Møteprotokoll. Nærøyfjorden verneområdestyre

Transkript

1 Møteprotokoll Nærøyfjorden verneområdestyre Utval: Møtestad: E-post, Fjordsenteret Aurland Dato: Tidspunkt: 10:00 Følgjande faste medlemmar møtte: Namn Funksjon Representerer Noralv Distad Leder AUR Hans Erik Ringkjøb Nestleder VOSS Marta Finden Halset Medlem VIK Jan Geir Solheim Medlem LÆR Eva Hage Solstad Medlem SFFK Aslaug Hellesøy Medlem HOFK Merknadar Møtet vart gjennomført med svar på e-post. Frå administrasjonen møtte: Namn Stilling Anbjørg Nornes Sekretær Underskrift: Vi stadfestar med underskriftene våre at det som er ført på dei sidene vi har signert i møteboka, er i samsvar med det som vart vedteke på møtet. Saksliste Utvalssaksnr Innhald Lukka Arkivsaksnr

2 ST 30/13 ST 31/13 Godkjenning av innkalling og dagsorden Nærøyfjorden landskapsvernområde - landing med helikopter på Høgaberget under Ekstremsportveko /2673

3 NÆRØYFJORDEN VERNEOMRÅDESTYRE Saksframlegg Arkivsaksnr: 2013/ Saksbehandlar: Anbjørg Nornes Dato: Utval Utvalsak Møtedato Nærøyfjorden verneområdestyre 31/ Nærøyfjorden landskapsvernområde - landing med helikopter på Høgaberget under Ekstremsportveko 2013 Innstilling frå forvaltar Nærøyfjorden verneområdestyre gjev Ekstemsportveko løyve til: Lågtflyging og landing med helikopter 25. juni med reservedag 27. juni 2013, i samband med filming under arrangementet Ekstremsportveko. Flygeruta er frå bensinstasjonen i Gudvangen til Høgaberget, med landingsplass som avmerkt på kart vedlagt søknaden. Løyvet gjeld i samband med NRK sitt filmopptak av to basehopparar som skal hoppa frå Høgaberget. Løyvet vert gjeve med heimel i naturmangfaldlova 48, og gjeld med fylgjande vilkår: Ruta for flyging skal avgrensast til det som er strengt naudsynt. Under flyging skal det takast omsyn til dyre- og fugleliv for å unngå å uroa desse. Statens Naturoppsyn v/kristoffer Ullern Hansen (tlf ) skal varslast før flyginga startar, og kan leggja føringar for transporten av omsyn til naturverdiane i området. Dette løyvet skal fylgja med under transporten, og køyrebok skal førast før flyginga startar. Det skal sendast rapport til sekretariatet for verneområdestyret innan med opplysningar om tidsbruk, og flygerute innteikna på kart. Me gjer merksam på at dette løyvet berre er behandla etter verneforskrifta. Det må i tillegg innhentast løyve etter lov om motorferdsle i utmark frå Aurland kommune og grunneigarar i området. Saksprotokoll i Nærøyfjorden verneområdestyre

4 Handsaming i møte Vedtak i samsvar med innstilling frå forvaltar. Vedtak Nærøyfjorden verneområdestyre gjev Ekstemsportveko løyve til: Lågtflyging og landing med helikopter 25. juni med reservedag 27. juni 2013, i samband med filming under arrangementet Ekstremsportveko. Flygeruta er frå bensinstasjonen i Gudvangen til Høgaberget, med landingsplass som avmerkt på kart vedlagt søknaden. Løyvet gjeld i samband med NRK sitt filmopptak av to basehopparar som skal hoppa frå Høgaberget. Løyvet vert gjeve med heimel i naturmangfaldlova 48, og gjeld med fylgjande vilkår: Ruta for flyging skal avgrensast til det som er strengt naudsynt. Under flyging skal det takast omsyn til dyre- og fugleliv for å unngå å uroa desse. Statens Naturoppsyn v/kristoffer Ullern Hansen (tlf ) skal varslast før flyginga startar, og kan leggja føringar for transporten av omsyn til naturverdiane i området. Dette løyvet skal fylgja med under transporten, og køyrebok skal førast før flyginga startar. Det skal sendast rapport til sekretariatet for verneområdestyret innan med opplysningar om tidsbruk, og flygerute innteikna på kart. Me gjer merksam på at dette løyvet berre er behandla etter verneforskrifta. Det må i tillegg innhentast løyve etter lov om motorferdsle i utmark frå Aurland kommune og grunneigarar i området. Saksopplysningar Dokument som bakgrunn for saka: Søknad om løyve til bruk av helikopter i samband med filming under Ekstremsportveko, søknad datert Kart med innteikna landingsplass Søknaden vert vurdert etter: Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden 2007 Naturmangfaldlova av Ekstremsportveko 2013 vert arrangert i tidsrommet juni. Dei søkjer om å få bruka helikopter i samband med at NRK skal laga ein reportasje om dei to norske verdskjente basehopparane Jokke Sommar og Espen Fadnes. Ein del av reportasjen er planlagt til Høgaberget der hopparane skal hiva seg ut frå fjellet. Tidspunktet er planlagt til kl juni, med start frå bensinstasjonen i Gudvangen. Arrangøren opplyser at dei har bruk for to løft med helikopteret frå Gudvangen. Den fyrste flyginga

5 er for å teste flygeruta og landingsplassen. På den andre turen tek dei med filmteamet og basehopparane opp på Høgaberget. Dersom det ikkje er gode nok værforhold denne dagen, søkjer dei om 27. juni som reservedag. Aurland kommune har gjeve løyve til landing på bensinstasjonen i Gudvangen. Det er gjeve løyve til bruk av helikopter for landing på Sparkling i Nærøyfjorden i samband med basehopping. Denne aktiviteten skal gjennomførast 29. juni. Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta kulturlandskap frå fjord til fjell i eit storfelt isbreutforma landskap med eit mangfald av plante- og dyreliv» jf. verneforskrifta 2. All motorferdsle er forbode, også lågtflyging under 300 meter og landing jf. 3 pkt Lågtflyging og landing med helikopter for filming er ikkje gjeve opning for i verneforskrifta. Søknaden om dispensasjon frå verneforskrifta må vurderast etter den generelle dispensasjonsregelen 48 i naturmangfaldlova 1. ledd; «forvaltningsmyndigheten kan gjøre unntak frå et vernvedtak dersom det ikke strider mot vernevedtakets formål og ikke kan påvirke verneverdiene nevneverdig,..» Vurdering Sekretariatet for verneområdestyret fekk søknad frå Ekstremsportveko 19. juni, og aktiviteten det vert søkt om er planlagt gjennomført 25. juni. Det er svært dårleg av arrangøren å sende søknad om løyve med så kort frist til gjennomføring. Det set verneområdestyret i ein vanskeleg situasjon, og det fører til dårleg forvaltning i forhold til andre brukarar av området. Ekstremsportveko må ta dette med seg til seinare år, og kan ikkje pårekna at eventuelle nye søknader vert behandla med så kort frist ved seinare høve. I forvaltningsplan for Nærøyfjorden er turistflyging med helikopter nemnt som ein aktivitet som ikkje er akseptert innanfor verneområdet. Ekstremsportveko er omtalt i planen og er vurdert som eit arrangement av kortvaring karrakter med oppvisning/konkurranse som primært innhald (vurdert av Miljøverndepartementet i brev til Voss kommune datert ), og har ikkje primært turformål. Det er i tillegg vektlagt at dette er eit arrangement som starta opp før oppretting av landskapsvernområdet. Dette har vore vektlagt i avgjerda for å gje løyve til bruk av helikopter i samband med basehopping frå Nebbet under Ekstremsportveko. Basehopping frå Høgaberget er ein del av arrangementet Ekstremsportveko, men er ein konkurranse som berre skal gjennomførast som del av ein reportasje. Sjølve basehoppinga kan gjennomførast utan særskilt løyve frå verneområdestyret. Det er helikoptertransporten av filmteamet og filmutstyret som må ha dispensasjon frå verneforskrifta. I forvaltningsplanen er det gjeve opning for at det kan gjevast løyve til motorferdsel i samband med nyhende eller arrangement som vert vurdert som viktige. Gjennom aktivitetane i Ekstremsportveko får utøvarane oppleva og koma tett på naturen og landskapet i Nærøyfjorden. Reportasjen vil visa kva naturopplevingane i dette unike landskapet betyr for utøvarane, og dei kan på denne måten vera med og formidla verdiane i området. Filminga er knytt til eit særskilt arrangement, og formildar opplevingar frå eit arrangement som er vurdert som viktig i området. Føresetnad for løyve er at det ikkje er i strid med verneføremålet og ikkje påverkar verneverdiane nemneverdig. På bakgrunn av vurderingane over meiner forvaltar at ei

6 avgrensa flyging med landing på Høgaberget til dette formålet ikkje er i strid med verneformålet, og vil ikkje ha nemneverdig skadeverknad for verneverdiane. Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Kunnskapen om området er kjent gjennom forvaltningsplan for Nærøyfjorden. Det er ikkje registrert sårbare artar i området der transporten skal føregå jf. Artskart ( ), og det er heller ikkje registrert rovfuglreir (munnleg opplysningar får Gunnar Bergo i Voss kommune). Villreinstamma i Fjellheimen held til i fjellområdet nordvest for Gudvangen. Me har ikkje kjennskap til at reinen er i området Høgaberget på denne tida av året (opplysningar frå SNO, Aurland). Kunnskapsgrunnlaget jf. 8 i naturmangfaldlova vert vurdert som god, og føre-var-prinsippet jf. 7 er tillagt liten vekt. Forvaltninga ynskjer å praktisera reglane i landskapsvernområdet på ein måte som held motorferdsla på eit nivå som ikkje er til skade for naturmangfaldet. Forvaltninga skal vurdera den samla belastninga for området jf. 10. Den samla belastninga med motorferdsle på Nærøyfjorden og i Gudvangen er stor i sommarhalvåret. Dei to løfta med helikopter er med å auka den samla belastninga i Gudvangen. Flyginga føre går i eit avgrensa tidsrom, og forvaltar vurderer difor den omsøkte transporten til å vera akseptabel. 11 er ikkje vurdert i denne saka då tiltaket lite truleg vil føra til miljøforringing utover den korte tida flyginga varer. Transport med helikopter vert vurdert som den mest tenlege måten og utføra oppdraget på, og vert vurdert som ein miljøforsvarleg metode jf. 12. Løyvehavar må planlegga flyginga godt for å få kortast mogleg flygetid i verneområdet. Konklusjon: På bakgrunn av vurderingane etter verneforskrifta og naturmangfaldlova 48 og 8-12, vurderer forvaltar at det kan gjevast løyve til helikoptertransporten som omsøkt.