VESTNES KOMMUNE Sentraladministrasjonen Særutskrift Melding om vedtak «MOTTAKERNAVN» «ADRESSE» «POSTNR» «POSTSTED» «KONTAKT» Dato Dykkar ref. Vår ref. Saksnr. Saksbehandlar / Tlf 10.02.2010 «REF» 1459/2010 2008/691 Jan Rune Jacobsen 71 18 40 47 Reguleringsplan Vestnes Renovasjon AS i Øveråslia - Klage Vedlagt følgjer utskrift av Planutvalet sitt vedtak i saka, som med dette blir oversendt Fylkesmannen i Møre og Romsdal til endeleg avgjerd. Helsing Jan Rune Jacobsen planleggar Postadresse: Telefon: Telefaks: Org.nr. Rådhuset 71 18 40 00 71 18 40 01 939 901 965 6390 Vestnes www.vestnes.kommune.no E-post:postmottak@vestnes.kommune.no
VESTNES KOMMUNE Saksframlegg Arkiv: L12 Arkivsaksnr.: 2008/691 Saksbehandlar: Jan Rune Jacobsen Dato: 08.01.2010 Reguleringsplan Vestnes Renovasjon AS i Øveråslia - Klage Utval Møtedato Utvalssak Planutvalet 09.02.2010 7/2010 Administrasjonssjefen si innstilling 1. Planutvalet registrerer at klagarane er ueinige i vurderingar og demokratiske vedtak som er gjort i saka, men avviser klagen idet utvalet meiner at klagarane ikkje har framlagt nye eller vesentlege moment, som ikkje er vurderte før. 2. Saka blir sendt vidare til Fylkesmannen i Møre og Romsdal til endeleg avgjerd Saksprotokoll i Planutvalet - 09.02.2010 Behandling: Avrøysting: Samrøystes vedteke, som innstillinga. Vedtak: Planutvalet sitt endelege vedtak: 1. Planutvalet registrerer at klagarane er ueinige i vurderingar og demokratiske vedtak som er gjort i saka, men avviser klagen idet utvalet meiner at klagarane ikkje har framlagt nye eller vesentlege moment, som ikkje er vurderte før. 2. Saka blir sendt vidare til Fylkesmannen i Møre og Romsdal til endeleg avgjerd Journalpostnr: 1459/2010 Vestnes kommune Side 2 av 5
SAKSUTGREIING: Bakgrunn: Vestnes kommunestyre godkjente i medhald av Plan- og bygningslova (1985) reguleringsplan for Vestnes Renovasjon AS i Øveråslia, den 19.11.2009, sak 99/2009. Alle partar fekk tilsendt særutskrift av vedtaket samt at det vart annonsert i 2 lokalaviser og på kommunen si nettside. Grunneigarar på Sørås; Øystein Solbakken, Jan Eirik Søraas og Jon Søraas, har klaga på vedtaket i brev av 15.12.09. Klagen er komen innafor fristen på 3 veker etter at melding om vedtaket var mottatt. Vurdering: Adm.sjefen registrerer først at desse grunneigarane klagar på generelt grunnlag og er prinsipielt ueinig i plassering av motorsportsanlegg i Øveråslia. Dei meiner at deira merknader ved offentleg ettersyn er for lite kommenterte, debatterte og vurderte og dreg i tvil om forretningsmessige band mellom Vestnes kommune og Vestnes Renovasjon har påverka saksbehandlinga. Adm.sjefen syns det er uheldig at klagarane på denne måten sår tvil om truverd og habilitet til både administrasjon og politikarar, men vel å sjå dette som utslag av sterkt engasjement. Avsnitt nr. 2 i brevet frå klagarane vurderer ikkje adm.sjefen som eit moment i klageskrivet. Klagarane skriv sjølv at dette berre er ein kommentar og adm.sjefen nøyer seg med å fastslå at dette er ein detalj, som vart retta opp undervegs og på ingen måte har hatt verknad for behandling eller vedtak i saka. I tillegg til den generelle delen listar klagen opp moment punktvis med same nummerering som brukt ved behandling av merknaden frå grunneigarane på Sørås i K-sak 99/2009. Momenta referert i kortversjon er: 1. Kommuneplanens arealdel er ikkje tatt omsyn til - ved godkjenning av planen vil store deler av kringliggande areal gå tapt som frilufts- og rekreasjonsområde. 2. Andre alternative lokalitetar er ikkje vurdert. 3. Kan aske vere del av forskrifta sitt krav om KU etter 2, vedk. forbrenningsanlegg? 4. Vil ha KU etter 3, spesielt pga muleg påverknad frå renovasjonsanlegget på Søråsvatnet, ved at måsefuglar infiserer vatnet. Lurer på om faunaen i området kan bli påverka i tida framover. Etterlyser vidare kommunelegens involvering i saka. 5. Same som punkt 1 7. Auka menneskemengde i området er ikkje gunstig for hjortevilt som vil ha ro på dagleiet. Dette er også negativt for mulegheita til smygjakt i stille omgivnader. 8. Kvifor skal fastsetting av buffersone utsettast til detaljplanlegging av motorsportsanlegget og skal det vere ny runde med regulering/-endring? 9. Tilkomst til Søråseigedomen skal sikrast. Støymåling: Klagarane påpeikar at Hammartjønna manglar målepunkt for støy. Ref. føresegnene pkt 5-2 og kart, datert 22.09.09 der målepunkta framgår. Adm.sjefen vurderer dei opplista momenta slik: Journalpostnr: 1459/2010 Vestnes kommune Side 3 av 5
1. Adm.sjefen viser til kommentar punkt 1 og 5 ved behandling av merknaden frå grunneigarane på Sørås i K-sak 99/2009 og presiserer at når saka ikkje er avklart i kommuneplanens arealdel, er det nettopp gjennom ein reguleringsprosess ein best kan vurdere og ev. legge til rette for anna arealbruk enn kommuneplanens arealdel viser. 2. Adm.sjefen gjentar kommentar under punkt 2 ved behandling av merknaden frå grunneigarane på Sørås og kommentaren til innspel frå Kvistad i K-sak 99/2009: Adm.sjefen er einig i at det er mest ideelt med ein overordna planprosess inkl. vurdering av fleire lokalitetar, som grunnlag for reguleringsplan for motorsportsanlegg. Det må likevel registrerast som positivt at initiativtakarane saman med velvillige grunneigarar har kome fram til eit muleg forslag, samtidig som det truleg er vanskeleg å finne gode alternativ. Med bakgrunn i lokalkunnskap vil adm.sjefen legge til at det er vanskeleg å finne eit betre eigna og meir avskjerma område i Vestnes kommune som samtidig har god tilkomst til offentleg veg. I tillegg vil adm.sjefen presisere at det er positivt at motorsportsanlegget vert lokalisert i kombinasjon med eksisterande verksemd (Vestnes Renovasjon), slik at ein ikkje gjer inngrep i nye område og dessutan kan nytte seg av felles infrastruktur. 3. Adm.sjefen viser til kommentar til same punktet (3) ved behandling av merknaden frå grunneigarane på Sørås i K-sak 99/2009 og kan ikkje sjå at aske frå forbrenningsanlegg i Ålesund skal utløyse krav om KU etter 2. 4. Adm.sjefen viser til kommentar punkt 4 og 6 ved behandling av merknaden frå grunneigarane på Sørås i K-sak 99/2009. Kommunelegen er fast høyringsinstans i reguleringssaker og han har ikkje hatt merknader til planen. Adm.sjefen har ikkje vurdert innspelet om den europeiske ålen og Søråsvatnet som relevant grunnlag for å vurdere å kreve KU i denne saka. Motorsportsanlegget ligg slik til at det ikkje ha påverknad på ålen og Søråsvatnet. Adm.sjefen ser heller ikkje at innspelet er relevant på dette tidspunkt i Vestnes Renovasjons historie, når kompostering av hushaldningsavfall er slutt. Dersom det fins ein årsakssamanheng mellom fugl frå VR og makk i vatnet, er konklusjonen openbart at trusselen blir mindre og forholda betre både for ålen og Søråsvatnet. Kompostering av hushaldningsavfallet vart avslutta uavhengig av reguleringsplanen. Adm.sjefen meiner derfor at denne diskusjon eventuelt også må haldast uavhengig av denne reguleringsplanen. 5. Viser til kommentarar under pkt. 1 og 8. 7. Adm.sjefen viser til kommentar til same punktet (7) ved behandling av merknaden frå grunneigarane på Sørås i K-sak 99/2009. Om hjorten kanskje må finne anna dagleie og smygjakta må justere seg tilsvarande, kan etter adm.sjefen si vurdering ikkje leggast så stor vekt på at reguleringsplanen bør endrast. 8. Adm.sjefen viser først til kommentar til same punktet (8) ved behandling av merknaden frå grunneigarane på Sørås i K-sak 99/2009. Når det gjeld måten å løyse reguleringsspørsmålet på, har Vestnes kommune i denne saka vald at detaljane for motorsportsbana kan avklarast i ettertid, slik at reguleringsplanen på dette punktet er å rekne for ei flateregulering; ei prinsippavklaring for bruken av det aktuelle arealet. 5-2 i føresegnene sikrar at tilfredstilande detaljplan for motorsportsanlegget skal utarbeidast før endeleg godkjenning kan gjevast. 9. Adm.sjefen viser til kommentar til same punktet (9) ved behandling av merknaden frå grunneigarane på Sørås i K-sak 99/2009. Støymåling: Dei viste målepunkta i kartet, datert 22.09.09, utgjer eit representativt utval av strategiske punkt, som skal gi grunnlag for utarbeiding av støyberekningar og vurdering av støypåverknad i friluftsområdet. Dersom målepunkta viser seg ikkje å gje godt nok grunnlag for støyvurderingane, kan målingane supplerast med t.d. eit pkt. ved Hammartjønna. Dette blir vurdert av Vestnes kommune i samband med detaljplanlegginga. Journalpostnr: 1459/2010 Vestnes kommune Side 4 av 5
Oppsummering Adm.sjefen viser til saksbehandling i K-sak 99/2009 og spesielt til kommentarane av klagen frå grunneigarane på Sørås og held fast ved desse vurderingane. Når klagarane skriv at adm.sjefens kommentarer er vel identiske med tiltakshavers, synes adm.sjefen det er på sin plass å presisere at vurderingane er gjort på sjølvstendig grunnlag, der fleire av medarbeidarane har vore involverte. Sjølv om adm.sjefen har respekt for at klagarane er prinsipielt ueinig i reguleringsplanen, meiner adm.sjefen at klagen ikkje inneheld nye moment eller innspel av vesentleg karakter, som gjer det aktuelt å ta klagen heilt eller delvis til følgje. Særutskrift til: Klagarane Vestnes Renovasjon AS JOBing v/jostein Bø Fylkesmannen i Møre og Romsdal Vedlegg: 1 Klage på vedtak i kommunestyret sak 99/2009 - Reguleringsplan for Vestnes renovasjon AS i Øveråslia. 2 Særutskrift - Reguleringsplan for Vestnes Renovasjon AS i Øveråslia 3 Annonse - Vedtak om reguleringsplan 4 Godkjente reguleringsføresegner - Reguleringsplan - privat - Øveråslia - gnr 56 bnr 3,4,9 5 Revidert plankart datert 22.09.2009 - reguleringsplan - privat - Øveråslia - gnr 56 bnr 3,4,9 6 Forskrift om konsekvensutredningar 7 Stader for måling av støy - reguleringsplan - privat - Øveråslia - gnr 56 bnr 3,4,9 8 Kommentarar til merknadene etter offentlig ettersyn 9 Jordskiftesak 10 Notat om skogsvegrettar 11 Merknader til utlagt reguleringsplan for Vestnes Renovasjon i Øveråslia 12 Reguleringsplan Øveråslia - Plandokument del 1 - revidert 13 Reguleringsplan Øveråslia - Plandokument 2 Journalpostnr: 1459/2010 Vestnes kommune Side 5 av 5