Side 1 SAMLA SAKSFRAMSTILLING Arkivsak: 13/644-6867/14 Saksbeh.: Arkivkode: Magnhild Gjengedal PLAN sone Saksnr.: Utval Møtedato 27/14 Formannskap/ plan og økonomi 03.04.2014 SAMLA SAK - REGULERINGSENDRING FOR TVEITI/FENNE HYTTEFELT - UTLEGGING TIL OFFENTLEG ETTERSYN Administrasjonen si innstilling: I medhald av plan og bygningslova 12-14 vedtek formannskap, plan og økonomi og legge endring av detaljreguleringsplan for Tveiti Fenne, plan-id 2013005, ut til offentleg ettersyn slik det går fram av plankart, planomtale og reguleringsføresegner datert 05.12.2013, revidert 28.01.2014, signert Arkitektbruket ans. Formannskap/ plan og økonomi den 03.04.2014 sak 27/14 Behandling i møte: Administrasjonen si innstilling vart samrøystes vedteken. Vedtak: I medhald av plan og bygningslova 12-14 vedtek formannskap, plan og økonomi og legge endring av detaljreguleringsplan for Tveiti Fenne, plan-id 2013005, ut til offentleg ettersyn slik det går fram av plankart, planomtale og reguleringsføresegner datert 05.12.2013, revidert 28.01.2014, signert Arkitektbruket ans. Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. * Planutgreiing, datert 05.12.2013, revidert 28.01.2014 * Reguleringsføresegner, datert 05.12.2013, revidert 28.01.2014 * Plankart, datert 05.12.2013, revidert 28.01.2014 * Merknader ved oppstart med kommentarar frå planleggar: Fylkesmannen i Hordaland, datert 27.05.2013 Noregs vassdrags- og energidirektorat, datert 30.05.2013 Statens vegvesen, datert 06.06.2013 Hordaland fylkeskommune, datert 09.07.2013 Kommentar til merknader, datert 05.12.2013 * ROS-analyse, datert 05.12.2013 Vedlegg til saka ligg på Voss kommune si heimeside under kunngjeringar; http://www.voss.kommune.no/artikkel.aspx?mid1=405&aid=76 Har de problem med å opne dokument på heimesida, ta kontakt med planavdelinga på tlf 56519626, eller send e-post til zehra.causevic@voss.kommune.no
Side 2 3. SAMANDRAG AV SAKA: Framlegget gjeld endring av detaljreguleringsplan for Tveiti/Fenne hyttefelt, plan-id 2013005. Ved godkjenning vil denne planen i sin heilheit erstatte tidlegare detaljreguleringsplan Tveiti/Fenne hyttefelt, plan-id 05024, arkivsak: 05/01327. Arkitektbruket ans fremjar planen på vegne av heimelshavar av gnr/bnr 165/1, Arvid Sigvald Helgaset. Bakgrunn for planarbeidet er endring av eksisterande reguleringsplan. Føremålet med endringa er å regulere inn eit tilleggsareal med plass til to ekstra fritidsbustadar i tillegg til dei ni som er der frå før. Ved varsling om oppstart kom det inn fire merknader. Alle frå offentlege instansar. Desse ligg vedlagt. Dei er oppsummert og kommentert av plankonsulent. 4. FAKTA OM SAKA: Arkitektbruket ans har på vegne av tiltakshavar Arvid Sigvald Helgaset fremja endring av detaljreguleringsplan for Tveiti/Fenne hyttefelt. Planprosess: Det vart gjennomført oppstartmøte 25.04.2013. Det vart varsla oppstart av planarbeid i avisa Hordaland den 11.05.2013. Frist for å komme med innspel 07.06.2013. Det kom inn tre innspel innan fristen. I etterkant kom eitt til. Alle innspel frå offentlege instansar. Føremål med planarbeidet: Føremålet med planarbeidet er å utvide eksisterande hyttefelt med to tomter i tillegg til dei ni som ligg i planen frå 2007. Overordna plan: Utvidinga i planforslaget ligg ikkje inne i gjeldande kommuneplan for Voss kommune. Området var derimot med i førre kommuneplan, og har såleis tidlegare vore vurdert som eigna for hyttebygging. Utvidinga gjeld 3,9 daa (sjå kart under), arealet ligg i dag som LNF-område i kommuneplanen. Dei to nye tomtane ligg i småkupert terreng med furuskog og lyngrabbar. Jordsmonnet er skrint, og egnar seg ikkje for dyrking.
Side 3 Fig. 1: Eksisterande plan. Fig. 2: Planlagt utviding av planområde. Planområdet: Planområdet ligg +- 500 moh, sørvestvendt i lia mellom gardane Tveiti, Øvre og Nedre Fenne. Det ligg i si heilheit på gnr/bnr 165/1 i Voss kommune. Området er småkupert og delvis tilvakse med furuskog. Dette gjer at hyttene ikkje verkar dominerande i landskapet. Landskapet er ope med fri sikt i alle retningar. Tilkomst til område er frå fv 306. Det er opparbeidd felles parkeringsplass like ved vegen. Avfallsdunkar er plassert like ved fylkesvegen Fig. 3: Tveitiområdet sett frå sørvest, frå Istadmyrane. Hyttene ligg neddafor den markerte kanten som strekkjer seg horisontalt frå det kvite bustadhuset til venstre i biletet. Innhald i planen: Arealbruk: Planområdet skal nyttast til byggjeområde for fritidsbustader, VA-anlegg, renovasjon, køyreveg og parkering, naturområde og omsynssoner. Planområdet utgjer 56,6 daa. Dette er ein auke på 3,6 daa meir enn eksisterande plan. Utvidinga vil gje to nye hyttetomter, som vist på fig. 2. Både vatn og avløp er dimensjonert for to fleire einingar enn det er i dag. To eldre tomter (B8 og B9), frå før 2007, har eigne opplegg for VA. Kulturminne: Det er ikkje kjende kulturminne i planområdet. Nær og fjernverknad: Planområdet ligg sørvestvendt i lia over Monsvatnet og Istadmyrane. Terrenget er småkupert med furuskog og lyngrabbar. Den naturlege vegetasjonen i området skal takast vare på.
Side 4 Avgrensa hogst, for å betre utsikt og betre soltilhøve, kan utførast etter avtale med grunneigar og hytteeigar. Skogen gjer at det vert minimale nær- og fjernverknader av hyttefeltet. (Sjå fig. 3). Kvalitetar i området: Planområdet har gode kvalitetar for rekreasjon, både for hytteeigarar og turfolk som passerar gjennom området. Leik og opphald, barn og unges interesser: Planområdet er godt egna for aktivitet, både sommar og vinter. Det er ikkje lagt inn særskilte tiltak. Universell utforming: Det er ikkje gjort særskilte tiltak for universell utforming. Stigningstilhøva for vegen er slik at den ville for det meste vere lagleg for rullestol. Infrastruktur og parkering: Tilkomstveg til området er frå fv 306 nordaust i planområdet. Eksisterande parkeringsplass har god kapasitet til den planlagde utvidinga. Biologisk mangfald: Utvidinga av planen vil ikkje ha negative verknader for biologisk mangfald. ROS-analyse: Det er utført eigen ROS-analyse for området. Det er ikkje avdekka særskilde risikofaktorar knytt til utviding av planområdet. Det er ikkje særskilde miljøproblem knytt til støy eller forureining. 5. ADMINISTRASJONEN SI VURDERING: Det kom inn fire merknader til varsel om oppstart. Alle frå offentlege instansar. Under kjem ei oppsummering av merknadane, kommentarar frå planfremjar og administrasjonen. Merknadane og kommentarar ligg som vedlegg til planen. Fylkesmannen i Hordaland, vedlegg i-1, datert 27.05.2013: I brevet legg Fylkesmannen til grunn at planarbeidet er i samsvar med overordna plan, og at det ikkje er i strid med nasjonale føringar for arealpolitikken. Fylkesmannen minner om at endra arealbruk som fylgjer av reguleringsplanen skal vurderast i høve til naturmangfaldet, jfr. Naturmangfaldslova 7-12. ROS-analysen må nytta akseptkriteria som er i tråd med TEK 10, og sjå på risiko både innanfor og utanfor planområdet. Planleggjar sin kommentar: Den planlagde utvidinga av hyttefeltet med 3,9 daa vert liggjande utanfor det området som i arealdelen på gjeldande kommuneplan (2011-2022) er sett av til byggjeområde for fritidsbustader. Utvidinga ligg derimot inne i den som (2007-2018) var vist som hytteområde. Dette er såleis vurdert og akseptert tidlegare, og i oppstartmøte tilrådde administrasjonen at planarbeidet kunne setjast i gang.
Side 5 Det avsette utvidingsområdet er i dag eit småkupert naturområde med jordlag av vekslande djupn og bonitet, kledd med lyng og furuskog. Dei to nye hyttene vil ikkje endre dette biletet drastisk. ROS-analysen vert laga med basis i Voss kommune sin mal, som er utarbeidd i samråd med overordna styresmakter. Administrasjonen sin kommentar: Arealet som inngår i denne planendringa låg tidlegare inne i kommuneplanen. Av den grunn er det tidlegare føreteke ei vurdering av området i høve til konsekvensar ved endra arealbruk, frå LNF til fritidsbustader. Det er opparbeidd kapasitet for to ekstra einingar når det gjeld VA, parkering og renovasjon. Det same gjeld el-forsyning. Den planlagde utvidinga av planområdet vil, etter administrasjonen sitt syn, ikkje føre til drastiske endringar i høve til dagens situsajon. Norges vassdrags- og energidirektorat, vedlegg i-2, datert 30.05.2013: NVE har ingen merknader til planarbeidet Statens vegvesen, vedlegg i-3, datert 06.06.2013: Etaten har ingen merknader til planarbeidet som vert sett i gang, men tek atterhald om å koma med merknader ved offentleg ettersyn. Hordaland fylkeskommune, vedlegg i-4, datert09.07.2013: Planseksjonen har ingen vesentlege merknader til oppstartvarsel. Avdelinga for kulturminne viser tila t deira arkiv ikkje har informasjon om kjende kulturminneverdiar i området, og har såleis ikkje merknader til planarbeidet. Oppsummering og konklusjon: Planforslaget er godt dokumentert gjennom kart, planomtale med føresegner, ROS-analyse og illustrasjonsplan. Viktige tema er omtalt og ivaretatt på ein god måte. Endringa/utvidinga vil ikkje medføre negative konsekvensar for området. Administrasjonen vil tilrå at endring av reguleringsplan for Tveiti/Fenne hyttefelt, plan-id 2013005, vert lagt ut til offentleg ettersyn.