VINDAFJORD KOMMUNE SAKSPAPIR SAKSGANG Styre, utval, komite m.m. Møtedato Saksnr Sakshands. Formannskapet 26.01.2010 011/10 BKW Kommunestyret 09.02.2010 004/10 SAA Avgjerd av: Saksansv.: Sissel Aarvik Arkiv: Gnr.Bnr- 185, 1 OG 3 Objekt: Arkivsaknr 07/1123 ANDRE GONGS HANDSAMING. ENDRING AV, DEL AV GNR. 185, BNR. 1 OG 3 MED FLEIRE. Dokumentliste: Nr T Dok.dato Avsendar/Mottakar Tittel 3 I 29.05.2007 Ing. Bjørn Tollefsen MELDING OM OPPSTART AV REG.ENDRINGER FOR DELOPMRÅDE, REG.PLAN 185/1 2 I 19.06.2007 Kystverket vest UTTALE TIL OPPSTART AV REGULERINGSENDRING 7 I 20.09.2007 Fylkesmannen i Rogaland MERKNADER TIL VARSEK OM REGULERINGSARBEID 4 U 14.11.2008 Ing. Bjørn Tollefsen REGULERINGSARBEID I 5 I 24.11.2008 Bjørn Tollefsen RE: REGULERINGSPLAN - LONGALANDSVIK 11 U 07.04.2009 Servicetorget ANNONSE - REGULERINGSENDRING 9 U 07.04.2009 Offentlege mynde m.fl.; Fylkesmannen i Rogaland; Rogaland Fylkeskommune - Kulturavd.; Rogaland Fylkeskommune - regionalutv.avd.; Fiskeridirektoratet - Reg. Sør; Kystverket Vest - Plan- og forvaltn. avd.; DK Haugalandet Mattilsynet; Norges Vassdrags- og energidir.; Statens Vegvesen - Region Vest; Vindafjord kommune - Helseleiaren; Vindafjord kommune - Kulturleiaren; Vindafjord kommune - Barna sin representant; Vindafjord kommune - Kommunaltekniske tenester; Vindafjord kommune - Vilt - & OFFENTLEG ETTERSYN -, VINDAFJORD
fiskeutvalet; Haugaland Kraft AS; Telenor - Senter for nettutbygging; Friluftsrådet Vest; Haugaland Interkommunale Miljøverk (HIM); Skjold Bygdalag 10 U 07.04.2009 Grunneigar / rettshavar / nabo OFFENTLEG ETTERSYN - LONGALANDSVIK, VINDAFJORD 12 I 14.04.2009 Marit Blok Holst INNSPEL VEDR. OPPKOMME/VANNKILDE SOM FORSYNER GNR. 185 BNR. 10, 12, 13 OG 17 MED VANN 14 I 23.04.2009 Mattilsynet VEDK. OFFENTLEG ETTERSYN - 17 I 10.05.2009 Rolf Andreassen ARKIV: GNR. BNR-185, 1 OG 3 DERES REF: 09/4543 15 I 13.05.2009 Tor Thorsen UTTALE TIL PLANFORSLAG - VASSKJELDE 16 I 13.05.2009 Gudrun Kent KOMMENTARER TIL LONGALANDSVIK - DELOMRÅDE VEST 18 I 14.05.2009 Vindafjord Kommune v/gitte Halvorsen UTTALE TIL OFFENTLEG ETTERSYN - 19 I 17.05.2009 Marit Blok Holst OFFENTLEG ETTERSYN - LONGALANDSVIK 20 I 18.05.2009 Fylkesmannen i Rogaland MOTSEGN TIL REGULERINGSPLAN 185/1,3 HYTTER M.M. LOGALANDSVIKA AUST OG VEST 21 I 18.05.2009 Erling Lervåg TILSVAR TIL FRAMLEGG TIL ENDRING AV REGULERINGSPLAN FOR LONGALANDSVIK 22 I 24.05.2009 Fiskeridirektoratet VEDR. ENDRING AV I VINDAFJORD KOMMUNE 23 I 24.05.2009 Statens Vegvesen REGULERINGSPLANEN FOR 24 I 01.06.2009 Kystverket vest UTTALE TIL FRAMLEGG TIL ENDRING AV REGULERINGSPLAN - GNR 185 BNR 1 OG 3-13 U 03.06.2009 Anne Gurine og Endre Knutsen UTGÅR - GEBYR FOR REGULERINGSPLAN PÅ LONGALANDSVIK 26 I 21.08.2009 Per Helgesen VEDR. NAUST 28 I 20.10.2009 Per Helgesen VEDR. REGULERING LONGELANDSVIKA, VINDAFJORD 27 U 21.10.2009 Per Helgesen SV: SPØRSMÅL VEDR. REGULERINGSPLAN 29 U 22.10.2009 Fylkesmannen i Rogaland OFFENTLEG ETTERSYN -
LONGALANDSVIK, VINDAFJORD KOMMUNE 30 U 22.10.2009 Nabo/Grunneigar/Retteshavar OFFENTLEG ETTERSYN - LONGALANDSVIK, SKJOLD 31 U 22.10.2009 Servicetorget SERVICETORGET 32 I 22.11.2009 Fylkesmannen i Rogaland UTTALE TIL NY HØYRING REGULERINGSPLAN 185/1,3 HYTTER M.M. AUST OG VEST 33 I 28.11.2009 Tor Thorsen REGULERINGSPLAN - VASSKJELDE 34 I 30.11.2009 Marit Holst REGULERINGSPLAN LONGALANDSVIK, SKJOLD 35 I 30.11.2009 Erling Lervåg VINDAFJORD KOMMUNE - 2. TILSVAR REGULERINGSPLAN 36 I 30.11.2009 Arne Rasmussen LONGALANDSVIK I SKJOLD 37 I 30.11.2009 Rita Wegner HYTTEFORTETTING Aktuelle lovar, forskrifter, avtalar m.m.: Plan- og bygningslova av 14. juni 1985, i kraft 1. juli 2006. Ny plandel i plan- og bygningslova vart gjort gjeldande frå 01. juli 2009. Utkast til reguleringsplanar som var lagt ut til offentleg ettersyn før lova var gjort gjeldande, kan handsamast ferdig etter det lovverket som gjaldt då planen vart lagt ut. Utkast til reguleringsplan for Longalandsvik vart første gong lagt ut til offentleg ettersyn i april 2009. Planen vert ferdighandsama etter lova som gjaldt då. Saka gjeld: Andre gongs handsaming av framlegg til endring av reguleringsplan for Longelandsvika. Planen omfattar del av gnr 185 bnr 1 og 3 med fleire. Føremålet med planarbeidet er å leggja til rette for fortetting av hyttefeltet, ved å opne for 7 nye hytter i etablerte felt. I tillegg opnar planen for bygging av naust. Bakgrunn for saka: Planen har vore ute til offentleg ettersyn for andre gong. Etter at planen var til høyring første gong, vart det gjort endringar i planframlegget som medførte at planen måtte sendast ut på ny høyring. Omfanget av endringane var av slik karakter at høyringa var avgrensa til å gjelda Fylkesmannen og berørte grunneigarar. Frist for å komma med merknad var 01.12.09. Saksutgreiing: Fylgjande merknader er komne inn: DELOMRÅDE VEST: Fylkesmannen i Rogaland Planen som no er på høyring er resultat av drøftingar m.m. med Fylkesmannen etter at kommunen fekk fleire motsegner mot det førre planutkastet. Fylkesmannen har ikkje motsegner til det nye framlegget, men har fylgjande merknader: Delområde vest: Av landskapsomsyn bør hytte nr 22 flyttast 20 meter lengre sør. Felles båtfesteplass er unødvendig stor og bør reduserast av omsyn til landskapet.
Kommentar Hytte nr 22 var i utgangspunktet lokalisert om lag 30 meter lenger nord, men er flytta pga motsegn frå Fylkesmannen. På synfaring 18.06.09 var det sagt at hytteplasseringa kan godkjennast på vilkår av at den vert flytta til området mellom tomt 2 og tomt 3, og at hytta skal liggje på det flate partiet, ikkje oppe i skråninga. Administrasjonen tilrår at hyttetomta vert flytta ytterlegare 10 15 meter sørover. Arealet som er avsett til felles båtfesteplass er i samsvar med planutkastet som var til offentleg ettersyn første gong. Administrasjonen vil og peike på at arealet er avsett til felles båtfesteplass i plan som vart vedteken i 1986. Administrasjonen tilrår ikkje endringar utover det som er vist i planutkast som har vore på høyring. Rita Wegner Er eigar av hytte nr 2 og meinar at ny plassering av hytte nr 22 er uheldig av fleire årsaker: 1. Den vil liggje midt i stien som går til naboen si hytte. I denne stien ligg og vassleidningen til Wegner og naboen. Dersom hytte nr 22 vert plassert så nær Wegner si hytte er ho redd gangtrafikken til nabohytta vil komme innpå hennar eigedom. 2. Det vil sjå ut som om hytte nr 22 er kilt innimellom tre andre hytter, noko som vil gi kontinuitetsbrudd i høve andre hytter i feltet som har det meir romslig rundt seg. Vert eigedomane gjerda inn vil dette verta endå meir synleg. 3. Har forståing for at gnr 185 bnr 23 meinar den opprinnelege plasseringa var betre. Wegner skriv og at dersom hytteeigarane vel å gjerda inn eigedomane sine, vil det verta unødvendig trongt og kronglete i dette feltet. Kommentar Hytte nr 22 var i utgangspunktet plassert lenger nord. Fylkesmannen hadde motsegn mot plasseringa. Det har vore felles synfaring der tiltakshavar, kommunen og Fylkesmannen var med, og saka vart nøye drøfta på synfaringa. Fylkesmannen kravde at hyttetomta skulle trekkjast lenger sør, og har etter at planen var til nytt offentleg ettersyn, ikkje lenger motsegn mot plasseringa. Fylkesmannen peikar likevel på at tomta bør flyttast ytterlegare sørover. Hyttene i området har ikkje utsleppsløyve og har såleis ikkje høve til å leggja inn vatn, men kan leggje fram vatn til hytteveggen. Ein legg til grunn at vassleidningane Wegner her peikar på er enkle tiltak det ikkje bør vera problem å flytta på. Administrasjonen vil peike på at det ikkje utan vidare er lov å gjerde inn hytteeigedomane i dette område, jf 7 i reguleringsføresegnene: berre dersom det er naudsynt som vern mot beitedyr. Kommunen skal i så fall godkjenne utføring, farge og høgde. Arne og Liv Bente Rasmussen Har merknader til ny plassering av hytte nr 22, som no vert liggjande rett nedanfor deira terrasse. Rasmussen vil få direkte innsyn til naboen si hytte og er redd for naboforholda når hyttene vert liggjande så tett. Utsikta frå Rasmussen si hytte vert dårlegare. Kommentar Viser til kommentar gitt under uttalen frå Fylkesmannen og Rita Wegner når det gjeld diskusjon om plassering av tomt nr 22. DELOMRÅDE AUST: Per Helgesen
Ifylgje utkastet til endra reguleringsplan vil Helgesen få tilgang til felles naust, som han skal dela med ein annan hytte-eigar. Helgsen viser til at han har skøyte, som gjev han lovnad om å byggje naust med storleik 28m2. Vidare skriv Helgesen at han har ein trebåt frå 50-talet, med lengde 23 fot og at dersom ordet naust skal ha innhald, må det vera av ein slik storleik at båtane kan plasserast inne i nausta. Han ber difor om at planen skal opne for at han og hytte-naboen kan byggje kvar sitt naust med storleik 7x4meter. Kommentar Helgesen har komme med tilsvarande spørsmål og merknadar tidlegare i planprosessen, og forholda vart vurdert før planen vart lagt ut til nytt offentleg ettersyn. Lovnaden Helgesen viser til, om at han har rett til å byggja naust på 28m2, er ein privatrettsleg avtale. Administrasjonen kan ikkje sjå at merknaden frå Helgesen inneheld nye vesentlege moment, og gjentek kommentaren frå førstegongshandsaminga: Dagens strandsonepolitikk tilseier streng handsaming av alle nye tiltak i 100-metersbeltet. Fylkesmannen har allereie komme med motsegn mot planen, men har akseptert tre nye naustbygg i delområde aust. Det er likevel ein føresetnad at naustbygga skal vera små, og at båten skal tilpassast naustet og ikkje motsett. Reguleringsplanar som vert utarbeidde no legg vanlegvis opp til den løysinga som er vald i delområde vest, altså felles naustbygg der brukarane får tilgang til kvar si mindre bu for oppbevaring av båt- og fiskeutstyr. Vinterlagring av båt bør føregå på anna areal, og ikkje leggje beslag på verdifulle strandområde. Administrasjonen held fast på tilrådinga om små naust som skal delast av to og to brukarar. Tor Thorsen Vasskjelda på gnr 185 bnr 12 er ikkje eit borehol, men eit naturleg oppkomme som er steinsett på slutten av 1800-talet. Vasskjelda kan etter Thorsen sitt syn vera sensitiv for ytre påkjenningar. Thorsen vil vita kven som er ansvarleg dersom vasskjelda vert påverka av utbygginga på ein slik måte at vatnet forsvinn. Tilkomst: Primært ynskjer Thorsen å få høve til å køyra heilt fram til hytta. Sekundert ynskjer han tilgang til felles parkeringsplass og gangveg til hytta. Tor Thorsen (185/10) og Marit Block Holst (185/12) har i dag rett til p-plassar på Kjell Hustvedt sin eigedom (185/19), og har gangrett til hyttene sine. Dersom Thorsen får rett til 2 parkeringsplassar og gruslagt gangveg til hytta er han innstilt på å seie ifrå seg dei rettane han har i dag på Hustvedt sin eigedom. Marit Blok Holst Viser til Thorsen sin uttale, og ber om at alternativ tilkomst til hytte-eigedomen vert vurdert. Johan Nygård, på vegne av Marit Blok Holst Plankartet viser traktorveg over gnr 185 bnr 17. Grunneigaren vil motsetje seg at vegen skal gå i denne traseen. Utifrå terreng og topografi bør traseen gå mellom tomt 15 og tomt 21 og vidare ned til naustområdet. Nygård viser til vasskjelda som ligg på gnr 185 bnr 12 og bnr 17, som kan verta påverka av forureining samt redusert vasstilsig. Vasskjelda er ikkje ein djup brønn, men ei steinsett oppkomme som kan verta påverka av terrenginngrep i nærleiken. Blok Holst er eigar av gnr 185 bnr 12 og bnr 17. Begge eigedomane må regulerast til fritidsføremål. Ein ber om at føremålsgrensene vert endra. Kommentar frå administrasjonen
Merknadane frå Thorsen, Blok Holst og Nygård er til dels samanfallande og vert kommentert samla. Eigedomane til Thorsen og Blok Holst og arealet der dei har rett til parkering og gangrett ligg utanfor området som vert regulert i denne planen. Men arealet der dei ynskjer rett til parkeringsplass ligg inne i planområdet, og vil medføre at det må regulerast inn 4 nye p- plassar. I tillegg vil endringa innebere at dei må få rett til gangveg frå p-plassen til hyttetomtene. Det viser seg at det er uavklarte tilhøve med omsyn til parkerings- og vegrett til eigedomane. Sidan dei private avtalane ikkje er avklara, og eigedomane ligg utanfor det området som er teke opp til regulering, vil administrasjonen ikkje tilrå at dette temaet vert teke opp no. Thorsen og Blok Holst må ev fremje sak på eige initiativ. Plangrensa er teikna feil i planutkastet som har vore til offentleg ettersyn. Den skal fylgje eigedomsgrensa til gnr 185 bnr 12 og 17. Dette vert endra før endeleg godkjenning. Vasskjelda: Her kjem ein inn på privatrettslege forhold som mellom anna vert regulert etter grannelova. Reguleringsplanen opnar for at det kan byggjast hytter og traktorveg, men ifylgje Grannelova 2 må ingen gjera eller setja i gang tiltak som urimeleg eller uturvande er til skade eller ulempe på granneeigedom.. Vidare heiter det i 5 at ingen må setja i verk graving, bygging, sprenging eller liknande utan å syta for nødvendige tiltak mot utrasing, siging, risting, steinsprut, lufttrykk og anna slikt på granneeigedom. Å byggje traktorveg i friluftsområde er eit søknadspliktig tiltak og inneber at tiltakshavar skal senda ut nabovarsel. Naboane får då høve til å peike på at tiltakshavar må utføre arbeidet på ein måte som tek omsyn til vasskjelda. Traktorvegen er regulert inn i planen som vart vedteken i 1986. Det er gjort mindre endringar i traseen, men vegen er flytta slik at den vert liggjande på gnr 185 bnr 1. Flyttinga medfører at vegen vert liggjande lenger vekk frå vasskjelda. Erling Lervåg, Odd Haga, Per Helgesen, Øyvind Flatebø Protesterer mot plasseringa til tomt nr 19. Tomta vert lita, og grensene går i eitt med omkringliggjande tomter, dvs. hytte nr 13 og 14 som Ikkje vil få naudsynt friareal rundt tomtene sine. Det vert stilt spørsmål til om dette er i tråd med føresetnadene som er lagt til grunn for området, og vist til Fylkesmannen sin merknad om at områda mellom hyttene skal visast som friluftsområde for å unngå nye inngrep i strid med realitet og hensikt med planen. Det vert vidare vist til kommuneplanen sine føresegner om at fritidsbygg skal planleggjast slik at dei går godt inn i terrenget og at areala rundt skal liggja mest mogleg urørt Plasseringa er uakseptabel og det vert bedt om at planutvalet kjem på synfaring før det vert fatta endeleg vedtak. Dei planlagde nausta er for små til at to og to hytte-eigarar kan oppbevara båtane sine der. Det må opnast for at kvar hytte-eigar skal kunne byggje naust, og storleiken må vera 28m2. Dette vil vera tilsvarande det som vert opna for at hovudbruket kan byggja. Dersom to hytte-eigarar skal dela naust, må storleiken vera minimum 50m2. Kommentar I gjeldande reguleringsplan er hyttene kartfesta med enkeltpunkt, og tomtene er ikkje avmerkte. Eit samanhengande areal som omfattar hyttepunkta og arealet rundt er regulert som byggjeområde for hytter, sjå utsnitt av gjeldande reguleringsplan:
Bakgrunnen for Fylkesmannen si tilråding om at det skal vera friluftsområde mellom hyttene er ynskje om å visa tydeleg kva som er byggjeområde for hytter og kva som er friluftsområde. I Longelandsvika er det mange eksempel på avvik i høve til godkjent reguleringsplan, til dømes ved endra hytteplassering, bygging av veg heilt fram til hyttene og parkeringsplassar som ikkje er regulerte. Hytte nr 19 vert ikkje liggjande på bakketopp eller i synsranda, og tomta er av slik karakter at hytta kan gli godt inn i landskapet. Administrasjonen har forståing for at etablerte hytteeigarar ikkje ynskjer fortetting i hyttefeltet, men ein kan likevel ikkje sjå at ulempa her vert så stor at planutkastet bør endrast. Når det gjeld merknadane om at nausta er for små så er desse momenta vurderte tidlegare, sjå elles kommentar gjeven under merknaden til Per Helgesen. Vurdering: Det er ikkje komme inn merknader som tilseier at planutkastet ikkje kan godkjennast. I høve planutkastet som var utlagt til offentleg ettersyn tilrår administrasjonen fylgjande endringar: 1. Plangrensa i delområde aust skal fylgje eigedomsgrensa til gnr 185 bnr bnr 17. 2. Traktorvegen i delområde aust skal liggje utanfor eigedomsgrensene til gnr 185 bnr 17. 3. Hytte nr 22 vert flytta 10 15 meter sørover. Endringane er lagde inn i plankart datert 11.01.10. RÅDMANNEN SITT FRAMLEGG TIL VEDTAK: Endring av reguleringsplan for Longalandsvika vert med desse endringane oversendt kommunestyret for endeleg godkjenning, jf. plan- og bygningslova 27-2 nr 1. Plankart og føresegner er datert 11.01.10 og er merka 1160-08-03-au/v-C 26.01.2010 FORMANNSKAPET FS-011/10 TILRÅDING SAMRØYSTES: Rådmannen sitt framlegg til vedtak. FORMANNSKAPET SI TILRÅDING: Endring av reguleringsplan for Longalandsvika vert med desse endringane oversendt kommunestyret for endeleg godkjenning, jf. plan- og bygningslova 27-2 nr 1. Plankart og føresegner er datert 11.01.10 og er merka 1160-08-03-au/v-C
09.02.2010 KOMMUNESTYRET Reidar Håvås (Ap) foreslo: Felles naust for to eigarar blir auka frå 35m2 til 50 m2. Håvås, Terje Halleland (Frp) og Sjur Heggen (Frp) røysta for Håvås sitt forslag, 22 røysta mot. KS-004/10 VEDTAK SAMRØYSTES: Formannskapet si tilråding. KOMMUNESTYRET SITT VEDTAK: Kommunestyret godkjenner endring av reguleringsplan for Longalandsvika. Plankart og føresegner er datert 11.01.10 og er merka 1160-08-03-au/v-C.