Møteinnkalling. Utval : Nærøyfjorden verneområdesty re Møtesta d: Aurland, Telefonmøte Dato: Tidspunkt : 08:30

Transkript

1 Møteinnkalling Utval : Nærøyfjorden verneområdesty re Møtesta d: Aurland, Telefonmøte Dato: Tidspunkt : 08:30 Eventuelt forfall må meldast snarast på tlf eller på e-post fmsfano@fylkesmannen.no. Vararepresentantar møter etter nærare beskjed. Møtet vert gjennomført som telefonmøte. Styremedlemane skal ringa telefonnummer kl juni. Konferanse-ID som skal tastast inn får å delta i møte, vert sendt ut i eigen møteinnkalling på e-post.

2 Saksliste Utval s- saksnr ST 20/14 ST 21/14 Innha ld Lukk a Ar kiv - saksnr Godkjenning av innkalling og dagsorden Nærøyfjorden landskapsvernområde - bygging av reflektormast ved Øvsthusnipa i Voss kommune ST 22/14 Nærøyfjorden landskapsvernområde - motorferdsle og drenering i samband med restaurering av stølshus på Hjølmo DS 1/14 Nærøyfjorden landskapsvernområde - dispensasjon til landing med helikopter ved Grindaflethytta DS 2/14 Nærøyfjorden landskapsvernområde - løyve til lågtflyging og landing med helikopter på Øvste Stigen DS 3/14 Nærøyfjorden landskapsvernområde - dispensasjon til landing med helikopter på Nedbergo DS 4/14 Nærøyfjorden landskapsvernområde - dispensasjon til landing med helikopter på Nedbergo RS 5/14 RS 6/14 Miljøvedtaksregisteret og plikt til registrering av enkeltvedtak i verneområder Fjerning av augeboltar ved båtfeste i Indre Drøfta 2014/ / / / / / / /3905

3 ST 20/14 Godkjenning av innkalling og dagsorden

4 NÆRØYFJORDEN VERNEOMRÅDESTYRE Saksframlegg Arkivsaksnr: 2014/ Saksbehandlar: Anbjørg Nornes Dato: Utval Utval ssak Møtedato Nærøyfjorden verneområdestyre 21/ Nærøyfjorden landskapsvernområde - bygging av reflektormast ved Øvsthusnipa i Voss kommune Innstilling frå forvaltar Nærøyfjorden verneområdestyre gjev Telenor Norge AS løyve til å bygge reflektormast ved Øvsthusnipa i Voss kommune. Løyve er gjeve med heimel i naturmangfaldlova 48, og gjeld med fylgjande vilkår: Reflektoren skal plasserast i underkant av fjellet Nipa ved Øvsthusnipa, nær punktet med koordinatar X: , Y:672999, høgde ca moh. Masta kan vera inntil 5 m høg med ein reflektor på 3 x 4 m, og festast på betongfundament på omlag 1 meter høgde. Dersom reflektoren ikkje lenger er i bruk, skal den fjernast, og kostnad med fjerning skal dekkast av tiltakshavar. Alt avfall og utstyr skal ryddast opp etter installasjonane er ferdige, og det skal meldast frå om avslutta arbeid til sekretariatet. Løyvet gjeld i tre år frå vedtaksdato. Etter arbeidet er sluttført, skal det sendast rapport til sekretariatet for verneområdestyret. I rapporten skal det vera med bilde som viser korleis reflektormasta er plassert i landskapet. Dette løyvet er berre handsama etter verneforskrifta. Det må i tillegg søkjast om løyve frå kommunen etter plan- og bygningslova. Styret er innforstått med at bygging og montering av reflektormasta vil medføra helikoptertransport. Det må søkjast særskilt om løyve til helikoptertransport frå verneområdestyret og kommunen. Saksopply sninga r Dokument som bakgrunn for saka: Søknad frå Telenor Norge AS om dispensasjon vedrørande bygging av rekflektormast ved Øvsthusnipa, datert

5 Søknaden vert vurdert etter: Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap Nærøyfjorden 2007 Naturmangfaldlova av Telenor Norge AS søkjer om å få bygge reflektormast ved Øvsthusnipa i samband med etablering av sikker mobildekning i Jordalen. Plasseringspunktet ligg innafor Nærøyfjorden landskapsvernområde. Det er dårleg mobil-dekning i Jordalen i dag. I Jordalen er det fast busetnad med omlag busette, og det er eit aktivt landbruk i dalen. Telenor har undersøkt alternativ samband, blant anna fiberkabel til Jordalen. Dei opplyser at dette alternativet er for kostbart til at det er realistisk å gjennomføra. Reflektorpunkt ved Øvsthusnipa, via radiolink, er difor vurdert som einaste alternativet som er realistisk å gjennomføra. Telenor har også vurdert alternativ plassering av reflektormast, men kome til at det ikkje finst brukbare alternativ utanfor landskapsvernområdet. Reflektormasta sender radiosignal frå mobilmasta på Brekke ved Stalheim til ny mobilmast i Jordalen. Utstyret som skal monterast er ein passiv reflektor med mast. Masta er 5 meter høg, og reflektoren er 3 x 4 meter. Masta vert montert på fjellet på betongfundament. Betongfundamentet er omlag 1 meter høgt. Kart medplasseringav reflektor Bilde: Dømepå reflektor, frå søknaden Lov grunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med ein mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta 2. Nærøyfjorden landskapsvernområde er «..verna mot alle inngrep eller tiltak som vesentleg kan endre eller verke inn på landskapets art eller karakter» jf. verneforskrifta 3, pkt.1.1. I dei spesifiserte reglane i verneforskrifta jf. 3, pkt. 1.3, er det ikkje opning for å gje løyve til tiltaket det vert søkt. Forvaltningsstyresmakta, eller den forvaltningsstyresmakta gjev fullmakt, kan i fylgje verneforskrifta 4 gjera unntak i særskilte høve. Denne paragrafen er erstatta av naturmangfaldlova 48 fyrste ledd, som seier at forvaltningsmynde «kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig».

6 Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Jordalen er ei av grendene i Voss kommune som fortsatt ikkje har god dekning for mobiltelefon eller internett. God dekning for mobiltelefon og internett er i dag eit krav for at folk kan busetja seg og drive næring i eit område. Jordalen grensar til landskapsvernområdet i vest, og har deler av utmarka innafor verneområdet. Nokon av gardane driv med sau, og har beitedyr i landskapsvernområdet. Å ha god dekning for mobil og internett er viktig for at det fortsatt skal vera busetnad og landbruksdrift i Jordalen. Jordalen med aktiv landbruksdrift har stor verdi som innfallsport til landskapsvernområdet og verdsarvområdet. Mobildekning er viktig for alle som bur i Jordalen, og vil vera til nytte for stølsområde til Vik og Fresvik i Fresvikjordalen. Store deler av dette beiteområdet ligg i landskapsvernområdet. Kunnskapen om området er henta frå forvaltningsplan for Nærøyfjorden, Naturdatabasen, og rovfuglobservasjonar (Gunnar Bergo i Voss kommune, ). Det er ikkje kjende førekomstar av sårbare eller trua artar eller naturtypar i området der det er planlagt å plassera reflektormasta. Kunnskapen er vurdert til å vera god nok til å vurdera saka, jf. naturmangfaldlova 8, og føre-var-prinsippet jf. 9 er difor ikkje tillagt vekt i denne saka. Telenor opplyser at dei har vurdert ulike alternativ for samband, og har vurdert alternative plasseringar av reflektormast utanfor landskapsvernområdet, utan at det er funne gode alternativ til plassering av reflektormast andre stader enn ved Øvsthusnipa. Det er viktig med god mobildekning i Jordalen både for fastbuande og for deira tryggleik. Tiltaket vil også vera til nytte for dei mange fotturistane som besøkjer området både sommar og vinter, av omsyn til både tryggleik og dagens krav til kommunikasjon. Forvaltar meiner tiltaket er av så stor verdi for tryggleiken for dei som bur i Jordalen, at tiltaket bør vurderast etter naturmangfaldlova ledd, andre alternativ. Inngrepet er så stort at det vil vera i strid med verneformålet, og vil kunne gje nemneverdig skade fordi det gjeld eit varig inngrep. Tryggleiken til alle som bur i Jordalen vil ikkje vera tilfredsstillande utan mobildekning. Det er ikkje andre inngrep i området der reflektoren er planlagt plassert, og det er difor lagt stor vekt på at plasseringa skal vera minst mogleg synleg i landskapet. Naturverdiar i området der reflektormasta skal plasserast er store, men det er ikkje registrert trua naturtypar eller artar. Verneverdiane utover landskapet vil i liten grad verta påverka av tiltaket. Telenor har i samråd med forvaltar kome fram til ei plassering som er skånsam for landskapet, m.a. for at reflektormasta skal stå lite synleg (ikkje i silhuett) sett frå ulike stadar. På bakgrunn av at tiltaket gjeld tryggleiken for ei heil grend, vurderer forvaltar dette tiltaket som eit særskilt høve, og meiner det i liten grad vil skapa presedens. Den samla belastninga på økosystemet jf. naturmangfaldlova 10 er vurderert som akseptabel. Det er ikkje trong for jamleg tilsyn med masta etter den er bygd, og tiltaket vil difor i liten grad føra til auka transportbehov. Dersom det er trong for motorisert transport i samband med bygging av masta, må det søkjast om særskilt løyve til det. Forvaltar vurderer plassering av reflektormasta som miljøforsvarleg til dette føremålet jf. naturmangfaldlova 12, når det ikkje er funne andre gode alternative plasseringar. Kostnad med miljøforringing jf. naturmangfaldlova 11 er vurdert og vektlagt i denne saka ved at søkjar vert pålagt å fjerna masta dersom den ikkje lenger er i bruk.

7 På bakgrunn av vurderingar etter naturmangfaldlova 8 12 og 48, meiner forvaltar det kan gjevast dispensasjon for tiltaket.

8 NÆRØYFJORDEN VERNEOMRÅDESTYRE Saksframlegg Arkivsaksnr: 2014/ Saksbehandlar: Anbjørg Nornes Dato: Utval Utval ssak Møtedato Nærøyfjorden verneområdestyre 22/ Nærøyfjorden landskapsvernområde - motorferdsle og drenering i samband med restaurering av stølshus på Hjølmo Innstilling frå forvaltar Nærøyfjorden verneområdestyre gjev Bjørn Henning Hov løyve til: å drenera rundt stølshuset tilhøyrande gnr. 58 bnr. 1 på Hjølmo i Nærøyfjorden landskapsvernområde, i samband med restaurering av stølshuset. Løyve er gjeve med heimel i 3, pkt. 1.3 c) i verneforskrifta for Nærøyfjorden landskapsvernområde. å nytta minigravemaskin til drenering rundt stølshuset, og traktor med hengar til frakt av grus til dreneringsgrøft, og material og utstyr til og frå stølshuset. Løyvet gjeld frå 1. juli til 15. november Løyve er gjeve med heimel i naturmangfaldlova 48. Løyvet vert gjeve med fylgjande vilkår: Drenering og grøfting skal avgrensast til det som er naudsynt for å leia vekk vatn frå grunnmuren. Torv og vegetasjon skal takast vare på og nyttast til tildekking av sår i landskapet. Traktor og minigravemaskina skal køyrast på stien frå landbruskvegen i Dyrdal og opp til stølshuset på Hjølmo. Minigravemaskina kan køyrast ein tur/retur frå landbruskvegen til stølshuset på Hjølmo. Køyring og graving skal avgrensast til det som er naudsynt, og utførast på ein måte som gjev minst mogleg skade på naturmiljøet. For å avgrensa køyreskadar, skal det skal ikkje køyrast i periodar med mykje nedbør. Dreneringsgrøftene skal ikkje vera lenger enn naudsynt for å leia vatnet vekk frå grunnmuren. Før restaureringsarbeidet kan sluttgodkjennast, skal forvaltar vera med på sluttsynfaring av tiltaket. Dette løyvet gjeld berre tilhøve etter verneforskrifta. Det må i tillegg takast kontakt med Aurland kommune med spørsmål om motorferdsel i utmark for køyring til Hjølmo.

9 Saksopply sninga r Dokument som bakgrunn for saka: Søknad frå Bjørn Henning Hov om løyve til å nytta minigravar og traktor i samband med restaurering av stølshuset på Hjølmo, datert Søknaden vert vurdert etter: Forskrift om vern av Nærøyfjorden landskapsvernområde av Naturmangfaldlova av Forvaltningsplan for Vestnorsk fjordlandskap delområde Nærøyfjorden 2007 Skjøtselsplan for stølen Hjølmo og gamlevegen i Dyrdal, Aurland Naturverkstad rapport Bjørn Henning Hov har fått midlar frå Sogn og Fjordane fylkeskommune til restaurering av stølshuset på Hjølmo. Restaureringsarbeidet er planlagt gjennomført i perioden 1. juli til 1. november Grunnmuren har sige ut på grunn av vatn i grunnen. Dette er eit problem for fleire av stølshusa på Hjølmo. Hov søkjer om å få drenera rundt stølshuset i samband med restaurering av grunnmuren, for å leia vekk vatnet. Han vil bruka minigravemaskin til arbeidet. Gravemaskina som skal brukast har gummibelte, og har ei vekt på 4.5 tonn. Restaureringsarbeidet vert gjennomført ved at stølshuset vert plukka ned medan dei set i stand grunnmuren. Stølshuset vert sett opp att med materiale som kan brukast opp att, og nytt materiale der det er trong for det. Arbeidet vert gjort etter antikvarisk prinsipp, og det vil ikkje verta endringar på utvendig utsjånad på stølshuset. For å frakta materiale og utstyr til og frå stølshuset, søkjer Hov om å få nytta traktor med hengar. Det er vanskeleg å fastsetja tal turar for transporten. Lov grunnlaget Verneformålet for Nærøyfjorden landskapsvernområde er å «..ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. 2. I landskapsvernområdet er det ikkje lov med inngrep som kan endre eller verke inn på landskapet jf. verneforskrifta 3, pkt Verneområdestyret kan gje løyve til «Påbygging, ombygging eller riving av bygningar og anlegg.» jf. verneforskrifta 3 pkt. 1.3 c). «Motorferdsle på land og i vatn/vassdrag er forbode, likeeins lågtflyging under 300 meter og landing» jf. 3 pkt I verneforskrifta er det ikkje opna for å gje løyve til motorferdsel i utmark på bar mark. Søknaden kan vurderast etter naturmangfaldlova ledd fyrste alternativ som seier at verneområdestyret kan «gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig..». Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka.

10 Vurdering Det er svært positivt at Bjørn Henning Hov vil restaurera stølshuset på Hjølmo. Stølshusa er viktige kulturminne, og dei er ein viktig del av kulturlandskapet på stølen. Drenering rundt stølshuset er viktig del av restaureringsarbeidet, og vil førebyggje ny utrasing av grunnmuren. Graving av dreneringsgrøfter vil berre vera rundt grunnmuren, og vil i liten grad påverka landskapet rundt. Forvaltar meiner difor det kan gjevast løyve til drenering rundt grunnmuren i samband med restaurering av stølshuset. Reglane i verneforskrifta er ikkje til hinder for vedlikehald og restaurering av stølshuset når arbeidet ikkje fører til endringar på bygningen, og ikkje fører til endringar av landskapet. Hjølmo er stølen til Dyrdal og Styvi. Det er ikkje aktiv stølsdrift her lenger, men området vert nytta til sauebeite og rekreasjon. Dei fleste stølshusa på stølen er i god stand, og stølsområdet er bra ivareteke. Det er ikkje kjente førekomstar av trua artar eller naturtypar i tiltaksområdet. Det er god kunnskap om området gjennom forvaltningsplan og skjøtselsplan. Sogn og Fjordane Fylkeskommunen opplyser at dei i dag ikkje har kunnskap om automatisk freda kulturminne i tiltaksområdet, og har ikkje merknader til tiltaket. Dei ser likevel ikkje bort frå at det kan ligge automatisk freda kulturminne i området, og gjer oppmerksam på fylgjande; Tiltakshavar har plikt til å vise varsemd og til å straks melde frå til Sogn og Fjordane fylkeskommune ved Kulturavdelinga dersom ein under arbeidet skulle støyte på automatisk freda kulturminne, jfr 8, 2. ledd i Lov om kulturminne. Automatisk freda kulturminne kan i denne samanheng vere konsentrasjonar av trekol i under grunnen eller i groper, steinsettingar eller samling av stein, samt våpen, reiskap og liknande i metall eller stein. Kunnskapsgrunnlaget jf. 8 vert vurdert som godt i denne saka, og føre-var-prinsippet jf. 9 er tillagt liten vekt. Økosystemtilnærming og samla belastning på verneområdet skal vurderast jf. naturmangfaldlova 10. Det er motorisert ferdsle på landsbruksvegen opp til brua nedanfor stølen på Hjølmo. Gravemaskin og traktor skal køyrast om lag 180 meter frå landbruksveg opp til stølshusa. Forvaltar meiner køyringa i terrenget er innanfor det ein kan rekna som akseptabelt i området. Det er viktig at løyveinnehavaren planlegg arbeidet på ein slik måte at køyringa fører til minst mogleg skade på terrenget. Køyringa og gravearbeidet skal avgrensast til det som er naudsynt. Dreneringsgrøftene skal ikkje gravast lenger enn naudsynt for å få vatnet vekk frå grunnmuren. Den samla belastninga på området av motorferdsle i denne delen av Nærøyfjorden landskapsvernområde vert vurdert til og vera på eit akseptabelt nivå. Køyringa på stien og dreneringsgrøft vil ikkje medføra særleg miljøforringingar, og 11 i naturmangfaldlova er difor ikkje vurdert i denne saka. Gravemaskina og traktor skal køyrast langs stien som har vore nytta til transport tidlegare, og det vil verta lite køyreskadar i terrenget. Det er vanskeleg å fastsetja tal turar det er bruk for i samband med transport av materiale og utstyr til stølshuset, men køyringa må avgrensast til naudsynt transport. Forvaltar vurderer køyring med gravemaskin og traktor til restaureringsarbeidet som naudsynt. Forvaltar meiner bruk av gravemaskin til restaureringsarbeidet er forsvarleg med dei vilkår som er sett, og vurderer det til og vera ein miljøforsvarleg metode jf. naturmangfaldlova 12. Køyring med traktor frå landbruksvegen og opp til stølshuset skal fylgja stitraseen som er der frå før. For å fa minst mogleg køyreskadar i terrenget, bør det ikkje køyrast i periodar med mykje nedbør. Forvaltar meiner motorferdsla til føremålet i søknaden kan vurderast etter naturmangfaldlova 48. Køyringa er vurdert til i liten grad å påverka verneverdiane, og køyring i tilknyting til restaureringsarbeidet er vurdert til ikkje å vera i strid med verneformålet.

11 Konklusjon På bakgrunn av vurderingar etter verneforskrifta, naturmangfaldlova 48 og 8-12, meiner forvaltar det kan gjevast løyve til tiltaka det er søkt om.

12 DS 1/14 Nærçyfjorden landskapsvernområde - dispensasjon til landing med helikopter ved Grindaflethytta DS 2/14 Nærçyfjorden landskapsvernområde - lçyve til lågtflyging og landing med helikopter på Øvste Stigen DS 3/14 Nærçyfjorden landskapsvernområde - dispensasjon til landing med helikopter på Nedbergo DS 4/14 Nærçyfjorden landskapsvernområde - dispensasjon til landing med helikopter på Nedbergo RS 5/14 Miljçvedtaksregisteret og plikt til registrering av enkeltvedtak i verneområder RS 6/14 Fjerning av augeboltar ved båtfeste i Indre Drçfta