ENDELEG TILSYNSRAPPORT

Transkript

1 Saksbehandla r: Linn Kvinge Vår dato: Vår referanse: /5994 Dykkar dato: Dykkar referanse: Sygna Vgs AS ved styreleiar Sygnavegen Balestrand ENDELEG TILSYNSRAPPORT Sygna Vgs AS Skolen sin forvaltningskompetanse avgjerder om elevane sine rettar og plikter Postadresse: Postboks 9359 Grønland, 0135 OSLO Besøksadresser: Schweigaards gate 15 B, Oslo Britveien 4, Molde Parkgata 36, Hamar Telefon: Telefaks: E- post: Internett: Bankgiro: Org.nr.: NO

2 Side 2 av 12 Innhaldsliste 1 Innleiing Tema for tilsynet: Forvaltningstilsyn Om gjennomføringa av tilsynet Om tilsynsrapporten Kort om Sygna Vgs AS Rettslege krav Utdannings direktoratet sine observasjonar og vurderingar Avgjerder om inntak av elevar Avgjerder om bortvising av elevar Avgjerder der ein elev eller foreldre ber om tiltak som vedkjem det psykososiale miljøet Utdanningsdirektoratet sine reaksjonar Varsel om pålegg om retting Oppfølging av tilsynsresultata krav om erklæring om at lovbrota er retta Klagerett

3 Side 3 av 12 1 Innleiing Utdanningsdirektoratet fører tilsyn med skolar godkjende etter lov om private skolar med rett til statstilskott (privatskolelova) av 4. juli 2003 nr. 84, jf. 7-2 fyrst e ledd.1 Det rettslege grunnlaget for tilsynet er privatskolelova, forskrifter gjevne med heimel i denne og føresetnadene i godkjenninga av den enkelte skolen i samband med tillatne øvre elevtal og utdanningsprogram. Rettslege plikter etter anna lovgjeving og regelverk blir kontrollerte i den grad privatskolelova, forskriftene til denne eller godkjenninga av skolen viser til det. Dersom det under tilsynet blir avdekt forhold i strid med dei rettslege krava som skolen har fått, kan Utdanningsdirektoratet rea gere på dette i samsvar med reaksjonsregel 7-2a i privatskolelova. Mogelege reaksjonar etter denne regelen er å påleggje retting, halde attende statstilskot, krevje attende statstilskot og trekkje attende godkjenninga av skulen. Utdanningsdirektoratet sitt tilsyn med private skolar er bruk av offentleg styringsrett, og det skjer i samsvar med reglane i forvaltingsretten. Tilsynet skal være prega av at det er ope, likebehandlar, kan etterprøvast og er effektivt. I denne rapporten presenterer vi vurdering ar og konklusjonar frå Utdanningsdirektoratet i samband med det tilsynet som er ført med Sygna Vgs AS, heretter omtala som skolen, i perioden frå og med til og med dags dato. 1.1 Tema for tilsynet: Forvaltningstilsyn Privatskolelova opnar for at private aktørar kan gje barn og unge tilbod om grunnopplæring som eit alternativ til det ordinære offentlege opplæringstilbodet. Føresetnaden for å ha godkjenning og for å få statstilskot er at skolen blir driven i samsvar med dei krava som er fastsett i privatskolelova, i forskrifter gitt i medhald av lova eller i individuelle godkjenningar gitt av Utdanningsdirektoratet. Utdanningsdirektoratet kontrollerer at private skolar som får statstilskot, blir drive i samsvar med dei krava som er satt i eller i m edhald av privatskolelova. Følgjande tema og rettsreglar er kontrollerte i dette tilsynet: Avgjerder om bortvising av elevar Avgjerder om inntak av elevar Avgjerder der ein elev eller foreldre ber om tiltak som vedkjem det psykososiale miljøet Forhold som ikkje er nemnde i denne rapporten har ikkje blitt vurdert av Utdanningsdirektoratet. 1.2 Om gjennomføringa av tilsynet Tilsyn med Sygna Vgs AS vart åpna gjennom eit brev datert Skolen vart i brevet pålagd å leggje fram ulik type dokumentas jon for Utdanningsdirektoratet.

4 Side 4 av 12 Ein førebels tilsynsrapport vart sendt til styret I den presenterte Utdanningsdirektoratet sine førebelse vurderingar og konklusjonar. Styret kunne kommentere på innhaldet i den førebelse rapporten innan I dei tilfella Utdanningsdirektoratet konkluderer med at eit rettsleg krav ikkje er oppfylt, omtalar vi dette som lovbrot. Lovbrot blir følgde opp av pålegg om retting, eller andre reaksjonar etter privatskolelova 7-2a. Med lovbrot meiner vi forho ld som er i strid med krav som følgjer av privatskolelova, forskrifter gjevne med heimel i denne lova, og krav som står i godkjenninga. Med pålegg meiner vi rettsleg bindande krav til skolen om å gjere visse endringar for å rette opp lovbrota. Heimelen for pålegg om retting er privatskolelova 7-2a fyrste ledd. I eigenskap av å være øvste organ etter privatskolelova er det styret ved skulen som er adressat for eventuelle pålegg som blir gjevne i tilsynet. 1.3 Om tilsynsrapporten Tilsynet er gjennomført på grunnlag av opplysningar som kjem fram i innsend dokumentasjon frå styret/skolen (sjå oversikt i vedlegg). Tilsynsrapporten er eit enkeltvedtak etter forvaltingslova 2 bokstav b, og kan påklagast til Kunnskapsdepartementet. Sjå me ir om klagerett og regl ar for dette nedanfor.

5 Side 5 av 12 2 Kort om Sygna Vgs AS Sygna VGS ligg i Balestrand kommune i Sogn og Fjordane fylke og er godkjent etter privatskolelova 2-1 andre ledd bokstav a) på grunnlaget religiøst. Skolen er godkjent for inntil 255 elevar og per 1. oktober 2013 hadde skolen 179 elevar fordelt på studiespesialisering, helse - og oppvekstfag, idrettsfag og påbygging PBY3. Bortsett frå kontroll av skolen sin årsrekneskap har ikkje Utdanningsdirektoratet tidligare ført tilsyn med skolen.

6 Side 6 av 12 3 Rettslege krav Private skolar skal følgje forvaltningslova i saker som gjeld elevane sine rettar eller plikter ved skolen. Forvaltingslova stiller krav til førebuing av enkeltvedtak og krav til innhaldet i enkeltvedtak. Med enkeltvedtak meiner vi av gjerder som blir gjorde under utøving av myndigheit og som gjeld rettar til ein eller fleire bestemte personar. Føresegnene i forvaltingslova kapittel IV og V inneheld generelle reglar om korleis eit enkeltvedtak skal grunngjevast og kva informasjon vedtak et skal gje. Forvaltingslova sine krav til enkeltvedtak gjeld for avgjerder om inntak av elevar, bortvising av elevar og tiltak etter opplæringslova 9a -3 tredje ledd knytt til ein elev sitt psykososiale miljø, jf. privatskolelova 3-1 sjette ledd, 3-10 fjerde ledd og 2-4 andre ledd. Førehandsvarsel om enkeltvedtak Skolen skal førehandsvarsle elevar og foreldre som ikkje allereie har fått uttale seg i saka, jf. forvaltingslova (fvl.) 16. Førehandsvarselet skal gjere greie for kva saka gjeld, og elles innehalde det som er nødvendig for at eleven og foreldra på forsvarleg måte skal kunne ta vare på sine interesser. For at elevane og foreldra skal kunne ivareta sine interesser og få grunnlag for å uttale seg, må varselet opplyse om kva saka gjeld, og det rettslege og faktiske grunnlaget for vedtaket som blir varsla. Varselet må forklare kva saka handlar om, og kva enkeltvedtaket vil innebere for eleven. Varselet må også vise til dei aktuelle føresegnene i lova med forskrift, og kva som er grunngjevinga for avgjerda. I situasjonar der eleven eller foreldra allereie har fått uttale seg (skriftleg eller munnleg) om avgjerda, er det ikkje krav om førehandsvarsel. Førehandsvarsel om enkeltvedtak skal innehalde: a) Kva føresegner i lova avgjerda byggjer på. b) Kva faktiske forhold som er grunnlaget for avgjerda. Skolen skal førehandsvarsle elevar og foreldre som ikkje allereie har fått uttale seg i saka når det skal takast ei avgjerd om bortvising. Varselet skal innehalde dei føresegnene i ordensreglementet og lova som avgjerda byggjer på, og den situasjonen eller dei handlingane frå eleven som er grunnlaget for bortvisinga. Skolen skal også førehandsvarsle elevar og foreldre før det blir teke avgjerder om tiltak etter opplæringslova 9a-3 tredje ledd. I situasjonar der eleven eller foreldra allereie har fått uttale seg (skriftleg eller munnleg) om tiltak knytt til ein elev sitt psykososiale miljø, er det ikkje krav om førehandsvarsel. Førehandsvarsel som gjeld tiltak etter opplæringslova 9a -3 tredje led d, skal informere om dei føresegnene i lova som avgjerda byggjer på og kva forhold rundt eleven sin skolesituasjon som ligg til grunn for tiltaket. Det er ikkje tilstrekkeleg at foreldra har kome med ein generell førespurnad om tiltak for å betre eige barn sitt psykososiale miljø. Foreldra må også få høve til å uttale seg om dei konkrete tiltaka skolen vil gjere vedtak om. Grunngjeving i vedtaket Enkeltvedtak skal grunngjevast, jf. forvaltingslova 24. Forvaltingslova 25 stiller krav til innhaldet i gru nngjevinga.

7 Side 7 av 12 Kravet til grunngjeving bidrar til å sikre at sakshandsaminga blir forsvarleg, og at eleven og foreldra får god informasjon. Eleven eller foreldra kan også klage på enkeltvedtaket og for å gje dei ei reell mogelegheit til å argumentere for sitt syn, må vedtaket grunngjevast. Enkeltvedtak skal innehalde ei grunngjeving der det blir vist til: a) Heimelen for enkeltvedtaket b) Faktiske forhold som er lagde til grunn I grunngjevinga skal det visast til regelen som vedtaket byggjer på. In nhaldet i re gelen skal forklarast i den utstrekning det er nødvendig. Til dømes skal avslag på søknadar om inntak der vilkåra ikkje er oppfylte, vise til dei aktuelle vilkåra i lova. Dersom søknaden blir avslått som følgje av oversøking må det gå fram av vedtaket kva prioriteringsreglar som er lagde til grunn for avslaget. Vedtak om bortvising av ein elev skal vise til privatskolelova 3-10 og den aktuelle regelen i ordensreglementet som eleven har brote. Ved tiltak etter opplæringslova 9a-3 tredje ledd skal vedtak et vise til dei aktuelle føresegnene i lova. Grunngjevinga skal også innehalde dei faktiske forholda som er lagde til grunn i vedtaket. Som eit døme på dette kan nemnast at ved avgjerder om inntak skal opplysningar om søkjaren som er lagde til grunn, gå fr am av vedtaket. Ved bortvising av ein elev må det gå fram opplysningar om kva situasjon eller handlingar frå eleven som er lagde til grunn. Tilsvarande skal forholda som er lagde til grunn rundt eleven sin skolesituasjon kome fram i vedtaket ved tiltak ett er opplæringslova 9a -3 tredje ledd. Informasjon i vedtaket For at eleven eller foreldra skal få reell mogelegheit til å klage på vedtaket, må enkeltvedtak eller underretning om enkeltvedtak innehalde informasjon om klageretten. Etter forvaltingslova 27 skal enkeltvedtaket (eller underretninga om enkeltvedtaket) gje informasjon om: a) Retten til å klage, jf. fvl. 28 b) Klagefrist, jf. fvl. 29 c) Klageinstans, jf. fvl. 28 d) Framgangsmåten ved klage, jf. fvl. 30 og 32 Det er også eit krav om at enkeltvedtaket (eller underretninga om enkeltvedtaket) skal innehalde informasjon om retten til å sjå saksdokumenta, jf. fvl. 18 flg. Foreldra og eleven har rett til å gjere seg kjende med dokumenta som inngår i saka, med mindre det finst grunnar for at det skal gjerast unntak. Det går fram av forvaltingslova 18 og 19 kva tilfelle det skal gjerast unntak frå innsyn. Dersom eit vedtak kan bli gjennomført til skade for parten før ei eventuell klagesak er avgjort, skal det også informerast om retten til å be om utsetjing av gjennomføringa, jf. 42. Både underinstansen og klageinstansen kan avgjere at eit vedtak ikkje skal setjast i verk før klagefristen har gått ut eller klagen er avgjort. Krava til informasjon i vedtaket inneber at enkeltvedtak som gjel d inntak av elevar, bortvising av elevar og tiltak etter opplæringslova 9a -3 tredje ledd alltid skal informere om klagerett, klagefrist, klageinstans, framgangsmåten ved klage og retten til å sjå

8 Side 8 av 12 saksdokumenta. Vedtak om bortvising av elevar skal i tille gg opplyse om retten til å be om at gjennomføringa av bortvisingen blir utsett. 4 Utdanningsdirektoratet sine observasjonar og vurderingar 4.1 Avgjerder om inntak av elevar Sygna VGS har sen dt inn eigenvurdering av skulen sine avgjerder om inntak og sju enkeltvedtak som gjeld avgjerder om inntak. To av enkeltvedtaka gjeld tilbod om skoleplass, medan fire enkeltvedtak gjeld avslag på søknad om skoleplass. Skolen har også lagt ved ein klage på det eine vedtaket om avslag på skoleplass og Fylkesmannen sitt vedtak i klagesaka. I eigenvurderingsskjemaet skriv skolen at enkeltvedtaka om skoleplass er gjorde etter retningslinjene i inntaksreglementet til skolen. I grunngjevinga i vedtaka går det likevel ikkje fram at vurderinga er gjort på bakgrunn av inntaksreg lementet og reglane i privatskolelova 3-1. Utdanningsdirektoratet vurderer derfor at enkeltvedtaka om avslag på skoleplass ikkje oppfyller kravet om at dei skal innehalde ei grunngjeving der det blir vist til heimelen til enkeltvedtaket. Eitt av vedtaka om avslag på skoleplass er grunngjeve med at søkjaren manglar karaktergrunnlag i tre av faga frå VG1 og i dei andre faga meiner skolen at fråværet er så stort at eleven ikkje vil ha tilstrekkeleg utbyte av undervisning på VG2. Utdanningsdirektoratet vurde rer at dette vedtaket inneheld ei grunngjeving der det blir vist til dei faktiske forholda som er lagde til grunn for vedtaket. Dei andre vedtaka som gjeld avslag på søknad om skoleplass er grunngjevne med at skolen har stor søknad på det aktuelle programf aget. Det går ikkje fram av vedtaka korleis skolen har gjort prioriteringa mellom søkjarane og kva prioriteringsgrunnlag søkjaren måtte ha oppfylt for å bli prioritert ved inntaket. Utdanningsdirektoratet vurderer at desse enkeltvedtaka ikkje inneheld ei grunngjeving der det i tilstrekkeleg grad blir vist til dei faktiske forholda som er lagde til grunn for vedtaket. Utdanningsdirektoratet vurderer at Sygna VGS sine enkeltvedtak med avslag på søknad om inntak ikkje inneheld ei grunngjeving der det blir vist til heimelen for enkeltvedtaket og dei faktiske forholda som er lagde til grunn, jf. forvaltingslova 25, jf. privatskolelova 3-1 sjette ledd. Skolen sine enkeltvedtak om inntak eller avslag på søknad om inntak inneheld informasjon om klagerett, klagefrist, klageinstans og framgangsmåten for klage. I eigenvurderinga skriv skolen at dei ikkje har gitt informasjon om retten etter forvaltingslova 18 flg. til å sjå saksdokumenta, men at skolen no har utbetra dette. I det siste enkeltvedtaket dater t er det opplyst om at søkjaren har innsynsrett i dokument som vedkjem inntaket hans/hennar. Utdanningsdirektoratet legg etter dette til grunn at skolen har endra tidlegare praksis og at det siste vedtaket representerer dagens praksis. Utdanning sdirektoratet vurderer at krava i forvaltingslova 27 tredje ledd, jf. privatskolelova 3-1 sjette ledd er oppfylt ved Sygna VGS.

9 Side 9 av Avgjerder om bortvising av elevar Sygna VGS har sendt inn eigenvurdering som gjeld avgjerder om bortvising av elevar. I eigenvurderinga viser skolen til at det i skolereglementet til Sygna VGS står at tidsavgrensa bortvising kan nyttast, dersom ein elev alvorleg eller fleire gongar bryt reglementet eller oppfører seg slik at han/ho er til urimeleg tyngsle for miljøet. Det står óg i skolereglementet at "før det blir gjort vedtak om bortvising eller tap av rettar, skal ein vurdere om det er råd å bruke andre hjelpetiltak eller reaksjonar". Skolen opplyser i eigenvurderinga at dei bruker andre hjelpetiltak før bortvising, og det har ført til at skolen ikkje har vurdert at nokon elev har vore i ein situasjon som kan føre til bortvising. Sidan skolen ikkje har hatt avgjerder om bortvising svarar dei ikkje på spørsmåla 4-8 i eigenvurderingsskjema. Utdanningsdirektoratet finn ikkje grunnlag for å ta stilling til om forvaltningslova sine krav til vedtak om bortvising er oppfylt ved skolen, ettersom skolen ikkje har gjort vedtak om bortvising og heller ikkje har ein mal eller andre dokument som seier noko om korleis eit slikt vedtak vi lle blitt gjort. 4.3 Avgjerder der ein elev eller foreldre ber om tiltak som vedkjem det psykososiale miljøet Sygna VGS har sendt inn eigenvurdering av skolen sine avgjerder om tiltak for å sikre ein elev eit godt psykososialt miljø. Det er sendt inn to enkeltvedtak som gjeld tiltak for å betre det psyksosiale miljøet. I tillegg har skolen lagt ved Sygna VGS sin "Tiltaksplan " på området. Det går fram av eigenvurderinga til skolen og dei to enkeltvedtaka at eleven har fått uttale seg om tiltaka som skolen har gjort vedtak om. Sidan det gjeld ein vidaregåande skole og det er elevane sjølve som har bede om tiltak knytta til sitt skolemiljø, vurderer Utdanningsdirektoratet at det ikkje er krav om at foreldra skulle vore førehandsvarsla i tillegg. Enkeltvedtaka inneheld ikkje ei grunngjeving der det blir vist til heimelen for enkeltvedtaket. Dette oppfyller ikkje kravet i forvaltingslova 25, jf. opplæringslova 9a-3 tredje ledd, jf. privatskolelova 2-4. Det går fram av enkeltvedtaka kva omstend e rundt eleven sin skolesituasjon som ligg til grunn for vurderinga. Enkeltvedtaka inneheld dermed ei grunngjeving der det blir vist til kva faktiske forhold som er lagde til grunn. I enkeltvedtaka er det gitt informasjon om klagerett, klagefrist, klageor gan og framgangsmåten ved klage. Enkel t vedtaka inneheld ikkje informasjon om retten etter forvaltingslova 18 flg. til å sjå saksdokumenta. Krava i forvaltingslova 27, jf. opplæringslova 9a-3, jf. privatskolelova 2-4 er dermed ikkje oppfylte. Skole n har utarbeida ein ny tiltaksplan "Elevane sitt psykososiale miljø" som skal rette på dei manglane skolen har avdekka i si eigenvurdering. Utdanningsdirektoratet har gjort vurderinga på bakgrunn av dei vedtaka som er sendt inn, men ser tiltaksplanen som eit relevant rettingstiltak for framtidige vedtak.

10 Side 10 av 12 5 Utdanningsdirektoratet sine reaksjonar 5.1 Varsel om pålegg om retting Utdanningsdirektoratet gir med heimel i privatskolelova 7-2a fyrste ledd følgjande pålegg: Avgjerder om inntak av elevar 1. Styret ved Sygna VGS skal syte for at det ved avgjerder om inntak blir fatta enkeltvedtak som oppfyller krava i forvaltingslova kap. IV og V, jf. privatskolelova 3-1 sjette ledd. Pålegget inneber at enkeltvedtak om avslag på inntak inneheld informasjon om heimelen for enkeltvedtaket og dei faktiske forholda som er lagt til grunn. Avgjerder der ein elev eller foreldre ber om tiltak som vedkjem det psykososiale miljøet 2. Styret skal syte for at avgjerder der ein elev eller foreldre ber om tiltak som omhandlar det psykososiale miljøet vert handsama etter reglane om enkeltvedtak i forvaltingslova, jf. opplæringslova 9a-3 tredje ledd første punktum, jf. privatskolelova 2-4. Pålegget inneber følgjande: a. At enkeltvedtak inneheld ei grunngjeving der det blir vist til dei faktiske forholda som er lagt til grunn for vedtaket om tiltak. b. At enkeltvedtaket (eller underretninga om enkeltvedtaket) inneheld informasjon om retten etter forvaltingslova 18, jf. 19 til å sjå saksdokumenta. 5.2 Oppfølging av tilsynsresu ltata krav om erklæring om at lovbrota er retta Tiltak for å rette lovbrotet/lovbrota skal setjast i verk straks. Når pålegga er oppfylte skal styret ved Sygna Vgs AS stadfeste dette ved ei skriftleg erklæring til Utdanningsdirektoratet. Frist for å send e inn erklæring er Dersom seinare tilsyn avdekkjer at dei gjevne pålegga ikkje er retta, kan Utdanningsdirektoratet ta i bruk reaksjonar etter den til kvar tid gjeldande reaksjonsregelen.

11 Side 11 av Klagerett Tilsynsrapporten er eit enkeltvedtak ette r forvaltingslova 2 bokstav b, og kan påklagast til Kunnskapsdepartementet. Ein eventuell klage skal sendast til Utdanningsdirektoratet innan tre veker etter at vedtaket har kome fram til styret, jf. forvaltingslova 28 og 29. Om utforming av klage vis er vi til forvaltingslova 32. Skolen har rett til innsyn i saksdokumenta, jf. forvaltingslova 18. Med helsing Bente Barton Dahlberg avdelingsdirektør Linn Kvinge rådgjeva r Dokumentet er elektronisk godkjent. Vedlegg: Liste over dokumentasjon sendt inn av skolen.

12 Side 12 av 12 Vedlegg: Liste over dokumentasjon sendt inn av skolen Eigenvurdering Oversikt over personar med mynde til å ta avgjerder Kop i av ei avgjerd om inntak og fire avgjerder om avslag på inntak (anonymiserte) Kopi av klagesak etter vedtak om avslag på søknad om inntak (anonymisert) Vedtak frå Fylkesmannen (anonymisert) Kopi av to avgjerder om tiltak knytt til ein elev sitt psykososiale miljø (anonymiserte). Kopi av Tiltaksplan Elevane sitt psykososiale miljø.