Møteinnkalling. Utval : Nærøyfjorden verneområdesty re Møtesta d: Flåm Panorama, Flåm Dato: Tidspunkt : 09:00 09:30

Transkript

1 Møteinnkalling Utval : Nærøyfjorden verneområdesty re Møtesta d: Flåm Panorama, Flåm Dato: Tidspunkt : 09:00 09:30 Eventuelt forfall må meldast snarast på tlf eller e-post. Vararepresentantar møter etter nærare beskjed. Fagleg rådgjevande utval for Nærøyfjorden er invitert til møte med verneområdestyret frå kl.9.30 til kl Viser til eigen innkalling. Nærøyfjorden Verdsarvpark inviterer til seminar om «Cruise og verdiskaping» frå kl , sjå eigen invitasjon. Lunsj vert servert kl De må melda frå til meg innan 30. mai om de ynskjer å delta på lunsj og seminar. Meld frå på e-post eller telefon.

2 Saksliste Utval s- saksnr ST 16/13 ST 17/13 ST 18/13 ST 19/13 ST 20/13 ST 21/13 Innha ld Lukk a Ar kiv - saksnr Godkjenning av innkalling og dagsorden Underskrift av protokoll frå førre møte Nærøyfjorden landskapsvernområde - løyve til tilretteleggingstiltak i samband med konsert på Stigen Nærøyfjorden landskapsvernområde - Løyve til filming frå helikopter i området rundt Stigen Nærøyfjorden landskapsvernområde - oppsett av utedo på Stigen og Nedbergo Nærøyfjorden landskapsvernområde - løyve til bygging av kai ved Fronnes 2013/ / / /1900

3 ST 16/13 Godkjenning av innkalling og dagsorden ST 17/13 Underskrift av protokoll frå førre møte

4 NÆRØYFJORDEN VERNEOMRÅDESTYRE Saksframlegg Arkivsaksnr: 2013/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 18/ Nærøyfjorden landskapsvernområde - løyve til tilretteleggingstiltak i samband med konsert på Stigen Innstilling frå forvaltar Nærøyfjorden verneområdestyre gjev Stigen Gard og Turer løyve til: Å sette opp ein midlertidig scene i grindverksbygg ved den gamle muren i tunet på Nedre Stigen. 2 landingar med helikopter på Stigen fredag 9. august 2013 for transport av instrument og utstyr til konserten, og 2 landingar på Stigen måndag 12. august 2013 for uttransport av instrument og utstyr Løyvet er gjeve med heimel i naturmangfaldlova 48, og gjeld med fylgjande vilkår: Scene: Grindbygget skal setjast opp med enkle tilpassingar i terrenget Taket skal tekkast med gamle bølgjeblekkplater Grindbygget skal takast ned att etter konserten, og kan stå på plassen i maksimalt 2 månader Området som er nytta til scene og anna formål i samband med arrangementet skal ryddast og setjast i stand straks arrangementet er gjennomført. Landing med helikopter Bruken av helikopter avgrensar seg til det som er strengt naudsynt Helikoptertransporten skal meldast seinast dagen til Statens naturoppsyn v/kristoffer Ullern Hansen (mob.tlf ) for å avklare om det er spesielle omsyn som skal takast. Det skal sendast rapport innan om tidsbruk og tal hiv til verneområdestyret v/sekretariatet. Me gjer merksame på at løyvet berre er behandla etter verneforskrifta. Søkjar må ta kontakt med kommunen for naudsynt løyve etter lov om motorferdsel i utmark.

5 Saksopply sninga r Dokument som bakgrunn for saka: Søknad om løyve i samband med Verdsarvkonserten, frå Stigen Gard og Turer Søknaden vert vurdert etter: Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden 2007 Naturmangfaldlova av Hege Stømme og Dee Cunningham i Stigen Gard og Turer skal bygge opp att låve på Stigen sommaren Dei skal arrangera Verdsarvkonsert med Vamp og Eivør på Stigen 10. august i samband med opninga av låven. Det er invitert 200 gjester til opninga. Det er lagt opp til oppleving med konsert, matservering og teltovernatting. Gjestene som ynskjer og overnatta skal bu i telt på Stigen. I samband med arrangementet ynskjer dei å få setja opp ein midlertidig scene i tunet. Scenen skal plasserast ved ein gamal mur i tunet som har vore nytta som strengfeste. Med denne plasseringa vil scenen vera skjerma frå sjølve tunet. Scenen skal setjast opp i grindbyggkonstruksjon og ha gamal bølgjeblekk som tak. Scenen skal takast ned att etter konserten. Aurland kommune har uttalt: «Midlertidige bygninger, konstruksjoner eller anlegg må ikke plasseres for et lengre tidsrom enn 2 måneder uten at kommunen på forhånd har gitt samtykke, og skal straks fjernes når tiden er utløpt, eller, hvis samtykke er gitt på ubestemt tid, når kommunen krever det. Bygninger, konstruksjoner og anlegg må ikke plasseres i strid med arealplanens formål». Grasbakken i bakkant av tunet skal nyttast som naturleg amfi. Tilgang til toalett vil vera to utedoar, i tillegg til do tilknytt bustadhuset. Verneområdestyret behandlar søknad om oppsett av utedo som eige sak, og sender denne vidare til behandling i kommunen. I samband med konserten med Vamp og Eivør, vert det søkt om løyve til helikoptertransport av bandet sitt utstyr til Stigen frå Undredal. Dei har bruk for to hiv kvar veg. I Nærøyfjorden landskapsvernområde er lågtflyging under 300 meter over bakken og landing forbode jf. verneforskrifta 3, 2.1. Verneforskrifta omhandlar heller ikkje oppsett av midlertidige bygningar, men har eit generelt forbod mot alle inngrep eller tiltak som kan endre karakteren på landskapet jf. 3, 1.1. Søknaden må behandlast etter den generelle dispensasjonsregelen i 4 i verneforskrifta. Denne er endra med lov av 19. juni 2009 naturmangfaldlova 48, som seier at det kan gjevast dispensasjon «..dersom det ikke strider mot vernevedtakets formål og ikke kan påvirke verneverdiene nevneverdig..». Verneformålet for Nærøyfjorden landskapsvernområde er å «..ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter» jf. 2.

6 Vurdering Verdsarvkonserten er eit arrangement som vil gje ei flott oppleving av musikk i storslått natur- og kulturlandskap. Gjestene vil få innsikt i arbeidet som vert gjort for å ta vare på eit verneverdig kulturlandskap. Stigen Gard og Turar har utvikla småskala reiseliv innafor verneområdet med god tilpassing til verneverdiane i området. I forvaltningsplanen for Nærøyfjorden vert Stigen trekt fram som eit godt døme på småskala reiseliv i eit verneområde. Forvaltar vurderer arrangementet som eit positivt tiltak for å formidle natur- og kulturverdiane og opplevingskvalitetane i Nærøyfjorden landskapsvernområde, og vil på denne måten ligge innanfor verneformålet for landskapsvernområdet. Alle tilretteleggingstiltaka i samband med konserten er av midlertidig karakter, og vil ikkje gje varig verknad på verneverdiane. Figur 1 Område med sceneog amfi Føresetnad for løyve er at det ikkje kan påverka verneverdiane nemneverdig. Forvaltar vurderer at ei avgrensa flyging i låg høgd over Stigen ikkje vil ha nemneverdig skadeverknad for vernet. Forvaltar vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen om området er kjent gjennom forvaltningsplan for Nærøyfjorden og skjøtselsplan for Stigen. Det er bra kunnskap om kulturlandskapet og sårbare naturelement i området. Kunnskapen vert vurdert som god for å kunne vurdera søknaden. 9 Føre-var-prinsippet: Kunnskapen om området er god, og føre-var-prinsippet er tillagt liten vekt. Rovfugl utgjer dei mest sårbare verneverdiane i området. For å unngå uroing, skal SNO kontaktast før flyging, slik at det kan takast naudsynt omsyn under flyging. 10 Økosystemtilnærming og samla belastning: Forvaltninga ynskjer å praktisera reglane i landskapsvernområdet på ein måte som held motorferdsla på eit nivå som ikkje er til skade for naturmangfaldet. Me meiner den samla belastninga av motorferdsel i området pr. i dag ikkje er større enn at den omsøkte flyginga er akseptabel. Bygget som skal setjast opp som scene vert midlertidig oppsett, og vil difor ikkje påverka landskapet utover den avgrensa tida den vert ståande. 11 Kostnadane ved miljøforringing skal berast av tiltakshavar: Tiltakshavar er ansvarleg for at arrangementet vert gjennomført på ein god måte, og hindre miljøforringing av området. Kostnad med eventuelle skadar på området må berast av tiltakshavar. 12 Miljøforsvarlege teknikkar og driftsmetodar: Fylging med helikopter for å transportera instrument og utstyr er den mest tenlege måten transportera på, og er ein forsvarleg transportmetode. Scenen vert sett opp i grindverkskonstruksjon, og kan lett

7 takast ned att, og byggjast opp att til anna føremål. Forvaltar vurderer dette som ein miljøforsvarleg måte å setje opp eit midlertidig bygg. Konklusjon: På bakgrunn av vurderingane etter verneforskrifta og naturmangfaldlova vurderer forvaltar at det kan gjevast dispensasjon til tiltaka som omsøkt.

8 NÆRØYFJORDEN VERNEOMRÅDESTYRE Saksframlegg Arkivsaksnr: 2013/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 19/ Nærøyfjorden landskapsvernområde området rundt Stigen - Løyve til filming frå helikopter i Innstilling frå forvaltar Nærøyfjorden verneområdestyre gjev Dag Lindebjerg i NRK-Hordaland løyve til: Lågtflyging med helikopter for filmopptak ut Nærøyfjorden og over Stigen i samband med gjenoppbygging av låven på Stigen. Flyginga skal skje om ettermiddagen 10. august Løyvet er gjeve med heimel i naturmangfaldlova 48, og gjeld med fylgjande vilkår: Lågtflyginga avgrensar seg til det som er strengt naudsynt. Under flyginga skal ein søkje å unngå å uroe fugle- og dyreliv og folk på tur i området. Statens naturoppsyn v/kristoffer Ullern Hansen (mob.tlf ) skal kontaktast før flyginga tek til for å avklare om det må takast spesielle omsyn til verneverdiane. Det skal sendast rapport innan om tidsbruk og flygerute innteikna på kart til verneområdestyret v/sekretariatet. Me gjer merksam på at løyvet berre er behandla etter verneforskrifta. Når det gjeld landing (for start/landing for flyginga) utanfor landskapsvernområdet må søkjar avklare dette med grunneigar og med Aurland kommune. Saksopply sninga r Dokument som bakgrunn for saka: Søknad om filming frå helikopter over Stigen, v/dag Lindebjerg NRK-Hordaland Søknaden vert vurdert etter:

9 Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden 2007 Naturmangfaldlova av Dag Lindebjerg i NRK-Hordaland har over fleire år arbeid med eit TV-program om familien Cunnigham/Stømme som driv gardane Fjordstien i Fresvik og Nedre Stigen i Aurlandsfjorden. Fyrste del av programmet vart vist på NRK i november Programmet omhandlar familien sin aktivitet i området, både som turarrangør, gardbrukar, handverkar med meir. Sentralt i programmet står oppattbygginga av låven på Stigen og skjøtsel som familien driv i verdsarvområdet. I den fyrste filmen gav verneområdestyret løyve til lågtflyging med helikopter ein dag i samband med aktiviteten på Stigen. Den andre delen av filmen skal visa arbeidet med lafting og oppbygginga av låven på Stigen sommaren Det skal arrangerast konsert med Vamp på Stigen 10. august i samband med opninga av låven. I den samanheng søkjer Lindebjerg om å kunne filme med helikopter over Stigen 10. august. I søknaden vert det opplyst at filminga skal føre gå i 10 til 15 minutt før konserten startar. På vegen til Stigen vil dei fly inn Nærøyfjorden. I Nærøyfjorden landskapsvernområde er lågtflyging under 300 meter over bakken forbode jf. verneforskrifta 3, 2.1. Søknaden må behandlast etter den generelle dispensasjonsregelen i 4 i verneforskrifta. Denne er endra med lov av 19. juni 2009 naturmangfaldlova 48, som seier at det kan gjevast dispensasjon «..dersom det ikke strider mot vernevedtakets formål og ikke kan påvirke verneverdiene nevneverdig..». Verneformålet for Nærøyfjorden landskapsvernområde er å «..ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. 2. Vurdering Filmen formidlar familien Cunningham/Stømme sin aktivitet i verdsarvområdet og på Stigen. Forvaltar vurderer at filmen vil formidle mange av natur- og kulturverdiane og opplevingskvalitetane i Nærøyfjorden landskapsvernområde, og vil på denne måten ligge innanfor verneformålet for landskapsvernområdet. Av forvaltningsplanen går det fram at løyve til transportoppdrag for mediaformål må vurderast konkret, dvs. om formålet med filmen o.a. kan knytast saman med innhaldet i formålet med vernet. Føresetnad for løyve er at det ikkje kan påverka verneverdiane nemneverdig. Forvaltar vurderer at ei avgrensa flyging i låg høgd over Stigen ikkje vil ha nemneverdig skadeverknad for vernet. Forvaltar vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen om området er kjent gjennom forvaltningsplan for Nærøyfjorden skjøtselsplan for Stigen. Det er bra kunnskap om sårbare naturelement i området, og me har røynsle frå helikopterflyginga i fjor. Kunnskapen vert vurdert som god for å kunne vurdera søknaden. 9 Føre-var-prinsippet: Kunnskapen er om området er god, og føre-var-prinsippet er tillagt liten vekt. Rovfugl utgjer dei mest sårbare verneverdiane i området. For å unngå

10 uroing av dyrelivet, skal SNO kontaktast før flyging, slik at det kan takast naudsynte omsyn under flyging. 10 Økosystemtilnærming og samla belastning: Forvaltninga ynskjer å praktisera reglane i landskapsvernområdet på ein måte som held motorferdsla på eit nivå som ikkje er til skade for naturmangfaldet. Me meiner den samla belastninga av motorferdsel i området pr. i dag ikkje er større enn at den omsøkte flyginga er akseptabel. 11 Kostnadane ved miljøforringing skal berast av tiltakshavar: Tiltaket skal ikkje føra til miljøforringing utover den relativt korte tida flyginga varer, og dette punktet er difor ikkje relevant. 12 Miljøforsvarlege teknikkar og driftsmetodar: Fylging med helikopter for å filme over Stigen er den mest tenlege måten og utføra oppdraget på. Løyvehavar må planlegga flyginga godt for å få kortast mogleg flygetid i verneområdet. Konklusjon: På bakgrunn av vurderingane etter verneforskrifta og naturmangfaldlova vurderer forvaltar at det kan gjevast dispensasjon til flyginga.

11 NÆRØYFJORDEN VERNEOMRÅDESTYRE Saksframlegg Arkivsaksnr: 2013/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 20/ Nærøyfjorden landskapsvernområde Nedbergo - oppsett av utedo på Stigen og Innstilling frå forvaltar Nærøyfjorden verneområdestyre gjev løyve til at det vert sett opp to utedoar på Stigen og ein utedo på Nedbergo. Løyvet er gjeve med heimel i verneforskrifta 5 og gjeld med fylgjande vilkår: Utedoane på Stigen skal plasserast på Nedste Stigen. Eine vert plassert i tilknyting til benk og informasjonstavle v/tunet, og ein v/mørkvollen. Plasseringa skal vera etter samtykke frå grunneigar og i samråd med SNO. Utedoen på Nedbergo skal plasserast aust for tunet på Nedbergo på gnr. 55, bnr. 2, under føresetnad om samtykke frå grunneigar. Utedoane skal byggjast i trematerial, og vil få ei grunnflate på inntil 1,2 m x 1,2 m, og høgd på inntil 2,2 m. SNO skal halda tilsyn med utedoane slik at dei fungerer som dei skal, og vil rapportera med omsyn til ureining til Aurland kommune som er renovasjonsmyndigheit etter ureiningslova. Aurland kommune fyl saka opp etter behov. Dersom utedoane fører til problem av noko slag, skal verneområdestyret få dei fjerna, og området rydda. Plassering av utedoane kan berre skje under føresetnad av godkjent byggeløyve frå Aurland kommune. Saksopply sninga r Dokument som bakgrunn for saka: Skjøtselsplan for Stigen, og høyringsframlegg til skjøtselsplan for Nedbergo Søknaden vert vurdert etter: Forskrift for Nærøyfjorden landskapsvernområde av

12 Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Bakgrunnen for tiltaket med å sette opp utedo på Stigen og Nedbergo er at det er tilrettelagt med stiar i området, og det er mange besøkjande i området. Særleg på Stigen har det auka på med besøkjande. I skjøtselsplan for Stigen er ikkje do sett opp som eit tilretteleggingstiltak, men familien Stigen Gard og Turar v/hege Stømme og Dee Cunningham har påpeika trongen for tilrettelegging med utedo for å hindra tilgrising av området. Dei opplyser at besøkjande til området har fått nytte deira private do. I framlegg til skjøtselstiltak på Nedbergo er det framlegg om plassering av utedo aust for tunet på Nedbergo. Skjøtselsplanen er framleis på høyring. Eigar til gnr. 55 bnr. 1 har kome med innspel på at han ikkje ynskjer oppsett av utedo til allmenn bruk på sin eigedom, men har ikkje innvendingar til plassering på naboeigedomen. Eigar av gnr. 55 bnr. 2 må gje skriftleg samtykke til tiltaket før utedo kan plasserast som planlagt. Andre stader i landskapsvernområdet det er sett opp utedo er Holmo, Odnes, Skalmenes, Hjølmo, Salthella, Stokko og Fronnes. Verneområdstyret har gjeve løyve til å setja opp utedo på Skogane, og skal søkja til kommunen om løyve etter plan- og bygningslova. Alle desse plassane er tilrettelagt på bakgrunn av aukande besøkstal, og fare for tilgrising av område. SNO har ansvaret med tilsyn av doane. I verneforskrifta for landskapsvernområdet 5 er det opna for at «forvaltningsstyresmakta kan gjennomføra skjøtselstiltak for å fremje føremålet med vernet». Vurdering Forvaltar vurderer tiltak med oppsetting av utedo som viktig tiltak for å hindre forsøpling og ta vare på kvalitetane i området. På Nedbergo er dette i tråd med framlegg til tilretteleggingstiltak i skjøtselsplanen. Planen er ikkje godkjent endå, men grunneigarane har vore med i prosessen med utarbeiding av planen. Grunneigar på området der doen er planlagt sett opp må gje samtykke til plassering før doen kan setjast opp. Det ikkje stor aktivitet i området i dag, men med aukande interesse for padling på fjorden og strandhogg langs fjorden, vil det mykje sannsynleg gje ein auke i besøkjande på Nedbergo og. På Stigen har dei merka stor auke av vandrande som kjem til fots over fjellet, eller frå reisande på fjorden som har lagt til ved kaien på Stigen. Til no har familien Strømme/Cunnigham opna opp for at besøkjande har kunne nytta deira private utedo. Dette er ikkje ei framtidsretta løysing, og forvaltar meiner difor at forvaltninga bør leggja til rette med utedo som kan nyttast av ålmenta. Tiltaka vert sett i verk av verneområdestyret. Verneområdestyret søkjer kommunen om løyve etter plan- og bygningslova til tiltaka. Dersom tiltaket viser seg og føra til problem av noko slag, og ikkje fremjar verneformålet, vil verneområdestyret syte for å fjerna utedoane. Forvaltar vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen om området er kjent gjennom forvaltningsplan for Nærøyfjorden og skjøtselsplan for Stigen, og framlegg til skjøtselsplan for

13 Nedbergo. Det er bra kunnskap om kulturlandskapet og sårbare naturelement i området. Det er gode erfaringar med utedoane som er sett opp andre stader i landskapsvernområdet. Kunnskapen vert vurdert som god for å kunne vurdera søknaden. 9 Føre-var-prinsippet: Kunnskapen om området er god, og føre-var-prinsippet er tillagt liten vekt. 10 Økosystemtilnærming og samla belastning: Den samla belastninga med tilrettelegging i området er vurdert i forvaltningsplan for Nærøyfjorden, og områder er prioritert for tilrettelegging. Erfaring frå ferdsel på fjorden tilseier tilrettelegging av fleire stader, som Skogane og Nedbergo. Tiltaka skal vera med å fremja verneformålet. Den samla belastninga med tilrettelegginga vert vurdert til å vera på eit akseptabelt nivå. 11 Kostnadane ved miljøforringing skal berast av tiltakshavar: Eventuelle kostnader med oppsett, tilsyn og fjerning av tiltaket skal berast av verneområdestyret. 12 Miljøforsvarlege teknikkar og driftsmetodar: Enkle utedoar i tre er vurdert som miljøforsvarlege bygg i verneområdet. Konklusjon: På bakgrunn av vurderingane etter verneforskrifta og naturmangfaldlova vurderer forvaltar at det kan gjevast løyve til tiltaket.

14 NÆRØYFJORDEN VERNEOMRÅDESTYRE Saksframlegg Arkivsaksnr: 2013/ Saksbehandlar: Anbjørg Nornes Dato: Utval Utvalssak Møtedato Nærøyfjorden verneområdestyre 21/ Nærøyfjorden landskapsvernområde Fronnes - løyve til bygging av kai ved Innstilling frå forvaltar Nærøyfjorden verneområdestyre gjev Statens naturoppsyn løyve til bygging av kai for småbåtar på Fronnes. Verneområdestyret er tiltakshavar for kaien. Løyvet vert gjeve med heimel i verneforskrifta 3, 1.3 b), og gjeld med fylgjande vilkår: Kaien kan skal vera i treverk med festestenger i metall. Storleiken kan vera omlag 1 meter ut frå kaien, og omlag 3,5 meter breidde langs berget. Kaien skal vera tilpassa landskap og lokal byggeskikk. Grunneigar og rettshavarar i området må gje skriftleg løyve til bygging av kaien. Kaien skal setjast opp av SNO, som og har ansvar for tilsyn og vedlikehald. Aurland kommune må gje løyve til bygging av kaien etter plan- og bygningslova, før arbeidet kan setjast i gang. Saksopply sninga r Dokument som bakgrunn for saka: Skisse av kai på Fronnes utarbeidd av Kristoffer Ullern Hansen i SNO, Søknaden vert vurdert etter: Forskrift om vern av Nærøyfjorden landskapsvernområde av Forvaltningsplan for Vestnorsk fjordlandskap delområde Nærøyfjorden 2007 Naturmangfaldlova av Fronnes ligg på austsida av Aurlandsfjorden. Det er ikkje vegsamband til Fronnes, berre stien frå Frondalen. Tilkomsten er i hovudsak med båt. I dag er det berre eit enkelt feste med ein bolt for å fortøye småbåtar på Fronnes. Med den store trafikken med båtar som er på fjorden, er det til tider vanskeleg og leggja til og fortøye båtar.

15 Grunneigar på Fronnes der kaien er planlagt sett opp, er E-CO Energi AS. Gardane på Ohnstad har beiterett på Fronnes. Erling Ohnstad brukar området til sauebeite, og gjer med det eit viktig arbeid for skjøtsel av kulturlandskapet. I forvaltningsplan for Nærøyfjorden er Fronnes peika på som eit prioritert område for skjøtselstiltak. Der vart utarbeid skjøtselsplan for Fronnes i Målsetjinga med planen er å ta vare på kulturlandskapskvalitetane, synleggjera kulturverdiane, og leggja til rette for friluftsliv. SNO har opparbeidd ein kultur- og naturstiar på Fronnes, og har sett opp informasjonskilt om kulturen og naturen i området. Området vert mykje nytta som turområde for lokalbefolkninga. SNO nyttar området til formidling og undervisning for barneskular i området, Sogn Jord- og Hagebruksskule og Voss jordbruksskule. Med den auka bruken som er av området, har SNO påpeika trongen for ein kai for og letta og trygga tilkomsten til området. SNO har teikna ei skisse for utforming av kaien. Kaien skal vera for småbåtar. Den har ein storleik på 1 meter gonger 3,5 meter. Kaien vert bygd i treverk, og vert festa til berget med stag i metall. Figur 1 Utklypp frå skissetil kai, Kristoffer Uller Hansen Nærøyfjorden landskapsvernområde er «..verna mot alle inngrep eller tiltak som vesentleg kan endre eller verke inn på landskapets art eller karakter» jf. verneforskrifta 3, 1.1. Verneområdestyret kan gje løve til «Oppføring av nybygg i samband med landbruk, turlagsverksemd og oppsyn» jf. 3, 1.3 b). Vurdering Kaien skal setjast opp av SNO, og vil vera eit viktig tiltak for og fylgja opp måla i skjøtselsplanen for Fronnes. Verneområdestyret er tiltakshavar for prosjektet. Kaien er til nytte både i samband med skjøtsel av området, oppsyn, friluftsliv og formidling. Kaien vil ikkje vera større enn naudsynt og vil ikkje endra landskapet vesentleg. Forvaltar vurderer tiltaket til å vera i tråd med det verneområdestyret kan gje løyve til. Forvaltar vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen om området er kjent gjennom forvaltningsplan for Nærøyfjorden skjøtselsplan for Fronnes. Kunnskapen vert vurdert som god for å kunne vurdera søknaden. 9 Føre-var-prinsippet: Kunnskapen er om området er god, og føre-var-prinsippet er tillagt liten vekt. 10 Økosystemtilnærming og samla belastning: Kaien vil gjera det tryggare og lettare og stiga i land på Fronnes, og vil lite sannsynleg gje noko auka belastning på økosystemet.

16 11 Kostnadane ved miljøforringing skal berast av tiltakshavar: Tiltaket vil lite truleg føra til miljøforringing, og dette punktet er difor lite relevant. 12 Miljøforsvarlege teknikkar og driftsmetodar: Kaien skal byggjast i tre på staden, og arbeidet vert gjennomført på ein miljøforsvarleg måte. Materiale vert frakta til Fronnes med båt. Konklusjon: På bakgrunn av vurderingane etter verneforskrifta og naturmangfaldlova vurderer forvaltar at det kan gjevast dispensasjon til tiltaket.