Besøksadresse Fjordsenteret 5745 Aurland. Sakshandsamar Anbjørg Nornes Vår ref. 2018/ Dykkar ref. Dato

Transkript

1 Postadresse Njøsavegen Leikanger Besøksadresse Fjordsenteret 5745 Aurland Kontakt Sentralbord: Direkte: fmsfpost@fylkesmannen.no Fjellheimen villreinutval v/hildegunn Mugås Vår ref. 2018/ Dykkar ref. Dato Delegeringssak (DS) Delegert vedtak Nærøyfjorden landskapsvernområde - dispensasjon til lågtflyging i Nærøyfjorden landskapsvernområde i samband med teljing av villrein i Fjellheimen villreinområde I medhald av delegeringsreglement vedteke av Nærøyfjorden verneområdestyre , vert det gjort fylgjande vedtak: Nærøyfjorden verneområdestyre gjev Fjellheimen villreinutval løyve til lågtflyging i Nærøyfjorden landskapsvernområde for teljing av villrein i Fjellheimen villreinområde. Løyvet er gjeve med heimel i verneforskrifta for Nærøyfjorden landskapsvernområde og naturmangfaldlova 48 fyrste ledd og fyrste alternativ. Løyve er gjeve på fylgjande vilkår: Løyve til lågtflyging gjeld for inntil 5 flyturar årleg i perioden 1. februar til 30. oktober i åra frå og med 2018 til og med Motorferdsel skal avgrensast til det som er naudsynt for overvaking av villreinbestand i forvaltningssamanheng. Flyging skal i utgangspunktet skje over 300 meters høgde over bakken, men det kan unntaksvis flygast lågare enn 300 meter dersom det er naudsynt av omsyn til kvaliteten på teljingane. Det skal meldast frå til Statens naturoppsyn (SNO) ved Kristoffer Ullern Hansen (mobil ) dagen før flyginga vert gjennomført. Villreinutvalet må ta kontakt med SNO før planlegging av teljingar frå fly. SNO vil kunne gje informasjon om eventuelle observasjonar av villrein i området. Villreinutvalet skal senda rapport til sekretariatet for verneområdestyret innan kvart år i løyveperioden. I rapporten skal det vera med tal dagar med flygingar, flygerute og resultat frå villreinteljingane. Dette løyvet gjeld berre tilhøve etter verneforskrifta. Søkjar er ansvarleg for å ha naudsynt løyve etter anna lovverk. Saksopplysningar Dokument som bakgrunn for saka: Søknad om dispensasjon frå lågtflygingsforbod i Nærøyfjorden landskapsvernområde, Fjellheimen villreinutval, datert Sporlogg frå flyteljing i Fjellheimen villreinområde i mars 2017 Landskapsvernområde Nærøyfjorden verneområdestyre

2 Søknaden vert vurdert etter: Forskrift om vern av Nærøyfjorden landskapsvernområde av Naturmangfaldlova av 19. juni 2009 Forvaltningsplan for Nærøyfjorden, rapport nr Fjellheimen villreinutval søkjer om løyve til lågtflyging i Nærøyfjorden landskapsvernområde for den delen av Fjellheimen villreinområde som ligg innan for landskapsvernområdet. Ei av dei viktigaste oppgåvene til Fjellheimen villreinutval er å sikre god forvaltning av villreinen i området. Teljing av villrein er avgjerande for å få oversikt over villreinbestanden. Det har vore gjennomført teljingar i mange år. Teljingane frå fly har tidlegare år vore gjennomført i regi av Statens naturoppsyn. Det vert gjennomført struktur-teljing (kjønn og alder) etter jakta i månadsskiftet september/oktober. Denne teljinga vert gjennomført til fots. På vinteren i februar/mars er det minimums-teljing av dyra før kalving. Dette er gjennomført med teljing frå fly. I juli/august er det kalveteljing for å fylgja med på tilveksten i villreinbestanden. Denne teljinga vert gjennomført frå fly. Flygingane føregår for det meste i større høgder, men det kan vera trong for å fly under 300 meter i korte periodar for å fotografera flokkane. Flyteljinga vert vanlegvis gjennomført på 2 til 3 dagar pr. år, med inntil 3 timar kvar gong. Det kan vera dårlege forhold for å sjå villreinen i fjellet, og enkelte år vil det difor vera trong for å ha moglegheit til å fly over området før strukturteljing om hausten. Samla vil det vera bruk for inntil 5 dagar årleg for teljing av villreinen. Villreinutvalet søkjer om dispensasjon frå lågtflygingsforbodet for 5 år. Sporlogg flyteljing Kopi frå søknad Side 2 av 5

3 Kart med Fjellheimen villreinområde i Nærøyfjorden landskapsvernområde. Utklypp frå Fylkesatlas Lovgrunnlaget Føremålet i Nærøyfjorden landskapsvernområde er definert i verneforskrifta 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter». All motorferdsel er forbode i landskapsvernområde, også lågtflyging under 300 meter og landing jf. verneforskrifta 3 punkt 2.1. Forvaltninga kan i særskilte høve vurdera om det er heimel til tiltak etter naturmangfaldlova 48, «Forvaltningsmyndigheten kan gjøre unntak frå et vernevedtak dersom det ikkje strider mot vernevedtakets formål og ikkje kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig». Etter naturmangfaldlova (nml) 7 skal prinsippa i 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Motorferdsel skal haldast på eit så lågt nivå som mogleg i verneområdet, og aktiviteten må ikkje skada verneverdiane eller vera i strid med verneføremålet. Deler av Fjellheimen Side 3 av 5

4 villreinområde går inn i Nærøyfjorden landskapsvernområde. Overvaking og teljing av villrein er viktig for å få god kunnskap til forvaltning av villreinbestanden. Fjellheimen villreinutval har gjennomført flyteljingar gjennom mange år i samarbeid med Statens naturoppsyn. Fjellheimen villreinutval vil vidareføra teljingane etter same metode som tidlegare år. Forvaltar vurderer teljing av villrein som eit naudsynt forvaltningstiltak som kan vurderast som særskilt tilhøve med heimel i naturmangfaldlova 48 fyrste ledd og fyrste alternativ. Det er god erfaring med bruk av fly til teljing av villrein i Fjellheimen villreinområde. Saka vert difor vurdert som ei kurrant sak som kan behandlast som delegert vedtak. Kunnskapen om området er kjent gjennom forvaltningsplan for Nærøyfjordområdet, Naturbase og oppsyn i området ved Statens naturoppsyn. Det er ikkje registrert sårbare artar (Naturbase ) utanom villrein, som i særskilt grad kan verta påverka av motorferdsel. Deler av området ver nytta som beiteområde for sau og storfe. I tillegg er det eit mykje nytta område for friluftsaktivitetar både sommar og vinter. Kunnskapsgrunnlaget jf. nml. 8 er vurdert som godt for å vurdera saka, og føre-var-prinsippet jf. nml. 9 er difor tillagt liten vekt. Villreinen er ikkje nemnt som ein del av verneføremålet i Nærøyfjorden landskapsvernområde, men Norge har eit internasjonalt ansvar for å ta vare på villrein. I forvaltningsplanen for Nærøyfjorden under kapittel om villrein, er det retningslinjer som seier at omsynet til villreinen skal tilleggjast vekt i avgjerder om tiltak innanfor villreinen sine leveområde. Forvaltninga skal vurdera den samla belastninga tiltaket vil få på naturmiljøet jf. nml. 10. For å minimera uro på villrein og andre dyre- og fugleartar, og brukarar av området, er det viktig at flyging i landskapsvernområdet vert avgrensa til det som er strengt naudsynt. SNO har jamleg kontroll med motorferdsel og tiltak i fjellområdet, og vil kunne gje villreinutvalet opplysningar om observasjonar av villrein. Det er viktig med god informasjonsflyt mellom oppsynet og villreinutvalet for å redusera motorferdsel i samband med villreinteljingar. Omfanget av flyginga er avgrensa, og tiltaket er knytt opp mot kunnskapsinnhenting. Tiltaket vil lite truleg skapa uheldig presedens for andre saker. Med dei vilkåra som er sett, vurderer forvaltar den samla belastninga på naturmiljøet som akseptabelt. Teljing av villrein frå fly i samband med forvaltninga av villreinbestandar er vanleg i villreinområde i Norge, og det er ein godt utprøvd metode for overvaking av villrein. Forvaltar vurderer motorferdsel til dette føremålet til ikkje å vera i strid med verneføremålet, og det vil ikkje vera til nemneverdig skade på naturverdiane jf. nml. 48. Det er lite truleg at motorferdsla vil gje skade på naturmangfaldet, og nml. 11 er difor ikkje vurdert i denne saka. Lågtflyging med fly vert berre gjennomført for å kome nær flokken for å ta bilde. Lågtflyginga vert utført i korte periodar, og det vert ikkje gjennomført teljingar i kalvingstida, som er den mest sårbare tida for villreinen. Teljing av villrein vert gjennomført både til fots og med teljing frå fly. Tidlegare erfaringar tilseier at lågtflyging i samband med teljing har liten negativ effekt på villreinen. Forvaltar vurderer planlagt lågtflyging som miljøforsvarleg til dette føremålet jf. nml. 12. Side 4 av 5

5 Konklusjon Etter ei samla vurdering etter naturmangfaldlova 8-12 og verneforskrifta, vurderer forvaltar at det kan gjevast dispensasjon frå forbodet om lågtflyging i Nærøyfjorden landskapsvernområde med heimel i naturmangfaldlova 48 fyrste ledd og fyrste alternativ. For å ha god kunnskap om villreinen i Fjellheimen, og ha best mogleg forvaltning av villreinbestanden, vert det gjeve løyve til lågtflyging for inntil 5 flyturar årleg frå og med 2018 til og med Klage Vedtaket kan klagast inn for Klima- og miljødepartementet av partar i saka eller andre som har rettsleg klageinteresse med ein frist på 3 veker jf. forvaltningslova Klagen skal sendast verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Anbjørg Nornes verneområdeforvaltar Etter våre rutinar er dette brevet godkjent og sendt utan underskrift Kopi pr. e-post til: Fylkesmannen i Sogn og Fjordane Fylkesmannen i Hordaland SNO Aurland Nordfjella og Fjellheimen villreinnemnd Vik kommune Aurland kommune Voss kommune Side 5 av 5