Fjell kommune Arkiv: 504 Saksmappe: 2005/ /2006 Sakshandsamar: Ingunn Renolen Dato: SAKSDOKUMENT

Transkript

1 Fjell kommune Arkiv: 504 Saksmappe: 2005/ /2006 Sakshandsamar: Ingunn Renolen Dato: SAKSDOKUMENT Utvalsaksnr Utval Møtedato 560/06 Komité for plan og utvikling Framlegg til utbyggingsplan for gnr 26/180 - Vindenes. Slutthandsaming. Tiltakshavar: Jarle Vindenes Samandrag av saka: Saka gjeld framlegg til utbyggingsplan for parkeringsplass, gangtilkomst, naust, kai og molo i Heimavågen på gnr 36, bnr 180 på Vindenes. Området er i reguleringsplan for Barneshaugen Vindenes avsett til småbåthamn med krav om ein samla plan før området kan opparbeidast. Heimavågen har eit etablert naustmiljø der vågen vert nytta til kaste- og låssettingsplass. Planframlegget var ute til offentleg ettersyn hausten Rådmannen rår til at høyringsframlegget vert godkjent med nokre justeringar. Innstilling: Det faste utval for plansaker vedtek: Det faste utval for plansaker godkjenner framlegg til utbyggingsplan for naust på gnr 26, bnr 180 med tilhøyrande føresegner, datert , i samsvar med 28-2 i plan- og bygningslova og 26 i reguleringsføresegnene for Barneshaugen - Vindenes, med dei endringane som kjem fram av saksutgreiinga. Straume, den Steinar Nesse Rådmann Willy Sørensen Plan- og utbyggingssjef

2 Handsama i Komité for plan og utvikling : Representantane Wenke Liljegren, Ap og Lubna Jaffery Fjell, Ap var fråverande under røystinga. Innstillinga vart samrøystes vedteken. Vedtak i Komité for plan og utvikling : Det faste utval for plansaker vedtek: Det faste utval for plansaker godkjenner framlegg til utbyggingsplan for naust på gnr 26, bnr 180 med tilhøyrande føresegner, datert , i samsvar med 28-2 i plan- og bygningslova og 26 i reguleringsføresegnene for Barneshaugen - Vindenes, med dei endringane som kjem fram av saksutgreiinga.

3 Dokument vedlagt saka: - Framlegg til reguleringsplan for gnr 26, bnr 180, Vindenes med tilhøyrande føresegner, sist revidert , (A3-format) - Oversynskart, 1: Utdrag av gjeldande reguleringsføresegner for Barneshaugen Vindenes, godkjent Kopi av innkomne merknader til høyringsframlegget. - Alternativt framlegg til reguleringsplan, sist revidert (A4-format) Saksopplysningar: Bakgrunn for saka: Straume Rådgivning AS har på vegne av tiltakshavar Jarle Vindenes utarbeida framlegg til reguleringsplan for 5 naust med tilhøyrande kai og molo på gnr 26, bnr 180 på Vindenes. Planen har no vore til offentleg ettersyn. Eksisterande situasjon og planstatus Planområdet ligg på sjøsida av FV224, rett nedanfor Barneshaugen bustadfelt. Det har tidlegare stått ei makrellgjeil på Buneset på austsida av Heimavågen. Søraust på Buneset er det registrert feste for krokgarn/ kilenot. Vågen vert i dag nytta som kastevåg. I reguleringsplan for Barneshaugen er delar av Heimavågen regulert til spesialområde småbåthamn med krav om ein samla plan før opparbeiding av området. Sjøarealet ligg utanfor reguleringsplanen og er i Kystsoneplanen avsett til hamn. Framlegg til plan Planen er på om lag 2,2 daa og legg til rette for 5 naust i 2 etasjar med ein maksimal grunnflate på 51 m2. I framkant mot sjøen er det lagt til rette for eit felles kaiareal og ein molo i sør. Det kan utplasserast flytebrygger i området. Det er vidare lagt til rette for ein p- plass med plass til 5- bilar med utkøyring til FV224. Frå p-plassen kan det opparbeidast ein gangveg ned til naust/kaiområdet. P-plassen ligg på om lag kote 11,5 Ved 1. gongs handsaming vedtok det faste utval for plansaker at det ikkje skulle vere køyrbar tilkomst frå p-plassen og ned til kaien/ moloen. Grunngjevinga var at det var lite hensiktsmessig å regulere til køyreveg når vegen berre var dimensjonert for personbil og medførte vesentlege terrenginngrep. Parkeringsplass i nærleiken og gangveg ned til nasuta bør vere tilstrekkeleg for tilkomst til området. Planen vart lagt ut til offentleg ettersyn i samsvar med planutvalet sitt vedtak. Kunngjering og offentleg ettersyn Planen låg ute til offentleg ettersyn i tida Følgjande merknader har komme inn: Fylkesmannen sin miljøvernavdeling Minner om det skjerpa strandsonevernet og at planlegging i strandsona skal vere tufta på dei verdiar strandsona har som nasjonal verdi. Bygging av veg vil gje særs store inngrep i terrenget og vil såleis ikkje vere i samsvar med det skjerpa strandsonevernet. Dei er samd med kommunen om at vegen bør trekkjast ut av planen og erstattast av vanleg gangveg til

4 naustområdet, som ikkje vil medføre omfattande inngrep i terrenget. Fylkesrådmannen rår frå at planen vert godkjent slik den no ligg føre. Kommentar: Fylkesmannen sin miljøvernavdeling er kritisk til tilkomstvegen, og rår i frå godkjenning av planen på bakgrunn av denne. Rådmannen presiserer at høyringsframlegget ikkje inneheld køyrbar tilkomstveg til kaien/ moloen, men ein gangveg frå parkeringsplassen. Det vert synt til kommentar til merknad frå Straume Rådgiving AS på vegne av tiltakshavar når det gjeld vidare kommentarar til tilkomstvegen. Statens Vegvesen, region vest Vegkontoret sitt krav om frisiktsoner på 4 x 65 meter er innarbeidd i høyringsframlegget, og dei har difor ikkje vesentlege merknader til planframlegget Bergen og Omland Havnevesen Registrerer at Fjell kommune ikkje ønskjer å ta inn føresegner om tilhøve som er regulert av anna lovverk. Årsaka til deira ønskje om dette er at mange tiltakshavarar ikkje veit at dei må søkje hamnevesenet om løyve for tiltak i sjø. Ved å opplyse om dette i reguleringsføresegnene er det von om å unngå gjennomføring av ulovlege tiltak. Vidare ser dei at planområdet i sjø rekker om lag halvvegs ut i vågen. Dei gjer merksam på at tiltak som flytebryggjer og liknande normalt ikkje vil verte godkjent så langt ut i farvannet. Det er vanleg å nytte ein tredeling der midtstykket vert sett av til alminneleg ferdsel. Dei meiner at planområdet sin utstrekning i sjø bør reduserast, alternativt at det vert gjort merksam på at delar av området vil verte avsett til offentleg trafikkområde i sjø. Kommentar: Årsaka til at rådmannen ikkje ønskjer å trekke inn tilhøve som er regulert i anna lovverk inn i føresegnene, er at føresegnene sin juridiske status som heimelsgrunnlag i offentleg arealforvaltning. Ved ein evt. framtidig konflikt vil det difor vere uklårt kva reglar som faktisk gjeld. Rådmannen meiner difor at ein bør vere svært varsam med å gje føresegner om tilhøve som er regulert i anna lovverk, der heimelsgrunnlaget for vedtak allereie er etablert. Dersom det er eit problem at tiltakshavarar er ukjent med søknadsplikta etter havne- og farvannslova meiner rådmannen at ein må innarbeide rutinar og gje informasjon om dette framfor å gje nytt heimelsgrunnlag for vedtak. Når det gjeld områda i sjø vil rådmannen rå til at område avsett til molo og privat småbåthamn vert redusert slik at den midtre tredjedelen i vågen er fri for alminneleg ferdsel i sjø. Det vert synt til samla vurdering for nærare omtale av. Kystverket Gjer merksam på at aktuelle tiltak som kaier, flytebrygger m.m. krev løyve frå hamne- og farvannslova 18, 2. ledd. Det er ikkje tilstrekkeleg at tiltaket er synt i reguleringsplan. Etter deira syn bør det difor føyast til i reguleringsføresegnene at tiltak i sjø som faller inn under hamne- og farvannslova skal godkjennast av Bergen omland- og Havnevesen. Dei vil vidare stette merknaden frå Bergen og Omland når det gjeld storleiken på det planlagde småbåtanlegget. Søknad om løyve må sendast Bergen og Omland Havnevesen i god tid før iverksetting av tiltaket. Kystverket har ut frå ei havne- og farvannsmessig vurdering ingen andre merknader til planframlegget.

5 I ein tilleggskommentar sendt per mail til Straume Rådgivning AS, sendt 8. mai 2006, gjev dei støtte til merknaden frå Bergen og Omland Havnevesen når det gjeld storleiken til det planlagde småbåtanlegget. Kommentar: Det vert synt til kommentar av Bergen Omland og Havnevesen sin merknad. Fiskeridirektoratet, region Vest Regionkontoret kan ikkje sjå at planframlegget representerer noko konfliktpotensial i høve registrerte fiskeri- eller akvakulturinteresser i området, og har såleis ingen merknader til planframlegget. FjellVAR Syner til 2.4 i dei femma føresegnene om at det kan leggjast fram vatn til felles vasspost. Dei gjer merksam på at dette krev løyve av FjellVAR på vanleg måte, og at det må avklarast kven som skal stå som ansvarleg for abonnementet. Utover dette har ikkje FjellVAR merknader til planen. Kommentar: rådmannen tek søknadsplikta til orientering og føresett at tiltakshaver tek kontakt med FjellVAR før legging av vassforsyning slik at dette vert løyst på tilfredsstillande måte. BKK Nett AS Gjer merksam på at det går høgspentkablar i utkanten av området. Evt. tiltak som kjem i konflikt kan medføre at desse må omleggjast. Dette må betalast av utbygger dersom ikkje anna er avtalt. Dersom eksisterande nettstasjon ikkje kan forsyne utbyggingsområdet må det setjast av areal for ny nettstasjon. Kommentar: Rådmannen tek merknaden til orientering, men kan vanskeleg sjå at 5 naust vil krevje så stor straumforsyning at det vert trong for ny nettstasjon. Oddvin Vindenes. Meiner at moloen vil komme for langt ut i vågen, og ver for dominerande for dei 11 grunneigarane som har naust og fellesrettar i heimavågen. Dette gjeld særskilt dei som skal inn og ut med båt frå fellesbryggja. Vidare meiner han at kaste- og låssettingsplassen vert øydelagt, og syner til at han har konsesjon for fiske etter makrell med landnot i Heimavågen. Vidare meiner han at moloen bør plasserast på ein annan stad for at innløpet ikkje skal verte for trongt. Han ser og at vegen til hans naust er fjerna frå situasjonskartet, noko som ikkje er akseptabelt. Kommentar: Det vert synt til kommentar til merknaden får Bergen og Omland Havnevesen når det gjeld storleiken på moloen og Fiskeridirektoratet, region vest sin kommentar når det gjeld omsynet til kaste- og låssettingsplassen. Vindenes sitt naust ligg utanfor planområdet, og tilkomst til hans naust er difor ikkje sikra i planen Rådmannen meiner at det ville vore eit føremon om heile Heimavågen og tilliggjande strandsone med naust og bryggjer var regulert i ein heilskapleg plan der dei andre grunneigarane sine interesser også vart vurdert og sikra. Dette let seg diverre ikkje løyse innanfor plangrensa til denne planen.

6 Hogne Vindenes Er uroa for om fellesarealet går tapt dersom Heimavågen skal fyllast med steinmassar, og at det vil vere umogleg å manøvrere ein litt større båt inne i vågen i vind og sjø, med fare for å havarere. Meiner at moloen berre vil skjerme for naustet som ligg nærast moloen. Kommentar: Rådmannen syner til merknaden frå Bergen og Omland Havnevesen og Kystverket, som overordna fagmynde når det gjeld ferdsel på sjøen. Rådmannen meiner at dersom deira merknad når det gjeld storleiken på moloen bør ferdsla i Heimavågen vere tilfredsstillande sikra. Bjarne Vindenes, eigar av Meiner at sjøområdet FS1 ikkje bør vere privat slik at alle skal kunne passere området uhindra med båt, og at fortøying ved nausta kan skje på ein slik måte at alle framleis kan passere uhindra med båt. Kommentar: Rådmannen syner til merknaden frå Bergen og Omland Havnevesen og Kystverket, som overordna fagmynde når det gjeld ferdsel på sjøen. Herman Berland Syner til at Vindenes er ein gammal kastevåg og er felles hamn for 10 bruk. Han meiner at bnr 180 ikkje kan leggje beslag på ein del av vågen som er felles for bnr Moloen vil kunne øydelegge tilkomsten til felles hamn lenger inne i vågen og for framtidig utnytting av området. Vidare meiner Berland at dersom det skal byggjast molo i Heimavågen, bør denne lokaliserast på andre sida av vågen på grunn av ver og vind. Der vil den vere til nytte for alle grunneigarane. Kommentar: Rådmannen syner til merknaden frå Bergen og Omland Havnevesen og Kystverket, som overordna fagmynde når det gjeld ferdsel på sjøen. Rådmannen vil stille seg positivt eit privat framlegg til reguleringsplan for resten av Heimavågen, av omsyn til felleseige og der plassering av ein evt molo større grad kan vurderast ut frå kor den gjer mest nytt i høve vær og vind. Dette ligg likevel utanfor planområdet til denne planen, og må såleis evt. vurderast som eigen sak. Straume Rådgivning AS på vegne av Jarle Vindenes Er usamd i rådmannen sin vurdering ved 1. gongs handsaming om at det ikkje bør vere køyrbar veg ned til moloen/ kaien, og har difor fremma eit alternativt framlegg til plan. I høve framlegget som vart fremma til 1. gongs handsaming er vegen no gjort lenger slik at den ikkje er så bratt, med ein stigning på 1:10, og slik at terrenginngrepa vert mindre. Køyreveg til nausta er viktig for tiltakshavar, då til- og fråtransport av naudsynt materiell/ reiskap i høve aktiviteten på sjøen, vert mykje enklare. Vidare vil det vere høve for personar med ei eller anna form for rørslehemming til å komme seg ned til nausta/ sjøen. Ønskjer at klagen vert teken omsyn til og at ny plan for vegtrasé kan sendast inn for handsaming. Kommentar: Rådmannen har forståing for at det kan vere bekvemt med køyrbar veg fram til naustet. Rådmannen meiner likevel at når P-plassen vert plassert så nært som ca 7,0 meter frå naustveggen, og med tilrettelagt gangveg ned til kaien/ moloen er tilkomsten til nausta, kaien og moloen tilfredsstillande løyst. Rådmannen rår til at ein held fast ved høyringsframlegget når det gjeld parkering og tilkomst til nausta.

7 Hordaland Fylkeskommune, kommunesamarbeid, har ikkje gjeve uttale i saka. I samband med oppstartsmeldinga er tilhøvet til kulturminne vurdert av Bergen Sjøfartsmuseum, som ikkje har kjennskap til kulturminne i sjøen som kan verte direkte berørt av planen sin arealbruk. Området ligg heller ikkje i noko prioritert område når det gjeld kulturminner. Dei har difor ingen merknader til planarbeidet. Dei gjer likevel merksam på varslingsplikta dersom ein skulle støyte på marine kulturminne i samband med gjennomføring av planen. Alternativt framlegg til plan, Planframlegget som vart lagt fram for det faste utval for plansaker ved 1. gangs handsaming synte ein køyrbar veg frå parkeringsplassen og ned til kaien/ moloen med ein stigning på 1:6, noko som er svært bratt. I det alternative planframlegget er vegtraséen gjort lenger slik at stigninga no er på 1:10. Vegen er ca 100 meter lang med ein høgdeskilnad på 10,0 meter. I tillegg teikna inn ein p-plass til på ca kote4,5 med plass til 5 bilar, til saman 10 p-plassar. Eksisterande terreng skrår med ei helling som i snitt ligg på 1:2. Som ein konsekvens av dette er planområdet utvida mot sør for å gje plass til vegen. Dette vil medføre bygging av veg på naboeigedommen med bnr 181, eigd av Knut Vindenes. (Knut Vindenes er varsla om høyringa, men har ikkje uttalt seg i saka). På bakgrunn av dette kan det alternativet planframlegget ikkje godkjennast no. Dersom planutvalet ønskjer å gå vidare med dette planframlegget, må det leggjast ut til ny offentleg ettersyn før det kan godkjennast. I tillegg har ein i samråd med Bergen og Omland Havnevesen justert planområdet i sjøen i nord slik at midtleia er sikra fri ferdsel her. Vidare er moloen knekt i avslutninga for mindre bølgjebrytning. Moloen vert som ein konsekvens av dette forlenga med om lag 2,0 meter. Vurdering: På bakgrunn av innkomne merknader, meiner rådmannen det ville ha vore eit føremon om Heimavågen hadde vore regulert i heilskap, slik at plassering av moloar, brygger, naust med vidare ville vore vurdert i ein meir heilskapleg samanheng, særskilt med omsyn til alminneleg ferdsel på sjøen og fiske. Så lenge denne planen held seg innanfor sin tredel av vågen, og ikkje kjem i direkte konflikt med fiske, meiner rådmannen at denne planen ikkje vil vere til hinder for eller vanskeleg gjere ei evt seinare regulering av den indre delen av Heimavågen. Då dei statlege fiskerimyndene i sin merknad til planen har vurdert det slik at det ikkje er konflikt med fiskeriinteressene, meiner rådmannen at planen kan godkjennast, med dei endringar som kjem fram av rådmannen sin kommentar av merknaden frå Bergen og Omland Havnevesen og Kystverket. Når det gjeld det alternative framlegget til plan, er plangrensa i nord trekt nærare land, slik at område avsett til Privat småbåthamn, sjø ligg innanfor 1/3 av Vågen. Det er her det er smalast og sannsynleg vil vere mest kritisk. I søre delen av planområdet er Vågen om lag 50 meter bred. Moloen som er synt er i det alternative framlegget forlenga frå ca.18 ca 22 meter ut i Vågen, for å gje plass til ein knekk. Rådmannen har ikkje innvendingar mot ein knekk yttarst på moloen dersom dette vil ha ein positiv effekt i høve vær og vind. Rådmannen meiner likevel at det er viktig at moloen held seg innanfor 1/3 av 50 meter, slik at ein ikkje vanskeleggjer ei seinare regulering og utnytting av vågen på motsett side. Det vert synt til kommentar av Straume Rådgiving sin merknad på vegne av tiltakshavar når det gjeld vurdering av vegløysing i det alternative planframlegget. På bakgrunn av dette vil Rådmannen rå i frå at ein gå vidare med det alternative planframlegget.

8 På barkgrunn av ovanståande vil rådmannen rå til at framlegg til reguleringsplan for naust på gnr 26, bnr 180, sist revidert vert godkjent med følgjande endring: - Moloen og privat småbåthamn vert redusert, slik at den midtre tredjedelen i vågen er fri og ikkje til hinder for alminneleg ferdsel i sjø, fiske, eller ei evt. framtidig utnytting av motsett side av Heimavågen.