ENDELEG TILSYNSRAPPORT

Transkript

1 ENDELEG TILSYNSRAPPORT Kravet om skulefagleg kompetanse, jf. opplæringslova 13-1 fjerde ledd. Gjemnes kommune Saksnr.: 2015/3332 Molde,

2 Innhald 1. Innleiing Om tilsynet med Gjemnes kommune Fylkesmannen fører tilsyn med offentlege skolar og kommunar som skuleeigarar Tema for tilsyn Om gjennomføringa av tilsynet Kravet om skulefagleg kompetanse i kommuneadministrasjonen over skulenivå, jf. opplæringslova 13-1 fjerde ledd Rettsleg krav Fylkesmannens undersøkingar Fylkesmannens vurderingar Fylkesmannens konklusjon Avslutning av tilsynet... 6 Vedlegg: Dokumentasjonsgrunnlaget... 7

3 1. Innleiing Fylkesmannen opna tilsyn med kravet om skulefagleg kompetanse i kommuneadministrasjonen over skulenivå, jf. opplæringslova 13-1 fjerde ledd. i Gjemnes kommune. Det er kommunen som har det overordna ansvaret for at krava i opplæringslova blir etterlevde, jf. opplæringslova første ledd. Kommunen er derfor adressat for denne førebelse tilsynsrapporten. Tilsynet har ikkje avdekt lovbrot. Det blir såleis ikkje utsendt førebels rapport. Denne rapporten er endeleg. 2. Om tilsynet med Gjemnes kommune 2.1 Fylkesmannen fører tilsyn med offentlege skolar og kommunar som skuleeigarar Fylkesmannen fører tilsyn med kommunen og offentlege skolar, jf. opplæringslova 14-1 første ledd. Fylkesmannens tilsyn på opplæringsområdet er tilsyn med det lovpålagde, jf. kommunelova 60 b. Fylkesmannens tilsyn med kommunen og offentlege skolar er utøving av myndigheit og skjer i samsvar med reglane for dette i forvaltningsretten. I dei tilfella der Fylkesmannen konkluderer med at eit rettsleg krav ikkje er oppfylt, blir dette sett på som lovbrot, uavhengig av om det er opplæringslova eller forskrifter fastsett i medhald av denne lova som er brotne. 2.2 Tema for tilsyn - Tema for tilsynet er kravet om skulefagleg kompetanse i kommuneadministrasjonen over skulenivå, jf. opplæringslova 13-1 fjerde ledd. - Det overordna formålet med tilsynet er å føre til ei styrking av kommunen si sikring av at kommunenivå har tilstrekkeleg skulefagleg kompetanse, dvs. med nødvendig kapasitet, og med realkompetanse når det gjeld pedagogikk så vel som gjeldande regelverk for skulen. Dette mellom anna for å sikre eit forsvarleg system jf. Opplæringslova Gjennom kontroll med skuleeigar si oppfølginga av dei rettslege krava, skal eventuell lovstridig praksis avdekkjast og rettast opp. - Gjemnes kommune blei valt ut fordi Fylkesmannen gjennom sin kontakt med kommunen, og gjennom informasjon frå pågåande tilsyn med Batnfjord skule sitt arbeid med elevane sitt utbytte av opplæringa, har vore usikker på om krava til skulefagleg kompetanse er oppfylt. 2.3 Om gjennomføringa av tilsynet Fylkesmannen har gjennomført tilsynet med Gjemnes kommune i eigenskap av skuleleigar. Undersøkingane i tilsynet er gjennomført på kommunenivå. Tilsynet skal vere prega av openheit, likebehandling og at det kan etterprøvast og vere effektivt. Tilsynet er utført ved ein gjennomgang av innhenta dokumentasjon.

4 Tilsyn med Gjemnes kommune vart som nemnt opna gjennom brev Fylkesmannen har kravd at kommunen legg fram dokumentasjon med heimel i kommunelova 60 c. Fylkesmannens vurderingar og konklusjonar er baserte på skriftleg dokumentasjon, sjå vedlegg. 3. Kravet om skulefagleg kompetanse i kommuneadministrasjonen over skulenivå, jf. opplæringslova 13-1 fjerde ledd 3.1 Rettsleg krav Nedanfor følgjer dei rettslege krava for tilsynet med kravet om skulefagleg kompetanse i kommuneadministrasjonen over skulenivå, jf. opplæringslova 13-1 fjerde ledd. Kommunen skal ha skulefaglig kompetanse i kommuneadministrasjonen over skolenivået. Kommunen skal ha tilstrekkeleg og relevant skulefagleg kompetanse til å kunne løyse oppgåvene sine etter opplæringslovgivinga på ein forsvarleg og regelverkskonform måte. Kva som er tilstrekkeleg kompetanse, må vurderast konkret, mellom anna ut frå organisasjon, storleik og kompleksitet i kommunen. Den/ dei skulefagleg kompetente i kommuneadministrasjonen skal ha innverknad på dei skulerelaterte avgjerslene som blir tekne i kommunen. Ved funksjonsfordeling må det ikkje vere konflikt mellom dei respektive funksjonane. Den skulefaglege kompetansefunksjonen skal sikrast på ein tilfredsstillande måte kva gjeld arbeidsmengd. Dersom den eller dei som innehar denne funksjonen også har andre oppgåver, må det sikrast tilstrekkeleg restkapasitet til også å løyse oppgåvene etter opplæringslova 13-1 fjerde ledd. Ei funksjonsfordeling med rektorfunksjonen må kunne foreinast med rektor sitt ansvar og arbeidsoppgåver, jf. opplæringslova 9-1. Det må ikkje vere konflikt mellom dei respektive rollane. Forhold som potensielt vil kunne føre til konflikt, er eksempelvis at den skulefaglege kompetente personen i kommunen har instruksjonsmyndigheit over rektoren(-ane) ved skulane i kommunen. Vidare vil det vere problematisk dersom den skulefaglege kompetente personen er involvert i klagesaker som gjeld skulane, eller har innverknad på tildeling til skulane. Når det gjeld klagesaker vil dette berre gjelde i dei tilfella der det ikkje er statleg klage, jf. kap. 15 i opplæringslova. 3.2 Fylkesmannens undersøkingar Fylkesmannen har gjennomgått innsendt dokumentasjon frå Gjemnes kommune, innsendt egenvurderingsskjema, og vurdert dette opp mot førnemnde rettslege krav. 3.3 Fylkesmannens vurderingar Det kjem fram av dokumentasjonen at Gjemnes kommune sidan 2013 har hatt ei organisering utan «skulefagleg ansvarleg», altså utan skulefagleg kompetanse på kommunenivå. Oppgåvene på grunnskuleområdet, som låg til den tidlegare stillinga som avdelingsleiar for oppvekst og kultur, blei då fordelt på rektorane, men det vart ikkje

5 tildelt ressursar til desse oppgåvene i budsjettet. Det har vore prøvd ut ei organisering av dette utan ekstra avsett tid til oppgåvene. Det kjem fram at dette har vore vurdert som lite tilfredsstillande. Frå Fylkesmannen si side vil vi nemne at ei slik organisering er i strid med lova. Det er i eigenvurderingsskjemaet opplyst at kommunen no har skulefagleg kompetanse i kommuneadministrasjonen ved at ein rektor er frikjøpt i 20% stilling og den andre i 10% stilling til oppgåva. Det er dokumentert at kommunestyret i møte har gitt ei tilleggsløyving tilsvarande 20% stilling til formålet. Av eit intern skriv, datert , om budsjettregulering for resten av budsjettåret, kjem det fram at midlar til 20% stilling blir finansiert av nemnde tilleggsløyving og midlar til 10% stilling blir flytta frå løyvinga til rektorstillinga ved Batnfjord skule. Fylkesmannen meiner det såleis er dokumentert at det no er etablert stillingsheimlar på til saman 30% stilling til å ta hand om oppgåver knytt til den skulefaglege kompetansen på kommunenivå. Fylkesmannen går ut frå at det er tilstrekkelege ressursar att til rektorfunksjonen til å ta i vare rektoransvaret og oppgåvene ved Batnfjord skule jf. oppll Det ligg utanfor det varsla tilsynet å kontrollere dette spesielt. Det kjem fram av eigenvurderingsskjemaet at begge personane som tek hand om oppgåvene har pedagogutdanning og for tida er rektorar. Den eine har tidlegare i fleire år hatt funksjonen som skulefagleg ansvarleg på kommunenivå. Det er ikkje i dokumentasjonen vist til ei særskilt vurdering av realkompetansen dei aktuelle personane har innanfor områda pedagogikk og/eller gjeldande regelverk for grunnskulen. Fylkesmannen tolkar det likevel slik at kommunen meiner at denne kompetansen er på plass. På bakgrunn av dei aktuelle personane sin bakgrunn og arbeidserfaring, meiner Fylkesmannen det er sannsynleg at så er tilfelle. Vi vil likevel peike på at det er viktig at kommunen til kvar tid sørgjer for at dei som skal ta hand om oppgåvene som ligg til den skulefaglege kompetansen har nødvendige kvalifikasjonar. Det er sendt over eit dokument som viser kva for arbeidsoppgåver som er lagt til funksjonen med skulefagleg kompetanse, og korleis fordelinga er mellom dei som innehar denne. Utover den konkrete opplistinga av oppgåver er det nemnt at saker som krev felles koordinering, blir behandla av rektorane i møte eller ved annan kontakt. Vidare at saker av prinsipiell karakter, overordna føringar og strategiar og saker som skal til politisk handsaming vert handsama i felles møte med rådmannen. I eigenvurderingsskjemaet er det lista opp datoar for 7 slike møte i løpet av skuleåret 2014/15. Kommunen meiner kapasiteten med til saman 30 % stilling inneber tilstrekkeleg kapasitet til å ta seg av oppgåvene. Regelverket legg ikkje konkrete føringar for stillingsomfanget. Dette kan kommunen vurdere ut frå storleik og kompleksitet. Gjemnes kommune har ca. 300 elevar i kommunale skular og fordelt på to skular. Fylkesmannen finn ikkje grunnlag for å hevde at kapasiteten på det skulefaglege området er for liten til at minstekrava i lova kan bli oppfylt. Fylkesmannen saknar likevel ein tydeleg omtale av eit særskilt ansvar for kommunen sitt forsvarlege system jf. oppll Dette systemet skal syte for at skulane utfører pliktene sine og at elevane får oppfylt rettane sine slik det kjem fram av regelverket.

6 Sidan Fylkesmannen ikkje har varsla tilsyn med oppll , gir vi ikkje pålegg på grunnlag av denne regelen, men tilrår kommunen å vurdere om det er nødvendig å gjere ansvaret for det forsvarlege systemet tydelegare. Kravet om at dei med skulefagleg kompetanse har innverknad på avgjerder på skuleområdet synest vere tatt i vare, i og med systemet det er gjort greie for med møte mellom desse og rådmannen. I eigenvurderingsskjemaet er det gjort ei vurdering av muleg konflikt mellom rollane som rektorar og dei med skulefagleg kompetanse, sidan same personar innehar desse rollane. Det vert hevda at dette ikkje har vore noko problem, og at den tette dialogen med rådmannen vil vareta dette omsynet. Slik Fylkesmannen tolkar organiseringa, er både funksjonane som rektor og som skulefagleg kompetent direkte underlagt rådmannen. Fylkesmannen vurdere at det er lagt til rette for at mulege rollekonfliktar blir handtert på ein forsvarleg måte. Det er opplyst at stillingsdelane blir utgiftsført på eige ansvarsområde, og at det er stilt eige kontor til disposisjon på rådhuset. På bakgrunn av dette vurderer Fylkesmannen at kravet om at ei slik funksjonsfordeling som den vi har her, skal vere arbeidsrettsleg gjennomført og at stillingsprosent er definert, er oppfylt. 3.4 Fylkesmannens konklusjon Fylkesmannen meiner minimumskrava for skulefagleg kompetanse på kommunenivå, slik dei kan utleiast av oppll fjerde ledd er oppfylt i Gjemnes kommune. 5. Avslutning av tilsynet Fylkesmannen har ikkje avdekt lovbrot ved dette varsla tilsynet med Gjemnes kommune si oppfylling av lovkravet om skulefagleg kompetanse i kommuneadministrajonen over skulenivå. Denne konklusjonen byggjer på innsendt dokumentasjon frå kommunen. Tilsynet blir med dette avslutta utan varsel om pålegg om endring. Jørn Thomassen (Assisterande utdanningsdirektør)

7 Vedlegg: Dokumentasjonsgrunnlaget Følgjande dokument inngår i dokumentasjonsgrunnlaget for tilsynet: Oversendingsbrev frå kommunen Utfylt eigenvurderingsskjema Liste over arbeidsoppgåver for overordna skolenivå i kommunen Særutskrift av kommunestyrevedtak av om tilleggsbevilgning m.a. til skolefagleg og barnehagefagleg funksjon Brev av om budsjettregulering Kopi av endring av arbeidsavtale for ein rektor