VINDAFJORD KOMMUNE SAKSPAPIR

VINDAFJORD KOMMUNE SAKSPAPIR SAKSGANG Styre, utval, komite m.m. Møtedato Saksnr Sakshands. Formannskapet 16.10.2012 097/12 INJ Kommunestyret 30.10.2012 070/12 INJ Avgjerd av: Saksansv.: Ingrid Johannessen Arkiv: K2-L12, Gnr.Bnr-276/2,4 Objekt: Arkivsaknr 11/2528 ANDRE GONGS HANDSAMING AV DETALJREGULERING FOR MASSEUTTAK FIKSE AUST - GNR 276, BNR 2, 4 OG 12 Dokumentliste: Nr T Dok.dato Avsendar/Mottakar Tittel 1 I 19.09.2011 Omega IAT AS SØKNAD OM Å STARTE REGULERINGSARBEID FOR MASSEUTTAK - GNR. 276/2 3 U 13.10.2011 Omega IAT OPPSTART AV REGULERINGSPLANARBEID FOR MASSETAK PÅ FIKSE 4 I 25.10.2011 Omega IAT HØYRING - VARSEL OM PLANARBEID OG UTLEGGING AV PLANPROGRAM 5 I 21.11.2011 Direktoratet for mineralforvaltning VARSEL OM DETALJREGULERING AV MASSETAK PÅ FIKSE AUST I VINDAFJORD KOMMUNE OG HØYRING AV PLANPROGRAM 6 I 01.12.2011 Fylkesmannen i Rogaland - Miljøvernavd. UTTALE TIL VARSEL OM PLANPROGRAM OG REGULERINGSPLAN FOR MASSETAK 276/2, 4, 16 OG 20/10 FIKSE 7 U 07.12.2011 Omega IAT UTTALE TIL VARSEL OM PLANPROGRAM FOR REGULERINGSPLAN- MASSETAK PÅ FIKSE 8 I 27.12.2011 Omega IAT AS UTVIDELSE AV PLANOMRÅDET. MASSETAK FIKSE 10 I 05.01.2012 Direktoratet for mineralforvaltning VARSEL OM UTVIDING AV PLANOMRÅDE PÅ FIKSE AUST 11 I 12.01.2012 Etne kommune TILBAKEMELDING VEDK OPPSTART AV PLANARBEID FOR MASSETAK FIKSE OG UTVIDING AV PLANOMRÅDET 12 I 31.01.2012 Statens vegvesen Region Vest E134. REGULERINGSPLAN - GNR.275/4 OG 16 GNR. 20/10 - MASSETAK FIKSE AUST 14 I 07.02.2012 Mesta Eiendom AS TILSVAR TIL REGULERINGSPLANER G.NR.276,B.NR.2 I VINDAFJORD KOMMUNE OG MASSEUTTAK FIKSE

VEST. 13 I 07.02.2012 Statens vegvesen REGULERINGSPLANARBEID MASSEUTTAK - FIKSE AUST - GNR 276, BNR 2 OG 4 - AVKLARING AV ADKOMST TIL E134 15 I 13.03.2012 Direktoratet for mineralforvaltning FORSLAG TIL PLANPROGRAM FOR KONSEKVENSUTREDNING OG DETALJREGULERING 16 I 24.04.2012 Omega areal AS INNKOMNE PLANFORSLAG 19 I 04.06.2012 Omega Areal ROS-FIKSE 20 I 05.06.2012 Omega Areal PLANSKILDRING- OPPDATERT 05.06.12 21 I 06.06.2012 Omega Areal KONSEKVENSUTREDNING 22 U 26.06.2012 grunneigar nabo rettshavar OFFENTLEG ETTERSYN - FOR MASSEUTTAK - FIKSE AUST 24 U 26.06.2012 Servicetorget KUNNGJERING - OFFENTLEG ETTERSYN 23 U 27.06.2012 Ølen Skyttarlag; Etne Jeger og Fisk; Driektoratet for Mineralforvaltning; Etne Skyttarlag; offentlege mynde; Friluftsrådet Vest; Telenor - Senter for nettutbygging; Haugaland Interkommunale Miljøverk (HIM); Vindafjord kommune - Vilt - & fiskeutvalet; DK Haugalandet Mattilsynet; Vindafjord Skogeigarlag; Vindafjord jeger og fiskeforbund; Etne kommune; Kommunelegen; Fylkesmannen i Rogaland; Rådet for eldre og funksjonshemma v/karin Kolltveit; Mesta Eiendom as; Omega Areal AS; Skånevik Ølen Kraftlag; Rogaland Fylkeskommune - Kulturavd.; Rogaland Fylkeskommune - Regionalutv.avd.; Statens Vegvesen - Region Vest; Norges Vassdrags- og energidir. OFFENTLEG ETTERSYN - FOR MASSEUTTAK FIKSE AUST, ØLEN 25 I 03.07.2012 Mesta Eiendom as MERKNADER TIL REGULERINGSPLAN FOR MASSUTTAK PÅ FIKSE. 26 I 07.08.2012 Norges Vassdrags- og energidir. UTTALE TIL OFFENTIG ETTERSYN - FOR MASSEUTTAK FIKSE AUST 27 I 16.08.2012 Dir. for Mineralforvaltning UTTALE - INGEN MERKNAD 28 I 21.08.2012 Etne Kommune UTTALE FRÅ ETNE KOMMUNE TIL - FIKSE AUST 29 I 22.08.2012 Statens vegvesen VARSEL OM MOTSEGN 30 I 28.08.2012 Torgeir Eidhammer UTTALE MASSEUTTAK, FIKSE AUST 31 I 30.08.2012 Fylkesmannen i Rogaland - UTTALE TIL REGULERINGSPLAN Miljøvernavd. FOR MASSEUTTAK FIKSE AUST 32 I 20.09.2012 Elisabeth Omega v/ Silde VS: DETALJREGULERING FIKSE

AUST - KOMMENTARAR TIL UTTALAR 34 I 30.09.2012 Etne Skyttarlag FW: UTTALE OM FIKSE MASSEUTTAK TIL VINDAFJORD KOMMUNE 35 I 01.10.2012 Naurstad Anne Randi SV: DETALJREGULERING FOR MASSEUTTAK FIKSE AUST Aktuelle lovar, forskrifter, avtalar, reglement m.m.: Plan- og bygningslova Saka gjeld: Andre gongs handsaming av detaljregulering for masseuttak Fikse aust. Saksopplysningar: Saka var til første gongs handsaming i formannskapet 19.06.12, sak 069/12. Saka har vore til offentleg ettersyn i tidsrommet 26.06. 30.08.12. I høyringsrunden fekk Etne skyttarlag saka oversendt til uttale, men ikkje Ølen skyttarlag og Etne Jeger og fisk då dei ikkje står som grunneigarar. Dei er like fullt medeigarar i anlegget, og bad derfor om forlenga høyringsfrist og fekk det til 29. 09.12. Følgjande merknader er komne inn: Fylkesmannen i Rogaland: I føresegnene om støy er det vist til forureiningsforskrifta 30 i staden for støyretningslinene for arealsakar T 1442 som skal gjelde for planen. Det blir ikkje varsla motsegn under føresetnad av at dette blir retta opp. Omega sine kommentarar: Føresegnene kan godt vise til retningslinene. Forureiningsforskrifta 30 vil også gjelde då den gjeld særskilt ved produksjon av pukk, grus, sand og singel. Støykrava er dei sama i retningslinene og i forskrifta. Føresegnene er endra i samsvar med uttalen frå Fylkesmannen. Statens vegvesen Føresegnene 2.1 set krav om at vegkryss til E 134 skal opparbeidast i samsvar med vilkår gjeve av Statens vegvesen. Føresegnene må i tillegg setje krav til at detaljplan for utforming av veganlegget i horisontal- og vertikalplan, skal godkjennast av Statens vegvesen. Krysset skal utformast etter H1-standard, utan fullkanalisering men med avkøyringsfelt frå sør og passeringslomme frå nord. Føresetnaden for ei slik kryssutforming er at det vert sett ei avgrensing på maks 30 YDT for samla næringsaktivitet på dette krysset. Dette må takast inn i føresegnene. Statens vegvesen legg til grunn at dersom næringsaktiviteten aukar utover dette, vil krav om opparbeiding av kryss i samsvar med gjeldande reguleringsplan for Fikse industriområde i Etne gjelde. Dersom desse føresetnadene ikkje blir følgt opp har Statens vegvesen varsla motsegn. Omega sine kommentarar: Ser ikkje at det skal vere noko problem i det vegvesenet skriv, krava kan bakast inn i føresegnene. Føresegnene er endra i samsvar med uttalen frå Statens vegvesen som dermed har trekt si motsegn.

NVE - NVE påpeika at forhold til eventuelle konsekvensar av endra avrenning frå området ikkje blei omtalt i konsekvensutgreiinga. Det går heller ikkje fram av planutkastet at dette har vore tema før utlegging til offentleg ettersyn. Endra avrenning vil saman med forventa meir intens nedbør som følgje av klimaendringar, kunne føre til ulemper i berørte vassdrag. NVE meiner derfor at status og kapasitet for vassdraget må vurderast og kommenterast før neste handsaming og eventuelle avbøtande tiltak innarbeidast. - Tilsvarande reises spørsmålet om grunnvatnet og eventuelle interesser som knyter seg til denne ressursen. Konsulenten sine kommentarar: Konsulenten har vore på ny synfaring for å sjå på området når det nå over ein lang periode har komme mykje nedbør. Det blei konstatert at det ikkje er nokon vassdrag eller flaumbekker innanfor planområdet. Det er ein bekk som renn i nedre del av skytebaneområdet, men planområdet har ikkje helling mot denne bekken. Når det gjeld grunnvatn så må utbyggar sikre eksisterande vasskjelder i området og eventuelt erstatte desse om det vert skader på desse. Det er ingen markerte vassdrag som drenerer det aktuelle området, berre mindre bekkar og vassig. Det er derfor vanskeleg å sjå at masseuttaket på den aktuelle staden vil ha negative konsekvensar for fiskeførande vassdrag, men området har avrenning til vasskjelder både i Etne og Vindafjord kommunar. Området vil bli ganske flatt etter kvart som ein tar ut massar, vatn vil derfor flyte meir utover enn i dag som det er eit brattare terreng. Med gode dreneringssystem og vedlikehald av desse vil ikkje masseuttaket endre avrenningsforholda slik at det kan oppstå fare for flaum eller avrenning til drikkevasskjelder, jf ROS-analysen og forslag til tiltak. Ein kan ikkje utelukke at sprengingar i fjell kan ha konsekvensar på borebrønnar som ligg eit godt stykke unna. Type fjell, strukturen i dette og avstanden vil vere avgjerande. Det er allereie gitt løyve og er i drift eit masseuttak i eit lite område innanfor reguleringsplan for Fikse industriområde i Etne kommune. Dersom det viser seg at vasskjelder blir påverka negativt av masseuttaket, skal tiltakshavar erstatte skaden dei volder. Etne kommune - Er positiv til at det vert etablert masseuttak i Vindafjord kommune som seinare kan verte næringsområde for anna verksemd. Det vil styrke framtidig etablering i heile området. - Ser positivt på at grunnlaget for planlagd avkøyring til Fikse industriområde vert styrka. - Gjer merksam på at eksisterande borebrønnar og anna vassforsyning i området kan verte påverka av sprenging i området, og at slike negative konsekvensar vert kravd kompensert. - Dersom det vert lagt til rette for næringsareal i området etter at massane er tatt ut, er det ein føresetnad at det vert etablert eit samarbeid om infrastruktur som vassforsyning, avløp, overflatevasshandtering, straum osb. - Oppmodar samstundes Statens vegvesen om å samordne avkøyringane på vestsida av E 134 også. - Gjer merksam på at alle som gjennomfører tiltak innanfor støysonene i området til skytebanen, må leve med støy frå denne. Omega sine kommentarar: Viser til kommentarane til NVE sin uttale når det gjeld konsekvensar for grunnvatn og borebrønnar.

Støy frå skytebanen er utbyggjar klar over, og det er utarbeidd støysonekart som syner støy frå både knuseverk og skytebanar. Når det gjeld nærliggande brønnar og eventuelle ulemper på desse, så må dette løysast i kvart einskild tilfelle i kontakt med utbyggjar. Tiltaket vil generere meir støy i tillegg til eksisterande støykjelder som skytebanen og E 134. Støyen frå masseuttaket vil variere over tid etter kvart som terrenget endrar seg i takt med uttaket. Uttaket ligg ca 200 meter frå næraste bustadhus på andre sida av E 134. Grøntarealet som skal stå igjen mot vegen vil vere fem meter høgt og det vil skjerme noko for støy. All vegetasjon i dette arealet skal takast vare på. Etter kvart som uttak av stein aukar, vil bustadane bli meir eksponert for støy frå eksisterande skytebane. Som avbøtande tiltak overfor skytebanestøy, har ein sett av delar av terrenget innanfor planområdet som støyskjerm. Dette gjer at skytebanestøyen er berekna å ikkje overskride grenseverdiane for støy. Det følgjer av forureiningsforskrifta 30-7, støyretningslinene i T-1442 og føresegnene at tiltaket sitt bidrag til utandørs støy ved tilstøytande bustadar/fritidsbustadar ikkje skal overskride visse støygrenser. I driftsplan vil dette bli følgt opp med krav om målingar og føringar av journal, jf KU. Føresegnene vil også regulere tider for drift av masseuttaket. Ved avslutta uttak skal området settast i stand i samsvar med godkjent driftsplan. Dersom ikkje anna blir bestemt i kommunedelplan og/eller kommuneplan skal området tilbakeførast til LNF-formål i tråd med arealformål før regulering. Direktoratet for mineralforvaltning Har ingen kommentarar til planutkastet. Mesta Masseuttak vil skje i tomtegrensa til deira eigedom. Dersom dette medfører at området må sikrast, føreset dei at tiltakshavar sørgjer for tilstrekkeleg areal og sikringstiltak på eigen grunn. Dei gir ikkje samtykke til å utnytte massar i nabogrense, dvs 4 meter frå grensa. Endra avrenning av vatn som følgje av masseuttaket blir føresett leia vekk på ein slik måte at Mesta sin eigedom ikkje blir berørt. Vidare føreset dei at alle arbeider i masseuttaket blir utført på ein slik måte at det ikkje medfører skade eller ulempe for naboar. Masseuttaket blir næraste nabo til Mesta sin eigedom. I denne grensa i ei lengde på 35 meter hadde planutkastet ingen vegetasjonsskjerm mot nabo. For å sikre at det ikkje vert uttak av massar heilt inntil grensa, er plankartet endra og ein vegetasjonsskjerm er lagt inn. Dette er drøfta og akseptert av Omega. Endra avrenning som følgje av masseuttaket må tiltakshavar handtere på forsvarleg måte. Føresegner og driftskonsesjon vil sette rammer for drifta for å sikre at tiltaket ikkje skal påføre naboar for store ulemper. Torgeir Eidhammer I planframlegget er avstand til næraste bustad oppgitt til ca 300 meter. Slik det går fram av illustrasjon side 17 i planen, vil knuseverket få ei plassering som ligg nærare enn dette. Eit tiltak bør her vere å flytte knuseverket mot nord-aust. Han krev vidare at tiltakshavar gjennomfører og tek ansvar for tiltak i høve til luft- og støyforureining som oppgjeve i forslag til tiltak i planframlegget side 16. Vil elles gjere merksam på at underteikna søkte i 2008 i samband med kommuneplanprosessen om å få areal for masseuttak på vestsida av E 134 med i kommuneplanen.

Kortaste avstand til bustad er mindre enn oppgitt i planutkastet, ca 200 meter. Dette blei påpeika ved første gongs handsaming av planutkastet. Tiltaket vil generere støy i form av anleggstrafikk, boring, sprenging og steinknusing. Som nemnt i kommentarane til Etne kommune sin uttale er det også under planlegging eit masseuttak på vestsida av E 134. Dette saman med europavegen og skytebanen gjer støybelastninga stor i området. Masseuttaket på vestsida av E 134 vil ligge nærare bustadane enn masseuttaket i denne reguleringsplanen. Det er utarbeidd eit støysonekart og det viser at etablering av masseuttak kan gjennomførast utan at dette gir støy over grenseverdiar for bustadar. Det blir også lagt til grunn at driftstider blir styrt gjennom føresegner og driftskonsesjon, for å redusere belastninga på bustadane. Etne og Ølen Skyttarlag - Vil ikkje ha tungtrafikk på sin veg, og vil heller ikkje flytte avkøyring og bom. - Er uroa for støvflukten eit masseuttak vil medføre - Er redd for at skytebanen må vike for etterbruk av område til industri. - Sprenging i masseuttaket vil kunne gjere skade på deira bygg og anlegg - Etter kvart som uttak av massar tiltar, vil støy frå skytebanen bli meir framtredande, dette kan ikkje skyttarlaga lastast for. - Framtidige støymålingar skal ikkje vere Skyttarlaget sitt ansvar Konsulenten sine kommentarar: Det vil vere mest naturleg at «nye» etableringar i området som utløyser krav om omlegging, må ta kostnaden med omlegginga av avkjøringa. Omlegginga av vegen er for å betre sikttilhøva og trafikktryggleiken i området, og bør vere i alle si interesse. Området er i arealdelen til kommuneplanen avsett til LNF-område. Det er difor gjennomført reguleringsprosess med KU for masseuttaket. Etter uttak av massar, vil området igjen verta tilbakeført til LNF-område. Om området skal nyttast til noko anna vil vere kommunen som avgjer ved ev. å regulere til anna føremål ved neste rullering av kommuneplanen. Når det gjeld rystelsar under sprenging, så skal ikkje desse vere så sterke at dei påverkar bygningar i området. Eventuelle skadar på eksisterande bygningar/anlegg må erstattast av den som påfører slike skadar. Masseuttaket vil vere avgrensa i tid, og det vil vere ein fordel å samkjøre støyande verksemd til eit område med lite busetnad. Vegvesenet stiller krav om felles avkøyring. Dagens kryssløysing er akseptert inntil 30 YDT, aukar bruken utover dette, må nytt kryss opparbeidast i tråd med vegvesenet sine krav. Nytt kryss er av omsyn til sikttilhøve og trafikktryggleik. Som konsulenten påpeikar er det naturleg at den som utløysar krav om omlegging, tar kostnaden med omlegginga. Støvflukten kan vere eit problem for elektronisk utstyr som skytebanen er avhengig av. Verksemda skal sørgje for å gjennomføre dei tiltak som er naudsynte for å redusere støvutslepp frå all støvande aktivitet, jf 2.4 i føresegnene. Skytebanen er i seg sjølv ei støykjelde. Uttak av massar gjer at støy frå skytebanen kan bli meir framtredande, men det har i planlegginga vore eit overordna mål at støy frå skytebanen ikkje skal auke som følgje av masseuttaket. Ut frå støyberekningar har ein utforma og plassert uttaksområdet slik at skytebanestøy ikkje gir auka belastning på bustadane. Grøntområdet med vegetasjonsskjermen i aust vil ha høgde og areal som gir tilstrekkeleg støyskjerm. Sprenging som fører til skade på anlegg og utstyr, må tiltakshavar stå ansvarleg for.

Det er i føresegnene 2.9 lagt til grunn at området skal tilbakeførast til LNF-formål i tråd med arealformål før regulering. Oppsummering: Under arbeid med konsekvensutredninga har ein ikkje funne at tiltaket vil gje vesentlege negative verknader for natur, miljø, friluftsliv og næring. Bustadar/fritidsbustadar vil merke støy frå masseuttaket. E 134 har ein ÅDT på 3500. Masseuttaket vil skape meir tungtrafikk og dermed større fare for ulukker i samband med dette. Det er tre høgspenttrasear gjennom planområdet. Linja langs E 134 ligg nærast. Ved sprenging kan kraftliner bli ramma slik at det kan få konsekvensar for straumforsyning. Det vil vidare kunne få konsekvensar for viktige samfunnsfunksjonar. At det er svært få bustadar i området er av betyding for tiltakets plassering. Planen med føresegner legg opp til ei drift som skal få minst mogleg konsekvensar. Hovudkonklusjonen i konsekvensutredninga er at lokaliteten ikkje fell inn under kriteria for verdifulle naturtypar. Landskapsinngrepet er ikkje reversibelt, men val av driftsopplegg, teknikk og lokalisering vil samla sett gi dei beste samfunnsmessige resultat, jf 12 Naturmangfaldslova. Konklusjon: Etter ei samla vurdering meiner rådmannen at det er kome fram til akseptable løysingar for dei viktigaste momenta i saka. Planen med føresegner må også sjåast i samanheng med driftsplanen som skal godkjennast av Direktoratet for mineralforvaltning. Vindafjord kommune vil få driftsplan til høyring, jf føresegnene 5.1 RÅDMANNEN SITT FRAMLEGG TIL VEDTAK: Detaljregulering for masseuttak Fikse aust vert godkjent slik han ligg føre på plankart datert 02.10.12 og føresegner datert 30.09.12. 16.10.2012 FORMANNSKAPET Rådmannen sitt framlegg til vedtak vart samrøystes tilrådd (med 7 røyster). FS-097/12 TILRÅDING SAMRØYSTES (MED 7 RØYSTER): Detaljregulering for masseuttak Fikse aust vert godkjent slik han ligg føre på plankart datert 02.10.12 og føresegner datert 30.09.12. 30.10.2012 KOMMUNESTYRET Formannskapet si tilråding vart samrøystes vedtatt. KS-070/12 VEDTAK SAMRØYSTES: Detaljregulering for masseuttak Fikse aust vert godkjent slik han ligg føre på plankart datert 02.10.12 og føresegner datert 30.09.12.