situasjon. Det vil og verte lagt vilkår til eit eventuelt løyve som avgrensar motorferdsla til berre naudsynte behov. I og med at det er snakk om bruk av eksisterande veg, so er det ikkje forventa at tiltaket kan føre til miljøforringing, og det er den mest skånsame løysing for natur og terreng. Derfor er ikkje 11 og 12 i nml ikkje aktuelle i denne saka. Verneområdeforvaltaren sitt framlegg til vedtak: Styret for Naustdal-Gjengedal landskapsvernområde, v/arbeidsutvalet til styret, gjev grunneigarane i Rygg og Grov sameige løyve til motorferdsel på vegane som går inn til nausta på begge sider av Traudalsvatnet. Vilkår for løyvet: - Løyvet gjeld for 4 år, perioden Løyvet gjeld berre for dei grunneigarane som har naustrett og/eller stølshus i Traudalen. - Løyvet gjeld berre på vegane, so langt som dei går i dag. - Løyvet kan nyttast til transport av materialar, utstyr, reiskap og forsyningar til naust og stølshus. Det kan og nyttast til transport av båtar, og til motorferdsle i samband med vedlikehald av vegane. - Løyvet kan ikkje nyttast til persontransport, men det kan nyttast til transport av rørslehemma. - All parkering skal skje utanfor verneområdet. Vedtak Arbeidsutvalet fatta vedtak i tråd med innstillinga til verneområdeforvaltaren VERNEOMRÅDESTYRET FOR NAUSTDAL-GJENGEDAL LANDSKAPSVERNOMRÅDE SIDE 5

6 Signering av protokoll: Kopi til: Jorunn Eide Kirketeig Iris Loftheim Tone Hjelle Cirotzki Olav Klungre Gunvor Sunde Ragnhild Sæle Olve Grotle Sogn og Fjordane fylkeskommune Askedalen 2 Direktoratet for naturforvaltning Postboks 5672 Sluppen Gloppen kommune Grandavegen 9 Fylkesmannen i Sogn og Fjordane Njøsavegen 2 Naustdal kommune Postboks 43 Førde kommune Postboks 338 Jølster kommune SNO Sandane v/rune Holen VERNEOMRÅDESTYRET FOR NAUSTDAL-GJENGEDAL LANDSKAPSVERNOMRÅDE SIDE 6